من فضلكم نصيحة من أصحاب البرافو

[tefafathy1]

السلام عليكم ..

أنا بعد إذنكم عاوز مساعدة من اللى عندهم او اللى جربو البرافو .. انا بجد محتار بي عربيتين .. أحدهم البرافو , اى حد بسأله بيقولى البرافو أشد , بس بصراحة انا مش عارف اقرر حتى الان .. أنا سمعت عن إمكانيات البرافو بس الإمكانيات مش كفاية .. يعنى الثبات على الطريق فى السرعات و قطع الغيار و أسعارها و العمر الإفتراضى ليها و سحبها .........

فا أرجو من اى حد جرب العربية او عنده العربية يقولى رأيه فيها بصراحة و العيوب و المميزات اللى شايفها فى العربية من وجهه نظره ..

و كل الشكر لكل الأخوة فى المنتدى ..

[ahmad--ezzat]

هات سيفيك اضمن

[yoko]

يعنى الثبات على الطريق فى السرعات و قطع الغيار و أسعارها و العمر الإفتراضى ليها و سحبها

الثبات حلو جدا لكن ممكن تحس بتعويم خفيف على الأي كاتس أو المطبات الصغيرة
قطع الغيار موجوده في الموضوع ده

http://www.nilemotors.net/Nile/144404-a.html

وكل الأوروبي بيعيش بغباء
السحب تحفة وهتطلع من ال٣٢٠ تحت ال١٠٠ ولو إبتديتوا شد فوق ال١٠٠ هتفضل معاه راس براس (أعتقد مفيش أحسن من كده)

هات سيفيك اضمن

ده على أساس إيه!!! كل واحده فئة مستقله بذاتها

[ahmad--ezzat]

ده على أساس إيه!!! كل واحده فئة مستقله بذاتها

انا اسف

[tefafathy1]

والله انتو الأتنين زى العسل ..

بص يا باشا مش هخبى عليك انا كان نفسى فى الهوندا بس للأسف ماعيش فلوسها جديدة ..
لكن اول فئة اوتوماتيك فى البرافو مش غالية اوى ..

بالمناسبة .. هوه اللى قوولت عليها سحبها حلو دى يا باشا اللى هيا مانيوال تيربو ؟؟ وللا العادية ؟؟

ولو حد جرب من فضلكم يقولى .. الثبات على السرعات عامل ايه ؟؟ يعنى لحد سرعة كام محافظة على نفسها ؟؟ إحساسها بالمطبات (العفشة) ؟؟ وطيها من الأرض و المطبات ؟؟ هل فى تيست درايف ليها ؟؟

منتظر مساعدتكم و بشكر إهتمامكم

[yoko]

والله انتو الأتنين زى العسل ..

بص يا باشا مش هخبى عليك انا كان نفسى فى الهوندا بس للأسف ماعيش فلوسها جديدة ..
لكن اول فئة اوتوماتيك فى البرافو مش غالية اوى ..

بالمناسبة .. هوه اللى قوولت عليها سحبها حلو دى يا باشا اللى هيا مانيوال تيربو ؟؟ وللا العادية ؟؟

ولو حد جرب من فضلكم يقولى .. الثبات على السرعات عامل ايه ؟؟ يعنى لحد سرعة كام محافظة على نفسها ؟؟ إحساسها بالمطبات (العفشة) ؟؟ وطيها من الأرض و المطبات ؟؟ هل فى تيست درايف ليها ؟؟

منتظر مساعدتكم و بشكر إهتمامكم

الله يخليك بس خلي بالك إن أول فئة مفيهاش كاسيت حتى يعني مواصفات أمان وتكيف وباور بس!!!
أما كل البرافو حاليا تربو أوتو معادا ال١٥٠ حصان مانيوال ودي سعرها عالي
ثابته لحد كام معرفش لإني معديتش بيها ال١٢٠!!!
العفشه نشفة سنه
العربيه واطيه شويه والكساحة الي قدام بتحك في المطبات (كرهت الحكايه جدا لما سوقتها بس إتعودت بعد كده)
تيست دريف إتكلمنا مع التوكيل بس لسه مفيش حاجة رسمي

[wildesso]

ثباتها حلو (محور 160 عادى تماما)
200 علي طريق السخنة و مفيش قلق و بدأ القلق عند 215
فعلا الكساحة بتدايق بس إتعودت عليها
و ربنا يوفقك في الإختيار إن شاء الله

[tefafathy1]

انت قلقتنى .. انا مش قادر أتخيل نشفان العفشة عامل ازاى , ولا عارف الفئة اللى قبل التربو اوتوماتيك فول اوبشن حلوة وللا نص نص ..

بس هسألك سؤال بأمانه من أخ لأخ بجد .. انت ندمان انك جبت برافو ؟؟ يعنى سؤال بشكل مختلف شوية .. لو رجع بيك الزمن لورا تانى هتجيب نفس العربية تانى وللا هتغير او هتجيب حاجة تانية ؟؟ هوه ده قصدى ..

و أنا واثق انك هتجاوبنى بصراحة ..

[yoko]

أولا أنا معايا لينيا مش برافو
وكله تربو ١٢٠ حصان مفيش فئة من غير تربو
والعفشه مش نشفة قوي لكن مش بنعومة الكورولا مثلا ولا بنشوفيه السيراتو هي في النص (يعني محدش إشتكى من العيله من العفشة -مع إنهم كلهم ظهرهم بايظ-) على فكرة عفشة البرافو نفس عفشة اللينيا مع إختلاف العرض

[wildesso]

أنا فخور جدا إنى معايا البرافو و لو رجع بيا الزمن كنت جبت برافو بردو
أنا كلمت طوب الأرض و عملت مقارنات بينها و بين حاجات كتير (كورولا , لانسر , سيفيك , فكترا , جولف 5 , أوكتافيا) و لقيت إن موتور و أوبشنز أكتر من أى حاجة + الأمان
روح بس عليها بردو في التوكيل عشان أنا روحت أكثر من 7 مرات (اوحدى و مع صحابى و أقاربي)

[wildesso]

أنا شايف إن العفشة حلوة :)

[yoko]

هي حلوه بس نشفة بالنسبه للكورولا (ملكة العفشة الناعمة في العالم) لكن جمب بقيت العربيات عاديه

[wildesso]

كفاية علينا التكييف الياباني :)
هتبقى عفشة و تكييف :)

[yoko]

معاك بس الكورولا القديمة الي عفشتها ملبن برده ملبن على الطريق بعد ال١٢٠ بتعوم على الطريق مش بتمشى أنا كاريرا عدى من جنبي وأنا على ١٧٠ وهو كاسر ال٢٤٠ مستريح نقلني حاره غصبن عني (كورولا ٢٠٠٦)

[ahmad--ezzat]

يعم سيبك من يوكو وهات سيفيك....

لو جبت فيات هتبهدلك انا مليش دعوه اللهم بلغت اللهم فاشهد....