علشان اشترى فيات لينيا إيه الحل

[SAWA1SAWA]

متجبش تيربو هات 1600 سى سى التيربو هيقتل الماتور بعد 100 الف كيلو مش هيستحمل حر مصر

الموجودة أصلا فى اوماترا 1600 سى سى وكمان التربو قطع غياره أكتر من الضعف وكفاية إن سعر قطع غيار الأوروبى غالية وإن كان ميزتها إنها معمرة
وشكرا لنصحك واهتمامك

[A.Adel]

بس متقارنش بينها و بين التيدا او الاليزيه لاني ركبت الاتنين ( التديا سوقتها ) اي كلام بالنسبه لللينيا والله اي كلام خاااااااالص و الاليزيه فقيره جدا

هو حضرتك شفت أنهي فئة في ال elysee ؟؟
ال comfort فعلا فارقة عن exclusive جامد

[SAWA1SAWA]

هو حضرتك شفت أنهي فئة في ال elysee ؟؟
ال comfort فعلا فارقة عن exclusive جامد

أ / أحمد عادل من أنشط أعضاء المنتدى وأكتر واحد يقدر يفيد الأعضاء الأفاضل بخصوص السيارة السى إليزيه ولو تحبوا تقرأو المشاركتين دول كاتب فيهم ردود ومعلومات مهمة ومقنعة
http://www.nilemotors.net/Nile/331840-a.html (رائعه سيتروين - سى اليزيه الجديدة)

http://www.nilemotors.net/Nile/332453-c-elysee.html (تقرير متكامل عن رائعة ستروين الجديدة C-Elysee)


وعلى فكرة أنا استشفيت إنه فاهم قوى وموضوعى مش مجرد حبه للستروين
شرفت المشاركة ونورتها يا باشمهندس

بس ياريت تقرأ التقرير الجميل ده عن الينيا وتقولى رأيك مقارنة بالسى إليزيه
http://www.nilemotors.net/Nile/324750-2013.html

وأكيد حضرتك عارف العربية ويمكن مش محتاج تقرأ عنها
وأنت قبل كده ما حبيت تدخل السى إليزيه فى مقارنة مع التيدا الجديدة علشان لسه لم يظهر عن الأخيرة معلومات كافية وتجربة على أرض الواقع لكن الينيا موجودة فى الشارع بالفعل والسيارة الفرنساوى الأوروبية بالكامل ( السى إليزيه) حضرتك فاهمها كويس وعارف كل خباياها فهل فارق السعر ( 20 ألف أقل لصالح العربية الفرنساوى ) يرجح كفتها على الينيا , وطبعا قصدى أعلى فئة فى الأثنين
وصدقنى مش هدخل عربية جديدة أكتر من دول فى أى مقارنات وده آخر كلام إلا لو بيجو301 طلعت أحسن من السى إليزيه يبقى هقارنها هى بالينيا

[Formulator]

متجبش تيربو هات 1600 سى سى التيربو هيقتل الماتور بعد 100 الف كيلو مش هيستحمل حر مصر

ياراجل عيب؟!! ماتقولش الكلام ده؟؟!!!
- فيه عربيات برافو وجراند تربو فـ مصر.. معدية الـ100 ألف، ولسه بتجرى زى الجديدة!
و بيحطوا 92 كمان؟؟ :))

>>> دى T-JET يامعلم؟!! هو أى ألش؟!! lol

شوف: الفيات الجديد: اللى بيتعب هو طقم الدبرياج-قواعد موتور وفتيس-عفشة-فرامل-ممكن interior يتبهدل.. دى الحاجات اللى بتستهلك!
لكن مواتير... إنســـــــــــــــــــــــــى؟؟!!!
وأعتقد ده مش جديد على مواتير الفيات؟؟ طبيعى ان مواتير الـT-JET تبقى exceptional فـ الأداء والعمر-الإفتراضى! :)

أقولك على حاجة أجمد
فيه عربيات متونة (الـ120 >> 160، والـ150 >> 180).. وفيه حاجات 200+ حصان!
وشغالة طيارات عادى جدا؟!! هههههههههههه

