صوت تسقيف (كركرة) Engine knocking

[7amza]

لو الـknock-sensor فيه حاجة كانت هتقرأ fault عـ الـExaminer/Examino؟؟!!!
- أعتقد مشكلتك فـ الـrpm اللى بتنزل دى -حتى لو كابس بنزين؟!!
إستهلاك البنزين عامل معاك أيــــــه؟؟
حد جرب يقيس ضغط الطلمبة (3.0-3.5 بار)
غيرت طقم سيور ولا لأ؟!! (أعتقد حتى لو 26 ألف ومكملتش 40 بتتغير عشان الزمن)؟

شيك تانى على طقم البوجيهات الـNGK اللى إتركب فـ الصيانة..
الـpart# بتاعك ZKR7A-10
ممكن يكونوا إستهبلوا وحطولك بتاع الـSuper-FIRE 16v اللى كودها DCPR7E-N-10

الإثنين الـheat-range بتاعهم واحد، والـdiameter بردو 12mm

بس فيه فرق فـ specs الحريق؟!! عشان موتورك SOHC 8v ومفيهوش PDA؟!!
شوف كده وقولنا،

بالتوفيق isA،

تمام جداً ما شاء الله...

ممكن يكون من ضغط الطلمبة او البوجيهات

انا كان عندى ال Knock Sensor عطل وحصل معايا الكركرة وكل الكلام ده ولما العربية حطوها على جهاز الاعطال مقالش انه عطلان

وعملت قياس لضغط الطلمبه وطلعت سليمة والبوجيهات كانت سليمة

فى الآخر جبت Knock Sensor وركبته وطلع العيب كان منه ومن ساعتها مدخلتش اوماترا تانى

[Anti_virus_abdo]

تمام جداً ما شاء الله...

ممكن يكون من ضغط الطلمبة او البوجيهات

انا كان عندى ال Knock Sensor عطل وحصل معايا الكركرة وكل الكلام ده ولما العربية حطوها على جهاز الاعطال مقالش انه عطلان

وعملت قياس لضغط الطلمبه وطلعت سليمة والبوجيهات كانت سليمة

فى الآخر جبت Knock Sensor وركبته وطلع العيب كان منه ومن ساعتها مدخلتش اوماترا تانى

ايه دا حضرتك كان عندك نفس المشكلة و طلع من ال knock sensor!
مش تقول يا راجل :D
طب الحمد لله انها تمام دلوقتي، بس سؤال بقي هي كانت بتكركر لما بتسخن بس ولا من اول ما تدور?
و جبت ال knock sensor و ركبتة من برة ولا في التوكيل?

[Anti_virus_abdo]

تمام جداً ما شاء الله...

ممكن يكون من ضغط الطلمبة او البوجيهات

انا كان عندى ال knock sensor عطل وحصل معايا الكركرة وكل الكلام ده ولما العربية حطوها على جهاز الاعطال مقالش انه عطلان

وعملت قياس لضغط الطلمبه وطلعت سليمة والبوجيهات كانت سليمة

فى الآخر جبت knock sensor وركبته وطلع العيب كان منه ومن ساعتها مدخلتش اوماترا تانى :h_angry[1]:

و ممكن رقم تليفون حضرتك لو معندكش مانع اكيد: )

[DOCTOReng]

المفروض فى الحالة الطبيعية ان البوجيه يطلق الشرارة فيشتعل البنزين الموجود حول البوجيه أولا ثم ينتشر اللهب على شكل دوائر مركزها البوجيه حتى يصل الى جدار السلندر لكى يحترق باقى البنزين بالتدريج. طبعا هذا الكلام يستغرق عدة اجزاء من الالف من الثانية. فى بعض الأحيان يحدث ان البنزين الموجود بالقرب من جدار السلندر يشتعل اشتعالا ذاتيا قبل ان يصل اليه اللهب وهنا يحدث صوت الكركرة التى تسمعها والذى يسمى الصفع أو التصفيق أو detonation وهو له تأثير ضار على أجزاء الموتور حيث أنه عبارة عن موجات شديدة من الضغط . اذن من الطبيعى ان يظهر هذا الصوت عندما يسخن الموتور (لأن هذا يسبب الاشتعال الذاتى الذى ذكرناه) رغم أنه لم يظهر عندما كان باردا .
أما أسباب حدوث هذه الظاهرة قد يكون دخول بنزين الى السلندر أكثر من المعدل الطبيعى أو عدم ضبط توقيت الشرارة أو تواجد رواسب كربونية على البستم او وش السلندر من الداخل لأنها تتوهج مسببة الاشتعال الذاتى المذكور فى الشرح أو أسباب أخرى

[7amza]

ايه دا حضرتك كان عندك نفس المشكلة و طلع من ال knock sensor!
مش تقول يا راجل :D
طب الحمد لله انها تمام دلوقتي، بس سؤال بقي هي كانت بتكركر لما بتسخن بس ولا من اول ما تدور?
و جبت ال knock sensor و ركبتة من برة ولا في التوكيل?

