ال rpm بيعلى لوحده

[ehab_mansour]

بعد البحث ده شكل البوابه عندى والحساسات راكبه فيها زى ما انتو شايفين مفيهاش اى مسامير ظاهره ممكن تتفك

مشفتش المشاركة دي قبل ما اكتب مشاركتي الاولي لكن المهم
حسب ما فهمته من شكل البوابة ان عندك في الشمال بيركب واير الأكسراتير و قاصدها من الناحية الأخري فيشة حساس ال tps و تفصيله Throttle Position Sensor و ده المسئول اللي بيحدد وضع البوابة للكنترول (زاوية فتح البوابة)
و جنبها فيشة حساس الأيدل و شكل فيات نظامها زي جنرال موتورز لأن فوهة البوابة من فوق مقسومه جزئين هتلاقي الجزء الصغير ده نازل علي مكان حساس الأيدل و بالتالي الحساس هو اللي بيتحكم في السلانسية

المفروض ان الفيشة بتاعت حساس الايدل دي ليها من الجنب مسمارين يفكوها عشان تطلع الحساس و تغسله جيدا و تنظيف مكانه و اللي بالتالي هيظبطلك سلانسيه العربية و لكن لو مافيش مسامير لفكه هتحاول تغسل فتحته الصغير من فوق جيدا و تحط فيها منظف لحد ما ينزل من تحت عشان تتأكد من نضافة مسار السلانسيه و تغسله كويس كمان من تحت

ياريت تتأكدلنا هلي فيه مسامير في الجنب و من تحت فيه ايه ؟ و لو طبعا نضفت جيدا و متحلتش المشكلة هتحتاج تغير البوابة كاملة لو الحساس لواحده مش بيتفك

وفيه حل كمان ممكن يحللك المشكلة لو الدنيا نضيفه و لكن مش مضبوطة و هو :-
اللي اعرفه ان النظام ده من الحقن بيحتاج الي ideal learn بعد التنظيف او بعد فصل كابل البطارية و هتعمله كالتالي :-
1- افصل بطارية العربية لمده خمس دقائق ثم عيد تركيبها
2- افتح كونتاكت لمدة خمس ثواني ثلاث مرات و اقفله تاني يعني تفتحه لمدة خمس ثواني و تقفله خمسه أخري ثلاث مرات
3- المرة الرابعه تفتح لمدة خمس ثواني و بعدين تدور العربية و تتركها دايرة حتي تسخن ثم تقوم بتشغيل التكييف لمده 5 دقائق مثلا و ان شاء الله هيتظبط السلانسيه معاك بعديها

جرب كل اللي قلتلك عليه و ربنا ييسرلك الحال ان شاء الله و تتحل دون الحاجه لشيء لو لتغيير

والله الموفق

[misoalex]

مشفتش المشاركة دي قبل ما اكتب مشاركتي الاولي لكن المهم
حسب ما فهمته من شكل البوابة ان عندك في الشمال بيركب واير الأكسراتير و قاصدها من الناحية الأخري فيشة حساس ال tps و تفصيله Throttle Position Sensor و ده المسئول اللي بيحدد وضع البوابة للكنترول (زاوية فتح البوابة)
و جنبها فيشة حساس الأيدل و شكل فيات نظامها زي جنرال موتورز لأن فوهة البوابة من فوق مقسومه جزئين هتلاقي الجزء الصغير ده نازل علي مكان حساس الأيدل و بالتالي الحساس هو اللي بيتحكم في السلانسية

المفروض ان الفيشة بتاعت حساس الايدل دي ليها من الجنب مسمارين يفكوها عشان تطلع الحساس و تغسله جيدا و تنظيف مكانه و اللي بالتالي هيظبطلك سلانسيه العربية و لكن لو مافيش مسامير لفكه هتحاول تغسل فتحته الصغير من فوق جيدا و تحط فيها منظف لحد ما ينزل من تحت عشان تتأكد من نضافة مسار السلانسيه و تغسله كويس كمان من تحت

