المقابلة الاولى لأصحاب التمبرا و محبينها

[michohat]

صباح الخير يا باشا لو انت من مدينة نصر اسهل حاجة عارف طريق السويس أفضل ماشى فية لغاية ما تدخل يمين من عند دخلة ماريوت و افضل ماشى طوالى على طول كارفور سيكون على ايك الشمال بس طبعا المافة طويلة حوالى 15 دقيقة من أول الماريوت الى كارفور او ممكن تمشى من الاوتوستراد السكة اقصر كتير بس الواحد بيمشى من الدائرى علشان الزحمة فى الايام العادية مش الجمعة يوم الجمعة السكة فاضية من اى طريق خصوصا قبل الصلاة

اولا انا مش من مدينه نصر انا من الزقازيق وبقول مدينه نصر علشان هيا الحته اللى بنزلها كتير
معرفش طريق السويس و بتلخبط ما بين الطرق الاوتوستراد والدائري
نمسكها اولا من الزقازيق انا ممكن اطلع اما صحراوى او زراعى
الزراعى وانا داخل مصر منه بيبقى فى طريق فوق كده الناس بتتطلع له بكوبري اظن اسمه حاجه من ال 3 دول الدائري او المحور او الاوتوستراد
الصحراوي بمشي وبدخل من عند السلام او العبور وبمشي عند الهايكستب و بعدى ع السندباد و باخد الطريق اللى من جنب البنزينه واللى عليه المطار بينزلنى جنب النادى الاهلى

هل فيه وصفات من دول ينفع تبقى بدايه الطريق؟؟

[ZALABANY]

يا شباب أنا عندي خبر مش حلو أنا نازل شغل يوم الجمعه للأسف الصبح عرفت النهارده موضوع الشغل ده بس ممكن اخلع منه على الساعه 2 لو ينفع تخلوا الميعاد بعد الصلاه عشان انا مش عايز اضيع المقابله دي أنا اسف مره تانيه بس غصب عني والله :(

[Bonanza]

بس انا معنديش فى الشكمان بتاعى سوستة

ولا انا مع انه جديد كامل

[adelco]

ولا انا مع انه جديد كامل

السلام عليكم
ازيك يا باشا
والله انا ليه تجربه بسيطه فى موضوع السوسته دى لو زى ما انا فاهم انها الوصله المرنه
او زى ما بيسميها الصنايعيه اللاى او الفلكسبل جوينت
عموما دى مهمه جدا لان العربيه الموتور بتاعها بيتحرك ولو ما فيش حاجه فى الشكمان تمتص الحركه دى
اللى هيحصل ان اضعف نقطه فى الشكمان على الاقل هتتشرخ والشرخ ده هيفضل طبعا يكبر لحد ما يعمل مشكله
وعاده بتبقى المشكله فى الوصله الثنائيه او الرباعيه اللى جايه من غرفه الحريق تقريبا اسمها المشترك بيحصل انها بتبتدى تسرب
ودة اكيد بياثر على العربيه اولا فى السحب ثانيا ما اعرفش فى ايه ثانى
وشكرا

[caysersosaih]

اولا انا مش من مدينه نصر انا من الزقازيق وبقول مدينه نصر علشان هيا الحته اللى بنزلها كتير
معرفش طريق السويس و بتلخبط ما بين الطرق الاوتوستراد والدائري
نمسكها اولا من الزقازيق انا ممكن اطلع اما صحراوى او زراعى
الزراعى وانا داخل مصر منه بيبقى فى طريق فوق كده الناس بتتطلع له بكوبري اظن اسمه حاجه من ال 3 دول الدائري او المحور او الاوتوستراد
الصحراوي بمشي وبدخل من عند السلام او العبور وبمشي عند الهايكستب و بعدى ع السندباد و باخد الطريق اللى من جنب البنزينه واللى عليه المطار بينزلنى جنب النادى الاهلى

هل فيه وصفات من دول ينفع تبقى بدايه الطريق؟؟

اهلا وسهلا يا باشا
انا من الشرقية بس مقيم في القاهرة
حضرتك هتمشي صحراوي وتعدي موقف العاشر هتلاقي الكوبري الي بينزلك علي طريق السندباد ما تطلعوش هتخش من جنبه وتلف من تحته وترجع تاني لغاية الدخلة الي فبل موقف العاشر مباشره هو ده مدخل الدائري في اتجاه المقابله
لو عايز تسأل عن حاجة تانيه انا تحت امرك

[adelco]

