بخصوص العضو فورميلاتور

[MMamdouh]

سمير عياد اتوقف نهائى لانة شتم فى اعضاء المنتدى و ادارتة... المشكلة ان الناس بتشوف ان فلان اتوقف بس مش بتشوف هو اتوقف لية

MMamdouh

[osamy]

MMamdouh شكله دخل معاك في مناقشه قويه :]

[yoko]

mmamdouh شكله دخل معاك في مناقشه قويه :]

الأستاذ ممدوح مش أقل من فورميلاتور في المعلومات خالص وهو بيرد بصفته عضو مجلس إدارة زي ما وضح في أول مشاركة في الموضوع

[MMamdouh]

MMamdouh شكله دخل معاك في مناقشه قويه :]

زى ما قال يوكو انا بتكلم دلوقتى بصفتى عضو مجلس ادارة مش عضو زى باقى الناس

القواعد و القوانين اتعملت عشان نحافظ على المنتدى... و الناس اللى بتسجل فى المنتدى بتوافق على اتباع القوانين دى وقت التسجيل... بالتالى مينفعش بعد كدة اعترض على القوانين خصوصا لو عملت حاجة غلط و لقيت نفسى متعاقب

اما اوافق على القواعد و القوانين من الاول و التزم بيها على طول... و اما ارفضها و مشتركش فى المنتدى من الاول

اما على المستوى الشخصى فا انا دخلت معاه فى مناقشة واحدة فقط... و لو دة كان اسلوبة فى كل او حتى معظم مناقشاتة مع الاعضاء فا مستبعدش خالص انة يتوقف

MMamdouh

[Islam_Shady]

ايه يا رجاله

استثناء فى القوانين ايه اللى انتو عايزينها

هو المشكله موش فى مبارك لوحده ولا ايه؟؟

[zokla]

اما على المستوى الشخصى فا انا دخلت معاه فى مناقشة واحدة فقط... و لو دة كان اسلوبة فى كل او حتى معظم مناقشاتة مع الاعضاء فا مستبعدش خالص انة يتوقف

MMamdouh

http://www.nilemotors.net/Nile/205796-2002.html

السلام عليكم و رحمة الله و بركاته
اولا يا بشمهندس احب اقولك ان انا قرأت الموضوع اللى محل كلامك و بصراحه انا شايف فيه معلومات كتيره جدا و دخل فى جدال بينكوا على مقارنات مختلفة المبادئ
وانا بالنسبة ليه المبادئ لو اختلفت يبقى المقارنه مش ناجحه و انا قلت ل formulator الكلام ده

و معلش احب ازود حاجه بس formulator بحب حاجتين العربيات و الصيدله للميعرفش يعنى انه صيدلى
و العربيات بصفه عامه مش الاوروبى يعنى و خلاص
و حب فورميولاتور للاوربى لمجرد حبه للqulity انا عايز اقولك انه مجننى فى موضوع الكوالتى ده
و للميرفش انا شغال مهاه فى نفس الشركه و على فكره عمره ماهيكتب من عندى او حتى كان كتب من عندى بس و الله انا حبيت العربيات و صناعة الادويه من كلامى معاه بس هو صحيح عنده روعونه فى كلامه شويه بس قلبه ابيض
و على فكره ده مش دفاع عنه و لا عايز حد يدافع عنه بس انا عليز اوضحلك شيخصيته يا بشمهندس مش اكتر
اتمنى الا اكون قد اطلت

[mohamedgamall]

استاذ محمد ممدوح و الله انا شايف ان درجة الحدة فى كلامك مساوية تماما لحدة اسلوب فورميلاتور بس هو اسلوبة funny خصوصا انة بيستخدم ال emoticons صح اوى بعدين انتوا لية محسسنى ان الراجل سرق و لا ارتكب جريمة هو استخدم اسلوب حاد و تم عقابة و خلاص رجعوة بقى فكرة النبذ و الطرد دية غربية اوى لا هو spam و لا حد ييضايق الاعضاء بالعكس بصراحة انا شايف ان وجودة بيعمل اضافة كبيرة

[wael17]

هو فورميلاتور طريقته بيبقي فيها سخرية لاذعة و دايما المناقشة بتقلب بخناقه....بس الحق يتقال برده..انا بلاحظ انه رغم سخريته المفرطة مش بيغلط في حد و مش بيتنرفز....حتي لو حد قفش عليه و غلط فيه مش بيزعل و بيرد باسلوبة الساخر برده