[A.Adel]

@formulator

اسمحلي أزود على كلامك :)

يا احمد الموتور ده انساه خالص
بكتيرك لو ال turbine نفسها اتشرخت مثلا أو حبيت تغيرها
تجيب واحدة أكبر و تبقى عملت upgrade بالمرة :)
زي ما yoko عمل

العربيات التربو (ما شاء الله) من أكتر العربيات اللي الشد بيجيب نتيجة فيها

شوف: الفيات الجديد: اللى بيتعب هو طقم الدبرياج-قواعد موتور وفتيس-عفشة-فرامل

دي صيانات عادي :)
مش عيب خالص

[SAWA1SAWA]

إنت فيييييييين يا أ/ أحمد

[SAWA1SAWA]

إنت فيييييييين يا أ/ أحمد

إتوقف ليه ده عضو فاهم وعنده خبره وبيفيد الأعضاء

[Formulator]

بكتيرك لو ال turbine نفسها اتشرخت مثلا أو حبيت تغيرها
تجيب واحدة أكبر و تبقى عملت upgrade بالمرة :)
زي ما yoko عمل
العربيات التربو (ما شاء الله) من أكتر العربيات اللي الشد بيجيب نتيجة فيها

شوف: الفيات الجديد: اللى بيتعب هو طقم الدبرياج-قواعد موتور وفتيس-عفشة-فرامل
دي صيانات عادي :)
مش عيب خالص

+1

فعلا
بعض الإصدارات من الـT-JET (بيبقولوا عليها S1) من 2007 لـ2008
كان فيها مشكلة manifold-crack
والقليل جدا: turbine-housing ممكن يحصل crack لو انت running high-boost
لكن موتور نفسه: بلوك-شورت بلوك-وش-كرنك-بساتم...etc ولا الهواء :)

- من 9/2008 وطالع لحد دلوقتى (اللى هو T-JET S2):
الشركة الموردة للتوربينات -IHI اليابانية و borg-warner اللى بتعمل الـCast-iron مانيفولد.. حلوا المشكلتين دول؟!!

BTW: أنا الكلام ده ماشوفتوش فـ مصر إلا فـ عربيتين T-JET واحدة منهم لينيا :)
و3 عربيات TSI منهم 2 جولف وواحدة Tiguan؟!!

بس فـ الفولكس.. المشاكل كانت blown-turbos أو shaft-play (أكس التوربينة مبوش)!
غير كده مفيش؟؟!!!

@ lanos2004
فيه ناس فاتحة بووست عالى أوى 1.3-1.55 بار -- ومطلعين 180-200 حصان على Stock-internals زى ماقولتلك؟؟!!!
- ومعظم اللى متونين عربياتهم: الـmaps متضبطة على 92 كمان؟!!
(بس لازم الـTuner يضبط الـgapping بتاع البوجيهات.. عشان ماتسقفش knock)

حاجة أخيرة -للأمانة: الكلام ده على مواتير T-JET و TSI القديمة -البلوك الـCast-iron..
الجديد من TSI (الـ140 حصان) بلوكات ألومنيوم.. معرفش طبعا هتبقى نفس الكلام ولا؟؟!!

@ ahmed-adel

بالنسبة لعيوب الفيات أو الأجزاء الأقل reliability/durability اللى قولت عليها:
الصراحة -وأنا بعشق حاجة إسمها إيطالى فيات-لانشيا-ألفا

هى عربيات full of SOUL وليها متعة فـ سواقتها engaging-drive.. أيا كانت مواتيرها صغيرة!

