تظبيطات تمبرا و بيان اسعار

[caysersosaih]

انا ساكن من 3 سنين بس وان شاء الله اما هانقل اخر السنه او هاسافر وعشان كده لما هتشوف عربيتي هتلاقيها محتاجة وش نضافه مع انها مافيش خبطات ولا حاجة بس خربوش صغير هنا حاجات كده يعني
وبصراحه انا باهتم اكتر بالمكنة والحاجات دي

[heshamzaky]

انا ساكن من 3 سنين بس وان شاء الله اما هانقل اخر السنه او هاسافر وعشان كده لما هتشوف عربيتي هتلاقيها محتاجة وش نضافه مع انها مافيش خبطات ولا حاجة بس خربوش صغير هنا حاجات كده يعني
وبصراحه انا باهتم اكتر بالمكنة والحاجات دي

بالتوفيق ان شاء الله

[Bonanza]

اسف الصورة أهية

والله عقدتني يا هشام باشا

انت بتجيب الصور دي منين ؟؟؟

انا الشكمان اللي لسة جايبة المشترك اللي فيه مش كده خالص

اللي عندي عبارة عن تجميع ماسورتين بس في ماسورة واحده مش اربع مواسير في ماسورة واحدة
بس الفرن مجمع اربع مخارج في مخرجين بيتركب عليهم جوان و بعدين يركب المشترك

[heshamzaky]

صديقى العزيز بونانزا 1000 1000 شكر لك يا باشا على هذة المجاملة الجميلة بس يا باشا و الله انا بنى أدم عادى و لست خبيرا بس زى ما عمو عادل بيقول بأخذ منشطات و هو حيبلغ عنى المنتدى الفكرة يا باشا انى بجد بحب التمبرا و كانت حلمى من أول ما نزلت و كانت مع واحد قريبى اول ما نزلت مصر و أعجبت العربية جدا و متابعها دايما و الصورة الى انا كنت حاططها دة عمولة بس فى بلاد برة و راكب على تيبو و المشترك تمام زى ما حضرتك ذكرت تجميع 4 مواسير فى ماسورتين كدة بالظبط اما الصورة الى فاتت كانت تعديل و الصورة دى كمان يا عم علشان تشوف شكل الاسطى الخواجة الى عاملها و الصور دى من النت اصل اخوك من هواة ال دون لود

[kdosoki]

أزيك يا باشا بعض الاسعار المقترحة اشارة امامى جديدة من شارع دمشق ب 35 جنية .. عدسة مرايا عند اى واحد بتاع زجاج وب 7 او 10 جنبة ب 7 عند بتاع الزجاج الى امام كوبرى التجنيد شارع جسر السويس الراجل دة كويس يقصها و يلزقها ب 10 جنية بأقصى تقدير و المرايا استعمال فى شلبى ب 70 جنية قبل الفصال حالة ممتازة .... مساحات زجاج جداد من سعيد بطرس فى شارع دمشق ب 90 او 95 جنية استعمال الاصلى من العزبة الجوز من 70 الى 80 جنية .... مشترك شكمان استعمال من العزبة بالسوستة حوالى 90 جنية الى 100 جنية و هات المشترك الاصلى من العزبة احسن لك من بتاع الشكمانات الاصلى جودة جبارة .... أريال جديد من شارع دمشق معرفش بكام انا كمان عاوز واحد و شكرا ليك

انا متشكر جدا على الاسعار الجامدة دى ويارب لما اروح اشترى محدش يضربنى ويقوللى جايب الاسعار دى منين

[kdosoki]

بص ياباشا الاشاره جديده ب 25 جنيه اخرها
المرايه كنت جايبها ب 30 جنيه من عزبة شلبي بس كنت شلري معاها حاجات كتير
المساحات جديده من الصعيدي الجوز ب 80 جنيه
ياريت تحطلي صورة مشترك الشكمان ده عشان فعلا نفسي في شكمان أصلي

مشترك الشكمان اللى راكب فى عربيتى ماسورتين فقط من الماتور مش اربعة هحاول اصورها وارفعها النهاردة ان شاء الله

[hopa78]

يا جماعة دى اول مشاركه ليا بالمنتدى بالرغم انى مشترك فيه من زمان بس لما شوفت مواضيع التمبرا فرحت جدا وقررت انى اشارك معاكو وزعلت اوى انو انا ماعرفتش ان فيه ناس حلوين كده مظبطين التمبرا غير متاخر

