سعر الشاهين ال 1400 الفاضية وصل إلى 70 ألف جنيه نتيجة لأنها آخر دفعة

[Adham]

فعلا انا لاحظت نفس الشيء عربيات شاهين كتير حوادثها بتبقى بشعه

أخرها انا شفت عربية شاهين مقطوعه نصين قدام سينما الماظة في طريق الثورة, صورتها مرفقة

[aif]

لن انسى ال 7 سنين اللي ركبت فيهم هذه السيارة الجميلة برغم عدم وجود اي رفاهيه فيها ... لكن سيارة حمولة وصبورة وحمالة أسية ومصاريفها حنينة .....اجمل ما أعجبني فيها وضوح زاوية الرؤية الامامية والخلفية .... الدفع الخلفي القوي ....الشعور بالثقة وانت سايق ..... مش بتخاف من حد ....انت كبيرك ... زجاج فانوس ب 15 جنية امامي و 10 جنية خلفي ... او 200جنية يصلحولك اي حاجة فيها .... الواحد دلوقتي ماشي يحسس علي العربية ... كل واحد علي قد غرامة عربيتة
والله ح توحشنا ... صقر من الزمن الجميل

[sherif_84]

وداعا وداعا أيها الصقر الممتاز هتوحشينا قوى
لكن كل حاجة لازم وليها نهاية بس نهاية الشاهين فعلا غير نهاية اى عربية تانية لأن العربية دى سايبة بصمة فى كل حتة وشارع فى مصر وبقت حتة من المصريين نفسهم حتى اسمها ( شاهين ) مع انه تركى لكن فى نفس الوقت مصرى
عربيتى الشاهين ربنا يخليهالى يارب ويحفظها ويحفظ كل سيارات الأعضاء من كل مكروه ومن العين

[M_HaFeZ]

ايه ياجماعه انتوا قلبتوها عزاء كده ليه ؟؟
مش ممكن تكون زى فتاوى اللانوس كل كام سنه ودى اخر سنه ليها وبرضوا تنتج ؟؟
وكمان هيتوقف انتاجها فين فى تركيا يعنى ؟؟ طيب مايتعمل خط انتاج فى اى دوله تانيه وتكمل فى مصر معلش اللى خلى العربيه الفاشله 128 لحد دلوقتى موجوده يخللى الشاهين تستمر لعشر سنين قدام

حاجه كمان لاحمد انت متأكد ان سعر الفيرنا 63500 كامله مانيوال
حسب علمى انهم ميجيبوش فيفا نص كامله مانيوال

[TORQUE]

اولاُ احب اسال علي سعر الشاهين 1600 جميع الكماليات .. هل فيه منه حالياُ ام لاء ....
ثانياُ : شريف باشا .. الصوره اللي حضرتك حاتططها دي مش للشاهين المصري .. دي لدوجان الاثيوبي ... صنع في اثيوبيا ! ..holland cars

[ahmed1981]

حاجه كمان لاحمد انت متأكد ان سعر الفيرنا 63500 كامله مانيوال
حسب علمى انهم ميجيبوش فيفا نص كامله مانيوال

فيرنا مصري 1600 موديل 2008 زيرو
وكانت واقفة داخل معرض إكرامي موتورز بمنشية البكري
وقالي سعرها 63500 كاش

[M_HaFeZ]

الاسعار فى كونتاكت اعلى من كده بكتير
انا مش بكدبك والله ... بس احيانا اللى بيقول السعر مبيكونش عارف
انا لى واحد صاحبى جايب الفيفا نص كامله من اكتر من 4 شهور ب 63000
حسب كونتاكت
فرنا 1.6 F/O M/T 2008 71750

[شاهين - بنز]

يعني عربيتي الدوجان 1.6 بتتباع زيرو ب 75 ألف بتمن الفيرنا الأوتوماتيك والسيريون هههههههههه

دنا مرة كنت رايح كشك ومكنش معايا فلوس وكنت عايز أبدل عربيتي ببسي كنز بس بتاع الكشك مرضيش قاللي أخرك معايا بببسي صاروخ ههههههههه
وطبعا إرحل باكتوت في داهية فقد عانيت منك الأمرين من عمرة لوش سلندر لفتيس لكرونا لتكييف زي قلته وكل ده قبل ماكمل 100 ألف كم
وطبعا العربية دي لو خشت اليورو إن كاب حتاخد 4- (بالسالب)

[Powert]

في ستين الف داهية ومش عايزنك تاني كفاية عليكي كده ارحمينا بقالك 20 سنة عملنا قرف

كلمة اخيرة

انا
بكرهك بكرهك

يا ام الصندوق

[sniper2010]

بشرى سارة يا جماعة
الصقر الجريء شاهين
في احتمال كبير ما يقفش إنتاجه
احتمال قد يصل إلى نسبة 65 % أو حتى 70%
واحتمال أساسا النصر للسيارات ما تتباعش