ياريت تتأكدلنا هلي فيه مسامير في الجنب و من تحت فيه ايه ؟ و لو طبعا نضفت جيدا و متحلتش المشكلة هتحتاج تغير البوابة كاملة لو الحساس لواحده مش بيتفك

وفيه حل كمان ممكن يحللك المشكلة لو الدنيا نضيفه و لكن مش مضبوطة و هو :-
اللي اعرفه ان النظام ده من الحقن بيحتاج الي ideal learn بعد التنظيف او بعد فصل كابل البطارية و هتعمله كالتالي :-
1- افصل بطارية العربية لمده خمس دقائق ثم عيد تركيبها
2- افتح كونتاكت لمدة خمس ثواني ثلاث مرات و اقفله تاني يعني تفتحه لمدة خمس ثواني و تقفله خمسه أخري ثلاث مرات
3- المرة الرابعه تفتح لمدة خمس ثواني و بعدين تدور العربية و تتركها دايرة حتي تسخن ثم تقوم بتشغيل التكييف لمده 5 دقائق مثلا و ان شاء الله هيتظبط السلانسيه معاك بعديها

جرب كل اللي قلتلك عليه و ربنا ييسرلك الحال ان شاء الله و تتحل دون الحاجه لشيء لو لتغيير

والله الموفق

متشكر ليك جدااااا بشمهندس ايهاب
انا مره من فتره عملت ايدل ليرن قبل ما افك البوابه وانضفها ولكن نفس المشكله فضلت كما هى لكن مشكله ال rpm يفضل معلق كأنى دايس بنزين دى مظهرتش غير بعد التنضيف

والمكانيكى الغبى اللى فك البوابه ينضفها مفكش كابل البطاريه فك الفيش وركبها تانى والبطاريه راكبه انا عارف ان ده غلط بس انا مخدتش بالى عشان انبهه
ححاول اعمل ايدل ليرن تانى

والبوابه مفيهاش اى مسامير خااااالص هى كلها حته واحده والحساسين دول راكبين فيها
واللى فهمته من كلامك انى حنضف الحساس اللى فوق اللى فى الصوره ليه 4 طرف
وهل لو نضفت اللى تحت بالمره فيه غلط ؟؟
وانضفه ب wd40 ولا الافضل ايه ؟؟

وهل كده البوابه بتتباع كامله مينفعش الحساس يتفك ؟؟

وشكرا ليك جدا يا بشمهندس

[misoalex]

وفيه صوره لحساس ايدل بيتباع بره للفيات وملوش اى مسامير تثبيت خالص
طب ده بيركب كبس ولا نوع البوابه نفسها بيتفك وبيركب الحساس وتتقفل تانى

[ehab_mansour]

متشكر ليك جدااااا بشمهندس ايهاب
انا مره من فتره عملت ايدل ليرن قبل ما افك البوابه وانضفها ولكن نفس المشكله فضلت كما هى لكن مشكله ال rpm يفضل معلق كأنى دايس بنزين دى مظهرتش غير بعد التنضيف

والمكانيكى الغبى اللى فك البوابه ينضفها مفكش كابل البطاريه فك الفيش وركبها تانى والبطاريه راكبه انا عارف ان ده غلط بس انا مخدتش بالى عشان انبهه
ححاول اعمل ايدل ليرن تانى

والبوابه مفيهاش اى مسامير خااااالص هى كلها حته واحده والحساسين دول راكبين فيها
واللى فهمته من كلامك انى حنضف الحساس اللى فوق اللى فى الصوره ليه 4 طرف
وهل لو نضفت اللى تحت بالمره فيه غلط ؟؟
وانضفه ب wd40 ولا الافضل ايه ؟؟

