إعـــــــلان

Collapse

.

,
See more
See less

عمرة و ضبط شاسيه لسيارتي 128

Collapse
X
Collapse
 
  • Page of 4
  • Filter
  • الوقت
  • Show
Clear All
new posts
السابق 1 2 3 4 template التالي
  • #1

    عمرة و ضبط شاسيه لسيارتي 128

    السلام عليكم و رحمة الله و بركاته

    العربية عندي كان موتورها تعب جدا و في شروج في الشاسيه و صدر العربية بيخليها تطقطق مع اي مطب او فرامل

    المهم توكلت على الله و وديتها الموتور اتفك
    و فضيت الصالون كله تابلوه و كراسي و ارضية عشان عايز اعزلها كويس ... انا اللي فكيته كله بنفسي .. الموضوع مش صعب ابدا
    و و ديتها للسمكري لاقى شروخ كتير
    و لما فتحنا الموتور لاقيناه متدمر انا مش متصور العربية كانت ماشية ازاي
    البساتم بين شنبر الزيت و الكبس مكسور منها حتة
    الصبابات سايبة خالص
    المهم بعتنا الموتور للخراط
    و بما اني كنت عايز اعدل في مجاري الهوا و اكبر الصبابات الكلام ده اللي كنت متوقع ان المصريين عندهم فن في الصنعة
    جالي صدمة من اللي سمعته
    محدش فاهم اي حاجة في اي حاجة
    يقولك ايه علاقة مقاس الصباب و مجاري الهوا بالسحب؟
    ده غير طبعا انهم ميقدروش ينفذوا

    على فكرة فكيت الكربراتير بنفسي حته حته مبقاش فيه مسمار ماسك في حاجة لدرجة الميكانيكي بيقولي اشترى واحد تاني بقى عشان ده مش هينفع
    نقعته في تنر من امبارح و هجمعه انهارده
    ربنا يستر


    المهم دي اسعار الحاجات اللي اشتريتها و اوافيكم بالصور و بقية الشغل لاحقا
    بستم 260
    هلايل 15
    دلايل صباب 35
    كوتش صباب 20
    طقم صباب 115
    الكلمات الدلالية (Tags): 128, شاسيه, ضبط, عمرة, لسيارتى
  • #2
    مبروك عليك شد العربية وبامر الله هاترجع زى الفل واحسن
    ومتشكرين للمعلومات المفيدة
    [aldl]http://www10.0zz0.com/thumbs/2011/03/06/13/428515404.jpg[/aldl]

    Comment

    • #3
      الله يوفقق يارب
      مستنين الصور بعد التوضيب
      وربنا يديك خيرها ويكفيك شرها
      اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله

      Comment

      • #4
        ربنا معاك
        ومستنين باقى التقرير
        elbadry99 سابقا

        Comment

        • #5
          انهاردة صدمت اكبر صدمة في حياتي !!
          هما صدمتين
          اولهم اني كنت هموت بجد في حادث على الطريق الدائري امام برج سما
          مقطورة من غير فرامل دخلت في المقطورة اللي جنبي يعني مسافة حوالي 3-5 متر
          بجد كنت هتفرم .. الحمد لله ربنا ستر .. و محدش حصله حاجة اوي

          تاني صدمة بقى .. ان موتوري طلع 1116 !!!!!
          انا مش مصدق لحد دلوقتي
          اخدت كود الموتور وطلع 138A
          دورت في الموقع ده
          Fiat SOHC - Wikipedia, the free encyclopedia
          لاقيته بتاع ريتمو 1116
          انا مش مصدق فعلا لحد دلوقتي
          ازاي
          العربية كانت طيارة
          يمكن عشان كربراتير 2 باب و شكمان 2 ماسورة و اسبراتير الكتروني مخليه فايق
          بس دي العربية كانت بتجيب معايا 150 مستريح!!
          برضه مش مصدق
          البستم 80مم .. عايز اقيس الستروك - المشوار - عشان اتاكد
          اللي غايظني اني مشتريه على انه 1300
          و اللي غايظني اكتر اني لو كنت اكتشفت الموضوع ده قبل ما اخرطه كنت غيرت الموتور او على الاقل البلوك بواحد 1500
          ساعتها كانت هتطير بجد بقى ؟؟

          الحمد لله عرفت ارجع الكربراتير تاني زي ما كان
          و فكيت طرمبة البنزين نظفتها من جوه

          الصور و اسعار الخراطه بكره ان شاء الله
          و السلام عليكم

          Comment

          • #6
            ربنا معاك ويوفقك
            [img2]http://nileup.com/up/uploads/nilemotors_14050294221.jpg[/img2]

