اشتريت عربية 128 وعايزة أسأل عن صيانتها وترويشها

[أبومعاذ]

السلام عليكم
انا اشتريت عربيه 128 موديل 2001و 1300 سىسى وعايز اعرف ايه رايكم فيها دا اولا
ثانيا عايز اعرف هل يمكن يتركبلها تكييف وفين وبكام؟
وشكرا

الف مبروك ال 128 ال 1300 عربية جميلة جدا و كانت معايا و سحبها ممتاز و استهلاك البنزين كويس
بس خللي ايدك فيها على طول عشان متفتحش بقها زي ما بيقولو
موضوع التكييف انا معرفش فيه بس اللي سمعته ان موتورها ميستحملش التكييف و انه يفضل يتسقطلها موتور بتكييفه

[R A N A]

التوفيقية احسن فى الاسعار كتير من شارع دمشق و كمان تفاصلى معاهم براحتك و انتى و شطارتك.

الدواير و العتب و السبويلر و الهوايات كلهم مصرى و فى عادى او استثمارى و الاستثمارى انضف بس طبعا هتاخديهم بعد كدة لسمكرى علاشان يركبهملك فى ربع ساعة.

الانذار من 150 الى 500 جنية و حسب الOptions طبعا و كلة ما بين صينى و ماليزى و تايوانى و بردة كلة فى التوفيقية و احسن واحد هناك انا اتعاملت معاة هو هشام لهيطة, و ممكن بالمرة تركبى سنتر علاشان يريحك و دة من 75 الى 125 على ما اذكر.

و كل الى فى التوفيقية فى دمشق و العكس صحيح.

انا روحت امبارح التوفيقية وسألت على شوية حاجات كده زي هوايات الكبوت ولاقيتها ب 15 جنيه قللته في حاجة احسن قالي دي احسن حاجة مش عارفة بقي دي المصري ولا الاستثماري اللي حضرتك بتقول عليها ، المهم روحت بقي لهشام وسألت على الإنذار وراني كذا نوع قالي كلهم في رنج ال 200 جنيه بالتركيب ولو من غير تركيب بيشيل 30 جنيه من ثمنه بس. وراني نوع اسمه (FM) ونوع تاني مش فاكرة اسمه تقريبا صان وان (معلش لو الإسم غلط) وقلتله وريني Wolf
وراهوني المهم قلتله ايه الفرق قالي هي العربية نوعها ايه لما قلتله 128 قالي النوعين الاولانين كويسين لكن Wolf مش برشحه لل 128 عشان الشحن والكهرباء بتاعتها وWolf بيلخبط معاها لكن بيبقي كويس للزيرو.
المهم دلوقتي كل الإنذارات اللي انا شوفتها في رنج ال 200 بالتركيب هل السعر ده فعلا كويس ولا غالي ومحتاج افاصل ولا ادور عند حد تاني ولا إيه؟
وثانيا ترشحولي انهي نوع فيهم للإنذار؟
سؤال كمان هل اركب الإنذار عنده لما اشتريه منه ولا اشتريه واخلي حد تاني يركبه انهي افضل يعني وليه؟

[iBiZa]

انا روحت امبارح التوفيقية وسألت على شوية حاجات كده زي هوايات الكبوت ولاقيتها ب 15 جنيه قللته في حاجة احسن قالي دي احسن حاجة مش عارفة بقي دي المصري ولا الاستثماري اللي حضرتك بتقول عليها ،

لا هو دة مظبوط.

المهم روحت بقي لهشام وسألت على الإنذار وراني كذا نوع قالي كلهم في رنج ال 200 جنيه بالتركيب ولو من غير تركيب بيشيل 30 جنيه من ثمنه بس. وراني نوع اسمه (FM) ونوع تاني مش فاكرة اسمه تقريبا صان وان (معلش لو الإسم غلط) وقلتله وريني Wolf
وراهوني المهم قلتله ايه الفرق قالي هي العربية نوعها ايه لما قلتله 128 قالي النوعين الاولانين كويسين لكن Wolf مش برشحه لل 128 عشان الشحن والكهرباء بتاعتها وWolf بيلخبط معاها لكن بيبقي كويس للزيرو.
المهم دلوقتي كل الإنذارات اللي انا شوفتها في رنج ال 200 بالتركيب هل السعر ده
فعلا كويس ولا غالي ومحتاج افاصل ولا ادور عند حد تاني ولا إيه؟

هو طبعا فاهم فى التركيب كويس فا لو قالك انة ساعات بيعمل مشاكل يبقى بلاش من ال Wolf.
الFM دة انا مسمعتش عنة قبل كدة.
الSun1 فية ناس كتير مجرباة و بتشكر فية اوى.

فى بلدنا دية تفاصلى فى اى حاجة.
ممكن تروحى تبصى عند ناس تانية برضة و تاخدى فكرة.

سؤال كمان هل اركب الإنذار عنده لما اشتريه منه ولا اشتريه واخلي حد تاني يركبه انهي افضل يعني وليه؟

يفضل عندة علاشان:
1-لما يركبة لو فية مشكلة بعد كدة مش هيقولك اتركب غلط
2-العيال الى بتركب فاهمة فا مش هيبوظوا حاجة
3-مفيش حد هيركب باقل من 20 جنية فا مش هاتفرق على 10

[R A N A]

لا هو دة مظبوط.

طيب علي خيرة الله .
طب بالنسبة لموضوع الشمس بقي اللي بتسويلي العربية دي اتصرف فيها ازاي؟
انا لاقيت حاجات للشمس منها بتاعة كده بتتكور دي ب 15 جنيه وواحدة تانية اسمها ستاير كبس بتركب في الزجاج الخلفي دي باين ب 30 جنيه؟ ايه النظام بقي واشتري ايه ولا افيم زيرو؟ ( بس خايفة من المرور).


هو طبعا فاهم فى التركيب كويس فا لو قالك انة ساعات بيعمل مشاكل يبقى بلاش من ال Wolf.
الFM دة انا مسمعتش عنة قبل كدة.
الSun1 فية ناس كتير مجرباة و بتشكر فية اوى.

هو مكتوب عليه F.M.D تقريبا

فى بلدنا دية تفاصلى فى اى حاجة.
ممكن تروحى تبصى عند ناس تانية برضة و تاخدى فكرة.

أوكي هاشوف كده المرة الجاية بس انتوا رشحتولي هشام ده علي اساس يكون مضمون يعني مش شرط الرخص المهم يكون مضمون لإني معنديش مانع ادفع زيادة بس تبقي في محلها يعني.


يفضل عندة علاشان:
1-لما يركبة لو فية مشكلة بعد كدة مش هيقولك اتركب غلط
2-العيال الى بتركب فاهمة فا مش هيبوظوا حاجة
3-مفيش حد هيركب باقل من 20 جنية فا مش هاتفرق على 10

عندك حق بس انا لما سألت مكنش هايفرق معايا 20 من 30 جنيه تركيب بس سألت علي اساس ان لو حصل حاجة فيها هاطخ شموار لحد وسط البلد.
بس مش مشكلة اهو عشان يبقي من عنده وهو اللي مركبه عشان ميقدرش يماطل معايا لو حصله حاجة.

ميرسي جدا ليك علي فكرة حضرتك بجد متعاون جدا وليك خبرة كويسة في المجال ده. :)