الحمد لله

كانت بتكركر اول ما يوصل امبير الحرارة للمنتصف

ال Knock Sensor من عند Modern Company

شارع خضر التونى - مدينة نصر

موزع معتمد للوكيل ولو مش متوفر هيجيبهولك فى خلال 10 ايام من الطلب وجميع قطع الغيار اللى عنده اصلية

ممكن تركبه فى اى مركز خدمة معتمد

الاقصى فى زهراء المعادى

وطمنا عملت معاهم ايه فى التوكيل وربنا يوفقك

[Anti_virus_abdo]

المفروض فى الحالة الطبيعية ان البوجيه يطلق الشرارة فيشتعل البنزين الموجود حول البوجيه أولا ثم ينتشر اللهب على شكل دوائر مركزها البوجيه حتى يصل الى جدار السلندر لكى يحترق باقى البنزين بالتدريج. طبعا هذا الكلام يستغرق عدة اجزاء من الالف من الثانية. فى بعض الأحيان يحدث ان البنزين الموجود بالقرب من جدار السلندر يشتعل اشتعالا ذاتيا قبل ان يصل اليه اللهب وهنا يحدث صوت الكركرة التى تسمعها والذى يسمى الصفع أو التصفيق أو detonation وهو له تأثير ضار على أجزاء الموتور حيث أنه عبارة عن موجات شديدة من الضغط . اذن من الطبيعى ان يظهر هذا الصوت عندما يسخن الموتور (لأن هذا يسبب الاشتعال الذاتى الذى ذكرناه) رغم أنه لم يظهر عندما كان باردا .
أما أسباب حدوث هذه الظاهرة قد يكون دخول بنزين الى السلندر أكثر من المعدل الطبيعى أو عدم ضبط توقيت الشرارة أو تواجد رواسب كربونية على البستم او وش السلندر من الداخل لأنها تتوهج مسببة الاشتعال الذاتى المذكور فى الشرح أو أسباب أخرى

شكرا يا باشا علي الافادة :)

الحمد لله

كانت بتكركر اول ما يوصل امبير الحرارة للمنتصف

ال knock sensor من عند modern company

شارع خضر التونى - مدينة نصر

موزع معتمد للوكيل ولو مش متوفر هيجيبهولك فى خلال 10 ايام من الطلب وجميع قطع الغيار اللى عنده اصلية

ممكن تركبه فى اى مركز خدمة معتمد

الاقصى فى زهراء المعادى

وطمنا عملت معاهم ايه فى التوكيل وربنا يوفقك

معلش طيب كان بكام؟

[Anti_virus_abdo]

رحت امبارح الورشة (التوكيل قصدي)
دخلت الساعة عشرة الا ربع
خرجت خمسة و نص
زي ما دخلت زي ما خرجت

[7amza]

شكرا يا باشا علي الافادة :)

معلش طيب كان بكام؟

كان ب 320 جنيه

[7amza]

رحت امبارح الورشة (التوكيل قصدي)
دخلت الساعة عشرة الا ربع
خرجت خمسة و نص
زي ما دخلت زي ما خرجت

لا حول ولا قوة الا بالله

يعنى تضييع وقت على الفاضى

لا تعليق

ابعت شكوى لفيات ايطاليا وعرفهم ان وكيلهم غير قادر على اصلاح الاعطال وان عربيتك فى الضمان

[Anti_virus_abdo]

لا حول ولا قوة الا بالله

يعنى تضييع وقت على الفاضى

لا تعليق

ابعت شكوى لفيات ايطاليا وعرفهم ان وكيلهم غير قادر على اصلاح الاعطال وان عربيتك فى الضمان

