Tweet
السلام عليكم
امبارح كان اكتر يووم محبط و ندمت فيه جدا انى اشتريت العربية دى بسبب اللى شفته فى صيانة ال 10000 من المهندسين و من النظام فى المركز و حتى من شكاوى العملاء اللى قاعدين معايا فى الاستراحة
ده انا حتى محبط اكتب الموضوع ده و كتبته بس عشان الناس تعرف ان مفيش اى تغيير هايحصل غير فى اسلوب الكلام مع العميل و بس انما اى حاجة تانية .... انسى
معلش هاكتب اللى حصلى باستفاضة شوية ياريت تستحملونى
اه و ملحوظة كمان مهمة قوى نسيت اقولها : انا مش بعيب فى العربية خالص العربية دى فعلا لازم تكتسح السوق لكن انا بعيب فى اللى ماسكين توكيلها و صيانتها
الحكاية و ما فيها
اتصلت عشان احجز الصيانة يوم الثلاثاء 8\6\2010 و حجزت معاد يوم الاربعاء تانى يوم على طول الساعة 10 صباحا و الصراحة انا مكنتش متوقع انى هالاقى المعاد ده متاح عندهم ...
حمدت ربنا و جهزت نفسى و نمت بدرى و صحيت بدرى و نزلت غسلت العربية و استعديت للسفر ( عايش فى المنصورة ) المهم اتحركت على الساعة 7 صباح يوم الاربعاء وصلت القاهرة الساعة 9 تقريبا بس للاسف تهت فى شوارع القاهرة العظيمة ( اول مرة اروح بنفسى القاهرة و لوحدى بالعربية ) و هاتك يا لف فى الشوارع و اسئل ده و اسئل دول لحد ما ربنا كرمنى ووصلت الحمدلله المركز الساعة 11و نص تقريبا
طبعا دخلت قلتلهم انا كنت حاجز الساعة 10 و اتأخرت فى الطريق و لاقيتهم بيقولولى احنا اسفين يا فندم مسموحلك تتأخر 10 دقايق فقط على المعاد و بعد كده بيتلغى المعاد ( يعنى ملتزمين بمواعيدهم جدا !!! خليكوا فاكرين النقطة دى ) المهم .. الحمدلله دخلونى بعدها على طول ب 10 دقايق تقريبا بس كانوا بيتعاملوا معايا على انى جاى بدون حجز معلينا المهم انى دخلت ..
المهم دخلت على مهندس الاستقبال ( المهندس مؤمن ) راجل الصراحة زوق و محترم بس للاسف مفيش حاجة تانية شفتها منه غير كلام زوق و محترم
دخلتله و قلتله على المشاكل اللى عندى فى العربية وهيا الاتى: .... (ده طبعا غير صيانة ال 10000 تغير زيت و فلاتر )
1- كالون الشنطة مش بيفتح بالمفتاح
2- المارشديير بيعلق كتير و بيجى بعد عضة جامدة ساعات
3- الزجاج كله عايز ظبط عشان صوته مزعج شوية و كمان لما اقفله للاخر بسمع صوت احتكاك
4- اضافة السائل المنظف للمساحات
قالى ماشى و هانسلمك العربية الساعة 4 ان شاء الله و أكدت عليه انى على سفر و ياريت يلتزم بالمعاد ده
سلمتلهم العربية و طلعت تابعتها من الاستراحة و الصراحة صيانة ال 10000 اتعملت كلها و مفيش اى تعطيل و كله تمام فقط الاستراحة عشان صلاة الظهر المهم على الساعة 3 كده كانت الصيانة خلصانة و العربية خرجت برة المركز فا نزلت عشان اتابع معاها لان زى ما معظمكو عارف بتتركن فى الباركنج و تتنسى وقد كان
قعدت ربع ساعة تقريبا رايح جاى على المهندس ازن على دماغوا كل شوية لحد ما طلع العربية من البراكنج و دخلها الورشة تانى عشان يشوف بقى المشاكل اللى قلتله عليها جيت انزل عشان اشوف الشغل فى عربيتى بنفسى قالولى ممنوع يا فندم نزول العملاء للورشة حاولت معاهم بكل الطرق مفيش فايده فا طلعت فى الاستراحة تانى ! ما باليد حيلة
المهم جت الساعة 4 قلت انزل بقى استلم العربية لاقيت البهوات بيقولوى استنى ربع ساعة كمان (التزام تام بالمواعيد ) قلنا ماشى و سيبتهم لحد الساعة 5 الا ربع تقريبا و نزلت و فوجئت ان العربية فى الباركنج فا قلت اما ابص عليها قبل ما يجى المهندس و يسلمهالى و لقيت الاتى
