موسوعة أسعار معظم قطع غيار الفيات تمبرا

[BIG]

ياجماعة دلوقتي كل محلات قطع الغيار الجديدة والاستعمال في القاهرة طب الاسكندرانية يعملوا ايه لازم ننزل القاهرة

[BIG]

العربية عندي مش مكيفة وعايز اركب تكييف ممكن حد يقولي اعمل ايه وحيتكلف كام

[JUVENTUS]

الله ينور ياباشا علي المعلومات دي ياريت لو تقدر تمدني بمعلومات عن مكونات الماتور وشرح لي ويا ريت ياجماعة لوحد يعرف كهربائي كويس في اسكندرية اصل انا لايص مش للاقي كهربائي شغال في التمبرا

ياجماعة دلوقتي كل محلات قطع الغيار الجديدة والاستعمال في القاهرة طب الاسكندرانية يعملوا ايه لازم ننزل القاهرة

المعلومات لو راجعت الرابطة بتاعت التمبرا او استخدمت البحث هتلاقي اللي انت عايزه بالصور
كهربائي و بتوع قطع غيار في اسكندرية للاسف محدش عنده فكرة لانه مفيش حد من الرابطة بتاعت التمبرا ساكن في اسكندرية

العربية عندي مش مكيفة وعايز اركب تكييف ممكن حد يقولي اعمل ايه وحيتكلف كام

التكييف كامل بكل مشتملاته استيراد يعمل 2000 جنيه و مش اقل من 700 جنيه شاملة المصنعية و الشحن

[heshamzaky]

يوفنتوس قالك المفيد للأسف كلنا من القاهرة مش عارف أى حاجة فى الاسكندرية خالص

[heshamzaky]

موضوع أنك تركب تكيف فى عربية تمبرا هو سهل بس عاوز شوية معرفة لطبيعة العربية بتاعتك و ممكن جدا يركب و مش حا تقول بعد ما يركب أنة متركب لانك بتحط كل حاجة الاصلى بتاعت العربية
المكونات ................
كومبريسور للتكيف
خراطيم التكيف و المكثف بتاع الفريون أو بيقولو علية فلتر ألومونيوم
هاوزنج كامل بداخلة المروحة بتاعت الهواء لان المروحة بتاعت العربية الى مش مكيفة اصغر المروحة الداخلية بتاعت هواء التكيف و طبعا الهاوزنج دة بداخلة التلاجة بتاعت الفريون
الرادياتير بتاع العربية المكيفة و ممكن لو الرادياتير بتاعك كويس تستغنى عن الرادياتير ما تجيبهوش
ترموستات 2 سرعة الاصلى بتاعت التمبرا
السربنتينة بتاعت التكيف
ضفيرة الكهرباء الى بتركب فى مجموعة كهرباء المروحة بتاعت الرادياتير
مروحة رادياتير بتاعت تمبرا مكيف بالمكثف بتاع المروحة بتاعها
لو القربة عندك بتاعت المياة موجودة ما تجيبش قربة مياة
قاعدة موتور يمين علشان يركب عليها الكومبريسور
طنبورة كرنك علشان السير بتاع التكيف يركب عليها بين الطمبورة و الكومبريسور
كل دة ب 2000 جنية مجمع كمشتروات

[heshamzaky]

الصور
الكومبريسور

الهاوزنج الى بيركب فى داخل العربية و فية لوحة التحكم بتاعت التكيف سواء بكر و لا تاتش

صور الحاجات مجمعة

[heshamzaky]

بعد كدة الراجل بيكشف على كل حاجة و بيغير الغير سليم وغير صالح و يلعب شوية كدة فى العربية و ضفيرة الكهرباء و يفك التابلوة و يركب الحاجات الى داخل العربية بالشكل دة كدة

[heshamzaky]

بعد التقفيل الكامل حا يبقى بالشكل دة كدة

[BIG]

الف الف شكر علي المعلومات القيمة ودايما رابطة التمبرا متقدمة

[BIG]

لو سمحتم عندي عداد السرعة وعداد الكيلو متر ديجيتال وعداد السرعة كل شوية يفصل هو وعدادالكيلو متر ياريت لو حد من التمبراوية صادف المشكلة دي يقولي السبب وكيفية علاجها ونفسي اعرف مكانهم في الكبوت

[heshamzaky]

عداد السرعة المسؤل عنة فى التمبرا الى بعدادات ديجيتال ركب فوق الفتيس بيقولو عليها ساعة السرعة بتتباع ب 70 جنية استيراد

[BIG]

الف شكر ياهشام مش عارف من غيرك كنت حعمل ايه

[amro0000]

مطلوب فيات تمبرا اوائل التسعينات فبريكة دواخل حدود 22الف ورقمي 0107557220

[engamm]

السلام عليكم
انا عايز اشتري عربية تمبرا بس الصراحة ما بفهمش اوي في العربيات بشكل عام و شفت عربية تمبرا بتاعت شركة عرضاها للبيع و مواصفاتها كاللاتي :
1- 1600cc
2-موديل 1998 (يعني تجميع مصري ) - اللون كحلي
3- الحالة العامة (تكييف - بور- سنتر - زجاج كهرباء)
4-- جسم السيارة من برة شكلة نظيف ما عدا بعض الحدوش
5- الفرش من جوة (الكراسي اللي قدام مبهدلين شوية - بس اللي ورا كويسيين)
6- تابلوة انالوج مش ديجيتال
لما دورت العربية قامت معايا علي طول بون اي مشاكل و لا دوست اي بنزين رغم اني حسيت في الاول انها عايزة سنة بنزين بس قامت عادي صوت الماتور ناعم بس كانت لمبة البطارية منورة علي طول و لمبة الزيت مش منورة؟؟
شغلت التكييف (تاتش) بعد مادورت بدقيقة و اشتغل كويس ما حستش باي فرق في صوت الماتور
حركت الطارة اقصي اليمين و اقصي اليسار ناعمة جدا و ما فيش اي اصوات و اتكتكة
الماتور عامل 171 الف كيلو
فتحت الشنطة و بصيت تحت و جنب و مكان العجلة الاستبن شايف انها نظيفة
فتحت كبوت الماتور الصوت ناعم و المكان نظيف ما عدا شوية معرفش اقول علية زي عرق علي الماتور او زيت خفيف
حطيت ايدي علي الشكمان و هي دايرة لحظيا بدون زيادة البنزين كان فية دفع معقول و طلعت ايدي نظيفة تماما

اية رايكوا؟؟؟ ارجوا الافادة السريعة
و يا تري العربية دي تساوي كام بسعر السوق

[eslamuk]

بجد بجد حاجة كويسة جدااا جدااا واللة الموفق ودائما علطول نستفيد
بس انا كنت عايز اسال الاخ هشام انا اسلام بتاع الانشيا اللى قابلتك فى عزبة شلبى عند فاروق
كنت عايز اسالك على مكانيكى كويس