تسخين البونتو ١٩٩٥

[moharram3]

بص يا باشا انا برضه عندى بونتو 95 وواضح انها زى عربيتك بالضبط ، بالنسبة لعدم دوران العربية ده ممكن يكون اسبابه كتيرة ( طلمبة بنزين - فلتر بنزين - رشاشات ) ويمكن يكون فيه اسباب اخرى انا مش عارفها لكن المهم ان الكشف على الجهاز وبوسائل اخرى عند الميكانيكة ممكن يحدد العيب بالضبط إنما موضوع البطارية ده فبالتأكيد مش هو السبب وخصوصا ان كلامك معناه ان البطارية مش ضعيفة للدرجة دى ... من ناحية تانية حساس الأيدل هو المسئول عن تسخين العربية الصبح وهو برضه المسئول عن رفع الموتور لما التكييف يشتغل وبما ان الأتنين دول عندك فيهم مشكلة يبقى المشكلة هى حساس الأيدل وده يا إما محتاج يتنضف بالإسبراى هو والبوابة أو يتغير خالص وانا سبق وغيرته وجبته إستيراد من الوكالة بـ 100 جنيه ،،، تمنياتى لك بالتوفيق

[elassi_571]

بصوا بقي ،، انا بجد اتخنقف من الميكانيكيه وبتوع الكهربا دول ،،
يعني خلوني اغير طلمبه بنزين وبوجيهات وكنت هااغير بطاريه علي الفاضي ،،

اليكم اللي حصل امبارح وانهارده ،،
امبارح كنت مع واحد صاحبي وبحكيله علي اللي حصل ،، قالي تعالي معايا لكهربائي نضيف انا شغال معاه ،،
المهم روحت معاه بقوله علي الموضوع ،، اخد المفتاح وبيدور حصلت نفس الموضوع ،،
واول حاجه قالها ،، دي تفويته مارس ،، الترس بتاعه بيفوت وعاوز يتغير ،،
المهم سمعت كلامه وروحتله الصبح ،، وطبعا بعد ماضيعلي اليوم ،،

طلع كلامه صح !!!

كل الحوار ان ترس المارش بيفوت ،، وبس كدا !!!!!

وخليته يكشف علي البطاريه لقاها سليمه ومش ضعيفه قوي ،، حاجات بسيطه ،، ظبط المياه بتاعتها وشحنها ،،
ومالقاش فيها ولا ربع ضارب ولا اي حاجه !!

ومشيت بيها طول اليوم ،، والحمد لله ماعملتهاش ولا مره لحد دلوقتي :)


لسه بس rpm والتكييف ،، ودول في الغالب هااجلهم لبعد الامتحانات دا لو مافيهاش خطوره علي العربيه ،، ولا انتوا ايه رايكوا !؟


شكرا لمجهوداتكم معايا :)

[graffittiii]

حكاية في خطورة ولا لا دي مش عارف ....
بس هي كده غالبا ممكن تبطل منك ف المطبات لو rpm نزل أوي ...
هي علي فكرة مش هتاخد من الميكانيكي 10 دقايق ...
لو قدرت تعملها يكون أحسن ...
وربنا يعينك ف الإمتحانات يامعلم ....
.

[yoko]

مبروك أولا والبوابه دي مش هتاخد وقت ممكن وإنت رايح الكليه أو وإنت راجع تعملها في السريع وهي لو مش بتلعب جامد مفيهاش خطورة بس مستعجلة مطنشهاش

[elassi_571]

حكاية في خطورة ولا لا دي مش عارف ....
بس هي كده غالبا ممكن تبطل منك ف المطبات لو rpm نزل أوي ...
هي علي فكرة مش هتاخد من الميكانيكي 10 دقايق ...
لو قدرت تعملها يكون أحسن ...
وربنا يعينك ف الإمتحانات يامعلم ....
.

هااحاول اعملها لو سمح الوقت ان شاء الله ،،
وهو مابينزلشي اصلا غير رعشه الصبح او لما التكييف يشتغل ،،
فا هااحاول اخد بالي ان شاء الله .،

وشكرا علي مجهودك :)

[elassi_571]

مبروك أولا والبوابه دي مش هتاخد وقت ممكن وإنت رايح الكليه أو وإنت راجع تعملها في السريع وهي لو مش بتلعب جامد مفيهاش خطورة بس مستعجلة مطنشهاش

هاااحاول انجزها ان شاء الله ،، هيا مش بتلعب جامد ،، بس هااحطها في دماغي بإذن الله :)

وبجد مش عارف اقولكم ايه علي تعبكم ،مجه،داتكم معايا ،، شكرا بحد :)

[elassi_571]

انا شايف ان حلك تروح عند مركز الصفا بتاع الانجكشن

وهما عندهم اجهزه كشف كمبيوتر حيعرفو العيب منين لان ال rpm طالما بيرعش ويلعب كده عندك حساس او حاجه بايظه هى اللى بتعمل كده وبتخلى العربيه متبرجله

وازاى البطاريه عندك ضايعه وانت بتقول بتفضل تدول والعربيه مش بتلقط غير بعد المره ال 20 والكلام ده ؟؟؟
البطاريه لو ضايعه اوى كده مش حتور العربيه الصبح غير مرتين والتالته حتلاقيها ماتت

واصلا البطاريه مش حتخلى العربيه متدورش والمارش بيدور ازاى الكلام ده !!!!!!

لازم تكشف كمبيوتر والافضل تروح لمركز الصفا ده لانه حيصلحلك المشكله

ممكن حضرتك تقولي مركز الصفا دا فين !؟

وشكرا لاهتمامك وردك :)

[elassi_571]

بص يا باشا انا برضه عندى بونتو 95 وواضح انها زى عربيتك بالضبط ، بالنسبة لعدم دوران العربية ده ممكن يكون اسبابه كتيرة ( طلمبة بنزين - فلتر بنزين - رشاشات ) ويمكن يكون فيه اسباب اخرى انا مش عارفها لكن المهم ان الكشف على الجهاز وبوسائل اخرى عند الميكانيكة ممكن يحدد العيب بالضبط إنما موضوع البطارية ده فبالتأكيد مش هو السبب وخصوصا ان كلامك معناه ان البطارية مش ضعيفة للدرجة دى ... من ناحية تانية حساس الأيدل هو المسئول عن تسخين العربية الصبح وهو برضه المسئول عن رفع الموتور لما التكييف يشتغل وبما ان الأتنين دول عندك فيهم مشكلة يبقى المشكلة هى حساس الأيدل وده يا إما محتاج يتنضف بالإسبراى هو والبوابة أو يتغير خالص وانا سبق وغيرته وجبته إستيراد من الوكالة بـ 100 جنيه ،،، تمنياتى لك بالتوفيق

شكرا لاهتمام حضرتك ،، هيا المشكله الاولي اتحلت الحمد لله ،،
بالنسبه للبوابه والحساس ان شاء الله هااعملهم :)

[madkor]

انا كمان معايا بونتو 95 مشكلتى الوحيده فى التكييف زهقت مش تلاجة وبعدين لما بشغله العربيه بتتكتف مابتمشيش الا لما ادوس بنزين جامد يعنى لو جه مطب ولا حاجة واديت اول ولا تانى تبطل منى .....فيضطر ابطل التكييف نفسى فى حل عشان زهقت .