وهل كده البوابه بتتباع كامله مينفعش الحساس يتفك ؟؟

وشكرا ليك جدا يا بشمهندس

نضف ب wd40 أفضل من منظف الكاربيراتير و خاي بالك ان هتنضف دخوله و خروجه في البوابة مش الفيشه نفسها لأن الفيشة ملهاش علاقة باللي بنعمله إلا لو كانت اطرافها مجنزرة ولا مش نضيفه
ينفع يتفك أو لأ مقدش اعرفه غير لما اشوف بعيني او بصور من كل الاتجاهات وقتها هيبان هل الحساس بيتفك لواحدة ولا لأ

وفيه صوره لحساس ايدل بيتباع بره للفيات وملوش اى مسامير تثبيت خالص
طب ده بيركب كبس ولا نوع البوابه نفسها بيتفك وبيركب الحساس وتتقفل تانى

من الصورة دي و الصورة اللي فوق أعتقد ان الحساس ده بيتفك و يركب كبس من غير مسامير و لكن زي مقلتلك لما نشوف كويس ساعتها هتعرف بيتفك ازاي و رأيي انه محتاج تنظيف بس و مش هيحتاج يتغير و مع التنظيف لا تنسي فك كابل البطارية قبل فك كابلات و فيش البوابة و بعد ما ترجع كل حاجه و توصل البطارية هتعمل ايدل ليرن

و بالتوفيق ان شاء الله

[DONYO]

انا عندي في ال1600 الحساسين بلت ان في البوابة .
يمكن عندك نفس الوضع ؟

[misoalex]

انا عندي في ال1600 الحساسين بلت ان في البوابة .
يمكن عندك نفس الوضع ؟

طب ما هى نفس العربيه
يعنى لو الحساس باظ ترمى البوابه كلها ؟؟
ايه التفكر ده !!

[misoalex]

نضف ب wd40 أفضل من منظف الكاربيراتير و خاي بالك ان هتنضف دخوله و خروجه في البوابة مش الفيشه نفسها لأن الفيشة ملهاش علاقة باللي بنعمله إلا لو كانت اطرافها مجنزرة ولا مش نضيفه
ينفع يتفك أو لأ مقدش اعرفه غير لما اشوف بعيني او بصور من كل الاتجاهات وقتها هيبان هل الحساس بيتفك لواحدة ولا لأ


من الصورة دي و الصورة اللي فوق أعتقد ان الحساس ده بيتفك و يركب كبس من غير مسامير و لكن زي مقلتلك لما نشوف كويس ساعتها هتعرف بيتفك ازاي و رأيي انه محتاج تنظيف بس و مش هيحتاج يتغير و مع التنظيف لا تنسي فك كابل البطارية قبل فك كابلات و فيش البوابة و بعد ما ترجع كل حاجه و توصل البطارية هتعمل ايدل ليرن

و بالتوفيق ان شاء الله

شكرا بشمهندس ايهاب الف شكر حعمل اللى قولتلى عليه ان شاء الله

[eng_ghazaly]

الحساسات كبس في البوابة ,,, و لما تحب تغير حساس ,,, بتشتريها البوابة بالحساسات اللى فيها و ده اللى مخليها غالية,,,
المشكلة دي على حسب ما قريت انها بتحصل لو في مشكلة من اتنين لو في كربون و وساخة في الجزء الميكانيكي للبوابة و دي تتحل بالتنضيف ,,, او تكون مشكلة في الجزء الكهربائي بحيث انه يطلع تيار كهربي مش معبر عن حالة فتح البوابة و بالتالى الكمبيوتر يزيد من ضخ البنزين و تحس اكنك دايس على البنزين ,,, و في الحالة دي اعتقد انك محتاج تغير الحساس (يعني تشتري بوابة جديدة)
و من خلال ملاحظتي المشكلة دي ممكن تحصلي لو عندي مشكلة ما في كهربت العربية
جرب التنضيف و افصل البطارية بعدها,,, لو المشكلة ميكانيكي ,, هتختفي بعدد يومين من التضيف تقريبا بع ما تكون عملت تكون العربيىة عملت relearen

