ربنا ينتقم منكم يا أوماترا

[khalid_adel]

فاكر يا كريم مشكلتي مع ابو غالي في السوبارو وكنا من قد ايه (كذا سنه) بس اهتمو وبعتو ووروني الردود وعملو الواجب واللي يقدرو عليهم والمهم اني حتى بعد ما دفعت بس كنت مبسوط من معاملتهم وانهم كسبو عميل حتي وانا مش معايا العربيه بشكر فيهم
لكن اوماترا والله من اكتر الاسباب اللي خلتني اابيع البرافو وكان اهم حاجه عندي اني مشوفش اوماترا تاني

[eslam_fashion]

كلنا معاك يا يوكو

[Mzeid]

يعني يا احمد انا مش معايا فيات بس مش عارف اقولك ايه بصراحة كدة كتير جداااااا

و معنى كدة بقى ان الصنايعية واخدين راحتهم على الاخر هناك و مش متعلمين كمان لأنهم لو كانوا لقوا مهندس مخلص 5 سنين هندسة و يعرف يفرق ال Left من ال Right و قالهم ركبوا دي هنا و دي هنا مكنش حصل كدة

و كمان فيه استهتار بعربيات العملاء اكيد و يقعدوا يجروا بيها

بس انت عملت الصح لما بعت الشكاوي
دة كدة التوكيل معندهوش اي نوع من الكواليتي في خدمات ما بعد البيع

[egyptiandiver]

أنا كان عندي 131 مصري 82 1600 و كانت بصراحة عربية بنسبة لتمنها 100 - 100 و كان نفسي أجيب فيات تاني. بس من كتر المرار إلي سمعتو ألت و على إيه بس الواحد يجيب عربية يعد يلف حولين نفسو معاها و بنسبالي عاوز عربية جديدة تروح و تيجي بيا و ممكن اصلاحها عند أي حد في أي حتة و قطع غيارها الاصلية موجودة عند أي حد - و كل ما سبق كان في فيات زمان ... لكن دلوأتي جت عربية ذي لانوس و بأت تعمل تقريباً نفس المبدأ صحيح مفيهاش المتانة الاروبي ولا الإتزان ولا البرستيج... يا رت فيات ترجع تاني أريب حتى من الاول و أنا شخصياً لو معايا فلوس كفاية و أفهم في العربيات كنت أدور على قطع الغيار من شركات برة بذات في قطع الغيار الناقصة أو المبالغ في سعرها و أفك أزمة المساكين أصحاب العربيات دي و اكسب بما يرضي الله - ربنا يعمل إلي فيه الخير. أحمد سامي

[dodger111]

نفس المشكلة حصلت معايا .. كنت رايح اغير شدادات البابين اللى ورا قالولى ماشى هنغيرهم بعد ما طلعوا عنيا واكتشف فى الاخر انها نتغيرتش وعملوها (بمرهم لونا) للتشققات الجلدية !!!......المصيبة الكبيرة انى انى لقيت سماعات البابان باظت مبقتش شغالة....و الاكصدام الامامى لقيتو اتخبط وطلع برة الفانوس بس اكتشفت دة تانى يوم..

[yoko]

أخر ما تم الإتفاق عليه هتترد على البارد وهستلمها كده وأمري لله

[azmeralda]

ليه؟؟؟؟؟؟؟؟؟

[azmeralda]

ايه المهازل اللي بقراها دي
وصلت لفين يا يوكو
انا شخصيا لو حصل نص ده هانسي اني مدير اكبر منتدى عربيات
وهاوقف عربيتي بالعرض على باب التوكيل واكلبشها واشوف راجل فيهم يزحزحها لغاية ماخد حقي

طب ما هو واحد فعلا اقترح الأقتراح ده الباقين قالوا بلاش العنف هم دول ينفع معاهم غير العنف!!!!!!!

[yoko]

ليه؟؟؟؟؟؟؟؟؟

عشان كبوت جديد ويترش هيخسف بتمن العربيه الأرض لما أجي أبيع
والخبطة مش كبيره قوي فإتردت على البارد معقوله مش معضعضة قوي
وبصراحة عايز أخلص منهم ومن قرفهم

[Karim_Monir]

طب ما هو واحد فعلا اقترح الأقتراح ده الباقين قالوا بلاش العنف هم دول ينفع معاهم غير العنف!!!!!!!:_alshmokh08[1]:

من الخطأ ان تخاطبي الاحمق بالعقل :-)

يوكو خلص وتعالي اشوفلك احمد يعيدلك عليها بارد لو عايزة

[yoko]

من الخطأ ان تخاطبي الاحمق بالعقل :-)

يوكو خلص وتعالي اشوفلك احمد يعيدلك عليها بارد لو عايزة

ما ده الي هيحصل إن شاء الله
وهجيلك بكره مع صاحبي بتاع الإلنترا عشان هيغير كبوت وهيسمكر ويرش رفرف

[azakareya]

الكلام دا يطمن جداً .. طب أنا داخل على صيانة ال 60،000 للبرافو، أروح اعملها عندهم و لا مش مستاهلة

[yoko]

الكلام دا يطمن جداً .. طب أنا داخل على صيانة ال 60،000 للبرافو، أروح اعملها عندهم و لا مش مستاهلة

بدام كويسين معاك قبل كده روح لو مطلعيين عينك قلهم فاكس خصوصا إنهم هيغيرولك حاجات المفروض متتغيرش

[azakareya]

بدام كويسين معاك قبل كده روح لو مطلعيين عينك قلهم فاكس خصوصا إنهم هيغيرولك حاجات المفروض متتغيرش:_alshmokh08[1]:

أنا عشان جايب العربية مستعمل و ما كنتش ضامن أوي الصيانات القديمة سبتهم يغيروا كل اللي هما عايزينه المرة اللي فاتت .. هاروح أجرب حظي و اشوف ها يقولوا إيه المرة دي .. اشمعنى أنا يعني اللي ها يدلعوني و أنتم لأ

[yoko]

أنا عشان جايب العربية مستعمل و ما كنتش ضامن أوي الصيانات القديمة سبتهم يغيروا كل اللي هما عايزينه المرة اللي فاتت .. هاروح أجرب حظي و اشوف ها يقولوا إيه المرة دي .. اشمعنى أنا يعني اللي ها يدلعوني و أنتم لأ

بص هما المره دي هيغرولك بوجيهات وزيت وفلتر ودول ليهم حق فيهم
نيجي بقى للي هيتغير المفروض كل 60 الف لكن هما بيغيروه كل 20 وغيرهولك في صيانه ال40
زيت باكم
ميه ردرياتير
زيت باور
الليله دي لوحدها معديه ال500 جنيه والمفروض تتعكل كل 60 الف أو سنتين
هيقلولك طبعا تيل قدام قبل ما يكون وصل لنصه حتى وده لوحده قدام ب700 وشويه وورا نفس الكلام ومش بعيد يقولولك ديسكات قدام يبقى زود على الي فوق الف ونص كمان
كل الكلام ده غير ال800 جنيه بتوع الصيانة العاديه