انا عربيتى تمبرا موديل 93 تقفيل اوروبى الشركة اللى اشتريتها منها فى بورسعيد قالى انو فيه تقفيل المانى وتقفيل ايطالى وقال ان عربيتى تقفيل المانى وقالى انه الافضل بس حاسس انه كلام تجار ومش مظبوط

المهم كنت عاوز اسال عن شويه حاجات لو تسمحولى

عندى شرخ ف الزجاج الامامى وعاوز اغيره يا ريت لو حد يعرف نوع كويس بسعر معقول واجيبه من فين
وفيه خرابيش كتير على العربيه ودهانها دهان مصنع لو حد من الرجاله التمبراويه عارفله علاج بيقولو فيه حاجه زى البوليش كده انا شوفتها فى كارفور بس خايف اجربها لو حد عنده تجربه سابقه يفيدنا الله يكرمكو
اخر حاجه الميكانيكى بتاعى وده راجل بثق فيه ثقه عمياء قالى انو ممكن يخلى العربيه تجيب سرعه 100 على التالت وبدون ما صوتها يعلى لو ركبت اسطوانه وديسك هيونداى وهوا ركبهم قبل كده فى اكتر من عربيه وفرقت جدا معاه فى السحب حد يعرف الكلام ده صح ولا ايه

وياريت سعر الكاربتير بتاع ال 1600

انا اسف على الاطاله ومستنى ردودكم الحلوة

[Bonanza]

اهلا بيك يا استاذ Hopa معانا في المنتدي و بالاخص مع التمبراوية

انا مش متخصص اوي و خبرتي علي ادي .. بس انشاء الله هاتستفاد معانا كتير جدا
موضوع الديسك و الاسطوانة ده لو ينفع يبقي تمام جدا بس نستني رأي الناس اللي فاهمة ميكانيكا كويس ترد عليك فيه
و علي فكرة التمبرا بالديسك و الاسطوانة بتوعي اللي بايظين جبت بيهم 110 علي الثالث كنت بشد مع واحد صاحبي معاه تويوتا كرولا 1300 موديل 2007 و طلعت منه بالثالث بس الـ RPM كان علي 5000 او اكثر شوية

[heshamzaky]

يا جماعة دى اول مشاركه ليا بالمنتدى بالرغم انى مشترك فيه من زمان بس لما شوفت مواضيع التمبرا فرحت جدا وقررت انى اشارك معاكو وزعلت اوى انو انا ماعرفتش ان فيه ناس حلوين كده مظبطين التمبرا غير متاخر

انا عربيتى تمبرا موديل 93 تقفيل اوروبى الشركة اللى اشتريتها منها فى بورسعيد قالى انو فيه تقفيل المانى وتقفيل ايطالى وقال ان عربيتى تقفيل المانى وقالى انه الافضل بس حاسس انه كلام تجار ومش مظبوط

المهم كنت عاوز اسال عن شويه حاجات لو تسمحولى

عندى شرخ ف الزجاج الامامى وعاوز اغيره يا ريت لو حد يعرف نوع كويس بسعر معقول واجيبه من فين
وفيه خرابيش كتير على العربيه ودهانها دهان مصنع لو حد من الرجاله التمبراويه عارفله علاج بيقولو فيه حاجه زى البوليش كده انا شوفتها فى كارفور بس خايف اجربها لو حد عنده تجربه سابقه يفيدنا الله يكرمكو
اخر حاجه الميكانيكى بتاعى وده راجل بثق فيه ثقه عمياء قالى انو ممكن يخلى العربيه تجيب سرعه 100 على التالت وبدون ما صوتها يعلى لو ركبت اسطوانه وديسك هيونداى وهوا ركبهم قبل كده فى اكتر من عربيه وفرقت جدا معاه فى السحب حد يعرف الكلام ده صح ولا ايه

وياريت سعر الكاربتير بتاع ال 1600

انا اسف على الاطاله ومستنى ردودكم الحلوة

أزيك يا باشا و نزلت أهلا و حللت سهلا ( يعنى أزيك ) هييييه . مبروك يا باشا و احب أقولك حاجة انت الغربية لو من بورسعيد داخلة معاقين عن طريق هيئة الاستثمار ربنا يباركلك فيها هى العربية ممكن جدا تكون نازلة من ألمانيا و لو العربية دى اتحاد أوربى حتبقى ممتازة بص بقى موضوع أسطوانة و ديسك هيونداى انا اول مرة اسمع كدة أدخل من المنتدى على ((( السفر بالتمبرا و الدروس المستفاده )))) احنا بتكلم عن الاسطوانة و الديسك و بالنسبة للزجاج لو ممكن تروح لمحل اسمة دكتور خالد دة بيصلح شروخ الزجاج ولو مش نافع اسأل علية فى عزبة شلبى و معلش ممكن تكتب لى الكلام الى مكتوب على الزجاج بالانجليزى عاوز أعرف ماركتة اية و بالنسبة للدوكو ما تعملش انت حاجة بأيدك حا تلطش الدوكو واحد بتاع دوكو يلمعة بال بولش و الكومباوند بالمكنة اسرع و احسن

