ال rpm بيعلى لوحده

[misoalex]

العربيه بقالها فتره ال rpm بيعلى لما العربيه امشى بيها فتره وتسخن او امشى فى الزحمه الاقى ال rpm ابتدى يطلع من 8 لفوق ال 10 بشرطه ويفضل كده وطبعا صوت العربيه بيعلى كأنى معلى السلانسيه
ومينزلش تانى الا لما ابطل العربيه وادورها وطبعا يرجع تانى يعمل كده

وفيه مشكله تانيه مش عارف ليها علاقه بالمشكله الاولانيه ولالا

ادوس بنزين واجى اشيل رجلى من على الدواسه يفضل ال rpm معلق فووووق كأنى لسه دايس بنزين

عشان يرجع للسلانسيه تانى اطفى النور او اوطى مروحه التكييف يعنى اغير او اخفف اى حمل كهربا فالعربيه ترجع تانى للسلانسيه ولو زودت بنزين تعلى اكتر وتفضل ثابته فوق كأن دواسه البنزين معلقه ( المشكله دى حصلت باليل لما كنت مشغل المروحه والنور مع بعض ) ولما طفيت النور محصلتش

المهم انا روحت لواحد فك البوابه ونضفها بالبنزين والاسبراى التنضيف بتاع البوابه وكان فيه 2 حساس فى البوابه قاللى ده واحد بتاع الهوا وواحد بتاع السلانسيه وحاول يفكهم من البوابه متفكوش فقاللى دول كبس ومش حينفع افكهم

فأنا عاوز اعرف المشكله فين بالظبط وتفتكرو الدينامو ممكن يعمل كده ولا ده حساس بيهيس ولا ايه بالظبط ؟؟
وهو فين حساس الايدل (الايدل كنترول )فى السيينا 1600 هل هو ده اللى قاللى عليه مش بيتفك فى البوابه ؟؟

[drmagieed]

ما فيش حاجة إسمها حساسات كبس كل الحساسات دي بتتفك والأيدل دة بيكون علي البوابة نفسها ... وبيتفك ويتنضف ... بس بص لو في كتاوت مجنزرة أو مصدية مع الحمل الزيادة بتفصل وتحصل المشكلة دي ... ومع الفارق طبعا بين السيينا وال 128 كانت بتعملها معايا ال 128 ومتبطل وماترضاش تدور إلا لو قفلت كل النور وإستنيت لغاية المروحة لما تبطل.

[momo44]

حساااااااااس الايدل محتاج تنظيف او تغيير

[misoalex]

ما فيش حاجة إسمها حساسات كبس كل الحساسات دي بتتفك والأيدل دة بيكون علي البوابة نفسها ... وبيتفك ويتنضف ... بس بص لو في كتاوت مجنزرة أو مصدية مع الحمل الزيادة بتفصل وتحصل المشكلة دي ... ومع الفارق طبعا بين السيينا وال 128 كانت بتعملها معايا ال 128 ومتبطل وماترضاش تدور إلا لو قفلت كل النور وإستنيت لغاية المروحة لما تبطل.

ما انا فكيت البوابه ونضفتها ونزلت سواد بس الحساسات حاولنا نشدها مرضيتش تتشد وتتخلع

[khalid_adel]

ده كده بكل اللي انت شرحته = حساس الايدل
غيره او جرب واحد تاني حتلاقي الار بي ام نزل على طول

[momo44]

ما انا فكيت البوابه ونضفتها ونزلت سواد بس الحساسات حاولنا نشدها مرضيتش تتشد وتتخلع

حساس الايدل بيتفك بمسامير
مش كبس

[alaamousa]

على فكرة يا باشا ممكن واير البنزين يكون معلق انا عارف انه سبب بسيط واحتمال ضعيف بس اعتقد ذلك من وجهة نظري المتواضعة

[misoalex]

حساس الايدل بيتفك بمسامير
مش كبس

طب انا قعدت ادور فى البوابه على مسامير ظاهره ملقيتش فيها اى مسمار

كده اعمل ايه هل فيه حد متخصص فى الموضوع ده ؟؟

[misoalex]

ده كده بكل اللي انت شرحته = حساس الايدل
غيره او جرب واحد تاني حتلاقي الار بي ام نزل على طول

طب افكه ازاى من البوابه هى دى المشكله دلوقتى

ياريت حد جرب يقوللى

[misoalex]

على فكرة يا باشا ممكن واير البنزين يكون معلق انا عارف انه سبب بسيط واحتمال ضعيف بس اعتقد ذلك من وجهة نظري المتواضعة

شكرا يا باشا
لو الواير العربيه مش حترجع تانى للسلانسيه لما اطفى النور او اطفى المروحه
الموضوع ليه علاقه بحاجه فى الكهرابا

ده غير ان الدواسه لو معلقه ححس بيها تحت رجلى لانها كانت بتحصل معايا زمان فى عربيه كربراتير قديمه

[misoalex]

ياريت حد من الناس تقوللى ازاى افك حساس الايدل من البوابه

[Medo.Malek]

طب دلوقتى موضوع ان الار بى ام يعلى فوق ال10 ده عندى فى اللينيا و على حسب فهمى ده بيحصل لما اشغل التكييف عشان يريح الكمبريسور او حاجة زى كده و مجرد ما اطفى التكييف بيرجع تانى تحت ال 10 !
انا كده عندى مشكلة ؟!
اصل الموضوع ده بيحصل من اول ما استلمت العربية !

[misoalex]

طب دلوقتى موضوع ان الار بى ام يعلى فوق ال10 ده عندى فى اللينيا و على حسب فهمى ده بيحصل لما اشغل التكييف عشان يريح الكمبريسور او حاجة زى كده و مجرد ما اطفى التكييف بيرجع تانى تحت ال 10 !
انا كده عندى مشكلة ؟!
اصل الموضوع ده بيحصل من اول ما استلمت العربية !

كان الاول ده بيحصل معايا وكان بيرجع تانى لل 8 بعد ما اطفيه وده الطبيعى

لكن دلوقتى مشغل التكييف مش مشغله ولا فيه فرق يفضل على ال 8 والعربيه لما تسخن وتقف فى الزحمه كتير يعلى ل 10 وفوقيها بشرطه وميرجعش غير لما ابطل العربيه وادورها تانى

[misoalex]

بعد البحث ده شكل البوابه عندى والحساسات راكبه فيها زى ما انتو شايفين مفيهاش اى مسامير ظاهره ممكن تتفك

[ehab_mansour]

سؤال لحضرتك :-
نوع المحرك حقن الكتروني كامل ولا نصف و ياريت لو صورة للبوابة بحساستها عشان نعرف فين المشكلة ولو تقدر تقلنا المحرك موديل سنة كام بالضبط و مواصفاته عشان نعرف هو شغال بأنهي نظام

للعلم مش كل المحركات مصممه بنظام حقن واحد معظم الألماني مثلا و من ضمنها فولكس بتعتمد علي بوابة واحده فقط بتتحكم في كمية الهواء الداخل و نسبته و السلانسيه
اوبل مثلا و تكنولوجيا جنرال موتورز و مجموعتها و معاها دايو بتعتمد علي حساس ايدل مسئول عن السلانسيه عموما و بوابة مسئولة عن الباقي

بصراحة معرفش فيات نظامها ايه و لكن مش هيخرج عن الاتنين دول و اعتقد هيكون اقرب للالماني فياريت لو عندك معلومات و صور تفيدنا عشان نقدر نساعدك