تسخين البونتو ١٩٩٥

[elassi_571]

لو سمحتم انا اشتريت بونتو ٩٥ من كام اسبوع كدا ،،
ومن الحاجات اللي بتواجهني يوميا اني لازم اسخن العربيه الصبح قبل مااطلع والا هاتبطل ،،
هو مش المفروض ان العربيه حقن وقود ومابتحتاجشي للتسخين ،،

كمان ساعات لما بدور واجي ادوس بنزين تروح مبطله ،،، حد يعرف دا من ايه !؟
وبرضوا ساعات اجي ادور الموتور مايلقطشي واحس بتفويته كدا ،،
موضوع التفويت دا بدا يحصل بعد ماغيرت البوجيهات ،، هل ممكن يكون فيه مشكله من البوجيهات ،،
خصوصا ان كان فيها بوجيهات ٣ شمعه ،، وانا ركبتلها ٤ شمعه ،، فهل دا ممكن يكون غلط علي الموتور او يأثر علي حاجه !!؟

[yoko]

مبدأيا ركب البوجيهات الواحد شمعة بتاعتها برق الكتالوج
تاني حاجة شوف طرمبه البنزين اخبارها إيه

[shadybahaa]

باشا راجع موتور طرمبه البنزين ونظف وحدة الانجكشن بالاسبراى وجرب

[misoalex]

باشا راجع موتور طرمبه البنزين ونظف وحدة الانجكشن بالاسبراى وجرب

+11111111111

[elassi_571]

مبدأيا ،،، انا بعتذر عن عدم الرد الفتره اللي فاتت
بس غصب عني والله مشغول جدا جدا .. -- هندسه بقي :( --

ندخل بقي في الموضوع ،، بعد ماحضراتكم اتفضلتوا ورديتوا علي الموضوع ،،
وانا بصراحه لقيت الموضوع محتاج لف علي الطرمبه لان قطع غيارها مش متوفره عندي اوي ،،
وانا لقيتها ماشيه وخلاص ،، نفضت وقلت اهي ماشيه ،،
لحد ماالموضوه زاد اوي ،، وريتها لاتنين ميكانيكيه والاتنين اجمعوا انها الطرمبه ،، وانها مابتتنضفشي وبتتغير وبس ،،

المهم جبت الطرمبه .. وبعد دوخه من الميكانيكي ،، يقولي الفيشه مش هيا وبتاع ،، وفي الاخر ركبها بكلبسات ،،
الحمد لله خلصنا ،، روحت البيت ركنت ،، جيت ادور تاني يوم الصبح مابتدورش :D -- يعني الطرمبه جت علي الفاضي :( --

رجعتله تاني ،، قالي فلتر البنزين والبوجيهات ،، كشفنا عليهم لقيناهم تمام ،، وكشف علي الموبينه كمان ،،

المهم انهارده وانا عنده برفه الدبرياج ،، كان فيه كهربائي موجود ،، قاله اكشف علي البطاريه ،، كشف عليها فا كان شاكك فيها ..
قالي روح لفلان الفلاني يقيسلك البطاريه والدينامو ،،
قاسلي الدينامو قالي سليم ،، والبطاريه قالي ضعيفه ،، وتقريبا قالي فيه ربع ضارب !!
الكهربائي قالي كدا العيب اصلا من البطاريه ،، قلتله بس المارش بيدور عادي ما بيقطعشي ،،
قالي ممكن تكون البطاريه مش قادره تقوم الكمبيوتر وهو المسئول عن الانجكشن وبالتالي مش هايوصل بنزين للموتور علشان يدور ...

هل فعلا ممكن يكون العيب من البطاريه ،، علي الرغم من اني لما بدور ومابتلقطشي ،، المارش بيدور عادي وبسرعه ،، وولا بيقطع ولا بيتكتك !!!!!
وكمان لما يحالفني الحظ وتدور ال rpm مابيثبتشي علي ال١ ،، بيفضل ينزل ويطلع حاجات بسيطه ،، ومابيثبتشي غير لما ادوس بنزين شويه !!

انا عاوز اتاكد علشان مااجيبشي بطاريه ويطلع العيب مش منها زي الطرمبه ،، ويبقي برمي فلوس علي الفاضي !!

وكمان عاوز اعرف ،، هل موضوع التدوير مارش علي الفاضي كتير دا ممكن يأثر علي الكمبيوتر او علي اي حاجه تانيه ،،
اصلها بتلقط بعد المره العاشره ولا ال ٢٠ علي حسب !!

ثانيا التكييف ،،

لما بشغل التكييف علي السلانسيه ال rpm بيقل من ١ ل نص ... والعربيه تقعد ترجرج ..ولازم ادوس بنزين ..
العيب دا يكون من ايه ،، وكمان بقي مابيجيبشي هوا ساقع غير لو ال rpm مابين ال ٣ وال ٤ ،، لو علي او قل بيشتغل كانه مروحه !!