انا مكنتش عاوز احكي من كتر ما مش عارف اقول اية و لا اية
انا هاخد بس اخر حتة عند الاستلام مع العلم اني قلتلهم علي ال Knock sensor و قلتلة ما تلعبش غي حاجة تانية عشان كلة متغير, مبدأيا نغير ال sensor و لو متحلتش نشوف الي انت عاوزين تعملة, قالي مهندس الاستقبال حاضر و كلامك تمام
بعد خمس ساعات و عند الاستلام بدأ كلامة بيقولي مغيرناش ال Knock sensor عشان كشفنا علية و لقيناه كويس بس الصوت راح دلوقتي (ساعتها عرفت ان مفيش حاجة اتغيرت)
قلتلة امال راح ازاي, قالي لقينا البوجيهات المتركبة مش نفس الموديل بالظبط بتعها (زي ما Formulator اتوقع فعلا) و هي دي الي عملت كدا, قلتلة ما انتوا المركبينها البوجيهات دية من شهر! قالي معلش ما احنا صلحنا غلطتنا اهو!! روح استلم
قلتلة لا تعالي معايا عشان انا عارف ان الصوت هيبقي لسة موجود
ركب جمبي و دورت و طلعت طلعة بس صغيرة و سمعتة احلي صوت كركرة :) مهما زودت بنزين, قالي ايه دا صح انا مخدتش بالي عندك حق استني هندهلك مدير الورشة (فني) و سابني و مشي
جية البيه الكبير مدير الورشة فهمتة الموضوع من الاول قالي مفيهاش صوت يا باشا! قلتلة انا بتخيل معلش و ركبتة و سمع الصوت و قال الي كنت خايف منة رجعنا للصفر
دا بنزين يا باشا :S:S حط بنزين نضيف يا عم حتي ب 95 بتعمل كدا و انا جربت بنزينات مصر كلها و مكنتش كدا اشمعني دلوقتي, راح قالي طب اطلع تاني كدا اااااه دا عيب سواقة يا باشا مش بتزودي بنزين جامد لازم طبعا تعمل كدا دا طبيعي, الله ما طولك يا روح ضحكت و قلتلة تعالي اطلع بيها من غير ما تكركر (مرضتش اعد اقرف نفسي و اهاتي معاة)
طلع بيها اعدت تكركر, وقف و راح مزود RPM 30 و راح طلع طبعا مش هتكركر, قالي شفت حضرتك لازم تزود جامد هههههههه :D انا مسكت نفسي و مردتش اشتمة, راح مكمل طالما يا باشا مش تكركر علي السلانسية يبقي زي الفل
سبتة يهرتل قلتلة انت مغيرتش ال Knock sensor لية, راح بصلي و ضحك كأني قلت حاجة عجيبة Knock sensor اية يا باشا هاها دا مش بيشتغل غير بعد ال 100 و السرعات العالية اوي ملوش دعوة بالطلعة و الكلام دا (دا مدير الورشة), لتاني مرة مسكت نفسي و قلت عديها قلتلة ايه الحل قالي غير بنزينك يا اما تسبهالنا 3 ايام نفك التانك و نضفة و نحطلك بنزيمممممممممم نضيف :D
سبتة و دخلت للمهندس تاني قالي هي فيها حاجة فعلا و راح دخل للمهندس شريف مدير الصيانة و طلع قالي غير البنزين و هتقلنا يوم السبت الجاي تاني لو هو هو هنشوف هنعمل اية
ااااه و الطارة عندي قشرت قالي بطلنا نغيرها ولا حتي في الضمان عشان فيات ايطاليا رفضت, احنا بناخدها و نكسيها كسوة جلد هههههههه :D
كانت الساعة بقت خمسة و نص و كلة مشي فمكنش هيبقي لية لازمة الخناق و انا كنت زهقت بيني و بينكم و كنت قرفان من الحصل في اسيوط فقلتلة ماشي
و اسف جدا علي التطويل بس لازم انقل الي حصل و لازم كنت افضفض :)

[Anti_virus_abdo]

و نصيحة لوجة الله للمقبل علي شراء عربية فيات جديد (كلاسيك - ايفو - برافو) فكر 10000000000 مرة قبل ما تجيبها
و لو انت من النوع الي ممكن يضحي بمميزات الي بتقدمها معظم العربيات الاوروبي في سبيل تاخد عربية اعتمادية اعلي و قطع غيار مرمية و توكيلات اقوي بكتير و Resale اعلي يبقي خليك في المضمون (كوري او ياباني)
لاكن لو انت حابب العربية اوي و بيفرق معاك الركوبة نفسها علي حساب المذكور فوق و فاهم الي حد ما في الميكانيكا (عشان ميضحكش عليك عشان انا شفت قدامي ناس عندها مشاكل و بيتقلها اي كلام يعيني و بيصدقوا و يدفعوا و طبعا مفيش حاجة بتتصلح و عشان متبقاش تحت رحمة الضياع الي هناك) توكل علي الله و ربنا يعينك :)

