فيات بونتو ايفو "البطه"

[hazemezzz]

ابعاد الايفو اكبر من الجراند بونتو .. هما زودوا 3 سم فى الطول بقت 4 متر و 6 سم بدلا من 4 متر و 3 سم بس طبعا اكبر بكتير من البونتو كلاسيك

[Ahmed Anwer]

بص هوا في صديق عزيز و فيتاوي قديم و عضو معانا في المنتدي

و جربها عشان عربية واحدة قريبته و هوا اللي استلمها

و للاسف فعلا قال عليها بطة و فتيسها ممل و نظام التوقف عشان البنزين سخيف

و برده للأمانة واحد صاحبي كان شغال مهندس في أوماترا قالي الجراند بونتو عربية مالهاش مشاكل

بمعني اخر عربية مفيش شكوي عامة منها كأعطال و كده و ده اللي يهمك

حتة السحب و الثبات و النعومة و الحاجات دي بتختلف من واحد للتاني

فالحل الوحيد إنك تجربها مشوار كويس بأي طريقة

لأنك الحاجات دي بيختلف الإحساس بيها من واحد للتاني 180 درجة ،،،

فلازم تجربها بنفسك

و لا تنسي الإستخارة

[yoko]

بص من الأخر
لو هتقارن بعربيات 1600 سي سي يبقى العربيه تقيله لكن مش بطة لو هتقارن بال1400 هتلاقيها معقوله لكن مش بتاعت سبق يعني الإيبيزا ال1400 هيطلع منك لكن إنت هتوفر بنزين عنه بفرق محترم
الثبات مش هقولك غير إني كنت ماشي جمب واحد من بتوع ال77 حصان وكنا ماشين على 160 إحنا الإتنين بناكل غرز ومش قلقانين بس طبعا أول ما دوست بنزين سبتة ومشيت (فرق مواتير بشع)
الراحة إركب العربيه وشوف العفشة متوسطة ولا ناعمة قوي ولا ناشفة قوي

[onz]

بص من الأخر
لو هتقارن بعربيات 1600 سي سي يبقى العربيه تقيله لكن مش بطة لو هتقارن بال1400 هتلاقيها معقوله لكن مش بتاعت سبق يعني الإيبيزا ال1400 هيطلع منك لكن إنت هتوفر بنزين عنه بفرق محترم

ما بلاش الابيزا يا يوكو علشان كنت ها اشتريها قبل الايفو
بس حقيقي العربية بتوفر بنزين بطريقة جميله اوي بمعدل 4.5 الي 6 لتر في 100 كم ( طبعا علي السريع )
في الزحمة و شوارع القاهرة المحروسة معدل من 9.5 الي 12 ( مش عارف هو ده كويس و لا لا )

[ahmedmohamed7]

ما بلاش الابيزا يا يوكو علشان كنت ها اشتريها قبل الايفو
بس حقيقي العربية بتوفر بنزين بطريقة جميله اوي بمعدل 4.5 الي 6 لتر في 100 كم ( طبعا علي السريع )
في الزحمة و شوارع القاهرة المحروسة معدل من 9.5 الي 12 ( مش عارف هو ده كويس و لا لا )

9,5 ل 12 كيلو !!!!!!!!!! اعتقد كده كتير على عربيه 1400

[ahmedmohamed7]

حضرتك عملت كام كيلو؟

[yoko]

9,5 ل 12 كيلو !!!!!!!!!! اعتقد كده كتير على عربيه 1400

فعلا كتير قوي هو الي بيسوق بيحرق قوي كده ولا إيه ده انا التربو مع الجري والغشوميه من 12 ل 13 لتر لكل 100كم

[ahmedmohamed7]

استاذ محمد كامل مدير فرع يوسف عباس كلن بيقول ان الجراند(عربيتو) بتعمل 6 ليتر لكل 100 كيلو او اكتر حاجه بسيطه !!!

[ahmedmohamed7]

فعلا كتير قوي هو الي بيسوق بيحرق قوي كده ولا إيه ده انا التربو مع الجري والغشوميه من 12 ل 13 لتر لكل 100كم

يمكن علشان لسه فى فتره اول 5000 كيلو ؟ الاستهلاك بيبقى زايد بس برضو مش للدرجه ديه

[mohamedmmm2]

