خلى بالكم 128 بتغيرررررررررررر!!!!!!

[Eng_Mostafa_89]

الله يبارك فيك يا باشا وعقبالك
فعلا المقدمات دى كانت بتظهر كتير بس انا علشان اول عربيه ليا بقالها يدوبك سنه مكنتش عارف موضوع المعلقه ده بس عموما دلوقت انا جبت واحده جديده وديتها خورمين 10 وربطها بمسمارين 10 كنوع من الاحتياط علشان متحصلش تانى
وادينا بنتعلم

احلى حاجة فى ال128 انها هتعلمك كل حاجة من السمكرة للعفشة للميكانيكا والفرامل للدوكو للكهرباء ومش بعيد كمان تشتغل فيها سروجى
اسالنى انا مجرب ودارسها من الاكصدام للاكصدام :)

[memononos]

اولا مبروك الخطوبه

بص كويس اصلا ان العربيه ماشيه ديه بقالها 40 سنه يا باشا شغل تستنى منها ايه انت كنت تأجر عربيه فى المشوار ده او اى مشاوير مع العروسه ولما تتجوز تبقى تصرحها بالواقع المرير هههههههههههههههههههه كل سنه وانت طيب رمضاااااااااااان كريم

لا بالعاكس يا عزيزى المفروض العروسه تشوف المره قبل الحلوه علشان تبقى الامور واضحه من اولها كان ممكن ااجر عربيه 150 جنيه واتمنظر بيها وبتاع بس على ايه خلينا واقعين احسن هههههههههه
الحمد لله على كل شىء

[semsem_uno]

المهم انا اتخنقت ودمى فار قمت قلعت القميص المهم جى بدى الاول مفيش اول مور ادى الثانى مفيش تانى طب الثالت مفيش ... قمت شديت عصايه الفتيس كده بايدى لقيت الفتيس كله طلع فى ايدى

موتتني من الضحك

[mrghost]

الف الف مبروك على الخطوبه وحاول تراضى العربيه وهى اكيد بتحبك وهتفرحلك

[smsm_cato]

اولا مبروك على الخطوبة يا نجم بس سيبك انت حتة ان بيض الفتيس فقس دى موتتنى من الضحك

[NoRmAl]

أنت خدت رأيها قبل الخطوبه دي :)

[mahamedaraby]

الف الف مبرووووك على الخطوبه

ومعلش هى 128 كده بتغير شويتن وتاخد على خاطرها بس والله فى الاخر اصيله برضوا

[mohamed_e36]

الف الف مبروك
وهي العربيات دي كده تموت في قله الاصل

[تامر.محمد]

هههههههههههههههههههههههههههههههههههههههههههههههههه
دي كانت حتة ليلة


عموما مبروك
:)

[ainshouka]

انا خطوبتى كانت امبارح عقبال عندكم المهم روحنا على بيت العروسه و كنا الوالد والوالده و انا طبعا +عربيتى 128

وصلنا الساعه 9.15 تقريبا اعدنا مع اهل العروسه نقرا الفاتحه لحد الساعه 11.30 تقريبا

المهم انا علشان الم الموقف قدام اهل العروسه قمت قارص بنزين وطلعت على الغيار الثالث امشى بس من قدام البيت وبعد كده اولع فيها بس امشى
كده بيض الفتيس فقص

قلعت القميص
وقمت رفعت العربيه ونزلت تحتها وطلعت الزراديه و الولاعه ام كشافيه

اعدت ادور فى الزباله الى تحت الكوبرى سورى فى الاخر لقيت قفص فاكه قمت خدت منه السلك الى فيه كله وبرمته فى بعضه وقمت نزلت تحت العربيه واعدت الف على المعلقتين علشان اربطهم فى بعض المهم بقت الساعه حوالى 1.40 دقيقه

ملقتش غير حته دوبارا بتاعه شوال على جنب قمت رفعت العربيه نزلت تحتها وقمت اعدت الف الف الف الف الدوبارا مع حته السلك المه الساعه وصلت 2.30 دور

بجد بجد الله يكون فى عونك

حسستنى انى بتفرج على فيلم مجايفر وللا لارنولد لما كان بيعمل اى حاجة من اى حاجة بس برنس والله انك عرفت تتصرف فى الزنقات دى كلها

[A.Saad]

مبروك الخطوية
صالح العربية بقى بحاجة

[hazoom2006]

يا معلم الف مبروك على الخطوبة

انت موتنى من الضحك باسلوبك الجميل ده

انا بس عايز اعرف بيض الفتيس لما فقس... فقس اية اكيد بلى دبرياش

[dr_haitham79]

ألف ألف مبروك ع الخطوبة
وربنا يصبرك ويقويك ع ال128

[nasr-eldeen]

ألف مبروك يا ريس على الخطوبة
وأكيد أنت مأخذتش رأي ال 128 في إنك عايز تتجوز .
كنت خد رأيها وهي أكيد كانت هتتفهم موقفك .
حاول تراضيها وتقنعها بظروفك وأكيد هي هتقدر الظروف بدل ما تعمل معاك أكثر من كدة .
دي قرصة ودن.
والخوف بئه لتكون انت وخطبتك في مشورا وتنزل انت من العربية وتسيبهم مع بعض لوحديهم أسترا يا ستير.
هههههه بهزر مع سيادتك .
أي حاجة تظهر في السيارة سواء صوت غريب أو حركة غير طبيعية ياريت تلحقها بسرعة قبل ما تكبر .
ومرة أخرى ألف مبروك على الخطوبة وربنا يتمم لك بخير .
وبارك الله لكما وبارك عليكما وجمع بينكما في خير .

[BrainStorm]

دي فعلا كانت ليلة العمر بس المهم مبروك عليك الخطوبة