[7amza]

انا مكنتش عاوز احكي من كتر ما مش عارف اقول اية و لا اية
انا هاخد بس اخر حتة عند الاستلام مع العلم اني قلتلهم علي ال Knock sensor و قلتلة ما تلعبش غي حاجة تانية عشان كلة متغير, مبدأيا نغير ال sensor و لو متحلتش نشوف الي انت عاوزين تعملة, قالي مهندس الاستقبال حاضر و كلامك تمام
بعد خمس ساعات و عند الاستلام بدأ كلامة بيقولي مغيرناش ال Knock sensor عشان كشفنا علية و لقيناه كويس بس الصوت راح دلوقتي (ساعتها عرفت ان مفيش حاجة اتغيرت)
قلتلة امال راح ازاي, قالي لقينا البوجيهات المتركبة مش نفس الموديل بالظبط بتعها (زي ما Formulator اتوقع فعلا) و هي دي الي عملت كدا, قلتلة ما انتوا المركبينها البوجيهات دية من شهر! قالي معلش ما احنا صلحنا غلطتنا اهو!! روح استلم
قلتلة لا تعالي معايا عشان انا عارف ان الصوت هيبقي لسة موجود
ركب جمبي و دورت و طلعت طلعة بس صغيرة و سمعتة احلي صوت كركرة :) مهما زودت بنزين, قالي ايه دا صح انا مخدتش بالي عندك حق استني هندهلك مدير الورشة (فني) و سابني و مشي
جية البيه الكبير مدير الورشة فهمتة الموضوع من الاول قالي مفيهاش صوت يا باشا! قلتلة انا بتخيل معلش و ركبتة و سمع الصوت و قال الي كنت خايف منة رجعنا للصفر
دا بنزين يا باشا :S:S حط بنزين نضيف يا عم حتي ب 95 بتعمل كدا و انا جربت بنزينات مصر كلها و مكنتش كدا اشمعني دلوقتي, راح قالي طب اطلع تاني كدا اااااه دا عيب سواقة يا باشا مش بتزودي بنزين جامد لازم طبعا تعمل كدا دا طبيعي, الله ما طولك يا روح ضحكت و قلتلة تعالي اطلع بيها من غير ما تكركر (مرضتش اعد اقرف نفسي و اهاتي معاة)
طلع بيها اعدت تكركر, وقف و راح مزود RPM 30 و راح طلع طبعا مش هتكركر, قالي شفت حضرتك لازم تزود جامد هههههههه :D انا مسكت نفسي و مردتش اشتمة, راح مكمل طالما يا باشا مش تكركر علي السلانسية يبقي زي الفل
سبتة يهرتل قلتلة انت مغيرتش ال Knock sensor لية, راح بصلي و ضحك كأني قلت حاجة عجيبة Knock sensor اية يا باشا هاها دا مش بيشتغل غير بعد ال 100 و السرعات العالية اوي ملوش دعوة بالطلعة و الكلام دا (دا مدير الورشة), لتاني مرة مسكت نفسي و قلت عديها قلتلة ايه الحل قالي غير بنزينك يا اما تسبهالنا 3 ايام نفك التانك و نضفة و نحطلك بنزيمممممممممم نضيف :D
سبتة و دخلت للمهندس تاني قالي هي فيها حاجة فعلا و راح دخل للمهندس شريف مدير الصيانة و طلع قالي غير البنزين و هتقلنا يوم السبت الجاي تاني لو هو هو هنشوف هنعمل اية
ااااه و الطارة عندي قشرت قالي بطلنا نغيرها ولا حتي في الضمان عشان فيات ايطاليا رفضت, احنا بناخدها و نكسيها كسوة جلد هههههههه :D
كانت الساعة بقت خمسة و نص و كلة مشي فمكنش هيبقي لية لازمة الخناق و انا كنت زهقت بيني و بينكم و كنت قرفان من الحصل في اسيوط فقلتلة ماشي
و اسف جدا علي التطويل بس لازم انقل الي حصل و لازم كنت افضفض :)

عيب سواقة !!

تزود جامد !!

بنزيم !!

نكسيها كسوة جلد !!