[amur1010]

المشكلة دى كانت عندى ولفيت بيها اسكندرية كلها ميكانيكى ميكانيكى
مش اوى كدة بس بجد لفيت كتير

فعلا البوابة بتاعت 1600 cc ملهاش حل ومش بتتفك - كلها على بعض كبس ولما بيحصل حاجة فى الحساسات لازم تتغير بكل أسف
البوابة بتاعت 1400 cc بتتفك وتغير الحساسات عادى زى عربيات كتييييييييييير

بس دة لو أحنا متاكدين أن العيب حساسات

كل الميكانيكية اللى شافو العربية قالو العيب يا فى التقسيمة بتاعة السير علشان العربية كانت مغيرة سير من قريب يا فى الايدل وبالتالى البوابة كلها لازم تتغير وفعلا غيرت البوابة
لكن بكل أسف العيب فضل زى ما هو ولفيت بالعربية تانى على الميكانيكية
لحد لما لقيت واحد ميكانيكى بيفهم وشكل المشكلة دى عدت علية قبل كدة وفاهم أية النظام فيها وتتحل ازاى

فى الأول فك سير التقسيمة علشان يقسم من جديد ودة حصل عند كل الميكانيكية اللى رحت عندهم كانو بيفوكو السير ويركبه تانى وأنا اول لما شوفته بيعمل كدة قولت دة شكله بقلظ ومش فاهم ههههههههه
وبعدين قالى ان البوجيهات مش بتاعت العربية وعايزة تتغير وى كان مركبهالى الجهبز اللى أسمة أحمد لانشيا وقالى أن البوشيهات دى بتاعت العربية وغيرهالى وكانت البوجيهات اللى راكبة لسة جديدة معملتش 100 ك :(
المهم

بعد كدة فك الكارتة وهى جزئين ( جزء فى الكبوت وجزء تحت الدريكسيون )
وركب كارتة من عنده بتاعة السيينا وحط العربية على الجهاز وأول لما دور العربية الحياة بقت حلوة وزى الفل وجربت العربية لقتها تمام وبعد كدة ركب الكارتة بتاعتى وجربت برضو الحياة حلوة

العربية اشتغلت حوالى شهر ونص أو شهرين زى الفل
وفى يوم بنت اخويا الصغيرة لعبت فى شوية الزراير اللى جنب زرار الانتظار وداست عليهم كلهم وانا ماختش بالى ومشيت بالعربية
ظهرت تانى المشكلة زى الأول


ورجعت تانى للميكانيكى

المرة دى جرب بكارتة بتاعة عربية بيترا وحطها على الجهاز فلما شغل العربية بقيت بتقطع ومش مظبوطة

فك كارتة البيترا وركب كارتة السيينا الحياة بقت زى الفل

وقال ان الجزء الخاص بالكنترول بايظ وعايز يتغير ( الجزء اللى فى الكبوت )
هاتلى العربية فى يوم وانا اغيرهالك
وقال انه هيفك الجزء بتاع شفرة المفتاح من الكنترول القديم ويركبه فى الكنترول الجديد علشان ما أغيرش المفتاح بتاع العربية

الموضوع دة قال أنه هيتكلف من 1300 جنية إلى 1500 او 1600 مش فاكر بالظبت ودة سعر كنترول أستعمال

بصراحة انا ماشيى بالعربية دلوقتى مظبوطة شوية بعد لما كنت عنده اخر مرة علشان مش معايا المبلغ دة

دى تجربتى مع نفس المشكلة اللى عند الاستاذ خميس

أرجو قبول تحياتى وأحترامى للجميع

[misoalex]

المشكلة دى كانت عندى ولفيت بيها اسكندرية كلها ميكانيكى ميكانيكى
مش اوى كدة بس بجد لفيت كتير