1- كالون الشنطة ماتعملش فيه حاجة بل بالعكس لقيت لما بتكون الشنطة مقفولة بيبقى فى فرق واضح من الناحية اليمين
2- زجاج السواق بس هو اللى اتعمل و الباقى محدش قربلهم و الزجاج غرقان زيت او شحم مش عارف هو و جنب العربية كله مش عارف كانوا بيعملوا اية بالظبط
3- قالولى ان الفتيس سليم مفيش فيه حاجة (يعنى معملوش حاجة من الاخر فى المارشيدير )
و ده اللى قدرت اشوفه ناديت على المهندس و قلتله على اللى فيها قالى معلش احنا اسفين و خد العربية بنفسه و راح عند الورشة و هنا بقى حصلتلى الصدمة الكبرى .... الورشة قفلت و العمال مشيوا
طبعا بعد نقاش حاد و استخفاف شديد منهم الجو اتكهرب وقلب بزعيق منى و فضلت قاعد معاهم لحد الساعة 6 ونص تقريبا عشان يحلولى الموضوع ده و جالى واحد كده المفروض انه مسئول عن المركز و لما لاقانى بزعق رد بكل ... براءة الدنيا ( حضرتك ممكن تملى استمارة شكوى و احنا هانحقق فيها و هانعاقب المسئول !! ) كنت الصراحة نفسى امسكه و ... ولا بلاش خلينا محترمين احسن
المهم المهندس مؤمن ده كان قالى احنا هانعملك خصم اعتذارا مننا على اللى حصل .. طيب يا عم الخصم كام عمل حسباته و ظبط المسائل الخصم حوالى 26 جنية يافندم (بغض النظر عن ما تراءى الى ذهنى ساعتها من شتائم قذرة الا انى افتكرت بعد ما مشيت ان الخصم ده كل العملاء بياخدوه و كمان كان ليا خصم زيادة عشان استيكر المنتدى
)
و الحاجة اللى تضحك بجد بقى انى بعد ما مشيت لقيت زرار الانتظار و زرار فتح الشنطة و الزرارير كلها لقيتها ساقطة جوة التابلوه شوية من كتر الضغط على زرار فتح الشنطة بغشومية عشان يشوفولى الكالون
المهم فى النهاية الحالة العامة للعربية قبل ما استلمها منهم
1- الفتيس محدش قربله و انا شايفهم بعينى و هما بيكشفوا على الفتيس العامل كتر الف خيره قعد جوة العربية و جاب المارشدير كذا مرة و خرج وشاور للمهندس من بعيد كده العربية تمام مفيهاش حاجة ...مع العلم ان الفتيس اصلا كان شغال كويس و التعليق ده بيحصل كتير اه بس مش على طول
2- الزجاج بتاع السواق بس اللى اتصلح و الباقى للامانة قالولى بص على عربية تانية زى بتاعتك و لقيت فيها نفس المشكلة و كان تعليق المهندس ربنا يكرمه ( انا مش بشوف اذا كان فى مشكله فى العربية بتاعتك لكن بشوف اذا كانت المشكلة دى فى كل العربيات ولا لا و لو كده يبقى مش بصلحها !! )
و للعلم بقة انا هاجيب الزيت بنفسى و هاشحم بيه القزاز بلا وجع دماغ
3- كالون الشنطة متصلحش و الشنطة فيها فرق واضح
4- زراير الانتظار وفتح الشنطة وو.. سقطت جوة التابلوة
5- ودى حاجة فعلا تغيظ العربية مليانة شحم او زيت مش عارف و كانت متوسخة بطريقة تقرف رغم انى كنت غسلت العربية الصبح بنفسى و لما قلت للمهندس قالى معلش يافندم هاكمل مسلسل الرخامة الى عملناه معاك و هاقولك تروح تغسلها فى البنزينة اللى قدام المركز .....
هاختم الموضوع بالجملة الاخيرة دى
معلش تعبتكوا معايا فى القراءة
و نصيحتى لاى واحد عايز يشترى فيات اوووووووعى تغلط غلطة عمرك .. متشتريش فيات غير لما تسمع ان توكيل قيات اتسحب من اوماترا
و نصيحتى لكل مالكى الفيات الحالين لاززززززززززم نستمر فى موضوع الميل ولازم نتحرك و الا...