بالنسبة للقوانين...لا اعتقد ان الادارة ستتنازل عن تطبيق قوانين المنتدي لمجرد ان العضو له شعبية او خبرة في العربيات..لأن ده هايخلي بعض الاعضاء المعروفيين في المنتدي يحسوا انهم غير خاضعين لقواعد المنتدي

[M.Gamaledeen]

زى ما قال يوكو انا بتكلم دلوقتى بصفتى عضو مجلس ادارة مش عضو زى باقى الناس

القواعد و القوانين اتعملت عشان نحافظ على المنتدى... و الناس اللى بتسجل فى المنتدى بتوافق على اتباع القوانين دى وقت التسجيل... بالتالى مينفعش بعد كدة اعترض على القوانين خصوصا لو عملت حاجة غلط و لقيت نفسى متعاقب

اما اوافق على القواعد و القوانين من الاول و التزم بيها على طول... و اما ارفضها و مشتركش فى المنتدى من الاول

اما على المستوى الشخصى فا انا دخلت معاه فى مناقشة واحدة فقط... و لو دة كان اسلوبة فى كل او حتى معظم مناقشاتة مع الاعضاء فا مستبعدش خالص انة يتوقف

mmamdouh

العضو الفاضل محمد ممدوح
المشكلة دلوقت على معظم صفحات المنتدي، مش في فورميولاتور لوحده، لازم نشو ف الطرف اللآخر من المشكلة وهي (الأعضاء المستفزين)

كتير دلوقت على صفحات المنتدى، اعضاء بيدخلوا في كل المواضيع، اللي تهمهم واللي بعيده عنهم، وكل اللي بيعملوه انهم يستفزوا في خلق الله.
وده (للأسف) كان أحد اسباب قله دخولى ومشاركاتي على صفحات المنتدى الذي ادمنته.

تدخل ترد على عضو بيسأل عن رأيه في عربيتك، ولما تجاوبه، تلاقي واحد منهم داخل يهاجمك بجمل غريبة، مالهاش علاقة بالفنيات ولا المواصفات اللي بتتكلم فيها، زي مثلا "دي ماتستاهلش، ايه اللي يخليني اجيب عربية زي في حين اني ممكن اجيب دي؟ وانت مااااالك ياسيدي؟ كل واحد يجيب اللي يعجبه.

وتلاقي معظمهم ماركبش العربية وانما ممكن يكون شاف أو سمع حد بيتكلم عليها، في حين ان ردي عن تجربة!!

ده غير انك لما تحط عربيتك في مقارنة مع احدى السيارات ذات الطول، اللي ماينفعش تقارنها بباقي العلب الحديد اللي احنا راكبينها، وبمجرد انك تجيب "سيراتو" قصدي سيرتها، تلاقي الأعضاء دول قفزوا على الشاشة وممكن يجيبوك من البيت كمان.

ويمكن بسبب الغيرة الزائدة للعضو الفاضل فورميولاتور (زي غيره كتييير)
بتحصل بعض المشاحنات والخروج عن النص

لكن في النهاية
أنا مش ب أطالب بأي استثناءات من قواعد المنتدى الذي احترمه وأعضاءه كثيرا
ولكن لابد من وجود ما يسمى بروح القانون
بمعنى
ان مش كل اللي بيخبط عربية من ورا بيكون هو اللي غلطان
وياريت تكون الرسالة وصلت ، وتقبل تحياتي (:

[mohamedgamall]

دكنور وائل , محمد جمال الدين( من غير استاذ زى ما طلبت)
+11111111111111111111

[MOUSTAFA_SAAD]

سمير عياد اتوقف نهائى لانة شتم فى اعضاء المنتدى و ادارتة... المشكلة ان الناس بتشوف ان فلان اتوقف بس مش بتشوف هو اتوقف لية

mmamdouh

طيب ماتحلوا الموضوع ده بان يبقى فيه موضوع بيعرف الناس بسبب الايقاف لكل عضو ده اقتراح فقط

[MMamdouh]

