حصريا اسعار قطع غيار البونتو

[Moe86]

كلها موجودة عند كذا محل منهم الكيلانى , و أغلبها بنص سعر التوكيل
و نصيحة أمن عليها علشان لو عملت حادثة لا قدر الله و الايرباج فتحت

[maxayma]

كلها موجودة عند كذا محل منهم الكيلانى , و أغلبها بنص سعر التوكيل
و نصيحة أمن عليها علشان لو عملت حادثة لا قدر الله و الايرباج فتحت

شكرا يا باشا وانا كده كده ناوى اعمل تأمين ان شاء الله على العربية اللى هشتريها ان شايف ان العربية دى معاك يا ترى ايه رايك فيها و فى التوكيل عوما علشان انا مقتنع بيها جدا كفاية انها ايطالى بس انت عارف الكلام اللى على الفيات فى قطع الغيار و الريسيل و الذى منه

[Moe86]

فى الresale ضايعة جدا زيها زى العربيات الأوروبى كلها , من الأخر لو ناوى ان العربية تقعد معاك 5 سنين أو أكتر اتوكل على الله و هاتها
قبل ما تشتريها بص على العربيات اللى فى نفس الفئة السعرية زى الفيرنا, الجيتز, الأفيو, الانوس , البروتون ساجا علشان ما تحسش انك اتسرعت بعد كدة , رأيى الشخصى انها أفضل منهم كلهم كأمان و جودة بس برضو لازم تبص بنفسك

[Mostafa.Mahran]

الاسعار تعتبر غالية بالنسبة لسعر العربية

[maxayma]

فى الresale ضايعة جدا زيها زى العربيات الأوروبى كلها , من الأخر لو ناوى ان العربية تقعد معاك 5 سنين أو أكتر اتوكل على الله و هاتها
قبل ما تشتريها بص على العربيات اللى فى نفس الفئة السعرية زى الفيرنا, الجيتز, الأفيو, الانوس , البروتون ساجا علشان ما تحسش انك اتسرعت بعد كدة , رأيى الشخصى انها أفضل منهم كلهم كأمان و جودة بس برضو لازم تبص بنفسك

شكرا على الرد انا بس عندى استفسار ان شوقت الموضوع بتاع الشكوى اللى الناس ناوية تبعتها لفيات ايطاليا و مكتوب هناك ان قطع الغيار غالية بس دى مفهوم ليه لانها فى التوكيل بس كمان مكتوب ان سعر الصيانات الدورية غالى على عربية بالسعر ده و دا اكيد عيب خطير يعنى قطع الغيار و حتى موضوع تأمين علشان الاير باج مقدور عليها بس حتة الصيانة اكيد مش حلوة انت اى رأيك؟؟

[Moe86]

صيانة ال10,000 بتكلف 450 جنيه تقريبا
ال20,000 بتكلف 700 تقريبا و لو غيرت تيل الفرامل هتكلف 950 تقريبا
ال30,000 زى ال10,000
ال40,000 هاتكلف 1500 (بس مش متأكد بالظبط)

الأسعار غالية نسبيا مقارنة بالعربيات التانية الكورى بس مقارب لصيانة الماركات الأوربى التانية

الشكوى مش علشان الصيانة غالية بس
الشكوى علشان حاجات كتيييير متجمعة مع بعض (الصيانة , قطع الغيار ,المعاملة مش قد كدة, قلة الدعاية, قلة مراكز الصيانة,....)

[Moe86]

الصورة مش شغالة, يرجى رفعها من جديد على سيرفر تانى

[SharpArrow]

صيانة ال 40000 كم للبونتو الكلاسيك تكلفتها اغلى من الجراند بونتو و هي 2300 جنيه مش 1500
و لو غيرت تيل فرامل هتقفل 2500 جم مستريح واخد الكلام ده من مهندس شريف في مركز الصيانة في جسر السويس
مش عارف اقول ايه بصراحة

[SharpArrow]

طب يا جماعة هى البونتو الكاسيك اى نظام قطع غيارها برة التوكيل منتشؤة و الاسعار كام مادام هى غالية فى التوكيل علشان انا ناوى اشتريها علشان الخصم بتاع اتوماك (من 70 الف بقت ب 66 الف) ياريت حد يساعدنى

