... عودة فيات لينيا ... Fiat Linea 2012

[maxx]

من فترة سألت التوكيل على فيات لينيا و كان رد انها هتبقي متوفرة على شهر سبتمبر 2012

و بالصدفة عديت من جنب التوكيل امبارح لقيتها موجودة دخلت سألت على السعر

هي اوتوماتيك 1600 سي سي فئتين واحدة ب 115 و التانية ب 135

ما قدرتش بصراحة اكتب ال options كنت مستعجل و هو قعد يقول كمية options ما تتحفظش

اللي قال عليها فلو حد يعمل تقرير العربية صور و مواصفات و اسعار يبقي ممتاز

[hossam_elwani]

تسلم على الخبر .. بس شكلها ايه ؟؟ وتوكيلها زى ماهو ولا اتغير ؟؟

[akmm]

عاوزين معلومات ........ معلومات .

[MohammedAladel]

موتورها تربو ولا عادى ؟

[yoko]

1600 عادي أوتوماتيك
بقيت التفاصيل أول ما أنزل مصر إن شاء الله

[maxx]

هي من برا نفس شكل اللينيا ... ما بصتش عليها بصراحة غيروا التابلوه او لا مش عارف ...

هي زي ما قال يوكو 1600 سي سي عادي مش تربو و اوتوماتيك



و توصل بالسلامة يا يوكو :)

[ahmedsiyam]

انا عديت النهاردة على معرض اوماترا اللى فى شارع الطيران حوالى الساعة 11.40 ص
لقيتهم قافلين !!!!!
شوفت بره اللينيا و الجراند بونتو و البرافو
لكن مافيش حد موجود اخد منه التفاصيل

[ahmedsiyam]

وبالمناسبة البرافو اللى نازلة p6 زيى اللى معايا بس اوتوماتيك

[eng_ahesham]

انا كدة ممكن اغير رأيي من الايفو الاوتوماتيك الي اللينا الاوتوماتيك
ولا ايه رايكم

[MohammedAladel]

أفيو مين بس طبعا لينيا حتى من غير ما نعرف تفاصيلها

[تامر.محمد]

خسارة العربيات دي في التوكيل ده و الله

[Mohamed.Ramah]

اولا شكرا على المعلومات والسيارة للاسف مظلومة مع التوكيل الفاشل مثلها كمثل سيارات اخرى والقائمة تطول من سوبارو ومازدا واخرى معاهم سيارات رائعة و لا يهتمو بها ابدا واظن دة سبب ضعف انتشار هذة السيارات الرائعة فى السوق المصرى


بالنسبة لمعلومات عن جديدة فيات لينيا 2013





شركة فيات اهتمت بهذة الفئة وذلك واضح من خلال التحسينات التى طرأت على فيات لينيا 2013 والتى تعتبر الورقة الرابحة التى تستخدمها فيات للمنافسة فى هذة الفئة ، مع التركيز على المنافسين مثل هوندا سيفيك وتويوتا كورولا. اهم التغييرات فى الشكل الجديد شكل السيارة من الامام اصبح افضل من قبل ويتضح ذلك من خلال الشبكة الأمامية والتى تتميز بخطوط أكثر كلاسيكية، مع خطوط من الكروم تشمل كامل السيارة ومقابض الابواب ايضا وكبر فتحات التهوية الامامية مع الابقاء على المصابيح الأمامية لا تزال على نفس التصميم بدون اختلافات .




السيارة من الداحل سوف تكون اكبر مع تحسن جودة الخامات الداخلية المستخدمة واختلاف شكل لوحة العدادات وفتحات التكييف و الكاسيت سوف تكون اكثر عصرية






اهم التغييرات الاساسية اتت فى شكل السيارة من الخلف وتم سحب الفوانيس الخلفية وغطاء الشنطة وكبر حجم خطوط الكروم عن الموديل السابق بشكل واضح بالاضافة للعواكس الاضائة على المصد الخلفى مع خطوط الليد فى الفوانيس الخلفية سوف تعطى للسيارة مظهر ذات قيمة مرتفعة

[MohammedAladel]

فيات جميلة بصراحة

[ahmedsiyam]

على فكرة اللينا اللى انا شوفتها النهاردة هى اللينيا القديمة اللى كانت بتنزل قبل كده مش اللى موجودة فى الصور وان كنت اتمنى انهم ينزلوا الجديدة الـ 2012

[MohammedAladel]

ياريت حتى لو القديمة بالمحرك ال 1400 التربو تبقى ممتازة برضه