العجله الشمال اخرت

[heshamzaky]

دوش على عندك في المشاركة وأكتب لفظ جلاله

شكرا على المعلومة

[adelco]

الحمد لله

السلام عليكم

اولا انا احب اشكر كل من ساهم بالرد سواء الفنى او الرد بالدعم المعنوى
واخص بشكرى كلا من
Yahiahelaly
Kayson
Heshamzaky
galilio_mad
memononos
yoko
وانا الحمد لله رحت للميكانيكى اللى باثق فيه وطلعنا جرب العربيه
وقالى سيبك من الراجل اللى قالك العجل اخر ده واضح ان العربيه كويسه وما فيهاش حاجه بس تعالى نطلع على بتاع الزوايا
وبالفعل طلعنا على بتاع الزوايا واللى كشف وقال ان المقص فيه مشكله فى حاجه اسمها البيضه
مسك العجله بايده والعربيه مرفوعه وهز العجله اتحركت شويه بسيطه فقال دة عيب بيض المقص
وضبط زوايا العربيه وقال كده تمام
وبعدين مشينا انا والميكانيكى قالى ما تقلقش خالص المقص ده انت ممكن تمشى بيه سنه وما يجراش اى حاجه
لكن من الافضل ان نغيرة ورحنا على الورشه واتفقنا اروحله كمان كام يوم يغيرلى المقص
والحمد لله خدت العربيه ومشيت بيها وهى زى الفل
والفضل اولا واخيرا لله سبحانه وتعالى
وبكرر شكرى لكل من ساهم او ساعد
وجزاكم الله خيرا

[yoko]

الله يخليك وبيض المقصات دي حته كوتشة كده مش مخيفة قوي يعني لكن يفضل تتغير والموضوع الحمد لله طلع بسيط

[heshamzaky]

كفارة يا باشا الحمد لله بس على فكرة المقصات بتتغير كلها لان التمبرا مفيش جلب او بيض مقص بيتباع لوحدة المقص كامل الجوز ب 400 جنية انا ناوى اغير الى عندى و جت سليمة ارجع بقى ناكفنى و انا اناكفك تانى

[yoko]

كفارة يا باشا الحمد لله بس على فكرة المقصات بتتغير كلها لان التمبرا مفيش جلب او بيض مقص بيتباع لوحدة المقص كامل الجوز ب 400 جنية انا ناوى اغير الى عندى و جت سليمة ارجع بقى ناكفنى و انا اناكفك تانى

الحمد لله بسيطة وأحلى حاجة في ال١٢٨ إن كل حاجة تلاقيها لوحدها (لسه مغير بيض دركسيون) أنا علبة الدركسيون عندي بتاعت ريتمو أصلا

[heshamzaky]

ازيك يا يوكو عامل اية عادى يا باشا انا حصل معايا موقف طريف الميكانيكى الى بصلح عندة ال 127 وريتة التمبرا و المقصات فقال لى روح شارع دمشق و هات عدد 4 جلب و عدد بيضتين للمقصات و انا اركبهوملك و طبعا يا باشا انا مكدبتش خبر و رحت شارع دمشق اجيب الطلبات و طبعا الراجل الى بتعامل دايما معاة فى شارع دمشق ضحك و قالى يا باشا غير الميكانيكى و طلع لى المقص علشان اشوف شكلة لاقيتة يا سيدى جايب حاجة حديد كبيرة قولتلو لا انا عاوز مقصات التمبرا ضحكنا احنا الاثنين لانى عارف شطل مقصات ال 127 و طبعا هى حاجة صغيرة و كنت عامل انا زى القروى الساذج هييييييه