رايكم في سيارة تمبرا 1991

[mikology]

ايوة يا جاليليو هو واير معرفش جواه ايه بالظبط سلك ولا ايه معرفش - بس هو مكانه واصل بالعداد و الكهربائى لما ركبه كله اشتغل تانى بكفائه ولما سألتهقالى ده السلك اللى بيبقى راكب فى التروس - هو قالى المصطلح اللى يفهمنى بيه و متعقدتش

[heshamzaky]

يا ريس انا موجود بس مفيش وقت والله - عموما هانت كلها كام يوم و الضغط يقل - دخله رمضان و موسم المسلسلات و الاعلانات بقى
المهم
التكييف بقى فله و تمام - حصل حبه حجات كده و فى الاخر اشتغل و شحنته تانى فريون امريكى امريكى
حوار الجنوط - انت الراجل اللى عندك هايجيب جنوط حلوة ولا اى كلام
يا اتش يا اخويا لو سبت الانشيا هاجيب حاجة نضيفه منييييييييييييييييين - هو حد بيفرط فى حاجة نضيفه

أنا مش قصدى تسيب اللانشيا قصدى أدخل على رابطة التمبرا و أرمى السلام يا سيدى هههههههه و بالنسبة للشغل أعلانات حلوة كدة أرفع راسنا يا فنان

[heshamzaky]

فى الموديلات الديجيتال مفيش تروس , فى سنسور فى الفتيس و بقية التوصيلات اسلاك كهربا عادية
مش بسلك " wire " من الفتيس للتابلوة

و فى بعض دول اوروبا شغالين بالميل و عدادات العربيات كانت بتنزل بالميل
بس الاغلبية كان بالكيلومتر

أنا شفت عربيات أستيراد العدادات ديجيتال بالميل و بتبقى 4 زجاج كهرباء

[Innovation]

معلش أنا و الله ما عرفت أنك أنسة الا لما شوفت أخر مشاركة عموما دة مش أختلاف بس بجد أحنا عارفين التمبرا تقريبا زى كف اليد و عموما أختلاف وجهات النظر لا يفسد للود قضية بس بجد ممكن تصوير التابلوة و رفع الصورة مش علشان أثبات كلام مين الى صح و لا خطأ بس للمعلومية يعنى مش تحدى على أى نوع من المعلومات أبدا شباب التمبرا و خصوصا جاليليو من الاس الحترمة جدا لو حد قابلة حقيقة حا يعرف أن كلامى مظبوط بس السؤال هى العربية تمبرا بشنطة و لا تيبو هاتش بال و ما هو شكل طارة الدريكسيون زى الصورة دى مثلا الى فى الصورة و لو لكى أى استفسار بخصوص العربية تفضلى لا مانع أبدا التمبرا المجموعة بتاعتها كلهم جدعان جدا جدا و الصورة أهية

اممم هوه الطابلوه عندنا فيه شبه كبير من ده .. بس مافيهوش الزراير الغريبه اللى على شمال الدريكسيون و الدريكسيون نفسه مش زى ده خالص , اه و الطفايه نفس لو ن الطابلوه مش ابانوس كده , و العدادات زى دى بالظبط

[heshamzaky]

[/color][/size]

اممم هوه الطابلوه عندنا فيه شبه كبير من ده .. بس مافيهوش الزراير الغريبه اللى على شمال الدريكسيون و الدريكسيون نفسه مش زى ده خالص , اه و الطفايه نفس لو ن الطابلوه مش ابانوس كده , و العدادات زى دى بالظبط

