تعديل فرامل الشاهين

[engahmedsamy]

انا معايا عربية شاهين طبعا دي غير الانوس
المهم الشاهين موتورها حالتو 100%و بتجري جري غريييب
بس الفرامل بقي يعني اسغفر الله العظيم بتهرب مني واخييش بوشي لازم
:I_angr1[1]
انا كنت عايز اعدلها علشان تتظبط و علي فكرة مهما بصرف علي الفرامل تتظبط شهر كدا و خلاص
في ناس بيعدلوها لانشيا فا ياريت لو حد عندو فكرة

[smsm_nabawy]

انا دايس معاك ياا معللم ،، أنا أسمي حسام ،، من ألأسكندرية ،، و ممكن نتكلم على الخاص ، او الياهو نفكر مع بعض في حاجات ،، مع الفرق ، انا معايا 1400 انجيكشان 2006

[ahmedamr]

يا باشا الشاهين ال 97 دى غريبة بجد
ولا اكنك راكب بي ام انا معايا وعارف وكمان ببنزين 80

[engahmedsamy]

يا باشا الشاهين ال 97 دى غريبة بجد
ولا اكنك راكب بي ام انا معايا وعارف وكمان ببنزين 80

اااه والهي و بعدين انا توصلت ان التعديل بيتكلف 900 جنييية

[hulk_jotun]

انا معايا دوجان 95 1600سىسى و بسم الله ما شاء الله على الفرامل
و متابع باهتمام لو فى جديد

[smsm_nabawy]

اااه والهي و بعدين انا توصلت ان التعديل بيتكلف 900 جنييية

طيب طالما كده ،، ممكن تقولنا التعديل عبارة عن أيه ،، و بيتعمل فيه أيه بظظبط ،، و فين ؟!!

[hamann]

السلام عليكم و رحمة الله و بركاته

أنا كان عنى استفسار للعفشة بتاع الشاهين :

أنا امبارح غيرت المساعدين الأماميين و جبت اتنين ألمانى زيت و غيرت جوز المقصات و غيرت كمان حشو الدركسيون و بستم, بس بعد ماخلصت لقيت العربية فى السرعات العالية , يعنى على ال90 كم مثلا , تحس أنها بتعوم و مش ثابتة و الموضوع ده مكانشى موجود فى العربية قبل ماعمل كل الاصلاحات دى , ايه رأيكم , العربية محتاجة ظبط زوايا ولا ايه؟؟؟؟



شكرا و آسف للاطالة

hamann

[smsm_nabawy]

السلام عليكم و رحمة الله و بركاته

أنا كان عنى استفسار للعفشة بتاع الشاهين :

أنا امبارح غيرت المساعدين الأماميين و جبت اتنين ألمانى زيت و غيرت جوز المقصات و غيرت كمان حشو الدركسيون و بستم, بس بعد ماخلصت لقيت العربية فى السرعات العالية , يعنى على ال90 كم مثلا , تحس أنها بتعوم و مش ثابتة و الموضوع ده مكانشى موجود فى العربية قبل ماعمل كل الاصلاحات دى , ايه رأيكم , العربية محتاجة ظبط زوايا ولا ايه؟؟؟؟



شكرا و آسف للاطالة

hamann

من البديهي أن العربية ثباتها يزيد بعد الحاجات دي "لو أتعملت صح و بنظافة" خلينا الأول في السهل ألا و هو التالي ،،
هو المفروض أن بعد حضرتك متخلص دول تعمل ظبط زوايا و أتزان ،،
أنصحك بأن حضرتك تروح لبنزينة موبيل نظيفة ،، تعمل عندها ظبط الزوايا و الأتزان ،، و تقول للراجل اللي حيعملك كده على الحكاية دي ،، من أولها ،، عشان بالمرة يشوفلك الحاجات الجديدة دي ،، فيها حاجة متركبة غلط ولا ،بالمرة ،، عشان هو كده كده حينزل تحتيها !!

و أي أستفسار من حضرتك أرجوا أن الله يوفقنا و نجاوبك ..

[amalarafa]

المشكله انه فيه حاجه غلط في فرامل الشاهين عيب في هندسه او تصميم ازاى ؟ لانه لو بفرض ان الفرامل اوقفت العجلات فى توقيت مناسب سوف تزحف السياره وخاصه لو كانت محمله بالكامل وتقريبا بصرف النظر عن حاله الطريق ونوع الاطارات اقصد كل مايؤثر فمقدار الاحتكاك الحادث بين الاطار والاسفلت وقد حدث هذا اكثر من مره معى رغم تناقض ذلك مع كل مبادىء الاستاتيك والديناميك التى يعلمها اى تلميذ ثانوى وعودا لتلك المبادىء نجد الاتى لمنع او تقليل زحف اى سياره يتبع كل مايؤدى لزياده الاحتكاك مع الاسفلت 1-عكسيا مع ضغط الاطارات -2- طرديا مع مساحه التلامس بين الاطار والطريق -3-طرديامع الوزن الواقع علي كل محوروبالتالي علي كل اطار -4-عكسيا مع سرعه السياره هذا فيما يخص السياره وده طبعا اذا اعتبرنا انه كل انواع الاطارات متساويه تقريبا بمعامل الاحتكاك بينها وبين سطح الطريق الاسفلت اما فيما يخص الطريق فكلنا نعلم العوامل التى تجعله زلقا سواء من وجود مواد مفككه او منسكبه رمال زيوت شحوم مياه الخ بالاضافه لميل الطريق في اتجاه او ضد الحركه المفاجأة هنا بأه ان السياره الشاهين لا تتبع اى من هذه القوانين والله لقد زحفت على سرعه اربعين كم ولبست بالوجه فى اسبرانزا وقف فجأه لمرور شخص امامه وللعجب لم يصب بسوء والشاهين المرعبه دى خسائرها كل الا جزاء وشبكه وفوانيس واحتياج الكبوت للسمكره واستعدا ل الصدر والردياتر والمروحه وبويه بس خلاص طولت عليكم والمهم يبدو ان العلم يقف عاجزا امام هذه الشاهين الجباره وشكرا لسه هعدل افرامل

