كاوتش جديد للبرافو

[azmeralda]

يعنى ايه بشرط ال rotation?

[khalid_adel]

طب انته ليه مركبتش حاجة اعرض شوية 215/45 r16 مثلاً اهى حتة تظبط العربية شوية مادام انته كده كده هتغير الكاوتش

المقاس ده يبقى تمام بس تزود بوصه يعني خليه 17 طبعا مش 16 زي ماهو
مش كده ولا ايه
انا اللي اعرفه مادام نفس قطر الجنط متغيرش مقاس الكاوتش لانه حيفرق لكن يظبط لما تزود معاه القطر (نسبه وتناسب كده وشوف الحسبه برضه )

[Formulator]

يعنى ايه بشرط ال rotation?

تبديل العجل.. كل 5000-10000 كم, فى عربيات الجر الأمامى (الكبالن):
- الفردتين اللى قدام بيرجعوا ورا Straight
- الفردتين اللى ورا بيطلعوا قدام Cross

وده بيتعمل عشان التآكل يبقى even على الأربع فرد كاوتش, ويطول عمره الأفتراضى..مع مراعاة أتجاه الدوران (الـrotation) لكل فردة..!

بالنسبة للمقاس الـ215: (لأ مش كده طبعا, ولا أيه؟؟!)
اللى يخليك توصل لجنط 17"... يبقى 225 مش 215 ..؟؟!! والبرافو بالـWheel Arch والمساعدين دول تستوعب عااااااادى..!
فقط الجنط 18" (البرافو اللى مابتنزلش مصر) هو اللى محتاج تغيير جااااامد (كارتيرة رفرف و...) عشان عرض الكاوتش 235 أو 245 تقريبا..!!!

وبعدين أنا ماشوفتش عربية C-Segment جنط 17" وكاوتش 215 غير السيراتو..؟؟؟!! يعنى للمنظر فقط مش الأدااااااااااااااااء...!
أصلا كل العربيات الـ17": برافو, جيتا أو فانتازيا A5: الكاوتش 225..! ده الطبيعى..؟؟!
الكلام ده فـ B-Segment زى الجراند T-JET.. الكاوتش 215 على جنط 17" تمااااااااااااام..!

[Ghamrawy]

الكلام ده فـ B-Segment زى الجراند T-JET.. الكاوتش 215 على جنط 17" تمااااااااااااام..!

الجراند 205/45 جنط 17" كاوتش Potenza كود 88 v

[Formulator]

الجراند 205/45 جنط 17" كاوتش Potenza كود 88 v

ممكن أكون Confused بينها وبين الـAbrath GP.. أو الـAbarth EVO..
الأبارثات سواء عادى 17" أو أس-أس 18" بتنزل بكاوتش 215..؟؟!!! بس ده عشان حجم العربية صغير..!

بس أنا بتكلم فـ أيه: عربية بحجم البرافو لو ركبت جنط 17" يبقى تستفيد أنك تركب كاوتش 225.. دا حتى الـStock بتاع الـ150 حصان Sport كده: 225... ليييه 215؟؟؟!!
ولا هنعمل زى الكورى: شكل ومنظر rather than أداااااااااء.. الـ1سم عرض يفرق كتيييييييييييييير جدا..!

[yoko]

ممكن أكون Confused بينها وبين الـAbrath GP.. أو الـAbarth EVO..
الأبارثات سواء عادى 17" أو أس-أس 18" بتنزل بكاوتش 215..؟؟!!! بس ده عشان حجم العربية صغير..!

بس أنا بتكلم فـ أيه: عربية بحجم البرافو لو ركبت جنط 17" يبقى تستفيد أنك تركب كاوتش 225.. دا حتى الـStock بتاع الـ150 حصان Sport كده: 225... ليييه 215؟؟؟!!
ولا هنعمل زى الكورى: شكل ومنظر rather than أداااااااااء.. الـ1سم عرض يفرق كتيييييييييييييير جدا..!

انا الكاوتش الجي هجيب 215\50\r16
بدل 195\55\r16
وإحتمال أجيب جنط 17

[azakareya]

أنا لقيت Potenza عند بريدجستون الرحاب, الفردة ب 1380ج .. حررراااااااااااااااق أوي
أنا ممكن ألاقي فين Michelin ؟

[ahmedelnahal]

الموضوع ده أصلا .. أكل من دماغى حته فـ فترة .. ههههههههههههه

لدرجة أنى لما شفت الـ225/50 R16 تقريبا (فـ بريدجستون).. كنت عايز أجيبه بس لقيته BMW 3er only عشان runflat.. وأصلا وزنه داهية, هيبضبطك فـ البنزين ويموت العربية فـ الجرى..!!!

وحاولت فـ مقاسات غريبة زى 215/50 R16 وده نااااااااااادر جدا.. وقولت لما توطى 0.525 سم أحسن من 1.6سم..؟؟!!



بس من الآخر: طالما العفشة Stock... يبقى Stick أنت كمان للمقاس بتاع الـOEM وريح دماغك, عايز أداء أعلى: هات Performance grade من Brand جامد ونفس المقاس..!! ليه الطمع ؟؟!! ههههههههههههه

يا نهار ده انا كنت ناوى اركبهم ... بس بعد ما قريت اللى انته قولتو
سألت واحد صاحبى قالى ممكن تركب 205/45 و بلاش 215
لأنى فعلاً الموضوع واكلى دماغى

[khalid_adel]

معلش يا فورميلاتور ياريت توضحلي اكتر موضوع ال بي والسي سيجمينت
بس على فكره في عربيات كتير ال 17 بتاعها 215 على 45 منهم الالفا 147 اللي انا مركبه دلوقتي وانا كنت مستغرب زيك كده في الاول بس الكتالوج هو اللي يحكم بقى
انا اول ماجبتها كانت كلها 225 على 45 غيرت الاتنين قدام خليتهم 215 وسيبت اللي ورا عشان كانت بتحك كتير قدام

[Formulator]

تماااااام يا خالد, بس الـplatform هو اللى بيحكم...!
يعنى.. الـ156 كانت 225/17 Stock... الـ147 مش متأكد, بس الأتنين مبنيين على شاسيه C-Segment اللى هو الـTipo..!! يعنى ينفع 225 و235 لو عايز كمان..؟!

