مالكى و محبى الريجاتا

[zenger]

السلام عليكم ورحمة الله وبركاته
انا لاحظت ان مفيش اى مندتيات عن الريجاتا مع انها عربية محترمة امتداد لموديلات جميلة زى 132و 131 و جت بعدها التمبرا
انا عندى ريجاتا موديل 88 كنت عاوز اتناقش مع مالكى الريجاتا فى الاعطال,قطع الغيار الاصلية او الماركات المعقولة,كمان احسن اماكن لتصليح الاعطال زى محبى التمبرا ما شاء الله عليهم عاملين شغل جامد
اشمعن بقى الريجاتامع انها قبل التمبرا على طول !!!!
ارجو من جميع مالكى الريجاتا بمختلف موديلاتها على منتدى نايل موتوز الدخول على هذا الموضوع علشان نستفيد من اراء و خبرات بعض
و هستنى الرد منكم ومشاركتكم جميعا و ان شاء الله نعمل رابطة بنفس شعبية محبى التمبرا ان شاء الله

و السلام عليكم و رحمة الله و بركاته

[ahmad5997]

متابع معاك ياباشا قلبا وقالبا

[zenger]

الله يخليك يا باشا انا بس مكنتش لاقى اهتمام ليها انا متابع معاك لو فى اى استفسار انا خبرتى على قدى فلو نتناقش فى مشاكلها البسيطة معاك و معايا اكون شاكر كتر المشاركة يزود الخبرة

[Ahmed_Ramadan]

ديه الرابطة الخاصة بمالكى الريجاتا

http://www.nilemotors.net/Nile/92451-a.html

[atato]

اهلا بك اخى العزيز
انا معك تماما انا كنت مستنى اعمل كده و الله
انا كنت عاوز اشترى عربية لادا نيفا و لكن ربنا هدانى بعد الاستخارة الى ريجاتا لسة جايبها من شهر هى مو85 معقولة هى فتحه بقها بس خفيف خفيف انا كنت عاوز اسأل اهل الخبرة انا بعد ما غيرت الكاوتشات لاحظت انها اكبر من الكاوتش القدبم كان نصر و الجديد تيوبلس حلو بس فى مشكلة كبيرة جدا واجهتنى ان الكاوتش بيخبط فى صاج الرفرف الخلفى و عمال يهرى فى الكاوتش كل ما اركب ثقل معايا و اشم ريحة الكاوتش روحت لمكان ضبط زوايا ممتاز ظبطلى العافشة من تحت كلها و علالى العجل من ورا و مرضيش يعليهولى كتير قاللى هتعوم منك بس المشكلة موجودة هو فى المنيل اسمه المهندس هشام اسماعيل فوق الممتاز بجد فناس تقولى طلع الرفرف لبره و ناس تقولى اروح المنيل تانى و اخلى المهندس يدخللى الكاوتش لجوة انا مش عارف هوه ده صح ولا غلط و اعمل ايه قبل ما اروح المنيل
و شكرا جدا لاصحاب الريجاتا
( استرجل و اركب ريجاتا هههههههههههههاااااااااا )

[zenger]

طب انا مش واصلالى الصورة كويس بس يا باشا انت لما خلعت الكاوتش القديم و تنزل تجيب جديد تجيب نفس مقاش القديم بيبقى مكتوب على الكاوتش و انا هجيبلك المقاس عندى كام لانى مش بغير الا نفس مقاسها و انا عندى تيوبلس برضو بس الكاوتش بيحك فى الرفرف من الناحيتين العجلتين يعنى ولا عجلة واحدة و اتاكد ان العجل مخدش خبطة كده ولا كده قدمتها او اخرتها سنة و حاول تتاكد من مقاس الكاوتش انا عندى بحمل عادى بس مش بتحك شوف المساعدين ممكن يكونوا تعبانين ولا حاجة

[zenger]

بس لا تدخل الكاوتش لجوا ولا تطلع الرفرف برا متلعبش فى اصل العربية يعنى هى مشاكلها بتتحل و كويسه بس من غير لعب فى عجل او رفرف خلى العربية على اصلها هتريحك اوى صدقنى

[heshamzaky]

السلام عليكم ورحمة الله وبركاته
انا لاحظت ان مفيش اى مندتيات عن الريجاتا مع انها عربية محترمة امتداد لموديلات جميلة زى 132و 131 و جت بعدها التمبرا
انا عندى ريجاتا موديل 88 كنت عاوز اتناقش مع مالكى الريجاتا فى الاعطال,قطع الغيار الاصلية او الماركات المعقولة,كمان احسن اماكن لتصليح الاعطال زى محبى التمبرا ما شاء الله عليهم عاملين شغل جامد
اشمعن بقى الريجاتامع انها قبل التمبرا على طول !!!!
ارجو من جميع مالكى الريجاتا بمختلف موديلاتها على منتدى نايل موتوز الدخول على هذا الموضوع علشان نستفيد من اراء و خبرات بعض
و هستنى الرد منكم ومشاركتكم جميعا و ان شاء الله نعمل رابطة بنفس شعبية محبى التمبرا ان شاء الله

و السلام عليكم و رحمة الله و بركاته

ربنا يخليك يا باشا و ان شاء الله تكونو احسن من رابطة التمبرا و الرابطات كلها بالتوفيق

[zenger]

الله يخليك يا باشا انا متابعك انت و مايكل الصراحة خبرة كويسة و عاملين شغل حلو مع التيمبرا و اللانشيا و اهو بنحاول نعمل مع الريجاتا كده و نبقى فى نفس المستوى ان شاء الله

[semsem_uno]

الموضوع موجود اصلا يا باشا

http://www.nilemotors.net/Nile/92451-a.html

[heshamzaky]

طالما فية رابطة ممكن الادارة تعمل دمج للموضوع دة مع دة و تفضل يا باشا اول هدية ههههههههههههههه

[zenger]

هدية مقوبلة يا باشا و ان شاء الله قريب هرفع صور عربيتى برضو

[amro1965]

بالنسبه الى انا لا احب ان اعدل فى سياراتى سواء كان فى الاطارات باضافه جنوط او اغير مقاسات الكاوتش او اشيل موتور واضع موتور اخر
كل هذه الاشياء انا احبذها لان التعديل فى الاساسيات من وجه نظرى بياتى بنتائج عكسية
وشكرا

[zenger]

كلامك تمام و مظبوط انت تعدل فى انك تشيل حاجة و تحط حاجة تعلى كفاءة اداء العربية
تخلى المظهر الجمالى احسن
لكن انا مروحش اعيب العربية و اقلبها كابورليه و اقص القايم ده تخريب فى اساسات العربية مش تعديل

[amro1965]

تبقى ضربه معلم اللى يجيب لنا كتالوج الريجاتا باللغه الانجليزية لان اللى موجود فى المنتدى باللغه الالمانية