            Comment

            • #7
              متابع باهتمام علشان اعرف التكلفه النهائيه كام علشان اظبط مبروكه ان شاء الله

              Comment

              • #8
                متا بع
                [SIGPIC][/SIGPIC] ياتقول كلام في محله يا تقول حلو ياحلو
                [url]/photos/a.879931698703941.1073741827.879900435373734/879931905370587/?type=1[/url]

                Comment

                • #9
                  ربنا معاك
                  متابع

                  Comment

                  • #10
                    وكنت بتدفع ضريبة علي 1300 سي سي
                    اللهم ارحم والدي الرحمة الواسعة وأموات المسلمين أجمعين وأكتب لنا رفقتهم في جنة الفردوس يا كريم يارحيم يا الله

                    Comment

                    • #11
                      السلام عليكم

                      الخراط ركب الصبابات و ضبطها على الوش
                      و ركب البساتم الجديدة بس واضح انه خرط في البلوك كتير 0.4 مم يعني كده العربية بقت 1125 سي سي
                      الافندي بتاع قطع الغيار يقولي ايه علاقة توسيع السلندر بالسي سي !!
                      المشكلة اني اتاخرت في العمرة دي شوية يعني يجي سنة كده او اكتر !!
                      و ضبط الكرنك و عمل طبب ميه
                      اخد 360 جنيه مصنعيات

                      و جبت شوية حاجات بس نسيت الفاتورة عند الراجل
                      طقم جوانات موتور
                      طقم شنبر
                      بلية كاتينة
                      كل دول ب 270 جنيه

                      الكرتيرات ورا طلعت مهرية خالص و السمكري لسه هيضبطها و ده طبعا تاخير زيادة
                      في الاول طلب 200 جنيه على لحامات في العلب و الصدر و الارضية
                      دلوقتي طلع في شغل زيادة مش عارف هتوصل لكام
                      ياريت حد يقولي المسافة بين مسامير المساعدين اللي ورا قد ايه عشان عايز اعمل شدادة لاني حاسس ان الكرتيرات اتهرت عشان ضعف في الشاسيه ورا







                      Comment

                      • #12
                        انا موتورى 138.1 وشاريه على اساس انه 1.3 ده بقى يبقى ايه ؟
                        [SIGPIC][/SIGPIC]

                        Comment

                        • #13
                          138A1
                          1301cc

                          138B1
                          1116cc

                          شوف مكتوب حرف A أو B ؟؟

                          نصيحة محدش يروح يشتري موتور كده بالشكل
                          لازم يعرف الرقم اللي عليه بيتاع انهي موتور
                          موتوري مفيش اتنين في مصر يختلفوا عليه انه 1300
                          و طلع 1116
                          !!!

                          Comment

                          • #14
                            العربية خلصت سمكرة
                            امبارح جبت بلاك افريقي 12 جنيه و دهنت بيه الشاسيه في الحوض من غير اي تخفيف
                            بفرشة كبيرة و مدورة و كنت بدق على الصاج بيها و كانت شغالة تمام و عاملة طبقة كويسة اوي
                            جبت كمان معجون فواصل 25جنيه اللي هو بيلزقوا بيه عضم الكبوت في انبوبة زي السيليكون
                            و كمان سيخ مسلح تخين - ببلاش- هعمله شدادة بين المساعدين اللي ورا
                            جبت عازل حراري 14 جنيه المتر و لباد 12جنيه المتر لعزل صدر السيارة من داخل الصالون
                            مسمار الهوا في الكربراتير كان مزنوق عشان المجرة بتاعته معوجة
                            طلع عيني و في الآهر مديته للخراط شاله و جبت مسمار جديد 20 جنيه
                            و بكره او بعده هبتدي شغل بنفسي و اوافيكم بالصور ان شاء الله
                            و السلام عليكم

                            Comment

                            • #15
                              المشاركة الأصلية كتبت بواسطة Haytham4ever مشاهدة المشاركة
                              138A1
                              1301cc

                              138B1
                              1116cc

                              شوف مكتوب حرف A أو B ؟؟

                              نصيحة محدش يروح يشتري موتور كده بالشكل
                              لازم يعرف الرقم اللي عليه بيتاع انهي موتور
                              موتوري مفيش اتنين في مصر يختلفوا عليه انه 1300
                              و طلع 1116
                              !!!
                              مهى الموصيبه لا فى a ولا b
                              هو 138.1 وبس هههههههه مهو انا كنت رايح وعارف الاكواد كله وحافظها والميكانيكى قلى انه 1.3 والراجل قلى كمان كده والكود كا 138.1 ومش فى لا اى حروف
                              [SIGPIC][/SIGPIC]

                              Comment

                              السابق 1 2 3 4 template التالي
                              Working...
                              X