حصريا اسعار قطع غيار البونتو

[khalid_adel]

اولا تسلم يابو قاسم يامظب الفيتاويه
ثانيا انا بحسد ملاك البونتو لان الصراحة قطع الغيار بالسعر ده تحفة (بغض النظر عن الابواب لاقدر الله ) لكن الباقي تمام
استمرو مع التوكيل بقى مفيش حجه :):):)

[Moe86]

اولا تسلم يابو قاسم يامظب الفيتاويه
ثانيا انا بحسد ملاك البونتو لان الصراحة قطع الغيار بالسعر ده تحفة (بغض النظر عن الابواب لاقدر الله ) لكن الباقي تمام
استمرو مع التوكيل بقى مفيش حجه :):):)

حرام عليك, حضرتك مع أوماطرة كدة ليه ؟!
فى حاجات واردة تتكسر غالية قوى برضو فى عربية تعتبر رخيصة, زى الاكصدام الامامى و الازاز و الفوانيس اللى ب1300 جنيه

[khalid_adel]

حرام عليك, حضرتك مع أوماطرة كدة ليه ؟!
فى حاجات واردة تتكسر غالية قوى برضو فى عربية تعتبر رخيصة, زى الاكصدام الامامى و الازاز و الفوانيس اللى ب1300 جنيه

حبيب قلبي والله مش قصدي
اصل انا كان معايا برافو وانت فاهم قطع غيارها ازاي :)

[ahmadmidop]

حبيب قلبي والله مش قصدي
اصل انا كان معايا برافو وانت فاهم قطع غيارها ازاي :)

مفهوم بس حضرتك كنت دافع في البرافو كااام .... والبونتو بكام فالموضوع نسبة وتناسب وتقبل تحياتي

[samygooo]

أحب أضيف بعض الاسعار من خلال تعاملى فى بونتو 2000
طقم الدبرياج ---------------- 500 ج
كارتيرة ( حلة موتور )-------- 650 ج
أويل سيل كرنك ----------- 40 ج------------------(للعلم ..التقليد ب 5 ج و 10 ج ولا يعيش سوى شهرين بالكتير
عدد 2 أويل سيل كرنك أمامى 70 ج----------(للعلم ..التقليد ب 5 ج و 10 ج
ترس كرنك أمامى --------------- 300 ج
مقص تركى كامل -------------- 400ج
من عند الكيلانى بشارع شامبليون

[graffittiii]

زجاج أمامي ... 1523 ... غالبا مضاد للرصاص..
باب خلفي ......3413..... لاتعليق.
أحنا بنتكلم ف عربية 1300 سي سي وأعلي فئة فيها مش هتعدي 85 حصان ..
عشان كده هيفضل كل الأوروبي ملوش سوق ف مصر... ولاعزاء لكل العربيات الأوروبي المتميزة.

[SmartMega]

التوكيل غالي جدا بطريقة مبالغ فيها
الكيلاني اسعاره حلوه جدا وممكن كمان تكلم حامد شغال في المحل بتاع الكيلاني وهو يسقطلك اي حاجة انت عايزها استيراد بسعر لقطة وعلي ضمانتة
عن تجربة : فتيس بونتو استيراد ب 500 جنية بحاله ممتاز وبضمان من الكيلاني وده كان لواحد صاحبي معاه بونتو 95
اما انا بقي فالكيلاني كان جايب موتور استيراد قدامي بحاله فوق الممتازة فكيت منه الفرن اللي هو بيوصل علي الشكمان واخدته ب 450 جنية مع العلم انه جديد سعت انه بيعدي ال 2000 جنية
وفي النهاية في حاجات ممكن تجاب استيراد وحاجات لازم تتجاب زيرو
انا شايف ان قطع الغيار اسعارها مناسبة جدا بس مش اللي مكتوبة فوق طبعا بتاعة التوكيل إنما بره ارخص بكتير
ودي نمرة الحج حامد شغال في محل الكيلاني جدع جدا وبصراحة الراجل عمل معايا واجب كذا مره علشان لو عايزيين تعرفوا سعر اي حاجة اتصلوا وهو يقولوكو بكام وموجوده ولا لأ
حامد 0129501353
والف شكر يا جماعة علي الموضوع الجميل ده