و ربنا يعينى و زملائى على باقى الصيانات مع التوكيل العظيم ده
استغفر الله العظيم ... اللهم لا اله الا انت سبحانك انى كنت من الظالمين
و حسبى الله و نعم الوكيل
امبارح كان اكتر يووم محبط و ندمت فيه جدا انى اشتريت العربية دى بسبب اللى شفته فى صيانة ال 10000 من المهندسين و من النظام فى المركز و حتى من شكاوى العملاء اللى قاعدين معايا فى الاستراحة
ده انا حتى محبط اكتب الموضوع ده و كتبته بس عشان الناس تعرف ان مفيش اى تغيير هايحصل غير فى اسلوب الكلام مع العميل و بس انما اى حاجة تانية .... انسى
معلش هاكتب اللى حصلى باستفاضة شوية ياريت تستحملونى
اه و ملحوظة كمان مهمة قوى نسيت اقولها : انا مش بعيب فى العربية خالص العربية دى فعلا لازم تكتسح السوق لكن انا بعيب فى اللى ماسكين توكيلها و صيانتها
الحكاية و ما فيها
اتصلت عشان احجز الصيانة يوم الثلاثاء 8\6\2010 و حجزت معاد يوم الاربعاء تانى يوم على طول الساعة 10 صباحا و الصراحة انا مكنتش متوقع انى هالاقى المعاد ده متاح عندهم ...
حمدت ربنا و جهزت نفسى و نمت بدرى و صحيت بدرى و نزلت غسلت العربية و استعديت للسفر ( عايش فى المنصورة ) المهم اتحركت على الساعة 7 صباح يوم الاربعاء وصلت القاهرة الساعة 9 تقريبا بس للاسف تهت فى شوارع القاهرة العظيمة ( اول مرة اروح بنفسى القاهرة و لوحدى بالعربية ) و هاتك يا لف فى الشوارع و اسئل ده و اسئل دول لحد ما ربنا كرمنى ووصلت الحمدلله المركز الساعة 11و نص تقريبا
طبعا دخلت قلتلهم انا كنت حاجز الساعة 10 و اتأخرت فى الطريق و لاقيتهم بيقولولى احنا اسفين يا فندم مسموحلك تتأخر 10 دقايق فقط على المعاد و بعد كده بيتلغى المعاد ( يعنى ملتزمين بمواعيدهم جدا !!! خليكوا فاكرين النقطة دى ) المهم .. الحمدلله دخلونى بعدها على طول ب 10 دقايق تقريبا بس كانوا بيتعاملوا معايا على انى جاى بدون حجز معلينا المهم انى دخلت ..المهم دخلت على مهندس الاستقبال ( المهندس مؤمن ) راجل الصراحة زوق و محترم بس للاسف مفيش حاجة تانية شفتها منه غير كلام زوق و محترم
دخلتله و قلتله على المشاكل اللى عندى فى العربية وهيا الاتى: .... (ده طبعا غير صيانة ال 10000 تغير زيت و فلاتر )
1- كالون الشنطة مش بيفتح بالمفتاح
2- المارشديير بيعلق كتير و بيجى بعد عضة جامدة ساعات
3- الزجاج كله عايز ظبط عشان صوته مزعج شوية و كمان لما اقفله للاخر بسمع صوت احتكاك
4- اضافة السائل المنظف للمساحات
قالى ماشى و هانسلمك العربية الساعة 4 ان شاء الله و أكدت عليه انى على سفر و ياريت يلتزم بالمعاد ده
سلمتلهم العربية و طلعت تابعتها من الاستراحة و الصراحة صيانة ال 10000 اتعملت كلها و مفيش اى تعطيل و كله تمام فقط الاستراحة عشان صلاة الظهر المهم على الساعة 3 كده كانت الصيانة خلصانة و العربية خرجت برة المركز فا نزلت عشان اتابع معاها لان زى ما معظمكو عارف بتتركن فى الباركنج و تتنسى وقد كان
قعدت ربع ساعة تقريبا رايح جاى على المهندس ازن على دماغوا كل شوية لحد ما طلع العربية من البراكنج و دخلها الورشة تانى عشان يشوف بقى المشاكل اللى قلتله عليها جيت انزل عشان اشوف الشغل فى عربيتى بنفسى قالولى ممنوع يا فندم نزول العملاء للورشة حاولت معاهم بكل الطرق مفيش فايده فا طلعت فى الاستراحة تانى ! ما باليد حيلة
المهم جت الساعة 4 قلت انزل بقى استلم العربية لاقيت البهوات بيقولوى استنى ربع ساعة كمان (التزام تام بالمواعيد ) قلنا ماشى و سيبتهم لحد الساعة 5 الا ربع تقريبا و نزلت و فوجئت ان العربية فى الباركنج فا قلت اما ابص عليها قبل ما يجى المهندس و يسلمهالى و لقيت الاتى