اسف اني طولت عليكم ،، بس انا بجد ملخصلكم معاناه شهرين في الكلام دا :)

وبشكر كل الناس اللي ردت ،، وبعتذر إني ماردتشي عليهم اشكرهم بالاسم ،، بس انتوا اكيد نقدرين الظروف :)

واسف مره تانيه علي التاخير :)

[yoko]

إنت كده عنتك مشكلتين
البطاريه ولازم تتغير لإن لو صبرت عليها كام يوم هتموت خالص
والمشكله التانيه بتاعة الrpm دي البوابه عاوزة تتنضف غالبا لو مظبطتش بعد التنضيف إحتمال كبير تكون البوابه بايظة

[Ayman999]

مبدئيا كده غير البطارية و شوف ايه الاخبار

[elassi_571]

إنت كده عنتك مشكلتين
البطاريه ولازم تتغير لإن لو صبرت عليها كام يوم هتموت خالص
والمشكله التانيه بتاعة الrpm دي البوابه عاوزة تتنضف غالبا لو مظبطتش بعد التنضيف إحتمال كبير تكون البوابه بايظة

يعني موضوع انها بتجيب مارش بس من غير ماتدور دا اكيد من البطاريه !؟

وموضوع تنضيف البوابه دا سهل ولا حوار طويل وهاياخد وقت !!؟ .. انا مااعرفشي حاجه في المواضيع دي الصراحه :$

طيب وبالنسبه للتكييف !؟

وشكرا علي الرد :)

[yoko]

يعني موضوع انها بتجيب مارش بس من غير ماتدور دا اكيد من البطاريه !؟

وموضوع تنضيف البوابه دا سهل ولا حوار طويل وهاياخد وقت !!؟ .. انا مااعرفشي حاجه في المواضيع دي الصراحه :$

طيب وبالنسبه للتكييف !؟

وشكرا علي الرد :)

لأ مش شرط تكون البطاريه السبب بس كده كده هتغير البطاريه
البوابه سهله بس لو ملكش في الكلام ده الميكانيكي يعملها في 5د
التكيف لازم حد بتاع تكيف يبص عليها

[elassi_571]

معلشي حاجه كمان ،، لما اكتشفنا ان البطاريه ضعيفه ،،
الكهربائي قالي انت تجيب بطاريه ٥٥ او ٧٠
--مع العلم ان اللي في العربيه ٤٤--

لو غيرت اجيب زي اللي فيها ولا اسمع كلامه ،،
وهل البطاريه الاعلي غلط علي الكمبيوتر او اي حاجه تانيه !؟

[elassi_571]

لأ مش شرط تكون البطاريه السبب بس كده كده هتغير البطاريه
البوابه سهله بس لو ملكش في الكلام ده الميكانيكي يعملها في 5د
التكيف لازم حد بتاع تكيف يبص عليها

شكرا علي اهتمامك وردك السريع :)

طيب حضرتك تفتكر ايه تاني ممكن يكون سبب في عدم التدوير دا !!؟

وبالنسبه للتكييف لما لقينا موضوع البطاريه ،، الميكانيكي قالي ممكن يكون موضوع البطاريه هو اللي ماثرلك علي التكييف وبيخلي ال rpm يوطي علي السلانسيه ،، لانه بيسحب من البطاريه !!

[yoko]

البطاريه الأعلى مش غلط ولا حاجة بس 55 كفايه قوي
وبدام العربيه دارت البطاريه بايظة ضعيفة مش موجوده أصلا مفيش مشكله ولا تأثر على أي حاجة وكذلك التكيف ملوش دعوة بالبطاريه

[graffittiii]

يباشا طب وأنت تاعب نفسك ليه
مش الكهربائي بيقول أن البطارية ضعيفة ؟؟
خليه يجربلك بطارية من عنده لو المشكلة أتحلت ودارت من أول مرة يبقي هي البطارية والموضوع منتهي
لو طلعت هي يبقي هتحتاج بطارية 55 ...

وكمان لما يحالفني الحظ وتدور ال rpm مابيثبتشي علي ال1 ،، بيفضل ينزل ويطلع حاجات بسيطه ،، ومابيثبتشي غير لما ادوس بنزين شويه !!

ثانيا التكييف ،،

لما بشغل التكييف علي السلانسيه ال rpm بيقل من 1 ل نص ... والعربيه تقعد ترجرج ..ولازم ادوس بنزين ..

الإتنين مشكلة واحدة حلها تنضيف البوابة وحساس الأيدل كونترول بإسبراي زي ماقالك Yoko ... حصلت معايا قبل كده ...

سؤال جانبي كده :
هي العربية دي single point Injection ؟؟
لو كانت رشاش واحد عندي إحساس أن ممكن يكون هو السبب ...
إنه يكون مابيضخش كمية بنزين كافيه أو بيعلق ...

خلينا مانسبقش الأحداث وشوف موضوع البطارية ده الأول جرب بطارية عند الكهربائي قبل ماتشتري ...

ملحوظة : أنت غالبا محتاج تغير الميكانيكي ... دا بيقولك ال RPM بينزل عشان البطارية ضعيفة !!!
مافيش حاجة إسمها كده ...
.

[yoko]

أيوه أهم حاجة تغير الميكانيكي أنا مش عارف نسيت أقولك إزاي لإن البطاريه تخلي الrpm يلعب ده فتي رسمي

[misoalex]

انا شايف ان حلك تروح عند مركز الصفا بتاع الانجكشن

وهما عندهم اجهزه كشف كمبيوتر حيعرفو العيب منين لان ال rpm طالما بيرعش ويلعب كده عندك حساس او حاجه بايظه هى اللى بتعمل كده وبتخلى العربيه متبرجله

وازاى البطاريه عندك ضايعه وانت بتقول بتفضل تدول والعربيه مش بتلقط غير بعد المره ال 20 والكلام ده ؟؟؟
البطاريه لو ضايعه اوى كده مش حتور العربيه الصبح غير مرتين والتالته حتلاقيها ماتت

واصلا البطاريه مش حتخلى العربيه متدورش والمارش بيدور ازاى الكلام ده !!!!!!

لازم تكشف كمبيوتر والافضل تروح لمركز الصفا ده لانه حيصلحلك المشكله