سعر الشاهين ال 1400 الفاضية وصل إلى 70 ألف جنيه نتيجة لأنها آخر دفعة

[ahmed1981]

سعر الشاهين ال 1400 الفاضية وصل إلى 70 ألف جنيه نتيجة لأنها آخر دفعة
نزلت بنفسي وسألت في معرض عن السعر كاش
فقال لي : السعر 70 ألف جنيه كاش
فظهرت علي أعراض الإستغراب
فقال لي : أصل آخر دفعة ومعاتش منها تاني
ورأيت عنده فيرنا 1600 كاملة فتيس عادي وسعرها تسليم فوري 63500 جنيه

يا ترى هل سنقول
1- وداعاً أيها الصقر الممتاز
أم
2- إرحل أيها الكتكوت فقد إكتفينا منك

[mohamed2002]

سعرها عالي اوي اوي اوي

[nour]

مع ألف سلامة والقلب داعيلها

[h_hezzah]

وحد عنده استعداد يدفع 70 الف فى الصندوق المتحرك ده؟

[blazer]

هههههههه
حلوه صندوق دى
بس اكيد محدش يشترىها بلمبلغ دا
دا ممكن الواحد يجيب لانسر 2004 مستعمله بيها

[sab3aawy]

يا مليون خسارة

العربية الشاهين عربية متتعوضش بتصميمها الذى تحدى الزمن واللى ميعرفش قيمته ولا يحس بيه غير اللى جربها(علشان كدة انا مش بعتد بكلام اللى بيشتم فيها من غير ما يكون امتلكها وركبها)

لكن سبعين الف جنيه؟

حتى لو معايا ، هكمل عليهم واجيب افيو او اقسط مبلغ بسيط واجيب صنى ولو كنت ناوى اجيبها ولقيتها بالسعر ده هجيب لانوس او اعصر على نفسى لمونة واجيب فيرنا(اعتراضى مش على الفيرنا ولكن على دعم الوكيل المحلى لهيونداى ومستوى سياراته المجمعة محليا)

بس عموما هى حتى بالمبلغ المهول ده ليها زبون، هو ببساطة صاحب التاكسى القديم اللى عايز مكانه واحد تانى بالقسط لكن زبون الملاكى خلاص خرج الشاهين من حساباته

[elkhouli]

العربية دي اكثر عربية هي وال 128 والانوس نجحوا مع الشوارع المصرية

بس أعتقد كفاية كدة ..... و 70 الف كثير برضة مع العلم ان الشاهين من أحسن الصاج في العربيات والعربيات اللي الموجودة كلها ورق


تحياتي

[hazem_khidr]

حنقول وداعا ايها الصقر الممتاز
عربيه مصممه من 1973 و التعديلات اللي طرأت عليها في المده دي تعتبر تعديلات بسيطه لا تشمل جوهر العربيه و مازالت تنافس و عايشه
بالذمه في عربيه تقدر تعمل كده ؟؟؟:(

[Adham]

العربية دي اكثر عربية هي وال 128 والانوس نجحوا مع الشوارع المصرية

بس أعتقد كفاية كدة ..... و 70 الف كثير برضة مع العلم ان الشاهين من أحسن الصاج في العربيات والعربيات اللي الموجودة كلها ورق


تحياتي

تــــيــــــت العربية ال 128 دي عربية بنت تــــيــــــت ولا تنفع في اي حاجة و لا تساوي تمنها خردة

لا قوية احتمال و لا قطع غيار بتعيش و لا اساسياتها تستحمل اصلا الإستعمال و بتفتح مع المطبات من غير حوادث و لا شيء

انما الشاهين (اللي هيه ال 131 أساساً) عربية متينة و تستحمل
بس عيبها انها ما اتطورتش مع الزمن و اصبحت لا تجاري العصر
و كمالياتها ضعيفة و تعبانة

[أبو ياسين]

مع احترامى لكل ملاك الشاهين
انا سوقتها طبعا عربية جميله ة مش مهم ميزتها الكتير و عيوبها القليقله
بس الملاحظ عليها انها فى الحوادث الجامده بتضيع معالمها
دايما فى شهر رمضان بالذات باشوف تاكسيات شاهين كل سنه على الاوتستوراد عملين حوادث و العربيه راحه فى داهية
بحس ان مفهاش ذرة امان

[MOHAMED ABD EL SHAFY]

لا اللانوس هيا اللى فيها كل عوامل الامان وعربية جامدة وعفشتها ممتازة وصاجها قوى وموتورها قوى

[ahmedfawzy14]

كتير عليها طبعا

بس هيا مناسبة جدا لشوارعنا

[HRH_Sameh]

وداعاً أيها الصقر الممتاز
كانت ومازالت مستحملة شوارعنا
وكلام سبعاوي باشا مظبوط "...ميعرفش قيمتها ولا يحس بيها غير اللى جربها..."

[blazer]

مع احترامى لكل ملاك الشاهين
انا سوقتها طبعا عربية جميله ة مش مهم ميزتها الكتير و عيوبها القليقله
بس الملاحظ عليها انها فى الحوادث الجامده بتضيع معالمها
دايما فى شهر رمضان بالذات باشوف تاكسيات شاهين كل سنه على الاوتستوراد عملين حوادث و العربيه راحه فى داهية
بحس ان مفهاش ذرة امان

والله الحوادث دى بتبقى بستر ربنا
ياما شوفنا عربيات لكزس و جاجوار فى الخليج لابسه فى عمود بقت عامله عليه زى حرف u
بس وداااعا ايها الصقر :):)
سمعت ان فى شكل جديد ليها

[فادى]

وداعا لاحدى أفضل السيارات التى عرفتها مصر,
سيارة كانت تتميز بالأداء الجيد, التحمل, القوة, الاعتمادية, و العمر الطويل,
ال70 الف جنيه انا متفق انو كتير عليها, لكن اذا كانت الفيرنا السيئة الجدا و الفقيرة ب68 الف, فلا بأس أن تكون الشاهين ب70 الف بل و اكثر من ذلك حتى لو كانت فاضية, على الأقل الشاهين مش "مغشوشة" زى الفيرنا.