والله العظيم عيب



والمهندس شريف صلاح طبعاً غنى عن التعريف

[7amza]

و نصيحة لوجة الله للمقبل علي شراء عربية فيات جديد (كلاسيك - ايفو - برافو) فكر 10000000000 مرة قبل ما تجيبها
و لو انت من النوع الي ممكن يضحي بمميزات الي بتقدمها معظم العربيات الاوروبي في سبيل تاخد عربية اعتمادية اعلي و قطع غيار مرمية و توكيلات اقوي بكتير و resale اعلي يبقي خليك في المضمون (كوري او ياباني)
لاكن لو انت حابب العربية اوي و بيفرق معاك الركوبة نفسها علي حساب المذكور فوق و فاهم الي حد ما في الميكانيكا (عشان ميضحكش عليك عشان انا شفت قدامي ناس عندها مشاكل و بيتقلها اي كلام يعيني و بيصدقوا و يدفعوا و طبعا مفيش حاجة بتتصلح و عشان متبقاش تحت رحمة الضياع الي هناك) توكل علي الله و ربنا يعينك :)

طيب بما ان الوكيل غير قادر على حل العطل والسيارة ما زالت فى فترة الضمان..

اعمل شكوى اكتب فيها كل اللى حصل معاك بالتفصيل

وابعتها رسمياً او روح سلمها باليد لجهاز حماية المستهلك

رقم التليفون: 19588

وتكون مسجلة بعلم الوصول لكل من:

استاذ/ ماجد تادرس - ( مدير فيات بشركة اوماترا مصر )

المهندس/ علاء سلامة ( مدير صيانة فيات بشركة اوماترا مصر )

وتوضح ان عربيتك فى الضمان

وبجد متسيبش حقك ولازم العربية تتعمل وتستلم منهم تقرير ان العطل اتصلح..

[Anti_virus_abdo]

طيب بما ان الوكيل غير قادر على حل العطل والسيارة ما زالت فى فترة الضمان..

اعمل شكوى اكتب فيها كل اللى حصل معاك بالتفصيل

وابعتها رسمياً او روح سلمها باليد لجهاز حماية المستهلك

رقم التليفون: 19588

وتكون مسجلة بعلم الوصول لكل من:

استاذ/ ماجد تادرس - ( مدير فيات بشركة اوماترا مصر )

المهندس/ علاء سلامة ( مدير صيانة فيات بشركة اوماترا مصر )

وتوضح ان عربيتك فى الضمان

وبجد متسيبش حقك ولازم العربية تتعمل وتستلم منهم تقرير ان العطل اتصلح..

الف شكر بجد ليك يا باشا علي مساعدتك المستمرة :)
انا فعلا هعمل كدا ان شاء الله بس هديهم اخر فرصة الحد الي جاي
بعد كدا علي حماية المستهلك, بس الفكرة انهم بيبهدلوا العربية و مش فهمين فيها حاجة و بيمشوا بنظام Trial & error :D فبيبهدلوا العربية
انا يوم السبت الي فات دا عاوز اقولك و الله اكتر من 3 خناقات تحصل و انا قاعد الي المشكلة مبتتحلش و الي بيعملولوا مشاكل اكتر في العربية و هكذا
انا عمري ما شفت توكيل كدا

[7amza]

الف شكر بجد ليك يا باشا علي مساعدتك المستمرة :)
انا فعلا هعمل كدا ان شاء الله بس هديهم اخر فرصة الحد الي جاي
بعد كدا علي حماية المستهلك, بس الفكرة انهم بيبهدلوا العربية و مش فهمين فيها حاجة و بيمشوا بنظام trial & error :d فبيبهدلوا العربية
انا يوم السبت الي فات دا عاوز اقولك و الله اكتر من 3 خناقات تحصل و انا قاعد الي المشكلة مبتتحلش و الي بيعملولوا مشاكل اكتر في العربية و هكذا
انا عمري ما شفت توكيل كدا

ابداً لا شكر على واجب..

بص علشان تبقى عملت كل اللى عليك

روح يوم الاحد وسلم العربية.. واطلع للمهندس/ علاء سلامة واحكيله على اللى حصل معاك بالتفصيل

وانك غير راضى تماماً عن سوء الخدمة وعن اللى بيحصل وان لو التوكيل غير قادر على تحديد الاعطال واصلاحها يبقى مين اللى هيقدر.. واطلب منه ان يلقى نظرة على العربية وان العربية لسة فى فترة الضمان

ان شاء الله الموضوع هيتحل

لو لاقدر الله موصلوش لحل يبقى توكل على الله واستخدم الطرق الصحيحة وبلغ الجهات الرسمية المختصة..

ونصيحة من اخ اوعى تسيب حقك ولازم العربية تتصلح وتستلم تقرير مفصل عن العربية وسبب العطل..

التوكيل سئ لدرجة لا تحتمل.. عمرى ما شفت وكيل بيتعامل مع العميل بالشكل ده..