بصراحة قطع الغيار فيها نقص في السوق بشكل ملحوظ جدا و انا بعاني المشكلة دي لاني مش عارف لحد دلوقتى اجيب فانوس امامي للعربية بدل المكسور لانه مش موجود ولا حتى عند الكيلاني

بس مش كل قطع الغيار فيه و فيه

بس مش معنى كده ان العربية وحشة بالعكس قد ما هي حلوة جدا قد ما فيها العيوب دي
هتغلب عشان تجيبلها قطع غيار برة التوكيل

[Moe86]

حضرتك مش لاقى عند الكيلانى؟ أنا اشتريت واحد "ديبو" اندونيسى على ما أفتكر من عنده من 6 شهور تقريبا ب470 جنيه
و على فكرة لمحت فانوسين عند واحد فى وكالة البلح من فترة, سعر الاستعمال 180 تقريبا, بيبقى فيه خدوش بسيطة بس

بس مش كنت عايز تصلحه عند شركة الأهرام من زمااااان ؟

[SharpArrow]

منا اخيرا صلحتة امبارح بس
اصل كنت حاتل هم اني افك الفانوس و ياخد يومين في صبه و العربية تمشي من غير فانوس و اخد مخالفة امن و متانة ده غير اني مبقدرش استغنى عنها بس لما رحتله امبارح على 11 الصبح قللي هخلصهالك على 7 بالليل فا قلت تمام كده هلاقي زي كده فين

فا عملته الحمد لله اخيرا و عمله حلو جدا و اتكلف 100 جنيه
بس صدرني للكهربائي اللى جمب الشركة على طول عشان يفك الفانوس و قللى تكلفة فكه و تركيبه 40 جنيه (هل ده كتير ولا كويس؟ لاني حاسس انه بيستهبل) بس ما علينا هو تكلفة كليه 140 جنيه احسن من 470 طبعا

و بالنسبة للكيلاني الستوك عنده خلص من الفوانيس و مفيش عنده دلوقتى خالص يعني حتى لو حبيت اشتري زيرو مش هلاقي و سألت في الوكالة و الحرفيين مفيش خالص و سبحان الله اللى عنده بيبقى عنده الفردة الشمال بس حاجة غريبة زي ما يكون اليمين دي اتلغت من العربية او مستحيل تتغير (و انا اليمين هو اللي كان مكسور)

[Moe86]

اليمين اتكسر منى مرتين قبل كدة برضو و الشمال سليم !
هو فك الاكصدام علشان يغير الفانوس ؟ أنا أخر مرة غيرته دفعت 30 جنيه فى التركيب, بس المهم دلوقتى ان الفنوس تمام معاك
بس بصراحه, الفانوس شكله كام % زى الجديد ؟

[SharpArrow]

الفانوس اديله 90% زي الجديد و لولا ان الفانوس الأصلي مفيهوش اي خطوط او شكل معين على الباغة نفسها كان هيبقى اقل
بس هي نتيجة مرضية جدا
بس عيبه بقى ان لما تغسل العربية الفانوس بيشبر و بيعد مشبر فترة لغاية ما المياة اللى جوه تتبخر من الشمس او اي حرارة
عموما انا حاطط في دماغي انه حل مؤقت لغاية ما اسعار قطع الغيار تهدى شوية بس هو حل كويس جدا و موفر

[bayoumisoft]

أسعار مبالغ فيها جدااااااااااا في حاجات كتير , انا كنت بفكر فى العربية لغاية النهاردة لما شفت الاسعار دى

صرفت نظر تماما

[killypunto]

حضرتك مش لاقى عند الكيلانى؟ أنا اشتريت واحد "ديبو" اندونيسى على ما أفتكر من عنده من 6 شهور تقريبا ب470 جنيه
و على فكرة لمحت فانوسين عند واحد فى وكالة البلح من فترة, سعر الاستعمال 180 تقريبا, بيبقى فيه خدوش بسيطة بس

بس مش كنت عايز تصلحه عند شركة الأهرام من زمااااان ؟

هى ايه شركة الاهرام دى يا باشا؟ انا اصلى عندى وش الفانوس بايظ خالص و عايز اصب واحد عشان يبقى رخيص عليا شويه لان فى مصاريف تانيه للعربيه مهمه