بس فـ جزئية العفشة والسيرفيس تحديدا: الألمانى أفضل قليلا!
يمكن عشان بقارن البرافو بالجولف4 اللى كانت معايا؟!!
البرافو (وأى فيات-ألفا عفشة tuned for handling) بتحتاج تضبيط على فترات قريبة: تربيط عفشة- تشيك عـ الجلب والبارات وو...etc

لكن الأمانى: الجولف والفكتراb كانوا بيستحملوا أكثر سيكا، ويبقى فيها مشكلة -- وتمشى عادى متقولش لأ؟!!
- يمكن الـ156 هى اللى جابتلى العقدة دى؟!! عشان عفشتها المعقدة؟!!!
4 مقصات قدام فوق وتحت عـ الشمعدان! (double high-wishbone) وبتاع 8 بارات ورا (multi-link)..
كانت بتحتاج تربيط وتشحيم ومراجعة عـ الأقل كل 5000 عشان تبقى مضبوطة!

Rgds،

[ahmed.]

إتوقف ليه ده عضو فاهم وعنده خبره وبيفيد الأعضاء

أنا كنت هرد عليك امبارح بس اتوقفت :)

أ / أحمد عادل من أنشط أعضاء المنتدى وأكتر واحد يقدر يفيد الأعضاء الأفاضل بخصوص السيارة السى إليزيه ولو تحبوا تقرأو المشاركتين دول كاتب فيهم ردود ومعلومات مهمة ومقنعة
http://www.nilemotors.net/Nile/331840-a.html (رائعه سيتروين - سى اليزيه الجديدة)

http://www.nilemotors.net/Nile/332453-c-elysee.html (تقرير متكامل عن رائعة ستروين الجديدة C-Elysee)


وعلى فكرة أنا استشفيت إنه فاهم قوى وموضوعى مش مجرد حبه للستروين
شرفت المشاركة ونورتها يا باشمهندس

بس ياريت تقرأ التقرير الجميل ده عن الينيا وتقولى رأيك مقارنة بالسى إليزيه

http://www.nilemotors.net/Nile/324750-2013.html

وأكيد حضرتك عارف العربية ويمكن مش محتاج تقرأ عنها
وأنت قبل كده ما حبيت تدخل السى إليزيه فى مقارنة مع التيدا الجديدة علشان لسه لم يظهر عن الأخيرة معلومات كافية وتجربة على أرض الواقع لكن الينيا موجودة فى الشارع بالفعل والسيارة الفرنساوى الأوروبية بالكامل ( السى إليزيه) حضرتك فاهمها كويس وعارف كل خباياها فهل فارق السعر ( 20 ألف أقل لصالح العربية الفرنساوى ) يرجح كفتها على الينيا , وطبعا قصدى أعلى فئة فى الأثنين
وصدقنى مش هدخل عربية جديدة أكتر من دول فى أى مقارنات وده آخر كلام إلا لو بيجو301 طلعت أحسن من السى إليزيه يبقى هقارنها هى بالينيا

ربنا يخليك :)
ده من ذوقك والله

قسم fiat أصلا هو اللي معرفني بالمنتدى


مفيش داعي نخش في كلام technical أو options
لأن المواضيع اللي حضرتك جبتها مغطية الكلام ده كله وزيادة

نيجي لحسابات السوق المصري بقى

التوكيل : الإتنين مش على المستوى وفروعهم مش كتيرة
بس من كلام الأعضاء هنا , omatra الشكوي منه أكتر

قطع الغيار : الإتنين هتلاقيهم في نفس ال range
مش هيبقى فرق كبير يعني و الإتنين هتلاقي حاجات كتير ليهم بره
لانهم مشتركين مع موديلات قديمة في حاجات كتير

اعادة البيع : الإتنين من أقوى اعادة البيع في مصر LOL
بهرج طبعا

حد يركب اوروبي هاهاهاها

الإتنين عربيات محترمة
حضرتك شوف شكل مين عاجبك أكتر و قارن المواصفات بالسعر و اتفرج على الإتنين
و شوف هترتاح لمين أكتر

في الاخر بقى , أنا رأيي المتواضع

هات ال 301 بس بشرط إنها تبقى في range ال elysee
يعني peugeot طول عمرها أغلى حاجة بسيطة عن citroen

