شحن التكييف

[heshamzaky]

ههههههههههههههه
انا اه اللى قلت على مكان الفلتر يا معلم فى ايه بقى قلقتنى

فية فيل بعد ما فكيت تانى

[heshamzaky]

بعد ما فكيت يا سيدى لقيت الفتحة المرعة دى و راكب تحتها المروحة بتاعت التكيف انت كان عندك الشكل زى الصورة و لا لآ وان كان معناة ان لو فية فلتر بالمقاس دة يبقى بيركب فى المكان دة بالمقاس دة

[mikology]

يعنى ايه فيل دى - قصدك على الفيل ابو زلومه ولا الفيل اللى بيبقى فى الكراتين مع الاجهزة الكهربائيه ؟

[mikology]

لا مفيش كده عندى مربع مفتوح و ليه شفه بيركب الفلتر فيه كبس على الفتحه دى وخلاص بس اكبر من دى خالص يمكن 40سم فى 20 حاجة كده مش الشكل ده ابدا

[mikology]

بس لو تحتيه مروحه التكييف يبقى متهيألى ده المكان الصحيح ليه - يمكن كان فيه واحد و كان متشال - مش عارف بجد

[heshamzaky]

و الصورة دى بس بزاوية تانية و عملية الفك جت مصلحة لقيت كمية أغصان شجر تزرع فدان أرض و تراب يردم حى بأكملة فبصراحة انتهزتها فرصة رحت مقفل كدة من غير مسامير و رحت على محطة البنزين و حمت العربية مش عايز أقولك الهباب و التراب كان قد اية و العربية فاقت جدا حا اريك الصور بعد النظافة بس معلش انا مش عارف أزاى أحط صورتين مرة واحدة علشان كدة بحط صورة صورة فى كل مرة

[heshamzaky]

يعنى ايه فيل دى - قصدك على الفيل ابو زلومه ولا الفيل اللى بيبقى فى الكراتين مع الاجهزة الكهربائيه ؟

دة تعبير مجازى فيل ابو زلومة

[heshamzaky]

و دى صورة الموتور و الكومبرسور و عايز أسألك حاجة هو طبعا كلام غريب السؤال الراجل الى كان فى المحطة سألنى و قال لى حضرتك مركب موتور لانشيا فى العربية دى قولت لة لا دة موتورها الاصلى و قال انة و هو بيغسل مواتير شاف عربيات لانشيا بنفس شكل الموتور دة مع العلم ان مرة واحد بتاع شكمانات قال لى نفس الكلام باظبط و فى مكان مختلف تماما عن بتاع المحطة مع العلم ان الموتور دة الاصلى بس انجيكشن علشان كدة العمة مستطيلة بس مش نفس العمة المستطيلة الى فى عربية جاليليو انت الموتور عندك العمة شكلها اية و هل شفت فعلا مواتير لانشيا الشكل دة و لا الكلام دة هجس صنايعية

[mikology]

لا انا الموتور عندى غير ده خالص ودى صورته




ممكن يكون لانشيا تانيه - فى اشكال كتير و مواتير كتير - فى حاجة ذى دول مثلا

[heshamzaky]

فهمت انت موتورك الصورة الاولى و العمة مستطيلة علشان كدة هو ربك ما بين الشكلين من ناحية العمة المستطيلة طب و الشكمان بقى يا استاذ تبررها بأية و بعدين قولى انت ازاى بتحط الصور كدة مرة واحدة

[mikology]

مش عارف الشكمان ده ايه حكايته بس عموما اللى اعرفه ان الاتنين واحد التمبرا و الانشيا - انا كان معايا قبل دى تمبرا وهى هى نفس قطع الغيار
الصور عادى خد اللينك التانى اللى اسمه IMG Code for Forums & Message Boards
كوبى و بيست فى الموضوع هتظهر عادى
سيبك من ايقونه ادراج صوره دى

[heshamzaky]

مش عارف الشكمان ده ايه حكايته بس عموما اللى اعرفه ان الاتنين واحد التمبرا و الانشيا - انا كان معايا قبل دى تمبرا وهى هى نفس قطع الغيار
الصور عادى خد اللينك التانى اللى اسمه img code for forums & message boards
كوبى و بيست فى الموضوع هتظهر عادى
سيبك من ايقونه ادراج صوره دى

شكرا يا باشا عرفت أزاى ادخل صورتين مرة واحدة بس الكتابة بتتقطع

[mikology]

اليكم اخر الاخبار
رقم الفريون اللى حاطوهولى 604 وده فريون جديد - ومضروووووب وبيبوظ الكمبريسور وده اللى حسيته من ساعه ما اتحط وانا ملاحظ حاجة غريبه فى الكباس
ابتدا يفصل كتير و يبرجل العربيه و حوار كده - و التسقيع بقى اسرع بس لحد مستوى معين بعد كده مايسقعش (كان الاول بيسقع اشد بس متأخر) ده حتى امبارح بليل التكييف كان على الاخر و الدنيا مش حر - ولا الهوا !!
شويه هوا خارجين باردين مش ساقعين حتى !!!
المهم قعدت ادور و اشوف على النت
لاقيت الصدمه
اتفضلو ده انا واخدو كوبى و بست

