البرافو كانت هتعوم منى

[yasserelsayad]

لأ بس اصلا البرافو فعلا جامدة ولا حضرتك رأيك ايه ؟؟
و النسخة الأبارث بقي لا جولف ولا بتاع معلش مع احترامي

ايه اللى جاب الأبارث فى الموضوع دلوقتى
وانا من تجربتى للبرافو فا الكلام بتاعوا دا ممكن يحصل لاى حد عشان كنت بحس باردوا انها بتعوم من ورا لما تعدى على فاصل او عين القط فى خط مستقيم

[KHALED AYMAN]

لأ بس اصلا البرافو فعلا جامدة ولا حضرتك رأيك ايه ؟؟
و النسخة الأبارث بقي لا جولف ولا بتاع معلش مع احترامي

ليه الابارث لا جولف ولا بتاع ؟

[yasserelsayad]

ليه الابارث لا جولف ولا بتاع ؟

يا باشا عادى هو بس بيحب العربية شوية .. لكن مينفعش نتكلم كدا على واحدة من عمالقة السيارات

[damasry]

ايه اللى جاب الأبارث فى الموضوع دلوقتى
وانا من تجربتى للبرافو فا الكلام بتاعوا دا ممكن يحصل لاى حد عشان كنت بحس باردوا انها بتعوم من ورا لما تعدى على فاصل او عين القط فى خط مستقيم

فعلا البرافو بتلعب شوية كدا لما تعدى على عيون القط بس مش البرافو بس، معظم العربيات فى مصر لكن البرافو زى ما قلت بتلعب من ورا بالذات لو واخد ملف ومعدى على عيون قط.

ليه الابارث لا جولف ولا بتاع ؟

عشان الابارث يا خالد تعديل لعربيات فيات والتعديل دا بيخلى العربية حاجة تانية خالص وبتنافس بشدة كل العربيات اللى فى الفئة دى.

يا باشا عادى هو بس بيحب العربية شوية .. لكن مينفعش نتكلم كدا على واحدة من عمالقة السيارات

سمسم من اشد الناس المتحمسين لفيات بس حماس عن حق ولما بتكون فيه معلومة غلط وبنصححها ليه مش بيكابر.

[yasserelsayad]

سمسم من اشد الناس المتحمسين لفيات بس حماس عن حق ولما بتكون فيه معلومة غلط وبنصححها ليه مش بيكابر.

يا باشا ربنا يزيد حبه لفيات وحماسه كمان وكمان .. بس عربية زى الجولف بتاريخها .. عربية ينحنى لها الطريق احتراما

[Ralliart]

طيب ما تحاول توطيها من ورا (بقطع من ماركات نضيفه) وتشوفلها سبويلر اوريجنال
ده هيزود الـdown force وهيثبت العربيه من ورا جامد وهتحس بالثبات
انا فاكر لما ميتسوبيشي وطو الايفو 9 كام سنتي وغيرو شكل الاسبويلر قالو ان اداءها اتحسن 10% عن اللي قبلها مع انهم نفس العربيه

ومشكلتك ممكن تكون كمان في الطنابير او في الطريق الزباله اللي مشو عليه العربيات قبل ما ينشف واهدرو ملايييين
انما لو العربيه طبيعيه المفروض انها فيها ebd و abs ومينفعش تعوم بالشكل ده

[damasry]

وشركة زى فيات بتاريخها وعراقتها بردو ينحنى لها الطريق

[yoko]

دودجر بس شوف الحلول دي كده بالترتيب وجرب لحد ما تظبطت معاك
1) إظبط ضغط الكاوتش
2) ربط عفشه
3) شيك على ريجة الطنابير
4) إظبط زوايا
وأكيد حتتحل مع واحده من دول
ولو مش عارف تعملهم إزاي قولي أو حتى ننزل مع بعض في يوم ونجربها مع بعض

[KHALED AYMAN]

يا باشا عادى هو بس بيحب العربية شوية .. لكن مينفعش نتكلم كدا على واحدة من عمالقة السيارات

منا عارف يا ياسر انه بيحب العربيه ..بس حبى لعربيه ميخلنيش اقلل من ماركات تانيه تستحق الاحترام ..فى الاخر كله حديد ...بس كل حاجه لازم تتقال صح

فعلا البرافو بتلعب شوية كدا لما تعدى على عيون القط بس مش البرافو بس، معظم العربيات فى مصر لكن البرافو زى ما قلت بتلعب من ورا بالذات لو واخد ملف ومعدى على عيون قط.



عشان الابارث يا خالد تعديل لعربيات فيات والتعديل دا بيخلى العربية حاجة تانية خالص وبتنافس بشدة كل العربيات اللى فى الفئة دى.



سمسم من اشد الناس المتحمسين لفيات بس حماس عن حق ولما بتكون فيه معلومة غلط وبنصححها ليه مش بيكابر.

انا فاهم يا محمد ان الابارث تعديل بس حتى لو تفوقت على الجولف ده ميخليش الواحد يقول لا جولف ولا بتاع

[KHALED AYMAN]

اه نسيت ..
لصاحب الموضوع
جرب العربيه على طريق تانى غير الزراعى
شوف طريق الاسفلت بتاعه عدل ..وجرب وبعدين احكم لانك ممكن تلللللف بيها على اماكن كتير عشان تحل المشكله و تطلع مشكله طريق

[ahmad--ezzat]

معلش عايز اقول حاجه....احنا ازاى نوصل لمرحله اننا نشوف حل فى ثبات البرافو بجد دى مهزله...واللى يقول نوطيها واللى يقول نعدلها من ورا.....

اللى صاحب العربيه...روح التوكيل اعملهم مشكله...اكيد العربيه فيها مشكله ....انت مش شارى عربيه ب 30 اللف جنيه عشان نعدل فى ثباتها....المفروض انك شارى ماركه محترمه....وياريت يا جماعه محدش يقول حلول لاننا مش احنا اللى هنصلح ثباتها المفروض العربيه مفهاش غلطه والتوكيل يشوفله حل بقا....
لان عربيه بالعراقه والتصميم دة متعومش واعتقد كمان ان الحل مش سبويلر ولا ضغط كوتش ولا لا ....اكيد فى حاجه فى العفشه

تقبل تحياتى....

[yasserelsayad]

وشركة زى فيات بتاريخها وعراقتها بردو ينحنى لها الطريق

شوفت .. انت قارنت شركة فيات كلها بالجولف :)

[yoko]

شوفت .. انت قارنت شركة فيات كلها بالجولف :)

ياسر إهدى كده عشان فيه بعض الناس هنا مش فاهمة إنك بتهزر وهتلاقي حاجات بتتحدف زي لما حد بيشتم في السيراتو وبيحدفوه في كيا
فياريت تبقى تنوه قبل ما تهزر عشان الناس هتلاقيها قفشت عليك وهما مش واخدين بالهم إنك بتهزر

[damasry]

هو مين فينا يا باشا اللى بيقارن عربية بشركة؟؟؟؟

انا بتكلم على فيات نفسها وانت بردو المفروض تتكلم على شركة فولكس فاجن نفسها

[yasserelsayad]

ياسر إهدى كده عشان فيه بعض الناس هنا مش فاهمة إنك بتهزر وهتلاقي حاجات بتتحدف زي لما حد بيشتم في السيراتو وبيحدفوه في كيا
فياريت تبقى تنوه قبل ما تهزر عشان الناس هتلاقيها قفشت عليك وهما مش واخدين بالهم إنك بتهزر

ماشى يا باشا عنيا :) .. والله انت واحشنى جدا هو انت لسه مرجعتش ولا ايه ؟؟