عملت صيانة ال40000 للايفو من غير ضرب علي القفااااااااا

[sweetvolcanoo]

نفس اللي راكب فيها يا باشا و شغال زي الفل

[ahmedsiyam]

اخى الفاضل
جبت منين فلتر التكييف علشان انا مش لاقيه خالص بره و لا عند السجان و لا الدقاق و لا الكيلانى

[sweetvolcanoo]

انا من اسكندرية و جايبه من شارع صلاح الدين.لو بتنزل اسكندرية او ليك حد نازل قريب قولي و انا تحت امرك

[Recaro]

انا انهارده تيل الفرامل بدا يصفر روحت اشتريت التيل من شارع صلاح الدين نوعه ريمسا اسباني الصنع ب 220 جنيه و رايح اركبه بكره,سعره كدة تمام و لا ايه رايكوا؟,انا الحمد لله التيل كده مشي معايا 42000 كم زي الفل و اول يوم يبدا يحك انهاردة

ياريت بعد اسبوع كده من تركيب تيل الفرامل ريمسا الأسبانى ده تقوللى عامل معاك ايه، ركبناه فى هوندا سيتى بتاعة صديق، وجبته ليا من عند الكيلانى ب 180 ج وكان زى الزفت فى العربيتين، بيعمل صوت احتكاك غريب كانه حديد على حديد خلانى مش طايق اضغط فرامل... وبيصفر ولا مشجعين الأهلى فى النهائى حاجه تكسف بجد...
خالص شكرى..

[ahmedsiyam]

انا من اسكندرية و جايبه من شارع صلاح الدين.لو بتنزل اسكندرية او ليك حد نازل قريب قولي و انا تحت امرك

مشكور يا نجم انا باحسبك جايبه من هنا

[haany_ghazy]

الحمد لله

[hgkingdom]

كنت قلتلكوا قبل كدة علي اخر زيارة للتوكيل لما سالت علي صوت كدة كان عندي لما الف الدركسيون و قالولي ان بلي البطاحات عاوز يتغير ب 1000 جنيه و لما سالت علي تكلفة الصيانة قالي اعمل حسابك علي 3500 عشان تغيير السيور و الفلاتر و الزيت و البوجيهات,ساعتها سلمت علي المهندس بكل شياكة و ودعته و قولتله ان دي اخر مرة يشوف خلقتي عندهم للابد .
طبعا فكرة اني اغير السيور دي علي الارعين مش داخلة دماغي ابدا و تاييد يوكو ليا في القصة دي خلاني انفض للتوكيل و اقول طززززززززززززز في الضمان هما كده كده اي حاجة حتحصل في العربية حيقولوا سوء استخدام يبقي ليه اتضرب علي قفايا بقي؟
روحت شارع صلاح الدين جبت (فلتر تكييف 110 ج)......................سعر التوكيل بدون ضريبة و مصنعية 280ج
(فلتر هواء 100 ج)......................175ج في التوكيل
مصنعية تركيب عند الكهربائي بتاعي 20 ج
اشتريت موبيل 1 265 + 25 فلتر زيت +5ج للراجل اللي غيره
جيت اغير البوجيهات الكهربائي قالي زي الفل مفيش داعي
بلي البطاحات الميكانيكي قالي يا باشا تغير ايه بس دول عاوزين يتشحموا و فعلا فك المساعدين و حط عليهم شحم و زيت و الصوت اختفي تماما.
و ناوي ابقي اغير السيور زي مخاليق ربنا علي 60000 الف مش زي نصابين اوماترا اللي عاوزين يعملوا نصبة علينا.
طبعا انتوا شايفين فرق الاسعار الهلامي و في حاجة اخيرة انا لما غيرت فلتر التكييف فرق معايا جدااااااااااااا لدرجة اني في عز الحر ببقي جايبه علي واحد فاي واحد معاه الايفو و حاسس ان التكييف مش متظبط معاه يفك الفلتر و يشوفه انا الفلتر عندي من كتر وساخته شكيت في اوماترا يكونوا اشتغلوني اصلا في الصيانة اللي فاتت.
دي تجربتي الاخيرة يمكن تفيد حد فيكوا
و ياني ياني ياني مش داخل اوماترا تاااااني (ده شعاري من هنا و رايح)

سيدى الفاضل
بعد التحيه
انا لغايه امبارح كنت بفكر اجيب بونتو ايفو لانى ركبتها وعجبتنى وفعلا كلمت تاجر عليها وهو حذرنى من الفتيس بشده الاوتو وقالى نفس كلامك الشركه نصابين ومشهيعملو حاجه ورشحلى الريو
والبونتو عجبانى اكتر ايه رايك الفتيس فيه مشاكل فعلا

[sweetvolcanoo]

يا باشا و الله الفتيس زي الفل ,انا ماشي لغاية دلوقتي 50000 و علي فكرة انا كان معايا سيراتو و بعتها لانها مينفعش اقارن بين حاجة ايطالي و حاجة كوري في اي حاجة(العزل و الثبات و الامان و قوة الصاج ) حتي الاوبشن شوف فرق صناعة و انواع الاوبشن و انت مش حتفكر اصلا و حاجة اخيرة اسال اي واحد ركب اوتو عادي و ركب دوالوجيك حتعرف مين اريح.