((((لى كل المختصين بالتبريد السلام عليكم ورحمة الله وبركاته ما رايكم فى الفريون (406)ارجوا الافاده ولكم جزيل الشكر
الاخ الفاضل بعد التحيه بالنسبه لسؤالك عن الفريون الجديد 406 ارجو عدم التعامل معه بتاتا لانه ثبت فشله ويوجد تحذير شديد منه لانه يقوم بحليل الزيت الموجود بالكباس مما يؤدى الى احتراق الكباس اقول هذا عن الفريون الموجود فى اسطوانات نصف كيلو وكيلو وماشابه فانه كله مضروب وعن تجربه واسال شركة ابوسيف للكباسات عنه فقد قامت بكتابة تحذير بالغاء الضمان عن اى كباس يثبت شحنه بهذا الفريون والوحيد المعتمد عالميا منه هو المستورد المعباء فى اسطوانات 13 كيلو ولك جزيل الشكر ))))

(((ارجو من جميع الاخوه مهندسين وفنيين عدم التعامل بفريون 406aوالموجود بالسوق المحلى ذلك لانه يتسبب فى تلف الكباس حيث انه يقوم بتحليل الزيت الموجود به ويحوله الى اللون شديد السواد ويفسد اى لزوجه موجوده به مما يجعله اشبه بالماء وهذا يكون يكون له ابلغ الاثر فى الضرر بالكباس من حيث افساد عزل الاسلاك وتجريح البستم هذا عن اكثر من تجربه وطبعا هذا التحذير مقصود به العبوات الصغيرة الحجم ومعروف عالميا حسب كلام جهاز شئون البيئه ان فريون 406 aلايتم لايتوافر عالميا الا فى عبوات لاتقل ابدا عن 13 كيلو اما الاقل من ذلك فلايتم التعامل معها بتاتا الا قد بلغت اللهم فاشهد ))) ده من منتدى تكييفات

(((إذا كان هناك مكيف سيارة طراز قديم مصمم اساساً للعمل مع فريون 12 وتم شحنه اكثر من مرة بفريون 406 لدى أكثر من متخصص لكنه يعطى تبريد ضعيف والجميع قرروا ان حالة الضاغط جيدة فهل نستطيع القول ان المشكله تكمن فى الفريون 406 و يجب الرجوع لاستعمال الفريون 12 و إذا كانت الاجابة نعم فهل يجب عمل تفريغ للدورة بشكل عميق أم يكفى التفريغ للصفر ثم بدء عملية شحن جديدة حيث لا تتوافر لدى الان اداة لعمل فاكيوم للدورة و شكراً
ان المشكله يا صديقى لا تكمن فى الفريون 406 لانه صنع من قبل اناس منخصصين ولكن المشكلة الاساسية هى فى تكنيك وطرق الشحن .
ان فريون 406 يجب ان يشحن على شكل سائل وليس على شكل غاز كفريون 12 .
و يجب عمل تفريغ للدورة بشكل عميق ثم الشحن ))) طبعا الكلام ده محصلش !!

دورت واتاكدت ان التكييف بياخد 134 وادى صوره

المهم بقى دورت على مصدر الفريون لاقيت احسن حد وبيشكرو فيهم قوى اخوان رزق
وده موقعهم http://www.rizkbrothers.com
و اتصلت بيهم قالى العبوه 1 كيلو ب 75 جنيه لل 134
ودى صوره المنتج باحجامه

روحت للبزينه الصبح و كلمت المدير قالى تعالى بعد 11 و خليه يغيره - مع انى عارف انها نصبايه خلاص
على العموم هاروحله بعد الشغل و نشوف ايه اللى هايحصل


ودى شويه معلومات تانيه مهمه هتفيدكم


ان فكرة وجود غاز بديل بمنع استخدام الفريونات القديمه بعد اجراء اتفاقية مونتريال التي تنص علي ذلك وذلك للحفاظ علي طبقة الاوزون حيث تحتوي المركبات القديمه لمادة الكلور المدمره لطبقة الاوزون
وتستخدم الفريونات الاتيه بديل عن فريون 12
R 134A
R 413A
R 406A
وتستخدم الفريونات الاتيه بديل لفريون 22
R 407C
R 417A
R 404A
ولكن دعنا نتكلم عن ضيف الشرف لهذا الموضوع R 406A
يتكون R 406A من
R 22 55%
R 142B 41%
R 600A 4%
حيث تم استخدام فريون R 406A كبديل لفريون R12 بعد ملاحظة زيادة تكلفة فريون R134A في عملية التصنيع حيث ان R134A ينتمي الي العائله الهيدروفلوروكربونيه
وهذه العائله هي البدائل الاولي للعائله الكلوروفلوركربونيه حيث تم الاستغناء عن مادة الكلور المدمره للاوزون وتم الاستعاضه عنها بمادة الهيدروجين وكانت له مميزات
كثيره عن فريون R12 وهي ان فريون R134A لا يختلط بزيت الضاغط ولكن مع زيادة تكلفة انتاجه بشكل ملحوظ قام المصنعين بنتاج فريون اقل تكلفه في تصنيعه وهو فريو R 406A

وتعتمد فكرة الفريون البديل علي تقارب الخواص الكميائيه فنجد مثلا ان فريون R 12
عند ضغط BAR 3.086 يكون عند درجة حراره صفر مئوي
فريون R134A عند ضغط BAR 2.928 يكون عند درجة حراره صفر مئوي
فريون R406A عند ضغط BAR 2.527 يكون عند درجة حراره صفر مئوي
وللعلم انا افضل R 134A كبديل لفريون R12 لتقارب الخواص الكميائيه بشكل ملحوظ بل لتفوق R 134A علي فريون R12 في كثير من الخواص

[heshamzaky]

اية يا معلم الكلام الكبير دة انت عملت ماجيستر فى الشحن هيييه ماقولتليش يا باشا التمبرا بيتحط فيها فريون كام جرام

[mikology]

مش عارف بجد - وعاوز اعرف - هو هايبقى نفس الموضع فى الانشيا