استاذ محمد ممدوح و الله انا شايف ان درجة الحدة فى كلامك مساوية تماما لحدة اسلوب فورميلاتور بس هو اسلوبة funny خصوصا انة بيستخدم ال emoticons صح اوى بعدين انتوا لية محسسنى ان الراجل سرق و لا ارتكب جريمة هو استخدم اسلوب حاد و تم عقابة و خلاص رجعوة بقى فكرة النبذ و الطرد دية غربية اوى لا هو spam و لا حد ييضايق الاعضاء بالعكس بصراحة انا شايف ان وجودة بيعمل اضافة كبيرة

خلاص لو شايف ان فى اسلوبى حاجة غلط و تخالف قواعد المنتدى تقدر تعمل تقرير مشاركة و المشرف حيتخذ اللازم

و برضة لمعلوماتك محدش بياخد وقف نهائى الا لما بيتكرر منه مخالفة عقوبتها الوقف للمرة التالتة... يعنى مش حيجى واحد يعمل غلطة يلاقى نفسة موقوف نهائى الا اذا كان عمل فعل فاضح... و الكلام دة انا لسة كاتبة من شوية بس يظهر انت ماخدتش بالك منة

و معنى انه اخد وقف نهائى انه اما ارتكب خطاء للمرة التالتة و عقوبتة تستوجب الوقف و اما عمل فعل فاضح... انا معرفش تفاصيل اللى عملة تحديدا بس انا بوضحلك النظام هنا ماشى ازاى... و اعتقد ان احد الاعضاء ذكر انة اتوقف قبل كدة بالتالى الارجع انه كان موقوف قبل كدة كمان و بالتالى فى اخر مخالفة عملها كان لازم يتوقف نهائى

انت شايف انة اضافة لكن احنا (كعضاء مجلس ادارة و اشراف) شايفين انه عضو ارتكب مخالفة تستوجب وقفة وقف نهائى

MMamdouh

[MMamdouh]

العضو الفاضل محمد ممدوح
المشكلة دلوقت على معظم صفحات المنتدي، مش في فورميولاتور لوحده، لازم نشو ف الطرف اللآخر من المشكلة وهي (الأعضاء المستفزين)

كتير دلوقت على صفحات المنتدى، اعضاء بيدخلوا في كل المواضيع، اللي تهمهم واللي بعيده عنهم، وكل اللي بيعملوه انهم يستفزوا في خلق الله.
وده (للأسف) كان أحد اسباب قله دخولى ومشاركاتي على صفحات المنتدى الذي ادمنته.

تدخل ترد على عضو بيسأل عن رأيه في عربيتك، ولما تجاوبه، تلاقي واحد منهم داخل يهاجمك بجمل غريبة، مالهاش علاقة بالفنيات ولا المواصفات اللي بتتكلم فيها، زي مثلا "دي ماتستاهلش، ايه اللي يخليني اجيب عربية زي في حين اني ممكن اجيب دي؟ وانت مااااالك ياسيدي؟ كل واحد يجيب اللي يعجبه.

وتلاقي معظمهم ماركبش العربية وانما ممكن يكون شاف أو سمع حد بيتكلم عليها، في حين ان ردي عن تجربة!!

ده غير انك لما تحط عربيتك في مقارنة مع احدى السيارات ذات الطول، اللي ماينفعش تقارنها بباقي العلب الحديد اللي احنا راكبينها، وبمجرد انك تجيب "سيراتو" قصدي سيرتها، تلاقي الأعضاء دول قفزوا على الشاشة وممكن يجيبوك من البيت كمان.

ويمكن بسبب الغيرة الزائدة للعضو الفاضل فورميولاتور (زي غيره كتييير)
بتحصل بعض المشاحنات والخروج عن النص

لكن في النهاية
أنا مش ب أطالب بأي استثناءات من قواعد المنتدى الذي احترمه وأعضاءه كثيرا
ولكن لابد من وجود ما يسمى بروح القانون
بمعنى
ان مش كل اللي بيخبط عربية من ورا بيكون هو اللي غلطان
وياريت تكون الرسالة وصلت ، وتقبل تحياتي (:

انا قابلت العينات دى كتير... فيه ناس عندها هوس بعربيات معينة و بتحبها لدرجة اعتبارها احد افراد العائلة... و الناس دى لو جت سيرة عربياتهم فى اى موضوع بحاجة وحشة بيركبهم 100 عفريت... و العكس تماما فيه ناس بتكرة عربيات لله فى لله و مبتصدق تلاقى موضوع فيه سيرة العربية دى تدخل تقول انها زبالة ووحشة و الكارو احسن منها و الكلام اللى بالك فيه دة