[dds_shb]

انا احب اضيف لقايمة الاسعار بالنسبة لبونتو 95 :
كويل موتور تركى 100
مروحة تبريد موتور 150
موتور مساحات امامى (استعمال خارج) 80
فلتر بنزين تركى 45 (flow)
تارة قيات بونتو اصلى ايطالى (استعمال خارج) 120
بوجيهات ngk 60 واحد شمعة
غطاء تانك الزيت ايطالي 35
غطاء طرمبة المياة 30

[Dr/ P.K.Sh]

very expensive

[misoalex]

انا احب اضيف لقايمة الاسعار بالنسبة لبونتو 95 :
كويل موتور تركى 100
مروحة تبريد موتور 150
موتور مساحات امامى (استعمال خارج) 80
فلتر بنزين تركى 45 (flow)
تارة قيات بونتو اصلى ايطالى (استعمال خارج) 120
بوجيهات ngk 60 واحد شمعة
غطاء تانك الزيت ايطالي 35
غطاء طرمبة المياة 30

ممكن تقوللى جبت الحاجات دى منين

[dds_shb]

ممكن تقوللى جبت الحاجات دى منين

على فكرة نسيت اضيف حاجة المروحة دى الكبيرة الاصلى بتاعت الموديلات الحديثة مش المقاس الصغير بتاعها اللى كانت راكبة
والتارة مش العادية دى فيها كونترول للكاسيت
بالنسبة لاماكن الحاجات فالغطيان(الاصلى مش الصينى عشان ليها حسابات معينة فى تنفيس الهواء) والقلاتر والتارة والبوجيهات من صلاح الدين
اما الكويل والمروحة عند احمد لانشيا اللى عند نادى الصيد والسعر طبعا شامل مصنعية التركيب
وموتور المساحات كان فى قدامى صينى ومرضتش اجيبوا وعامل 50 وده كان عند كهرباءى

[misoalex]

على فكرة نسيت اضيف حاجة المروحة دى الكبيرة الاصلى بتاعت الموديلات الحديثة مش المقاس الصغير بتاعها اللى كانت راكبة
والتارة مش العادية دى فيها كونترول للكاسيت
بالنسبة لاماكن الحاجات فالغطيان(الاصلى مش الصينى عشان ليها حسابات معينة فى تنفيس الهواء) والقلاتر والتارة والبوجيهات من صلاح الدين
اما الكويل والمروحة عند احمد لانشيا اللى عند نادى الصيد والسعر طبعا شامل مصنعية التركيب
وموتور المساحات كان فى قدامى صينى ومرضتش اجيبوا وعامل 50 وده كان عند كهرباءى

انت بتصلح عند احمد لانشيا ؟؟

تقييمك ايه ليه ولشغله بعد التعامل معاه

وسؤال هو انت عندك ترموثتات الكوعه ولا شايلها

[dds_shb]

انت بتصلح عند احمد لانشيا ؟؟

تقييمك ايه ليه ولشغله بعد التعامل معاه

وسؤال هو انت عندك ترموثتات الكوعه ولا شايلها

بص يا باشا حقولك مميزاته و عيوبه
المميزات انه فعلا بجد مش حتلاقى حد بيفهم اكتر منه فى الفيات وده على مستوى الاسكندرية كلها
زاءد ان عنده جهاز كشف الاعطال مش حتلاقيه بردو غير عندو (انا جربتو والحمد لله مطلعش عندى اعطال غير كويل) وبصراحة راجل محترم جدا ومهندس فاهم ودارس بيعمل ايه مش اى فتى وخلاص وانت اكيد مجرب ميكانيكية وفاهم قصدى وعندوا قطع غيار ممكن متلاقيهاش غير عندو عشان هو بيستورد تقريبا وبعد ميصلحلك ويقفل الشغل صح يغسلولك العربية ولا كانو توكيل بصراحة عشرة على عشرة
بالنسبة للعيوب فمعظم الوقت عندو زحمة جامدة واسعاره ممكن تكون غالية شوية زاءد ان مكانه بعيد شوية
بالنسبة للترموثتات عندى مش شايله بس ليه بتسأل عنه ؟؟
هو انت معاك عربية ايه ؟؟

