... عودة فيات لينيا ... Fiat Linea 2012

[A.Adel]

ال90 حصان ده 1.3
انا قلبت الدنيا على ال105 حصان كل المواقع كاتبه ديزل محدش كاتب تربو بس إنت ممكن تكون صح

أنا مش عاوز بس نطلع بره الموضوع الأصلي :)

فعلا المواتير ال multijet مفيش مواضيع كتير عليها
بس ال multijet أو ال JTD كلهم turbo-diesel

بص كده عال link ده
Fiat Bravo (2007) - Wikipedia, the free encyclopedia
هتلاقي فيه تقريبا كل المواتير ال multijet من أول 1.6 لحد 2.0

ده فيه 1.9 و 90 hp :)

[yoko]

ال1.9 و90 حصان دي مفيهاش تربو وانا متأكد من كده وشوفت الموتور بنفسي

[احمد فهمى]

دى عربيه بمعنى الكلمه والسعر منطقى جداً وعربيه ايطالى

[MaZaGAngeE]

العربية مظلومة مع التوكيل بتاعها
لو اهتم بيها اول ما نزلت كان زمان مصر كلها راكبة فيات النهاردة

[A.Adel]

نفسي أفهم ليه كل الأوروبي تحسه بيجبرك عال options

يعني كتير قوي 6 airbag على عربية المفروض تنزل تنافس الكوري بسعر اقتصادي
كان ممكن وفروا أكتر من 10 الف من تمنها لو خلاها 2
خصوصا إن الكوري اللي بتمنها مفيهوش حتى ال 2 ايرباج !!!!!

ولا هم محكومين بمواصفات معينة عشان مش بيبيعوا كتير ؟؟
يعني مالهمش خط إنتاج بمواصفاتهم يعني ؟؟

[د.اشرف هنداوى]

نفسي أفهم ليه كل الأوروبي تحسه بيجبرك عال options

يعني كتير قوي 6 airbag على عربية المفروض تنزل تنافس الكوري بسعر اقتصادي
كان ممكن وفروا أكتر من 10 الف من تمنها لو خلاها 2
خصوصا إن الكوري اللي بتمنها مفيهوش حتى ال 2 ايرباج !!!!!

ولا هم محكومين بمواصفات معينة عشان مش بيبيعوا كتير ؟؟
يعني مالهمش خط إنتاج بمواصفاتهم يعني ؟؟

علشان هما بيهتموا بالانسان فأهم حاجة (عوامل الأمان) - 6 ايرباجز مش كتير

غبور و منصور و شركاهم هما اللي ولاد تيييييييييت و الانسان ما يسواش عندهم و بينزلوا العربيات فاضيو و بصراحة اللي يشتري عربية فوق ال 100 الف جنيه من غير وسائل امان يبقي غلطان غلط كبيرررررررر

[د.اشرف هنداوى]

بالمناسبة يا يوكو تنصحني اجيب اللينيا الجديدة اول فئة و لا اوماترا و غلو قطع الغيار حيكرهوني في العربية ؟

مع العلم اني مقيم خارج القاهرة (كفر الشيخ)

و لا اجيب ايفو ؟ و لا الفرق مش كبير في اسعار قطع الغيار بينهم

و شكرا مقدما

[A.Adel]

علشان هما بيهتموا بالانسان فأهم حاجة (عوامل الأمان) - 6 ايرباجز مش كتير

غبور و منصور و شركاهم هما اللي ولاد تيييييييييت و الانسان ما يسواش عندهم و بينزلوا العربيات فاضيو و بصراحة اللي يشتري عربية فوق ال 100 الف جنيه من غير وسائل امان يبقي غلطان غلط كبيرررررررر

وهو مين قال إنها تنزل فاضية , نزل ABS EBD EBA و 2 أو 4 airbag
لكن 6 كتير قوي في الفئة دي عشان تعرف تنافس في السعر

أنا بأتكلم في سياسة تسويق العربية مش أكتر

[yoko]

بالمناسبة يا يوكو تنصحني اجيب اللينيا الجديدة اول فئة و لا اوماترا و غلو قطع الغيار حيكرهوني في العربية ؟

مع العلم اني مقيم خارج القاهرة (كفر الشيخ)

و لا اجيب ايفو ؟ و لا الفرق مش كبير في اسعار قطع الغيار بينهم

و شكرا مقدما

والله الإدارة الجديده شكلهم كويس وإبتدوا يحلو مشاكل العملاء
قطع الغيار في الصيانات تيول وكده بدأوا يرخصوها وبيقولوا هيرخصوا الباقي بس مش هصدق غير لما اشوف بعيني
إيفو ولا لينيا
لينيا طبعا عشان الموتور الأقوى والشنطة (مناسه لعيلة أكتر)
الإيفو حلو لواحد شاب بطولة مش كل شويه جايب طلبات والعيال ورا والكلام ده
وده الي خلاني أجيبها ومجبش الجراند لإن اللينيا الي معايا هي عربيه العيلة (معندناش عربيه تانية)
وفرق اسعار قطع الغيار بين الإيفو اللينيا مفيش معظم القطع مشتركه أصلا

[ayman2]

علشان هما بيهتموا بالانسان فأهم حاجة (عوامل الأمان) - 6 ايرباجز مش كتير

غبور و منصور و شركاهم هما اللي ولاد تيييييييييت و الانسان ما يسواش عندهم و بينزلوا العربيات فاضيو و بصراحة اللي يشتري عربية فوق ال 100 الف جنيه من غير وسائل امان يبقي غلطان غلط كبيرررررررر

+1111111111111

[michohat]

والله يا يوكو انت هتخليني أرضى عن التوكيل واحاول اشتري اللينيا

[michohat]

لو ممكن يا يوكو لو تعرف اسعار قطع الغيار الدورية للعربيه كام يعني فلاتر و بوجيهات وزيوت المره تعمل ليها كام

[yoko]

الصيانه في حدود 700 ل1000 جنيه كل10 الاف بالزيت

[hossam_elwani]

للاسف عربيه بدون انتشار يعنى بترمى فلوسك فى الارض وسعر اعادة بيع فى الارض وقطع غيار نادره جدا وغاليه اوى ... للاسف هيا دى المعادله المصريه

[ayman2]

للاسف عربيه بدون انتشار يعنى بترمى فلوسك فى الارض وسعر اعادة بيع فى الارض وقطع غيار نادره جدا وغاليه اوى ... للاسف هيا دى المعادله المصريه

الكلام ده غير صحيح بنسبة 75% ثم ان حضرتك بتشترى عربيه لك تستمتع بها ولا بتشترى لغيرك علشان واحد ماشى وراء كلام الناس يشتريها منك فين بقى العقل والتفكير والبحث اللى يفرق مابين واحد والتانى وانا لا اقصد اى اساءه والله لكن نفسى ان كل واحد يشترى الشىء الصح اللى نفسه فيه علشان يستمتع به ويحقق عوامل الأمان اللى مش موجوده فى العربيات اللى ماليه الشوارع والباقى انتوا عارفينه وعلى الفكره الكلام ده ينطبق برضه على الموبايلات وأشياء أخرى واكرر تانى أنا لا اقصد اى اساءه من اى نوع لأى شخص وانا مش بدافع عن السياره دى أو غيرها انا فقط بتكلم من حيث المبدأ وشكرا