[smsm_nabawy]

:b4_611:المشكله انه فيه حاجه غلط في فرامل الشاهين عيب في هندسه او تصميم ازاى ؟ لانه لو بفرض ان الفرامل اوقفت العجلات فى توقيت مناسب سوف تزحف السياره وخاصه لو كانت محمله بالكامل وتقريبا بصرف النظر عن حاله الطريق ونوع الاطارات اقصد كل مايؤثر فمقدار الاحتكاك الحادث بين الاطار والاسفلت وقد حدث هذا اكثر من مره معى رغم تناقض ذلك مع كل مبادىء الاستاتيك والديناميك التى يعلمها اى تلميذ ثانوى وعودا لتلك المبادىء نجد الاتى لمنع او تقليل زحف اى سياره يتبع كل مايؤدى لزياده الاحتكاك مع الاسفلت 1-عكسيا مع ضغط الاطارات -2- طرديا مع مساحه التلامس بين الاطار والطريق -3-طرديامع الوزن الواقع علي كل محوروبالتالي علي كل اطار -4-عكسيا مع سرعه السياره هذا فيما يخص السياره وده طبعا اذا اعتبرنا انه كل انواع الاطارات متساويه تقريبا بمعامل الاحتكاك بينها وبين سطح الطريق الاسفلت اما فيما يخص الطريق فكلنا نعلم العوامل التى تجعله زلقا سواء من وجود مواد مفككه او منسكبه رمال زيوت شحوم مياه الخ بالاضافه لميل الطريق في اتجاه او ضد الحركه المفاجأة هنا بأه ان السياره الشاهين لا تتبع اى من هذه القوانين والله لقد زحفت على سرعه اربعين كم ولبست بالوجه فى اسبرانزا وقف فجأه لمرور شخص امامه وللعجب لم يصب بسوء والشاهين المرعبه دى خسائرها كل الا جزاء وشبكه وفوانيس واحتياج الكبوت للسمكره واستعدا ل الصدر والردياتر والمروحه وبويه بس خلاص طولت عليكم والمهم يبدو ان العلم يقف عاجزا امام هذه الشاهين الجباره وشكرا لسه هعدل افرامل

اولاً.. ممكن الكلام الخاص بالفرامل ده بالعربي لو سمحت ؟؟ :)))

ثانياً. 40 ؟؟ و خيشت ؟؟؟ يا جدعان مااشاء الله الفرامل معاايا جميييييييلة ،، الحمد لله !! باخد غرز على ال 120 و ال 100 أكصدام في اكصدام !! مفيش عيب في الفرامل... ،، و أما مع الفرملة المفاجاة ،، مفيهاش أي عييييييب !! ،، أنا بكبس فرامل للآخر ،، لما أحس ان العجل كلبش في الأرض ،، و وقف تمماماً عن الدوران،، "كده العربية حتزحف" بشيل رجلي سنة من على الفرامل علشان أعمل أقصى قوة فرملة للعربية !! مش بسمحلها انها تزحف !!
يعني زحف العربية ده مع الفرملة المفاجأة ،، "طالما العربية مش أي بي إس" " بيبقى معتمد على السواق كمان و طريقته في الفرملة !!

[misoalex]

عربيه زى دى بموتور زى ده ودفع خلفى مش جر امامى كان لازم لازم الفرامل الخلفيه تبقى سكاكين زى الفرامل الاماميه

هو ده مربط الفرس

[smsm_nabawy]

عربيه زى دى بموتور زى ده ودفع خلفى مش جر امامى كان لازم لازم الفرامل الخلفيه تبقى سكاكين زى الفرامل الاماميه

هو ده مربط الفرس

بظظظظظبط !! هوا ده بقا التعديل الي نفسي اعمله ،، بس مش عارف أعمله فين ؟؟ :((

و خايف بيني و بينك حد يعملهولي غلط !!

[saadelden]

مع اني معايا 131 ماتور 1600 كامه واحده و معروف بيجري ازاي الماتور دا
بعد ما ظبطت الفرامل بقيت دلوقتي مفيش مشاكل منها

اهم حاجه ريجلاش الفرامل الخلفيه و يكون نوع التيل كويس و طري

[smsm_nabawy]

مع اني معايا 131 ماتور 1600 كامه واحده و معروف بيجري ازاي الماتور دا
بعد ما ظبطت الفرامل بقيت دلوقتي مفيش مشاكل منها

اهم حاجه ريجلاش الفرامل الخلفيه و يكون نوع التيل كويس و طري

ممكن تفيدنا ،، و تقولنا ظبطها أزاي ؟؟ و أيه الحاجات الي أشتريتها ،و الصتايعي عمل أيه و كده ؟؟

فيدنا بأي حاجة !!

[mrghost]

بعض النصائح
زيت فرامل يكون نضيف ونوع كويس
الفرامل اللى ورا عليها عامل مهم اوى اوى (يعنى لو محتاجه تتغير غير التيل بتاعها )
تنظيف البسكوت بتاع الجشمه الاماميه علشان يتحرك بسلاسه مع الفرامل
تيل فرامل امامى نوعيه كويسه
بس كده