[misoalex]

بص يا باشا حقولك مميزاته و عيوبه
المميزات انه فعلا بجد مش حتلاقى حد بيفهم اكتر منه فى الفيات وده على مستوى الاسكندرية كلها
زاءد ان عنده جهاز كشف الاعطال مش حتلاقيه بردو غير عندو (انا جربتو والحمد لله مطلعش عندى اعطال غير كويل) وبصراحة راجل محترم جدا ومهندس فاهم ودارس بيعمل ايه مش اى فتى وخلاص وانت اكيد مجرب ميكانيكية وفاهم قصدى وعندوا قطع غيار ممكن متلاقيهاش غير عندو عشان هو بيستورد تقريبا وبعد ميصلحلك ويقفل الشغل صح يغسلولك العربية ولا كانو توكيل بصراحة عشرة على عشرة
بالنسبة للعيوب فمعظم الوقت عندو زحمة جامدة واسعاره ممكن تكون غالية شوية زاءد ان مكانه بعيد شوية
بالنسبة للترموثتات عندى مش شايله بس ليه بتسأل عنه ؟؟
هو انت معاك عربية ايه ؟؟

معايا سيينا 2000
بسأل على ترموستات الكوعه عشان انا روحت مره عند احمد لانشياوقاللى ان كل العربيات اللى بتجيله بيشيل منها الترموستات دى
والعربيه عندى كانت واخده هوا بسبب خرطوم وفك ترموستات الكوعه عندى لقاها كمان متشاله من المالك القديم فقاللى كويس لكن لازم نلغى خرطوم بيدخل ميه للكوعه ملوش لزمه طالما شيلنا الترموستات وحيسده بحاجه عشان ميدخلش ميه للكوعه وسيبته يسده بس من ساعتها خايف يكون انه لما سد الخرطوم ده يأثر على حاجه تانيه فى العربيه

بس هو راجل محترم فعلا
بس اللى شغالين عنده نص كم خااااالص وعيال مش بتاعه شغل وواحد من اللى عنده كنت حاطط ميه موبيل قبل مروحله بيومين قولت للواد اللى شغال حجيبلك جركن تنزلها فيه عشان دى ب 80 جنيه ولسه جديده روحت اصلى ورجعت لقيته نزلها على الارض بقوله ليه عملت كده قاللى البشمهندس قاللى فك وانا فكيت بصراحه نرفزنى وكنت عاوز ازعق معاه بس مرضيتش عشان دى اول مره اروح المكان ومش عاوز اخسرهم
وده غير كام حاجه تانيه والصنايعيه شغالين لاحظتها عرفت انهم مش بتوع شغل لكن الصراحه لما البشمهندس احمد بيبقى واقف بيشخط فيهم ويخليهم يشتغلو لكن مجرد ما يغيب يرجعو يعبطو تانى

وبعدين فعلا موضوع غسيل العربيه بالبنزين ده شوفته فى عربيه كان بيسلمها واستنيت يعملها عندى معملهاش قولت جايز صاحب العربيه هو اللى طلب منه كده وكان المفروض انا كمان اطلب منه بس انا ميفرقش معايا الغسيل والكلام ده

انا اهم حاجه عندى يكون اللى شغال عنده امانه وفاهم مش عكاك
وفعلا المشكله ان مكانه بعييييييد وعلى طول زحمه وشوفته بيمشى زباين من عنده عشان مش فاضى

