انا عايز اجيب عربية تيمبرا بس عندى شوية استفسارات

[joseph661]

انا حاليلاً معايا لادا وعايز اجيب تيمبرا لانها اخف و احسن وتكيف وبور وراحة يعنى بس عندى شوية استفسارات

1- فيه ناس بتقول ان العربية نازلة للمعاقين فقط فا مش عارف لو دورت على واحد المفروض ان الرخصة بتتغير من معاق ولا اية مش فاهم.
2- لو حالتها حلوة العربية تعمل فى حدود كام ؟؟
3- قطع غيارها رخيصة زى لادا كدة ولا اغلى ولا اية ؟؟
4- ينفع الواحد يسافر بيها ؟؟
5- اية اهم حاجات اشوفها انا وبشترى التيمبرا بحيس انها متقرفنيش بعد كدة ؟؟
6- لو العربية فيها عيوب يارييت اعرفها لان العربية دية مش منتشرة خالص مش عارف لية برغم كل مميزاتها

يارييت لو فيه شوية نصائح تقولهالى لان العربية دية داخلة مذاجى بطريقة غريبة

وشكراً جدا بجد يا جماعة على تعبكم

[ahmed79]

انا حاليلاً معايا لادا وعايز اجيب تيمبرا لانها اخف و احسن وتكيف وبور وراحة يعنى بس عندى شوية استفسارات

1- فيه ناس بتقول ان العربية نازلة للمعاقين فقط فا مش عارف لو دورت على واحد المفروض ان الرخصة بتتغير من معاق ولا اية مش فاهم.
2- لو حالتها حلوة العربية تعمل فى حدود كام ؟؟
3- قطع غيارها رخيصة زى لادا كدة ولا اغلى ولا اية ؟؟
4- ينفع الواحد يسافر بيها ؟؟
5- اية اهم حاجات اشوفها انا وبشترى التيمبرا بحيس انها متقرفنيش بعد كدة ؟؟
6- لو العربية فيها عيوب يارييت اعرفها لان العربية دية مش منتشرة خالص مش عارف لية برغم كل مميزاتها

يارييت لو فيه شوية نصائح تقولهالى لان العربية دية داخلة مذاجى بطريقة غريبة

وشكراً جدا بجد يا جماعة على تعبكم

العربيه نزله معاقين وغير معاقين ولو لقيت وحده بتاعت معاق لازم يكون فك حظر البيع عشان تعرف تمشى بيها وتكون الرخصه مش مكتوب فيها حظر بيع
سعرها حسب الحاله بس النظيف منها بيعدى 30
من ناحيه قطع الغيار شوف الينك ده

http://www.nilemotors.net/Nile/194188-a.html

طبعن بتسافر هى الادا مش بتسافر معاك دى بتسافر بس مع الفارق الشاسع بين الاتنين طبعن التمبرا
هو فى لنك موجود كيف تفحص التمبرا عند الشراء بس مش عارف اجبهولك بس اصبر اى حد من الحبايب هيجبهولك فى كل حاجه خاصه بالعربيه وانت بتشتريها تبص عليها
والينك ده مكون من 5 اجزاء خاصه فقط بالتمبرا مشروح فيه كل مسمار فى العربيه

http://www.nilemotors.net/Nile/220355-a-607.html

هى بصراحه عربيه حلوه بس لم بتكون نظيفه بتريح كتير

[joseph661]

انا متشكر جدا يا باشا لردك
معلش كان ليا استفسار تانى هل العربية بتاخد بنزين كتير ولا اية نظامها ؟؟

[JUVENTUS]

الحاجات اللي تاخد بالك منها و انت بتشتري في الموضوع ده

http://www.nilemotors.net/Nile/257317-a.html

استهلاك البنزين من 180 ال 200 كم في الصفيحه

[joseph661]

انا متشكر جدا يا جماعة بجد الف شكر

[SYD]

حضرتك بتسأل التمبرا بتسافر ولا لاء ؟؟؟؟؟

امال لو ماكنتش 1600 وتكاد تكون احسن فيات نزل في التسعينيات كنت قولت ايه ؟؟؟؟

[heshamzaky]

Fiat tempra crash by rienda

[youtube]http://www.youtube.com/watch?v=HJKZNhamA2s[/youtube]

[Emy2014]

