ربنا ينتقم منكم يا أوماترا

[yoko]

روحت أبص على العربيه بتاعتي الي بقالها 3 شهور بيصلحوا فيها يوووووووه قصدي يعكوا فيها في أوماترا وإتفاجئت بمصيبه وكارثه
نبتدي بالكارثه عشان هي الأبسط
البهوات الفرامل السبور مكتوب على علبها right وleft مش r و l حتى والقي البهوات مركبينها بالعكس وده يخلي الطنبورة والتيل يبوظوا والعربيه كمان متفرملش كويس يعني قولنا مبيعرفوش يشتغلوا وبيعكوا ماشي لكن كمان جهلة ومش عرفيين يمين من شمال!!!! ده لو مكانيكي جاهل وقلتله دي يمين ودي شمال هيركبهم صح يخي تييييييييييييييييت

نيجي بقى للمصيبه
لقيت كبوت العربيه مخبوط ليه يا جدعان منعرفش يعني إيه منعرفش لما يجي المهندس بكرة يبقى يشوف وأدي الصورة


طبعا فيه مشاكل كتير ومصايب كتير حصلت قبل دول ومحكتهمش هبقى أحكيهم بعديين

[ahmadmidop]

بجد كده تخطو كل الحدووووووووووووووووووووووود

[Samah AbdAllah]

اكثر توكيل اساء لسيارة قبل اساءته للعملاء

[JUVENTUS]

بجد كده كفاية اوي اوي لازم فيات تروح لتوكيل تاني غير اوماترا

[osama.m]

كدا بيستعبطوا يا يوكو
طيب لو بعت ميل لفيات هيعملوا حاجة ولا اية !! و حماية المستهلك !

[yoko]

أنا لسه باعت إيميل لمدير فيات مصر والمدير الإيطالي في مصر وللمدير الإقليمي (الشرق الأوسط) وده أنا كنت بعتله والدنيا إتقلبت لما أشوف هيهببوا إيه المرة دي

[AutoTycoon]

انا لو معايا وقت و فلوس لعربية تانية هشتري فيات و اعملها تاكسي و املاه نيكل و دباديب و ابعت الصور لأوماترا و اروح كل اسبوع اقف عند التوكيل بيها

[Usama Nagi]

ربنا معاك يا يوكو و يرحمنا من التوكيلات التعبانة دي

[Moe86]

أنا الحمد لله مقاطعهم من زمان علشان مايجيليش ضغط

[yassinhaitham]

لازم يصلحوا الهبل ده علي حسابهم يا أحمد

[yassinhaitham]

أنا أختى كانت بتفكر فى ألايفو قاتلها بلاااااااااااااش

[yoko]

العربيه تحفة التوكيل زفت زفت زفت
بس فيه خبر حلو إحتمال قريب

[mmffor]

حيغيروا التوكيل؟ و اللا حيرجعوها للتوكيل القديم؟

[hazemezzz]

خبر ايه خيييييييير ؟؟؟ متفرحنا معااااااك

[yoko]

لسه أول ما يتم كلنا مش هنعتب أوماترا تاني إن شاء الله