حا أقول لحضرتك السبب دى عربيتى أنا و شكل الدريكسيون مختلف لان الموديل دة من التمبرا يعتبر نسخة خاصة فى التمبرا لانة أستيراد يعنى بها بعض الاوبشنز الزيادة الدريكسيون فية أيرباج غلشان كدة شكلة مختلف و العربية بها فرامل abs و فتحة سقف و بالنسبة للزرياير الى على الشمال دى عبارة عن مكان لحفظ شرائط الكاسيت و الايانوس دة الاوريجنال بتاع العربية و لما كنا بنسأل على التابلوة فذلك مش لاثبات كلام مين صح و خطأ بس بجد الاستاذ جاليليو و الدكتور ضياء من الناس الى بيشتغلو بالورقة و القلم زى ما بيقولو ههههه و أنا من عشاق التمبرا و متابع التمبرا من أول ما ظهرت فى مصر طب سؤال أخر انتى الموتور الى عندكم فية عمة مستطيلة و لا حديد مدورة و الصور أهية

[Innovation]

حا أقول لحضرتك السبب دى عربيتى أنا و شكل الدريكسيون مختلف لان الموديل دة من التمبرا يعتبر نسخة خاصة فى التمبرا لانة أستيراد يعنى بها بعض الاوبشنز الزيادة الدريكسيون فية أيرباج غلشان كدة شكلة مختلف و العربية بها فرامل abs و فتحة سقف و بالنسبة للزرياير الى على الشمال دى عبارة عن مكان لحفظ شرائط الكاسيت و الايانوس دة الاوريجنال بتاع العربية و لما كنا بنسأل على التابلوة فذلك مش لاثبات كلام مين صح و خطأ بس بجد الاستاذ جاليليو و الدكتور ضياء من الناس الى بيشتغلو بالورقة و القلم زى ما بيقولو ههههه و أنا من عشاق التمبرا و متابع التمبرا من أول ما ظهرت فى مصر طب سؤال أخر انتى الموتور الى عندكم فية عمة مستطيلة و لا حديد مدورة و الصور أهية

انا مش فاكره اوى شكل الموتور لان مش باروح اصلحها بنفسى يعنى .. لكن اعتقد كده مافيش المستطيل ده .. على ما اتذكر مدور .. و على حد علمى ان عربيتنا دى كانت من لوت محدود العدد و كان اخر لوت مستورد جه مصر , و عموما اى كان التيمبرا كلها حلوه , سواء ايطالى او لا فهى كويسه و ربنا يبارك فيها لكل اصحابها.

[heshamzaky]

انا مش فاكره اوى شكل الموتور لان مش باروح اصلحها بنفسى يعنى .. لكن اعتقد كده مافيش المستطيل ده .. على ما اتذكر مدور .. و على حد علمى ان عربيتنا دى كانت من لوت محدود العدد و كان اخر لوت مستورد جه مصر , و عموما اى كان التيمبرا كلها حلوه , سواء ايطالى او لا فهى كويسه و ربنا يبارك فيها لكل اصحابها.

يبقى الموتور كاربراتير مش انجيكشن شبة الصورة الى انا منزلها دى و على فكرة لما بنقول ان العربية مش ايطالى مش معنى كدة انها صناعة مصرية ههههه لآ طبعا بس معناة انة تم تجميع السيارة داخل جمهورية مصر العربية يعنى بالبلدى كدة لو العربية جاية من بلد غير مصر لازم علشان تترخص يكون فية جواب أفراج جمركى للسيارة يعنى العربية كلها على بعضها كدة بحالها جاية على المراكب سواء الاسكندرية أو بورسعيد مثلا أنما لو تجميع داخل شركة النصر للسيارات لا أظن انة بيكون فية جواب أفراج جمركى و الله أعلم و المجمل ان السيارة الحمد لله قوية جدا و متينة و سواء مصرى و لا تركى و لا أيطالى و لا برازيلى برضو تمبرا حلوة

[heshamzaky]

و على حد علمى ان عربيتنا دى كانت من لوت محدود العدد و كان اخر لوت مستورد جه مصر , و عموما اى كان التيمبرا كلها حلوه , سواء ايطالى او لا فهى كويسه و ربنا يبارك فيها لكل اصحابها.