فعلا البوابة بتاعت 1600 cc ملهاش حل ومش بتتفك - كلها على بعض كبس ولما بيحصل حاجة فى الحساسات لازم تتغير بكل أسف
البوابة بتاعت 1400 cc بتتفك وتغير الحساسات عادى زى عربيات كتييييييييييير

بس دة لو أحنا متاكدين أن العيب حساسات

كل الميكانيكية اللى شافو العربية قالو العيب يا فى التقسيمة بتاعة السير علشان العربية كانت مغيرة سير من قريب يا فى الايدل وبالتالى البوابة كلها لازم تتغير وفعلا غيرت البوابة
لكن بكل أسف العيب فضل زى ما هو ولفيت بالعربية تانى على الميكانيكية
لحد لما لقيت واحد ميكانيكى بيفهم وشكل المشكلة دى عدت علية قبل كدة وفاهم أية النظام فيها وتتحل ازاى

فى الأول فك سير التقسيمة علشان يقسم من جديد ودة حصل عند كل الميكانيكية اللى رحت عندهم كانو بيفوكو السير ويركبه تانى وأنا اول لما شوفته بيعمل كدة قولت دة شكله بقلظ ومش فاهم ههههههههه
وبعدين قالى ان البوجيهات مش بتاعت العربية وعايزة تتغير وى كان مركبهالى الجهبز اللى أسمة أحمد لانشيا وقالى أن البوشيهات دى بتاعت العربية وغيرهالى وكانت البوجيهات اللى راكبة لسة جديدة معملتش 100 ك :(
المهم

بعد كدة فك الكارتة وهى جزئين ( جزء فى الكبوت وجزء تحت الدريكسيون )
وركب كارتة من عنده بتاعة السيينا وحط العربية على الجهاز وأول لما دور العربية الحياة بقت حلوة وزى الفل وجربت العربية لقتها تمام وبعد كدة ركب الكارتة بتاعتى وجربت برضو الحياة حلوة

العربية اشتغلت حوالى شهر ونص أو شهرين زى الفل
وفى يوم بنت اخويا الصغيرة لعبت فى شوية الزراير اللى جنب زرار الانتظار وداست عليهم كلهم وانا ماختش بالى ومشيت بالعربية
ظهرت تانى المشكلة زى الأول


ورجعت تانى للميكانيكى

المرة دى جرب بكارتة بتاعة عربية بيترا وحطها على الجهاز فلما شغل العربية بقيت بتقطع ومش مظبوطة

فك كارتة البيترا وركب كارتة السيينا الحياة بقت زى الفل

وقال ان الجزء الخاص بالكنترول بايظ وعايز يتغير ( الجزء اللى فى الكبوت )
هاتلى العربية فى يوم وانا اغيرهالك
وقال انه هيفك الجزء بتاع شفرة المفتاح من الكنترول القديم ويركبه فى الكنترول الجديد علشان ما أغيرش المفتاح بتاع العربية

الموضوع دة قال أنه هيتكلف من 1300 جنية إلى 1500 او 1600 مش فاكر بالظبت ودة سعر كنترول أستعمال

بصراحة انا ماشيى بالعربية دلوقتى مظبوطة شوية بعد لما كنت عنده اخر مرة علشان مش معايا المبلغ دة

دى تجربتى مع نفس المشكلة اللى عند الاستاذ خميس

أرجو قبول تحياتى وأحترامى للجميع

الف شكر ليك يا عمرو بس عاوز اعرف المكانيكى اللى عملك كل الشغل ده هو محمد على اللى انت قولت عليه ؟؟
وانت المشكله عندك كانت ايه بالظبطت معلش اشرحى كانت بتعمل معاك ايه

[amur1010]