بصوا انا هاقفلكوا الموضوع الغلس دة عشان طول اوى وزهقنى والغيرة هاتاكلنى على فيات اللى سبتها على عينى والله...
بصوا بقى انا كان معايا فيات سيينا موديل 2001 بعتها للاسف من سنه كدة غصب عنى بسبب حادثه..
بجد العربيه كانت شرسه جدا فى الحرق وماتقولش لا طير بيها زى مانت عاوز العربيه مش هاتتعب دانا بعتها 211000 كيلو وكنت مجنون بجد فترة الجامعه والله موتورها كان بحالته وكنت عادى جدا بجيب 180 وممكن ازود بس هاعدى ال 6500 لفه فكنت بخاف اعديها (بالظبط 182) والعربيه ثابته ماشاء الله.. بجد كانت مريحانى جدا جدا.. و بجد كنت بحس انها اجمد موتور 1400 ممكن تلاقيه هنا فى مصر وماكانش بيفرق معايا ابدا المواتير من 1300 الى 1500 سى سى بجد كنت بعمل معاهم الصح.. والعربيات الصينى ال 1600 برضه كلهم بلا استثناء وانا مش بتكلم عن واحد ماشى فى حاله ولا متسربع.. لا انا قصدى على شاب بيشد بالعربيه مش ماشى بسرعه و خلاص (غرز يعنى وكدة)
بجد انا كنت بستغرب من العربيه دى فى كل حاجه ولما كنت 180000 كيلو كدة ابتدت تظهرلى وساوس بخصوص الموتور.. يعنى كنت بقول خايف لحسن يتعب انا حاسس ان العزم قل شويه .. فى الاخر غيرت طقم الدبرياج العربيه بقت زى ما جبتها بالظبط فى السحب والعزم..
انا دلوقتى معايا بولو 2009 1400 سى سى برضه وهو نفس موتور الابيزا والفابيا اللى هو 1400 85 حصان..
انا بقولكوا نفس السحب والثبات بس الفكرة ان الفيات فيها حاجه كدة مش عارف تخليك تعشق العربيه وتحس انك مميز..
كل الرغى دة انا بحاول اوصل لنقطه معينه.. السيينا ال 2001 كان موتورها ممتاز وكان 70 حصان (انا دلوقتى 85 حصان وبرضه نفس السحب) مابالك بقى فيات 2010 الموتور ال 1400 ال 77 حصان.. تفتكر هايكون اقل؟؟ اكيد لا طبعا
انا شفت ال جراند بونتو بتجرى على الاوتوستراد المعادى قبل كدة كانت اكتر من رائعه واكتر حاجه لفتت نظرى حسيت انها واطيه قوى ولازقه فى الارض فى الغرز..
عيوب السيينا اللى كانت معايا لا تذكر وكلها تفاهات (يعنى مرايات صغيرة - مكان تنك البنزين زباله - تكييف نص نص بس كويس - متعبه شويه بالنسبه للميكانيكى عشان الكبوت مزنق شويه)
الفيات محترم وبتاع هلك وشغل.. هات اخرها مش هاتكسفك.. احرق اونقل 5000 لفه على الاقل.. جربيها بجد على الملفات..
وفكر تبيعها بس مش هاتقدر تجيب غير فيات او الفاروميو ..
اى حد بيفكر فى اى عربيه فيات بجد يتوكل على الله

[ashouhdy]

ايوة فعلا الأوروبيين بيكتبو قوة الموتور بدون مبالغة و كمان بيقيسوه و هو متوصل في العربية و شايلها عكس الأسيوي بيقيسوه قبل ما يركب اصلا


و طبعا كعادة فيات الكراسي مريحة جدا

كلام مش مظبوط مفيش موتور بيتقاس قوتة و هو راكب !! تانى حاجة كراسى الفيات مش ريحة

[mohamedmmm2]

على فكرة مش انا اللى عملت الحادثه دة والدى عشان السمعه بس :b4_592:
وعشان تكون امين فى المقارنه قارنها باللى قدها يعنى لانسر 1300 او ياريس او بولو او ابيزا او فييستا او الانوس او الريو(1.4) او السيمبول
يعنى من الاخر قارنها باى حاجه من 1300 سى سى الى 1500 سى سى

[ahmedmohamed7]

كلام مش مظبوط مفيش موتور بيتقاس قوتة و هو راكب !! تانى حاجة كراسى الفيات مش ريحة

موضوع الموتور ده اتهرا كلام و النتيجه حتى الان ان كل الشركات زى بعض و مفيش دليل على الكلام بتاع الاوروبى و الكورى و حجات ديه __ متفق معاك:)


بانسبه للكراسى__لو حضرتك اصدك على كراسى الايفو بحكم الموضوع يبقى اكيد حضرتك ماركبتش العربيه ديه__كراسيها مريحه جداااااا و كل الى ركبوها قالوا كده

[kamalsalem]

انا بس عايز ارد على موضوع قياس الهورس باور بالمقال ده

وبعد ما كلنا نذاكر ممكن نتناقش تاني

HowStuffWorks "Measuring Horsepower"

[caysersosaih]

معلش موضوع الكراسي ده غلط جدا
والاشا بيقول كراسي الفيات
التمبرا عندي كرسيها اريح واحسن واكبر من اي عربية كوري بشهاده اصحابها
وفعلا كراسي الفيات مريحه جدا عن الماركات الجديده