ممكن طبعا تركب عرض أقل زى 215.. عااااااااادى جدا.

انما الـplatform الأصغر أو شاسيه الـB-Segment بتاع الجراند-أيفو بونتو.. الجنط ممكن 17 و 18" كماااااااان, لكن الكاوتش: آخرك 215 (الأبارثات Std و Essesse كده)... ليييييييييه؟؟؟!!

- مش هيقدر يعرض الـJ عشان العفشة والـdrivetrain والـSteering, يا اما بقى يعمل الـET (الـOff-Set) بالـZero أو Negative.. وده طبعا مش فـ العربيات الـOfficial/Professional Tuned زى الأبارثات (دايما بتبقى ET positive)..!!!

[ahmedelnahal]

طب حالاً ينفع أركب r16 /205 /45 ولا ايه ؟؟
و هل هتفرق فى حاجة العربية و الثبات ولا ايه ؟؟؟

[khalid_adel]

هو بس يا فورميلاتور احب اقولك انه للاسف العربيه عندي بالذات الل 225 قدام بيحك جامد في العفشه (الشمعدان) ولما لفيت عليها في النت والكاتالوج لقيتها ستوك 215 غير لو حتعدل لعفشه ال gta واعتقد بيبقي ال offset فيها اكبر
انا رأي دايما خليك مع الكتالوج عشان العفشه وحمل الموتور وقراية عداد السرعه

[Formulator]

عشان الألفا Double-High Wishbone قدام (4 مقصات)..! فـ الـ147.. فـ البرافو المشكلة مش هتبقى هنا..

الـ156 مع أخويا 2000cc وجنط 17" 225 عااااااادى جدا..؟؟! هقولك ليه:
غير أن الـArch بتاع الرفرف أكبر سيكا, البارات بتاع الـSteering اللى جاية من الـسكاترة عنده أقصر من عندك فـ الـ147..!
بس فـ المقابل الـTurning Circle عندك أصغر من عنده..؟؟!!

كذلك البرافو 17" 225.. بتلف فـ 10.4 متر, البرافو 18" 235 بتلف فـ 11.0 متر وكسر.. دا طبيعى.

وعندك حق طبعا: أنا عن نفسى زى ماقولتلك.. طالما العفشة Stock .. أنا كمان هلتزم Stick للـSpecs بتاع الفابريقة OEM, ألا لو غيرت عفشة..!!

[azakareya]

شكراً يا شباب على المساعدة .. أنا خلاص الحمد لله ركبت انهارده Continental ContiSportContact 3 .. ان شاء الله هأمشي بيهم 5000 كيلو كده و لا حاجة و بعدين أقول لكم رأيي فيهم

[MNabeih]

تماااااااام, والله أنا كنت بفكر فـ كده بالضبط (215).. بس للأسف ماينفعش, وهأقولك ليه : )
- الكاوتش الأصلى: 205*55% = 112.75 mm
- الكاوتش الجديد: 215*45% = 96.75 mm
يعنى العربية هتوطى 16مم (1.6سم).. طبعا فرق جاااااااامد للثبات والهاندلينج (نظريا), وقولت مش مشكلة المطبات... هى أصلا واطية عـ الأرض زى السيفيك خصوصا من قدام..!!! وكده كده لازم تاخد بالك فـ الطرق السيئة.

لكن: لو عملت Lowering للعربية بدون تغيير corresponding للعفشة >>> زاوية الـCamber هتتغير..عشان العجل هيفتح سيكا من تحت.. لأن المساعدين نفس الطول والمشوار..؟؟!!!
بالضبط زى اللى بيركب سوست لفات أقل, أو يقص فـ السوست.. مع الأبقاء على المساعد..؟!

طبعا أى لعب فـ الـCamber: غير أنه هياكل الكاوتش من الحرف (ممكن نعمل Rotation ولو أنه مش حل)..! المشكلة الأكبر قد تكون فى:
- الثبات: FIAT وهاتشباك وعفشة ورا تورشن بيم: الـCamber والـToe-in فـ الدنجل بيبقوا متضبطتين بالمللى..!! ده بالنسبة للى ورا.
- الهاندلينج: مع الوقت ممكن علبة الدركسيون أو الـDual-drive يحصله مشكلة.. وطبعا أنت عارف الأستهبال بتاع الطلاينة (وأوماترا) فـ أسعار الباور أو أى قطع كهرباء..؟؟!!

بعد search جااااامد.. لقيت أن ماينفعش أعمل كده من غير تغيير عفشة.. مثلا لما المساعدين يحتاجوا تغيير: ممكن أجيب عفشة الـ150 حصان, أو 4 Koni-FSD الجديد. والكارتيرة بتاع الرفرف تشيل لحد 225 عادى..!

btw لو 4 فرد Adrenaline سرعة V أو W من نفس المقاس 205.. هيفرقوا جااااااااامد جدا..!!!

ما شاء الله كووووول دة عشان 1.5 سم فرق,
طب دة انا كنت بفكر اجيب سوست apex او spax ينفع واللا لازم اغير حاجة مع السوست؟؟؟؟؟؟؟؟؟