معلش سؤال غريب والد حضرتك كان وقتها فى الجهاز المركزى مثلا او شركة بترول حكومية أو الهيئة العربية للتصنيع اصل دول كانو هيئات بيتعاملو فى التمبرا

[sheashaa76]

ارجوا المساعدة فى مشكلتى

السلام عليكم ورحمة الله وبركاته
ربنا يوفقك انشاء الله فى العربية التمبرا
انا شارى عربية تمبرا موديل 92 - 1400 سى سى بس بصراحة انا شاريها استيراد معاقين هى حالتها ممتازة جدا والحمد لله
وحاجتها متوفرة قطع غيار استيراد فى عزبة شلبى ورخيصة بس عربيتى بدون كماليات مافيهاش تكييف وكنت سألت قبل كده هل ممكن اركب لها تكييف ولا لأ وعند مين ممكن اركبه ويكلفنى كام وهى فيها لوحة المفاتيح الخاصة بالتكييف زى اللى فى الصورة ومعرفش اى حاجة تانية عنها تخص التكييف وهى كاربيراتير مش انجكشن يعنى زى الصورة المعروضة دى بالظبط وفيه سؤال تانى عاوز اسأله ممكن اعرف درجة عداد الحرارة الطبيعية فى العربية التمبرا كام بالظبط انا العداد الحرارة عندى بيبدأ من ( 50 - 90 -130 ) والنهاردة انا لسه مغيير لها تيل فرامل وتنابير ايطالى جديد وفى نفس الوقت غسلت النهاردة الردياتير وغيرت لها المياه بمياه خضراء موبيل فى محطة موبيل بميدان السواح اخدت حوالى( 5.50 لتر ) بس بعد ما غيرت لها المياه لاحظت وانا راجع بها فى الطريق للبيت ان عداد الحرارة تعدى درجة 90 كان بالظبط بين درجة 90 ودرجة 130 فى المنتصف بينهم تماماً تقريباً ودى اول مرة تحصل لها فجأة بس لما وصلت سمعت صوت المروحة شغاله عاوز اعرف السبب ايه يا ترى وفيه شئ تانى عاوز اسأل عنه وهو الميكانيكى قالى ان العربية محتاجة تغيير طقم دبرياج كامل نوعه Valuo مش ايطالى وسألت عليه قالولى الايطالى سعره( 255 جنيه ) لكن Valuo سعره حوالى ( 350 جنيه ) قالى لان الديسك والأسطوانة خلاص بينتهوا وعشان كده انت كل لما تدوس على الدبرياج تسمع صوت عالى له ارجوا الإفادة منكم واسف جدا على انى طولت عليكم .....

[heshamzaky]

السلام عليكم ورحمة الله وبركاته
ربنا يوفقك انشاء الله فى العربية التمبرا
انا شارى عربية تمبرا موديل 92 - 1400 سى سى بس بصراحة انا شاريها استيراد معاقين هى حالتها ممتازة جدا والحمد لله
وحاجتها متوفرة قطع غيار استيراد فى عزبة شلبى ورخيصة بس عربيتى بدون كماليات مافيهاش تكييف وكنت سألت قبل كده هل ممكن اركب لها تكييف ولا لأ وعند مين ممكن اركبه ويكلفنى كام وهى فيها لوحة المفاتيح الخاصة بالتكييف زى اللى فى الصورة ومعرفش اى حاجة تانية عنها تخص التكييف وهى كاربيراتير مش انجكشن يعنى زى الصورة المعروضة دى بالظبط وفيه سؤال تانى عاوز اسأله ممكن اعرف درجة عداد الحرارة الطبيعية فى العربية التمبرا كام بالظبط انا العداد الحرارة عندى بيبدأ من ( 50 - 90 -130 ) والنهاردة انا لسه مغيير لها تيل فرامل وتنابير ايطالى جديد وفى نفس الوقت غسلت النهاردة الردياتير وغيرت لها المياه بمياه خضراء موبيل فى محطة موبيل بميدان السواح اخدت حوالى( 5.50 لتر ) بس بعد ما غيرت لها المياه لاحظت وانا راجع بها فى الطريق للبيت ان عداد الحرارة تعدى درجة 90 كان بالظبط بين درجة 90 ودرجة 130 فى المنتصف بينهم تماماً تقريباً ودى اول مرة تحصل لها فجأة بس لما وصلت سمعت صوت المروحة شغاله عاوز اعرف السبب ايه يا ترى وفيه شئ تانى عاوز اسأل عنه وهو الميكانيكى قالى ان العربية محتاجة تغيير طقم دبرياج كامل نوعه valuo مش ايطالى وسألت عليه قالولى الايطالى سعره( 255 جنيه ) لكن valuo سعره حوالى ( 350 جنيه ) قالى لان الديسك والأسطوانة خلاص بينتهوا وعشان كده انت كل لما تدوس على الدبرياج تسمع صوت عالى له ارجوا الإفادة منكم واسف جدا على انى طولت عليكم .....