انا عربيتى تمبرا كانت سيارة معاقين وكان مكتوب فى الرخصة معاقين وتاكدت انه تم فك الحظر ونتقلت الملكية والكلمة مش موجودة فى الرخصة واصبحت رخصة عادية جدا
العربية ممتازة جدا وشيك جدا وطبعاااااااااااااا تنفع فى السفر وممتازة جدا فى السفر بسبب كبر الشنطة والصالون الواااااااااااسع جدا والموتور القوى
لكن انا من وجهة نظرى حجمها كبير (بالنسبة ليا) وده عيب فى وجهة نظرى مش عارفة اركنها تماما لدرجة انى ببعها دلوقتى بسبب الموضوع ده وعايذة صغيرة واتوماتيك
لكن بالنسبة لحضرتك هتكون ممتازة ربنا يوفقك

[amro0000]

انا معايا دوجان نضيفة وعقلي بيشاورني ابيعها عشان التيمبرا بس خايف

[man2217]

تبيع الدوجان

[passio]

استاذ هشام لو سمحت انت جربت الاتنين التمبرا و التيبو ممكن توضح الفرق وايهما افضل وياريت افضل الموديلات والسعر
شكرررررررررررررررا جزيلا و اسف للاطالة

[heshamzaky]

استاذ هشام لو سمحت انت جربت الاتنين التمبرا و التيبو ممكن توضح الفرق وايهما افضل وياريت افضل الموديلات والسعر
شكرررررررررررررررا جزيلا و اسف للاطالة

اهلا بيك يا باشا
بص التمبرا و التيبو عربية واحدة بالظبط الموتور هوة هوة مفيش اى اختلاف نهائيا بين الاتنين
الفرق الشنطة بتاعت التمبرا اكبر و عربية سيدان
قطع غيار التيبو زى الفوانيس و الظهر بتاع الشنطة و الرفارف الامامية و الكبوت مختلفين عن بتوع التمبرا بس موجودين برضو استيراد
يعنى فانوس التسيو الخلفى كامل ب 70 جنية طبعا مفيش وش بلاستيك و لو حصل و دة مش حا يحصل و لقيت وش حا تلاقية ب 70 جنية يبقى تشترى الفانوس الخلفى كامل ب ال 70 جنية
الفوانيس الامامية فية منها شكلين شكل لة بومباى و واحد اخر فلات البومباى شكلة افضل و برضو مفيش وش بس الفانوس كلة موجود و سعرة مش غالى
=============
التيبو أكبر حجما من الجولف و اوسع من الداخل
شكلها رياضى شوية
العفشة هية هية عفشة التمبرا بالميللى
لو موتور العربية بحالة جيدة أعتقد أدء العربية حا يبسطك جدا لو بتحب تجرى يعنى لغاية 160 انت مش راكب الهوا العربية راسية على الارض
=====================
التيبو عربية قليلة و الى معاة تيبو كويسة بيبقى صعب يبعها شوية
=========================
افضل الموديلات من وجهت نظرى سواء فى التيبو او التمبرا لو انجيكشن و حسب الاوبشن الى نازل فى العربية ممكن تلاقى واحدة بفتحة سقف و انجيكشن و اير باج و فرامل abs بس دى حالات نادرة جدا
عموما الانجيكشن افضل و لو لقيت واحدة 1400 سىسى فاضية ممكن جدا تركب لها موتور 1600 و تركب باور و تركب تكيف
=======================
بالنسبة للسعر العربية حسب حالتها بس عموما لو تيبو 1600 و مكيفة و نظيفة مش حا تقل عن 33 الف حسب حالتها و ممكن تلاقى تيبو ب 28 الف فاضية بس المهم حالتها اية
======================
المقارنة بين التيبو و التمبرا الاتنين واحد بس التيبو اصغر فى الطول ب 25 او 30 سنتى بالكتير و التمبرا اتقل شوية فى الوزن بس مش بوزن كبير الفرق يعتبر بسيط نسبيا
===============
تابلوة التيبو شكلة احلا من تابلوة التمبرا و برضو حسب موديل التيبو
التيبو كلها ايطالى و فية موديلات الانجيكشن بيقال عليها فى السوق التيبو الالمانى و دى انجيكشن و من افضل الموديلات سواء التيبو او التمبرا