عملت صيانة ال40000 للايفو من غير ضرب علي القفااااااااا

[sweetvolcanoo]

كنت قلتلكوا قبل كدة علي اخر زيارة للتوكيل لما سالت علي صوت كدة كان عندي لما الف الدركسيون و قالولي ان بلي البطاحات عاوز يتغير ب 1000 جنيه و لما سالت علي تكلفة الصيانة قالي اعمل حسابك علي 3500 عشان تغيير السيور و الفلاتر و الزيت و البوجيهات,ساعتها سلمت علي المهندس بكل شياكة و ودعته و قولتله ان دي اخر مرة يشوف خلقتي عندهم للابد .
طبعا فكرة اني اغير السيور دي علي الارعين مش داخلة دماغي ابدا و تاييد يوكو ليا في القصة دي خلاني انفض للتوكيل و اقول طززززززززززززز في الضمان هما كده كده اي حاجة حتحصل في العربية حيقولوا سوء استخدام يبقي ليه اتضرب علي قفايا بقي؟
روحت شارع صلاح الدين جبت (فلتر تكييف 110 ج)......................سعر التوكيل بدون ضريبة و مصنعية 280ج
(فلتر هواء 100 ج)......................175ج في التوكيل
مصنعية تركيب عند الكهربائي بتاعي 20 ج
اشتريت موبيل 1 265 + 25 فلتر زيت +5ج للراجل اللي غيره
جيت اغير البوجيهات الكهربائي قالي زي الفل مفيش داعي
بلي البطاحات الميكانيكي قالي يا باشا تغير ايه بس دول عاوزين يتشحموا و فعلا فك المساعدين و حط عليهم شحم و زيت و الصوت اختفي تماما.
و ناوي ابقي اغير السيور زي مخاليق ربنا علي 60000 الف مش زي نصابين اوماترا اللي عاوزين يعملوا نصبة علينا.
طبعا انتوا شايفين فرق الاسعار الهلامي و في حاجة اخيرة انا لما غيرت فلتر التكييف فرق معايا جدااااااااااااا لدرجة اني في عز الحر ببقي جايبه علي واحد فاي واحد معاه الايفو و حاسس ان التكييف مش متظبط معاه يفك الفلتر و يشوفه انا الفلتر عندي من كتر وساخته شكيت في اوماترا يكونوا اشتغلوني اصلا في الصيانة اللي فاتت.
دي تجربتي الاخيرة يمكن تفيد حد فيكوا
و ياني ياني ياني مش داخل اوماترا تاااااني (ده شعاري من هنا و رايح)

[د.اشرف هنداوى]

زي الفل و الهي اوماترا يجيلها الربيع العربي يولع فيها

[aboyehya]

عاااااااااااااااااااااااااااااااش

[ahmadmidop]

هو ده الكلاااام ... على البركة

[sa3dizer]

الله ينور

[thenders]

جدع والله انا كمان عملت زيك

[Ghamrawy]

هااااااااااااااااا
جمد قلبك و صاين بره اوماترا

[u3mbkp]

طيب متكمل جميلك يا جميل وتقوللنا على عنوان الميكانيكى والكهربائى وياريت انهى محل فى صلاح الدين عنده حاجات الفيات الجديد؟

[egyptiandiver]

100 /100

[misoalex]

طيب متكمل جميلك يا جميل وتقوللنا على عنوان الميكانيكى والكهربائى وياريت انهى محل فى صلاح الدين عنده حاجات الفيات الجديد؟

+11111

[sweetvolcanoo]

اسف علي التاخير في الرد.
قطع الغيار من عند احمد النونو اللي بعد الاشارة في صلاح الدين علي ايدك الشمال و تقريبا يا رجالة كل حاجة عنده.
الميكانيكي اسمه سعيد و مكانه و انت ماشي في شارع فوءاد عدي الاشارة بتاعة البطالسة وخش اول شارع يمين حتلاقيه بجد ملوش حل.
الكهربائي ناحية حي المنتزة بس مش حعرف اوصفه رقم تليفوني موجود في دليل اعضاء فيات اللي عاوز يروح يكلمني و انا تحت امره في اي حاجة.

[thenders]

سؤال بس ياباشا ربنا يكرمك هو فلتر التكييف بتاع الأيفو مكانو فين فى العربية

[S O P H O S]

ما شاء الله
مبروك علي الصيانة يا باشا ..

[misoalex]

اسف علي التاخير في الرد.
قطع الغيار من عند احمد النونو اللي بعد الاشارة في صلاح الدين علي ايدك الشمال و تقريبا يا رجالة كل حاجة عنده.
الميكانيكي اسمه سعيد و مكانه و انت ماشي في شارع فوءاد عدي الاشارة بتاعة البطالسة وخش اول شارع يمين حتلاقيه بجد ملوش حل.
الكهربائي ناحية حي المنتزة بس مش حعرف اوصفه رقم تليفوني موجود في دليل اعضاء فيات اللي عاوز يروح يكلمني و انا تحت امره في اي حاجة.

يعنى المكانيكى ده كويس وبيفهم فى الفيات الحديث ؟؟

[sweetvolcanoo]

بالنسبة للفلتر فده بيركب من التابلوه جوه
بالنسبة للميكانيكي واد زي الفل و بيفهم انا صاحبي معاه جراند و لسه مغير عنده السيور كلها و كله زي الفل.