عمرة و ضبط شاسيه لسيارتي 128

[mahmoudalutec]

كمان نصيحة تانية عايزه اقولها
الافانس ولا الابانس مش عارف بيقولوا عليه ايه اللي راكب على الاسبراتير ..زي الل في الصورة



بيتوصل مع الكربراتير بخرطوم هوا صغير
كل الميكانيكية يقولك ملوش لازمة
لما خلصت التليين و بدأت اقرص على العربية الاقيها فيها كهربا زيادة مع الكبس خصوصا لما الباب التاني للكربراتير يفتح
اقلل الكهربا الاقي العربية اتكتمت على الآخر
افتكرت موضوع الافانس ده .. اللي هو المفروض اسمه فاكيوم
جبت الخرطوم و ركبته العربية بقت حاجة تانية
كهربا مضبوطة على كل السرعات
نصيحة لاي حد عنده الفاكيوم ده و مش مشغلة ... ركب الخرطوم و اضبط الكهربا و ادعيلي
نصيحة تانية .. شركات السيارات خصوصا الاقتصادية زي الفيات مش بيعملوا حاجة في العربية غير لما يكون لها لازمة و لازمة مهمة كمان .. و الا كانوا لغوها و وفروا و قللوا تمن العربية .. و ده على العكس تماما مع السيارات الفارهة

طيب الافانس ده المفروض انه راكب على الاسبراتير فى كل 28 ولا ده نوع اسبراتير معين وياريت شرح واكتر لطريقة توصيل الخرطوم وياريت لو فيه صورة
وجزاك الله خير و كل عام وانتم بخير

[Haytham4ever]

هو تقريبا مش موجود في ال128 ال1100
الاسبراتير فيه زي سستة و مع سرعة الدوران و القصور الذاتي بيأخر الكهربا
انما اللي عنده اسبراتير زي اللي في الصورة بيتوصل بالكربراتير بخرطوم صغير

في ماسورة صغيرة على الشمال تحت ... هي دي اللي بيتركب فيها الخرطوم اللي بيتوصل للكربراتير

الله يبارك فيك يا اكسلانس
:)