طبعا حط الصنف الاول على التانى فى موضوع واحد حتلاقى الناتج حريقة ملهاش اول من اخر و حتلاقى الموضوع قلب خناقة و تقطيع و 99% حيبقى فيه غلط بين الاعضاء و بعضها و ممكن يتحول الى شتيمة

المشكلة هنا ان الادارة و الاشراف ميقدروش يتدخوا فى حاجة طالما محصلش مخالفة للقوانين بتاعت المنتدى... و حتى الان مفيش قاعدة بتمنع حد انه يقول رائية و علية اى حد بيقول على عربية انها وحشة ميعتبرش ارتكب مخالفة... لو قال انها زبالة مثلا يبقى استعمل لفظ مش كويس و ممكن يتعاقب... لكن لو قال انها تعبانة و متسواش تمنها و هى اوحش عربية فى فئتها... محدش حيقدر يعملة حاجة (اقصد الاشراف و الادارة)

دة بيلقى بالحمل على الاعضاء نفسهم انهم لان هما اللى ليهم حق الرد و مواجهة الراى دة اما بادلة و براهين تثبت ان الراى دة لا اساس له من الصحة و ان العضو بيقول اى كلام فاضى ولا يفقه شىء عن السيارات سوا انها باربع عجلات و تعيش فى الشارع (بس طبعا بدون خرق قواعد المنتدى لتلافى العقوبات)... و اما بالتجاهل التام حتى يشعر العضو دة انه منبوذ

و على فكرة القصة دى مش جديدة... الناس القديمة فى المنتدى اكيد فاكرة موضوع "الملوخية" اللى كان فى قسم بروتون و الموضوع قلب بمشكلة و اتوقف فيه 13 عضو... و برضة الموضوع كان بادىء بمناوشات بين محبى و كارهى الجين 2 الى ان تحول الى ساحة من المخالفات

اللى عايز اقولة باختصار ان الحتة دى تقع تحت بند الخلاف فى الراى و بالتالى احنا كادارة و اشراف مغلولى الايدى و الحل فى ايد الاعضاء عن طريق تقويم الناس دى او اعتبارهم قيمة مهملة

MMamdouh

[MMamdouh]

طيب ماتحلوا الموضوع ده بان يبقى فيه موضوع بيعرف الناس بسبب الايقاف لكل عضو ده اقتراح فقط

هو بيتكتب فى المداخلة المخالفة نوع المخالفة و العقوبة المقررة و تاريخ و الوقت اللى المشرف اتخذ الاجراء... المشكلة انك عشان تعرف مين اتوقف ليه لازم تدور فى كل مشاركاتة لحد ما توصل للمشاركة دى

هو اقتراح كويس منك و ممكن يتطبق... بس اعتقد لو اتعمل حيبقى دة زى تقرير للناس اللى اخدت وقف نهائى بس لان فيه ناس كتير اوى بتتوقف و الموضوع حيبقى مرهق على الاشراف جدا

MMamdouh

[MMamdouh]

و للعلم احد مشرفى القسم بعتلى حالا ان العضو محل الخلاف اتوقف اكتر من 3 مرات بسبب مشكلة التهكم و تم تخفيف حصولة على وقف نهائى قبل كدة

يعنى طلع فعلا الراجل موقوف كتير بسبب نفس المشكلة و نفس المخالفة... و زى ما حصل مع اعضاء كتير اتفسر تخفيف العقوبة غلط و العضو بيستمر (و احيانا بيتمادى) فى ارتكاب المخالفات

اذا الموضوع مش زى ما احد الزملاء قال انه الادارة لقتة عمل غلطة فا وقفتة نهائى بل بالعكس الراجل غلط بدل المرة 5 و كان المفروض يتوقف من بدرى... و للاسف العضو بدل ما يستغل الفرصة و يحسن سلوكة للحفاظ على مكانة فى المنتدى بيتمادى فى الغلط... و بالتالى بتكون نهايتة هى الايقاف النهائى

اعتقد كدة الموضوع انتهى

MMamdouh