[ZALABANY]

اهلا بيك يا باشا معانا بص بالنسبه للخرابيش شوف كاركير ممكن يظبطهالك بوليش او تعملها بنفسك في موضوع اسمه سيريون كار كير صاحب العربية عملها بنفسه
الزجاج اسأل عليه جديد بكام ممكن تلاقي منه دكتور جريش مش هايبقى غالي بالتير 300 او 350 جنيه او اسأل على الاصلي او تشوفه استيراد
الكاربيراتير الجديد بيعمل 1200 تقريبا سألت عليه من فتره وما كانش موجود ممكن تجيبه من الوكاله استيراد لو انجيكشن هايعمله 200-300 جنيه لو عاده هاتلاقيه اغلى من كده بس يبقى على التجربه ويفضل يفكهولك من مكنه لأنه بيبقى متصلح وملعوب فيه البخت
موضوع الاسطوانه والدسك الهيونداي دي اول مره اسمعها بس اظنها افتكاسه من افتكاسات الصنايعية عامة انا اللي اعرفه ان كل حاجه بتركب على حاجتها بس حطهم جنب بعض كده وشوف الفرق وهي نظريا ممكن تشتغل بس على المدى الطويل الله اعلم ممكن تعمل ايه

[Bonanza]

اظن ان وزن التمبرا هايتعب الديسك و الاسطوانة الهيونداي بسرعة والله اعلم

[caysersosaih]

انا برضه أول مره أسمع عن حكايه دسك واسطوانه الهيونداي ماعرفش صراحه بس مش مقتنع
عربيتي بالدسك الأصلي بتجيب 100 علي الثالث مافيش مشكله
وبعدين موضوع السحب والسرعه دي بتعتمد علي حاجات كتير مش الدسك والاسطوانه بس

[adelco]

اظن ان وزن التمبرا هايتعب الديسك و الاسطوانة الهيونداي بسرعة والله اعلم

السلام عليكم
والله انت استاذ
تصدق ان العربيه التمبرا وزنها يعدى طن ونصف
وكل اما اقول لحد كده ما بيصدقش
ده انت يا راجل لما تبص على القائم بتاع الباب للتمبرا واى عربيه تانيه تلاقى ده ضعف ده
العربيه زى الداهيه
فعلا اظن الموضوع ده يفرق جدا
الله ينور عليك ثانى

[adelco]

انا برضه أول مره أسمع عن حكايه دسك واسطوانه الهيونداي ماعرفش صراحه بس مش مقتنع
عربيتي بالدسك الأصلي بتجيب 100 علي الثالث مافيش مشكله
وبعدين موضوع السحب والسرعه دي بتعتمد علي حاجات كتير مش الدسك والاسطوانه بس

السلام عليكم
ازيك يا دوك
انا طبعا مع خبرتى المحدوده اتفق مع حضرتك تماما
وانت ليك خبرة فى موضوع الدسك والاسطوانه ده على ما اتذكر
واكيد مثلا لو الشكمان مسدود هياثر
او البوجيهات
او ......
بصراحه مش عارف غير دول بس لو حد يعرف حاجه ثانى يقول
وشكرا يا دكتور

[heshamzaky]

السلام عليكم
والله انت استاذ
تصدق ان العربيه التمبرا وزنها يعدى طن ونصف
وكل اما اقول لحد كده ما بيصدقش
ده انت يا راجل لما تبص على القائم بتاع الباب للتمبرا واى عربيه تانيه تلاقى ده ضعف ده
العربيه زى الداهيه
فعلا اظن الموضوع ده يفرق جدا
الله ينور عليك ثانى

تمام يا عدولة التمبرا وزنها 1580 كيلو بالتمام و الكمال بص افتح الكبوت حتلاقة حديدة الصدر الصاج العريضة الى لونها اسود عليها استيكر و صاجة الومونيم متبرشمة و عليها كتابة بالانجليزى الوزن مكتوب 1580 kgs