إعـــــــلان

Collapse

.

,
See more
See less

مشكله الهواء الساخن داخل صالون العربيه

Collapse
X
 
  • Filter
  • الوقت
  • Show
Clear All
new posts

  • مشكله الهواء الساخن داخل صالون العربيه

    السلام عليكم ورحمه الله وبركاته....
    اول مشاركه ليا فى المنتدى وانا معايا عربيه 128 موديل 1988 1100 سى سى وعندى مشكله ان فى هواء ساخن بيدخلى من الجانب بتاع driver وانا قافل الفاتحه بتاعت الهواء الى بيركب فيها المروحه والسربنتينه ومش عارف اعمل ايه الحكايه دى مضايقانى فى الشتاء فمبالكم فى الصيف هتشوى هتبقى فرن....
    والجو جوه العربيه بيبقى ازيد من الخارج بكتير يعنى جوه حر وبره برد...ومحدش يقولى ان كل العربيات القديمه كده...
    وفى حاجه تانيه الريحه فيه ريحه غريبه مش ريحت الشكمان علما بان الموتور عندى خفيف وبيطلع دخنه من الفايظ وانا مطلع خرطوم الفايظ من سدر العربيه علشان الدخنه بتاعته بتدخلى جوه العربيه.....
    وبالنسبه لحرارة العربيه فهيا 90 او اقل بشرطتيين فهل ده عادى ولا ايه ومعظ الوقت مروحه الريداتير شغاله واعتقد انها السبب فى دخول الهواء الساخن الى العربيه...

    معلش طولت عليكم بس الحكايه دى معكننه عليا سواقه العربيه ده وبكره اروح بيها المشاوير الطويله فايه الحل؟؟؟
    وشكرا ليكم مقدما....
    [CENTER][COLOR=blue]لا اله الا الله محمد رسول الله[/COLOR]
    [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
    [/CENTER]
    [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

  • #2
    فيه ثلاث فتحان ممكن تدخل هواء سايب جهه السواق:
    • فتحة ضفيره الكهرباء اللى معديه الضفيره من الحوض للصالون ودى كبيره و شكله بيضاوى و كبيره و مكانها فى الحوض تحت ماستر الفرامل و هتلاقى نصها مفتوح (يعنى مش معدى منه اسلاك) اقفلها بلباد(احشر فيها لباد)
    • فتحة معدى منها سلك عداد السرعة و المفروض يكون راكب كاوتش حوالين جراب السلك بس معظم الكهربائيه بترمى الكاوتشه لما تغير سلك السرعة ........ز حاول تجيب الكاوتشه او اقفلها برضو بلباد(احشر فيها لباد)
    • فتحه مالهاش استعمال تلاقيها فوق موتور المساحه وفوق الصوابع يعنى فى اعلى ركن فى الزاويه اللى ناحية السواق ممكن تلزق عليها جلد او تملاهالباد او تحاول تجيب الطبه الكاوتش
    و ممكن كل الفتحات اللى فاتت تقفلها ب فوم اسبارى و هيديلك احكام احسن من كل اللى فات

    الحراة طبيعيه و واضح ان حضرتك عندك ثرموستات 70 - 80 يعنى بيشتغل عند 80 و بيفصل عند 79 عشان كده مش هيفصل كتير بس مش مهم كده احسن للموتور

    ممكن تجيب اضافات للزيت و دى بتتحط للعربيات اللى محتاجه عمره عشان تقلل حرق الزيت و بالتالى بخار فايظ الزيت هيقل

    انا بفضل انك تركبو زى اصلوه فى العمه حتى لو بيطلع بخار كتير............. كل الميكانيكيه هيقولولك هيوسخ الكاربراتير و يخنق العربيه بس انا جربت و الخنقة كان مش للدرجه يعنى.......... و ما حصلش اى حاجة للكاربراتير لان ده معمول عشان بخار الزيت يدخل يتحرق فى الموتور......... انت ممكن تمشى على كده كمان 20 الف ......... فيه ناس بتمد خرطوم الفيظ لورا يطلع بجوار الشكمان علشان يخلص من الريحة بس مش عاجبانى الفكرة

    وتحت امرك
    [hr]#0033ff[/hr]
    تحياتى
    أحمد عزت

    Comment


    • #3
      الله اكبر عليك يابشمهندس والله رد وافى وكافى وفى اقل من ربع ساعه....ربنا يباركلك ويزيدك كمان وكمان:)....
      وانا لاحظت الفتحات الى حضرتك قولت عليها وانا هعمل زى ماحضرتك قولت...
      وبالنسبه لاسبراى فوم ده اجيبه من فين؟؟؟؟وهل ليه اسم تانى؟؟؟؟
      شكرا لرجاله المنتدى ولحضرتك طبعا.....
      [CENTER][COLOR=blue]لا اله الا الله محمد رسول الله[/COLOR]
      [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
      [/CENTER]
      [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

      Comment


      • #4
        العفو يا باشا انا تحت امرك فى اى حاجه تخص 128 اصلها عشرة عمر

        الاسبراى ده عباره عن زجاجه زر البيرسول كده و بيركب لها انبوبه ترش بيها يقوم يطلع سائل ابيض اول ما يتعرض للهواء ينشف و يبقى زى الفوم اللى بيتحط فيه الاجهزه الكهربائيه فى الكراتين

        هوه بيستخدم فى عزل جوانب كابينه الثلاجات عشان كده هتلاقيه فى نجيب الريحانى عند محلات قطع غيار التبريد و التكيف
        [hr]#0033ff[/hr]
        تحياتى
        أحمد عزت

        Comment


        • #5
          فكرة كويسه جدا يابشمهندس والف شكرا لحضرتك.....
          [CENTER][COLOR=blue]لا اله الا الله محمد رسول الله[/COLOR]
          [COLOR=blue]B[COLOR=black]lack[/COLOR] H[/COLOR][COLOR=black]awk [/COLOR]
          [/CENTER]
          [CENTER] [URL="http://www.soft4islam.com"][sor2]http://www.soft4islam.com/22/bag_images/banner.png[/sor2][/URL][/CENTER]

          Comment


          • #6
            حضرتك بس تامر
            [hr]#0033ff[/hr]
            تحياتى
            أحمد عزت

            Comment

            Working...
            X