الف شكر ليك يا عمرو بس عاوز اعرف المكانيكى اللى عملك كل الشغل ده هو محمد على اللى انت قولت عليه ؟؟
وانت المشكله عندك كانت ايه بالظبطت معلش اشرحى كانت بتعمل معاك ايه

أيون هو محمد على اللى عمل الشغل دة :)))

المشكلة :-
عداد rpm كان بيعلا لوحده وتحس أنك دايس على البنزين ودة كان بيحصل معايا فى أى وقت ممكن الصبح وممكن بالليل
بس بعد كدة أخت بالى أن لما بشغل اى حاجة كهرباء ( نور ، تكييف ، .......الخ ) بيحصل الموضوع دة

[misoalex]

أيون هو محمد على اللى عمل الشغل دة :)))

المشكلة :-
عداد rpm كان بيعلا لوحده وتحس أنك دايس على البنزين ودة كان بيحصل معايا فى أى وقت ممكن الصبح وممكن بالليل
بس بعد كدة أخت بالى أن لما بشغل اى حاجة كهرباء ( نور ، تكييف ، .......الخ ) بيحصل الموضوع دة

شكرا يا عمر وخلى بالك الكتابه بالون الاحمر ممنوعه فى المنتدى عشان دى بتاعه الاداره بس :)

بقولك كان ال rpm بيعلى اد ايه يعنى انا عندى بيعلى على 3 او 4 rpm (يعنى كأنى دايس بنزين جااااامد مع انى شيلت رجلى من على الدواسه ) ومش بينزل للسلانسيه غير لما اطفى النور او التكييف مثلا
بيعمل معاك كده ؟؟

[amur1010]

بالظبط بيعلى لحد 3 أو 4 وأنا شايل رجلى من على البنزين وكمان الدبرياج وكمان سعات بتعلى لما بكون دايس على الدبرياج بس ( بصراحة مشعرفلها حاجة انا اتخنقت خلاص )
وعلى فكرة أمبارح كان بيعلى معايا ولا كان فى تكييف ولا أنوار :(
أظاهر مفيش غير أنى أغير الكنترول بتاع الكرتة زى ما قال محمد على

انت عارف يا ميسو الموضوع دة سبب فى ان العربية اتخبطت امام البيت وانا لسة طالع مرة واحدة زادت وملحقتش المها روحت لابس فى الشجرة :(((

[menamalak]

يا جماعة انا عندي نفس مشكلتكوا دي بس بالعكس.....يعني الار بي ام بيقل مش بيزيد بيبقي علي9 ويرجع 4 وبعدين يروح علي 9 تاني كان الموتور هايبطل.....ودة طبعا بيعملي رجرجة في السلانسيه بس اما باقي الغيارات زي الفل....والرجرجة دي مش بتبان الا لما العربية بتسخن بس وكمان صوت الموتور عالي علطول....ارجو الافادة يا رجاله لان الميكانيكية مش قد كدة...عاوزين يجربوا وياخدوا فلوس....انا عاوز اعرف ايه حل اغلمشكلة دي من الاخر وشكرا

[drmagieed]

يا جماعة انا عندي نفس مشكلتكوا دي بس بالعكس.....يعني الار بي ام بيقل مش بيزيد بيبقي علي9 ويرجع 4 وبعدين يروح علي 9 تاني كان الموتور هايبطل.....ودة طبعا بيعملي رجرجة في السلانسيه بس اما باقي الغيارات زي الفل....والرجرجة دي مش بتبان الا لما العربية بتسخن بس وكمان صوت الموتور عالي علطول....ارجو الافادة يا رجاله لان الميكانيكية مش قد كدة...عاوزين يجربوا وياخدوا فلوس....انا عاوز اعرف ايه حل اغلمشكلة دي من الاخر وشكرا

الحكاية دي كانت عندي وطلعت الفيشة إللي راكبة في الأيدل كنترولر وهي عبارة عن 6 سلوك مفصول منها سلكين ... مش عارف عندك تبقي أية؟