اهلا وسهلا يا باشا
انا من الشرقية بس مقيم في القاهرة
حضرتك هتمشي صحراوي وتعدي موقف العاشر هتلاقي الكوبري الي بينزلك علي طريق السندباد ما تطلعوش هتخش من جنبه وتلف من تحته وترجع تاني لغاية الدخلة الي فبل موقف العاشر مباشره هو ده مدخل الدائري في اتجاه المقابله
لو عايز تسأل عن حاجة تانيه انا تحت امرك

السلام عليكم
اهلا يا شرقاويه
انا من الشرقيه كمان يبقى كدة كملت
انا من بلد صغيرة قبل منيا القمح قبل قريه السعديين اسمها سنهوا
ومحدش يقولى يعنى ايه سنهوا عشان معرفش
بس ممكن تكون يعنى كان اسمها زمان سن الهوا وبعدين اتغيرت
جايز

[adelco]

السلام عليكم
يا جماعه ازيكم
الموقع ده بيعرفك تروح فين ازاى
كايرولوكاتور دوت كوم
بس انا لسه مش عارف اجى ازاى

[heshamzaky]

ازيكو يا رجالة أية دة مش فاهم حاجة ( كنت بزعق علشان كدة الخط كبير ) بصو يا رجالة عاوز أقول حاجة ملحوظة بما ان الاستاذ زلبانى مش جاى الا لو بعد الساعة 2 و الاستاذ عادل عندة شغل الساعة 3 و الاستاذ هشام لازم يمضى حضور فى المنزل الساعة 4 و الاستاذ kdosoki عندة ظرف و بما ان الجميع تقريبا مش عارف مكان الربوة دى و الوحيد الى ساكن فى المعادى بونانزا اذن أقترح ما هو أت ان تكون المقابلة فى مكان الجميع ممكن يوصل لة بسهولة جدا جدا و الخطة كالاتى الدكتور ضياء فى مصر الجديدة و هشام و جاليليو فى مدينة نصر و عادل شبرا و الاستاذ michohat عارف النادى الاهلى اذن انسب مكان انا أقنرحتة فى البداية بس كنا غيرناة علشان زلبانى و بونانزا هو مكان تبع دار المدفعية امام شركة أيديال أمتداد شارع الثورة سهل جدا جدا الوصول الية بجانب اننا كأننا قاعدين فى الشارع بس فى الظل و شايفين العربيات و المكان سعرة أسعار جيش يعنى فى الحنين خالص علشان عدولة حا يدفع الحساب و اعتقد ان دة حل يناسب الجميع و سهل جدا جدا الوصول لية و قريب من الناس الى جاية كلها اية رأيكم

[michohat]

لو غيرتوا المكان انا موافق بس يا ريت المكان النهائى ينكتب فى مشاركه منفصلة زى مثلا
مكان المقابلة : منطقة كذا اللى عنوانها كذا
من الساعه : .. الى الساعه .....
وبرنامج المقابله : ............
ده اقتراح بس علشان نكون عرفين اخر التطورات ايه وانهى مكان ريسنا عليه

[Bonanza]

في ايه كده بقي ... واحدة واحدة

احنا دلوقتي وصلنا لايه عشان انا تهت منكم ؟؟؟

المقابلة الساعة كام و فين بعد كل المداولات يا استاذ هشام ؟؟؟

ولا هانأجلها ولا ايه النظام انا تايه كده

[heshamzaky]

أية رأيكم فى المكان النهائى دة دار المدفعية تابع لها كوفى شوب اسمة روكيت على الشارع على طول انتداد شارع الثورة كأنك رايح طريق السويس المكان مش بعيد خالص و مكان مفتوح وبة قعدة و نبقى شايفين العربات كلها و احنا جالسين و لو موافقين ممكن أوصف المكان أوضح من كدة بالتفصيل لسهولة الوصول الية

[Bonanza]

انا موافق مفيش اي مشاكل
محدش يغير بقي

الميعاد النهائي ايه يا هشام باشا

[galilio_mad]

لا اله الا الله , يعنى امارات مصر و لا روكيت ؟؟؟؟
و الساعة كام ؟؟؟؟

انا مش كل شوية حاغير الميعاد اللى حاصحى فيه

[heshamzaky]

انا موافق مفيش اي مشاكل
محدش يغير بقي

الميعاد النهائي ايه يا هشام باشا

يا سلام يا أسامة باشا على الالتزام هو كدة 100 100 يا باشا

[heshamzaky]

الميعاد النهائى 12 ظهرا ان شاء الله (((( موافقون يا رجالة )))