بس للأسف مش هقدر أقول تفاصيل لأن المعلومات دي على درجة من السرية

[sniper2010]

و إلى كل الزملاء الأفاضل اللي بيشتموا في الشاهين
أحب أقولكم إنها مش كتكوت
بالعكس
ابسليوتلي
دي وحش _ _ _ و وحش جامد كمان
تحقق القوة و الراحة معا بالإضافة إلى سهولة الصيانة و توافر قطع الغيار و انخفاض ثمنها _ _ _ يمكن تكون نوعية الطرق اللي بتمشوا عليها نظيفة حبتين و بالتالي ما عرفتوش تقيموها كويس _ _ _ بس لو عايزين تعرفوا قيمتها اطلعوا على طرق خارج المناطق الراقية و المدن الجديدة و قارنوها بالفيرنا و اللانوس و انتوا هتلاقوا وحش كاسر

[HRH_Sameh]

و إلى كل الزملاء الأفاضل اللي بيشتموا في الشاهين
أحب أقولكم إنها مش كتكوت
بالعكس
ابسليوتلي
دي وحش _ _ _ و وحش جامد كمان
تحقق القوة و الراحة معا بالإضافة إلى سهولة الصيانة و توافر قطع الغيار و انخفاض ثمنها _ _ _ يمكن تكون نوعية الطرق اللي بتمشوا عليها نظيفة حبتين و بالتالي ما عرفتوش تقيموها كويس _ _ _ بس لو عايزين تعرفوا قيمتها اطلعوا على طرق خارج المناطق الراقية و المدن الجديدة و قارنوها بالفيرنا و اللانوس و انتوا هتلاقوا وحش كاسر

وأحب اضيف حاجة بسيطة لكلامك انا بعتبر انها بتحقق المعادلة الصعبة وشكرا ع الخبر الجميل نتمنى يكون مظبوط

[bee]

السلام عليكم ورحمة الله وبركاته

لولا اختلاف الاذواق لبارت السلع

احب اقول ان العربية دي وصل تمنها كده مش من فراغ
بالرغم من اني لو معايا السبعين ألف مش هشتريها ..
بس هي مثاليةةةةةةةةةةةةةةةةةةةة لاي تاكسي
قطع غيار متوفرة .. صيانة سهلة فوق الوصف
قطع غيار في التوكيل ببلاش (في التوكيل) معايا ؟؟
فهي ببساطة فوق الممتازة للتاكسي وللتوفير ..
يعني عملية اكثر منها رفاهية ومنظر ..
ولكل منا اختياره
:)

[ahmed1981]

احب اقول ان العربية دي وصل تمنها كده مش من فراغ
بالرغم من اني لو معايا السبعين ألف مش هشتريها ..
بس هي مثاليةةةةةةةةةةةةةةةةةةةة لاي تاكسي
قطع غيار متوفرة .. صيانة سهلة فوق الوصف
قطع غيار في التوكيل ببلاش (في التوكيل) معايا ؟؟
فهي ببساطة فوق الممتازة للتاكسي وللتوفير ..
يعني عملية اكثر منها رفاهية ومنظر ..

أؤيد كلام حضرتك

[kind]

طبعا صقر وتقريبا قى كلام على شكل جديد على النت بس مش عارف ده كلام والسلام ولا ايه







http://www.turkeycentral.com/forum/index.php?act=Print&client=printer&f=101&t=1025



http://www.sahin.com.tr/Bottom.asp?sAction=NewProjects&pageno=3



طبعا الترجمه اهى لو تم اختيار اللغة الانجليزيه من الموقع الاصلى

New Projects

Egypt
Şahin has initiated an investment in Alexandria Free Zone in Egypt to establish a second production site. The new plant is expected to become operational in 2008 and is projected to have a production capacity of 20 million half bearings per year.

The plant will carry out production both for Turkish market and export markets and will produce both Sahin and Excel brands.

Renault
As of 2007 we are becoming a supplier of Renault OEM factories both in Bursa/Turkey and Pitesti/Romania for a five-year period. We will be providing bearings for a total of 400.000 engines on an annual basis. We will be covering Megane, Clio, Clio Symbol and Dacia Logan models for 1400/1400 8v and 1600/1600 16v engines.

Dacia is a Renault group company and is the pilot production site for the Logan brand. Logan brand is designed to be a affordable, reliable and modern vehicle and is marketed to over 47 countries throughout the world.

Oyak-Renault in Bursa/Turkey is one of the primary production sites of Renault that produces Clio and Megane models. Renault in Turkey has a higher market share than all countries where Renault operates excluding West Europe countries.

منــــــــــــــقول

وانا مش فاهم حاجه