بص يا باشا انا كنت جاوبت على الاسئلة دى بس اوكية علشان تركب تكيف فى ال 1400 سى سى لو مفيش تلاجة فريون خلف التابلوة دى كاملة بحوالى 600 جنية و الكومبريسور ب 300 جنية و خراطيم بحوالى 200 جنية و شوية حاجات تانية يعنى الاجمالى ممكن مرتاح يعدى 2000 جنية بس كمان لازم تغير الرادياتير و المروحة و معلش لازم تشوف المشاركات من الاول لقراءة التفاصيل كاملة . بالنسبة للحرارة الطبيعى المؤشر على 90 درجة بالنسبة لطقم الدبرياج دة ما تسترخصش فية دة من الاساسيات الطقم الى ب 350 جنية حا تلاقية الديسك فى علبة و الاسطوانة فى علبة الطقم الاصلى بيبقى المجموعة كلها فى كرتونة واحدة تقريبا ب 450 جنية و فية نوع المانى غالى ب 600 جنية الى ب 450 جنية كويس و المحلات بتشكر فية و أى استفسار تحت أمرك

[Innovation]

معلش سؤال غريب والد حضرتك كان وقتها فى الجهاز المركزى مثلا او شركة بترول حكومية أو الهيئة العربية للتصنيع اصل دول كانو هيئات بيتعاملو فى التمبرا

لا ابدا مافيش حاجه من دى

[heshamzaky]

الموضوع دة لقيتة و هو منقول من المنتدى

دي معلومات قرأتها من مواقع اجنبيه وممكن تكون صح او غلط مش عارف .
التمبرا بدأ انتاجها سنه 1990 وكانت تطور للريجاتا حيث انها سياره من الطراز العائلي وتم تصنيعها من سنه 1990 الى سنه 1992 بمواتير كربراتير وسنه 92 نزل قرار في اوريا للحفاظ على البيئه وبقوا ينتجوها انجيكشن وظل انتاجها في ايطاليا لحد سنه 96 وبعد كده وقفوا انتاجها في ايطاليا وانتجوا سياره اسمها maria لكن ظلت تنتج في كل من البرازيل وتركيا حتى سنه 98 وفي مصر حتى سنه 2000 والسياره تمبرا http://upload.wikimedia.org/wikipedia/commons/thumb/b/bb/fiat_tempra_1.9d_24-12-06_1706.jpg/800px-fiat_tempra_1.9d_24-12-06_1706.jpg
نزلت كنوع من المنافسه للسياره الفا روميو 155
http://www.team-bhp.com/forum/attachments/test-drives-initial-ownership-reports/87669d1231535518-my-1995-alfa-romeo-155-2-5l-v6-df72_1.jpg ولو شوفتوا السياره دي هتلاقوا شبه كبير جدا بينهم وهذه التمبرا اثبتت نجاح كبير طوال فتره انتاجها وحتى بعد وقف انتاجها.ونزل من السياره دي سعات مختلفه للمواتير تبدأ من 1.4 و 1.6 و1.8 و2.0 وطبعا في تربو ده غير ان في منها عدادها ديجتال وزجاج كهرباء وكمان باور وتكيف ولكنها كانت تعاني من عدم ثقه اناس بها في مصر حيث ان لها سمعه ان قطع غيارها غير متوفره وغاليه ((ده صنايعيه اللي قالوهولي مش النت)) والكل بينصح بالابتعاد عنها بس دلوقتي الوضع اتغير تماما وكمان سنه او سنتين هتبقى التمبرا زي اللادا والشاهين في مصر وده بسبب انها بدأت تستورد بكثره جدا للمعاقين وبدا الناس يثقوا فيها ويحبوها وده طبعا بسبب انها امكانياتها اكتر بكتير من سعرها ده غير انها مريحه ودلوقتي بقت اسعار قطع غيارها رخيصه وبقت موجوده عند محلات قطع غيار الفيات وانا للأسف معلوماتي لسه ضئيله عنها بس اول ما هعرف حاجه جديده عنها هكتبها