لأن peugeot هتبقى احسنهم في إعادة البيع و توكيلها ليه فروع كتير
واكتر واحدة احتمال إن قطع غيارها تنتشر

تحياتي

[ayman2]

متجبش تيربو هات 1600 سى سى التيربو هيقتل الماتور بعد 100 الف كيلو مش هيستحمل حر مصر

ياراجل زعلتنى ايه الكلام ده (من قال لا فقد افتى)

[eng_ahesham]

معلش يا جدعان الراجل ميعرفش برضوا :))))

[El Prince]

معلش سؤال رفيع :
هو ايه الفتيس الـ Dualogic و ايه الميكانزم بتاعه ؟؟

[SAWA1SAWA]

معلش سؤال رفيع :
هو ايه الفتيس الـ Dualogic و ايه الميكانزم بتاعه ؟؟

زميلنا فى المنتدى ayman2 كاتب مشاركة مجمع فيها بعض موضوعات الفتيس
إتفضل

http://www.nilemotors.net/Nile/235978-dual-logic.html

[khaled_afandy]

أنا كنت هرد عليك امبارح بس اتوقفت :)




ربنا يخليك :)
ده من ذوقك والله

قسم fiat أصلا هو اللي معرفني بالمنتدى


مفيش داعي نخش في كلام technical أو options
لأن المواضيع اللي حضرتك جبتها مغطية الكلام ده كله وزيادة

نيجي لحسابات السوق المصري بقى

التوكيل : الإتنين مش على المستوى وفروعهم مش كتيرة
بس من كلام الأعضاء هنا , omatra الشكوي منه أكتر

قطع الغيار : الإتنين هتلاقيهم في نفس ال range
مش هيبقى فرق كبير يعني و الإتنين هتلاقي حاجات كتير ليهم بره
لانهم مشتركين مع موديلات قديمة في حاجات كتير

اعادة البيع : الإتنين من أقوى اعادة البيع في مصر LOL
بهرج طبعا

حد يركب اوروبي هاهاهاها

الإتنين عربيات محترمة
حضرتك شوف شكل مين عاجبك أكتر و قارن المواصفات بالسعر و اتفرج على الإتنين
و شوف هترتاح لمين أكتر

في الاخر بقى , أنا رأيي المتواضع

هات ال 301 بس بشرط إنها تبقى في range ال elysee
يعني peugeot طول عمرها أغلى حاجة بسيطة عن citroen

لأن peugeot هتبقى احسنهم في إعادة البيع و توكيلها ليه فروع كتير
واكتر واحدة احتمال إن قطع غيارها تنتشر

تحياتي

بصراحة الفرق بين اللينيا و السى اليزيه جامد خاصة فى ال options و الوسع الداخلى و الخامات. السى اليزيه ميزتها الكبرى شكلها الهجومى الأمامى تحفة.
ما زلت فى حيرتى من ديسمبر الماضى متردد بين اللينيا و الشارك و الأثنين السوق المصرى العظيم لا يعترف بهم.
مشكلة اللينيا الأساسية هى عدم إنتشارها بصورة كافية و بالتالى مع ازمات الإستيراد و نقص العملة الأجنبية ممكن ييجى يوم تضطر تسافر تركيا و الآ الهند علشان تجيب لها قطع غيار ههههههه.

[ayman2]

بصراحة الفرق بين اللينيا و السى اليزيه جامد خاصة فى ال options و الوسع الداخلى و الخامات. السى اليزيه ميزتها الكبرى شكلها الهجومى الأمامى تحفة.
ما زلت فى حيرتى من ديسمبر الماضى متردد بين اللينيا و الشارك و الأثنين السوق المصرى العظيم لا يعترف بهم.
مشكلة اللينيا الأساسية هى عدم إنتشارها بصورة كافية و بالتالى مع ازمات الإستيراد و نقص العملة الأجنبية ممكن ييجى يوم تضطر تسافر تركيا و الآ الهند علشان تجيب لها قطع غيار ههههههه.

قطع غيار اللينيا موجوده عند الكيلانى وشارع دمشق والحرفيين