1- كالون الشنطة ماتعملش فيه حاجة بل بالعكس لقيت لما بتكون الشنطة مقفولة بيبقى فى فرق واضح من الناحية اليمين
2- زجاج السواق بس هو اللى اتعمل و الباقى محدش قربلهم و الزجاج غرقان زيت او شحم مش عارف هو و جنب العربية كله مش عارف كانوا بيعملوا اية بالظبط
3- قالولى ان الفتيس سليم مفيش فيه حاجة (يعنى معملوش حاجة من الاخر فى المارشيدير )
و ده اللى قدرت اشوفه ناديت على المهندس و قلتله على اللى فيها قالى معلش احنا اسفين و خد العربية بنفسه و راح عند الورشة و هنا بقى حصلتلى الصدمة الكبرى .... الورشة قفلت و العمال مشيوا
طبعا بعد نقاش حاد و استخفاف شديد منهم الجو اتكهرب وقلب بزعيق منى و فضلت قاعد معاهم لحد الساعة 6 ونص تقريبا عشان يحلولى الموضوع ده و جالى واحد كده المفروض انه مسئول عن المركز و لما لاقانى بزعق رد بكل ... براءة الدنيا ( حضرتك ممكن تملى استمارة شكوى و احنا هانحقق فيها و هانعاقب المسئول !! ) كنت الصراحة نفسى امسكه و ... ولا بلاش خلينا محترمين احسن
المهم المهندس مؤمن ده كان قالى احنا هانعملك خصم اعتذارا مننا على اللى حصل .. طيب يا عم الخصم كام عمل حسباته و ظبط المسائل الخصم حوالى 26 جنية يافندم (بغض النظر عن ما تراءى الى ذهنى ساعتها من شتائم قذرة الا انى افتكرت بعد ما مشيت ان الخصم ده كل العملاء بياخدوه و كمان كان ليا خصم زيادة عشان استيكر المنتدى
) و الحاجة اللى تضحك بجد بقى انى بعد ما مشيت لقيت زرار الانتظار و زرار فتح الشنطة و الزرارير كلها لقيتها ساقطة جوة التابلوه شوية من كتر الضغط على زرار فتح الشنطة بغشومية عشان يشوفولى الكالون
المهم فى النهاية الحالة العامة للعربية قبل ما استلمها منهم
1- الفتيس محدش قربله و انا شايفهم بعينى و هما بيكشفوا على الفتيس العامل كتر الف خيره قعد جوة العربية و جاب المارشدير كذا مرة و خرج وشاور للمهندس من بعيد كده العربية تمام مفيهاش حاجة ...مع العلم ان الفتيس اصلا كان شغال كويس و التعليق ده بيحصل كتير اه بس مش على طول
2- الزجاج بتاع السواق بس اللى اتصلح و الباقى للامانة قالولى بص على عربية تانية زى بتاعتك و لقيت فيها نفس المشكلة و كان تعليق المهندس ربنا يكرمه ( انا مش بشوف اذا كان فى مشكله فى العربية بتاعتك لكن بشوف اذا كانت المشكلة دى فى كل العربيات ولا لا و لو كده يبقى مش بصلحها !! )
و للعلم بقة انا هاجيب الزيت بنفسى و هاشحم بيه القزاز بلا وجع دماغ
3- كالون الشنطة متصلحش و الشنطة فيها فرق واضح
4- زراير الانتظار وفتح الشنطة وو.. سقطت جوة التابلوة
5- ودى حاجة فعلا تغيظ العربية مليانة شحم او زيت مش عارف و كانت متوسخة بطريقة تقرف رغم انى كنت غسلت العربية الصبح بنفسى و لما قلت للمهندس قالى معلش يافندم هاكمل مسلسل الرخامة الى عملناه معاك و هاقولك تروح تغسلها فى البنزينة اللى قدام المركز .....
هاختم الموضوع بالجملة الاخيرة دى
معلش تعبتكوا معايا فى القراءة
و نصيحتى لاى واحد عايز يشترى فيات اوووووووعى تغلط غلطة عمرك .. متشتريش فيات غير لما تسمع ان توكيل قيات اتسحب من اوماترا
و نصيحتى لكل مالكى الفيات الحالين لاززززززززززم نستمر فى موضوع الميل ولازم نتحرك و الا...
و ربنا يعينى و زملائى على باقى الصيانات مع التوكيل العظيم ده
استغفر الله العظيم ... اللهم لا اله الا انت سبحانك انى كنت من الظالمين
و حسبى الله و نعم الوكيل
)
Comment