[galilio_mad]

معلش يا اتش , اسمحلى اصلح شوية حاجات

الانتاج التركى وقف 95-96 و البرازيلى بس هو اللى كمل ل 98

العربية ما نزلتش منافسة لل 155 , التمبرا انتجت 90 و الالفا 155 انتجت 92 بينما الديدرا نزلت 89

و لا التيبو و لا التمبرا نزلوا بتربو باستثناء موديلات الديزل , كل اللى بتربو يا متركب Kit يا بيسقطوا موتور ال 16vt يا ال 20vt

[heshamzaky]

معلش يا اتش , اسمحلى اصلح شوية حاجات

الانتاج التركى وقف 95-96 و البرازيلى بس هو اللى كمل ل 98

العربية ما نزلتش منافسة لل 155 , التمبرا انتجت 90 و الالفا 155 انتجت 92 بينما الديدرا نزلت 89

و لا التيبو و لا التمبرا نزلوا بتربو باستثناء موديلات الديزل , كل اللى بتربو يا متركب Kit يا بيسقطوا موتور ال 16vt يا ال 20vt

صباح الخير يا باشا عدل براحتك يا باشا بتقول اية ههههههههههه الموضوع منقول مش كتابة منى هههههههه و طبعا انت أستاذ فى مواضيع المواتير و ما اقدرش اعدل عليك يا صديقى فى المواتير يا استاذى

[kdosoki]

الاتنين 1.6 و انجكشن و كامة واحدة
بس واحد بيطلع 76 حصان و التانى بيطلع 89 حصان

ليييييه ؟ عشان الاولانى SPI و التانى MPI
الموتور التانى ده برازيلى برضو , و نزلو بعديه نسخة DOHC كانت حاجة و تسعين حصان , مش فاكر بالضبط

و خدلك معلومة ع الماشى , نفس الموتور العادى بتاعنا ايام ما كان كربراتير كان بيطلع 86 حصان
و بعد 1992 وعشان اشتراطات البيئة الاوروبية ركبولة ال SPI و ال Catalytic converter
بقى بيطلع كام بقى , 76 بس , حاجة تفرس مش كده ؟؟؟؟

بص يا جاليليو دى صورة الموتور بتاعى بس مش فاهم
هو كده كام حصان ؟
وهو الموتور اللى بياكل زيت ولا الموتور الكويس ؟

http://a.imageshack.us/img408/7497/67231803.png

Yfrog Image : yfrog.com/bc67231803p
<a target='_blank' title='ImageShack - Image And Video Hosting' href='http://img408.imageshack.us/i/67231803.png/'><img src='http://a.imageshack.us/img408/7497/67231803.png' border='0'/></a>

Uploaded with <a target='_blank' href='http://imageshack.us'>ImageShack.us</a>