انت متعملتش مع حد تانى غير احمد لانشيا
اصل اغلب اللى انا اعرفهم مكانيكيه عاديين وبيفهمو فى العربيات الفيات القديمه لكن الجديده مش فاهمين فيها وبيفتو وخلاص

[dds_shb]

معايا سيينا 2000
بسأل على ترموستات الكوعه عشان انا روحت مره عند احمد لانشياوقاللى ان كل العربيات اللى بتجيله بيشيل منها الترموستات دى
والعربيه عندى كانت واخده هوا بسبب خرطوم وفك ترموستات الكوعه عندى لقاها كمان متشاله من المالك القديم فقاللى كويس لكن لازم نلغى خرطوم بيدخل ميه للكوعه ملوش لزمه طالما شيلنا الترموستات وحيسده بحاجه عشان ميدخلش ميه للكوعه وسيبته يسده بس من ساعتها خايف يكون انه لما سد الخرطوم ده يأثر على حاجه تانيه فى العربيه

بس هو راجل محترم فعلا
بس اللى شغالين عنده نص كم خااااالص وعيال مش بتاعه شغل وواحد من اللى عنده كنت حاطط ميه موبيل قبل مروحله بيومين قولت للواد اللى شغال حجيبلك جركن تنزلها فيه عشان دى ب 80 جنيه ولسه جديده روحت اصلى ورجعت لقيته نزلها على الارض بقوله ليه عملت كده قاللى البشمهندس قاللى فك وانا فكيت بصراحه نرفزنى وكنت عاوز ازعق معاه بس مرضيتش عشان دى اول مره اروح المكان ومش عاوز اخسرهم
وده غير كام حاجه تانيه والصنايعيه شغالين لاحظتها عرفت انهم مش بتوع شغل لكن الصراحه لما البشمهندس احمد بيبقى واقف بيشخط فيهم ويخليهم يشتغلو لكن مجرد ما يغيب يرجعو يعبطو تانى

وبعدين فعلا موضوع غسيل العربيه بالبنزين ده شوفته فى عربيه كان بيسلمها واستنيت يعملها عندى معملهاش قولت جايز صاحب العربيه هو اللى طلب منه كده وكان المفروض انا كمان اطلب منه بس انا ميفرقش معايا الغسيل والكلام ده

انا اهم حاجه عندى يكون اللى شغال عنده امانه وفاهم مش عكاك
وفعلا المشكله ان مكانه بعييييييد وعلى طول زحمه وشوفته بيمشى زباين من عنده عشان مش فاضى

انت متعملتش مع حد تانى غير احمد لانشيا
اصل اغلب اللى انا اعرفهم مكانيكيه عاديين وبيفهمو فى العربيات الفيات القديمه لكن الجديده مش فاهمين فيها وبيفتو وخلاص

بصراحة انا معرفش موضوع الترموستات ده بس انا رأيي اكيد مهم !! فيات مش حتعمل حاجة على الفاضى بس خد برأى المهندس عشان انا اخدت برأيه فى موضوع المروحة عندى وبصراحة كنت شاكك فى كلامه بس طلع فعلا هو الصح
انا معااااك تماما فى اللى شغالين عنده بس للاسف احنا مضطرين ونصيحة منى حاول تنزل لمستواهم وتراضيهم بحاجة بعد الشغل حتلاقيهم يظبطوا معاك المرة اللى بعدها
اكيد مش مقياس طبعا غسيل العربية بس انا كان قصدى بعد تقفيل الشغل وانا عاينته بنفسى
انا بتعامل مع واحد ميكانيكى جمب البيت احتياط عشان يسعفنى لو احتجته
ومن الاخر كده نصيحة منى شوف ميكانيكى جنب بيتك فى المنطقة اعمل عنده اى حاجة بسيطة او متوسطة والتقيل على المهندس وان شاء الله ربنا يباركلك فيها السيينا ماشاء الله عربية عملية جدا بس مطحتش بنزين اقل من 92 نصيحة عشان العربية تعمر معاك