علشان اشترى فيات لينيا إيه الحل

[SAWA1SAWA]

كل ما أدور على عربية غير الينيا 1600 ألاقيها هيه الأحسن فى فئتها فى كل شئ
بس التوكيل ربنا يخلصنا منه خصوصا بعد الصيانة الهايلة والأسعار الجميلة اللى ظاهرة فى المشاركة دى
http://www.nilemotors.net/Nile/345934-10-000-60-a.html (تقرير عن صيانة الـ10,000كم لللينيا ... مع أوم اترا ... جتهم 60 نيله)

فهل يوجد مركز صيانة غير التوكيل يمكن الاعتماد عليها فى العربية دى تحديدا وهل فيه امل فى التوكيل إنه يتعدل أو يتغير علشان فترة الضمان استفيد منها

ولا إيه الحل من وجه نظركم

ولا أصرف نظر عن العربية وأمرى لله

[ayman2]

التوكيل ليس بهذا السوء وممكن التعايش معه ويوجد مراكز اخرى يمكن الاعتماد عليها وبصراحه العربيه تستاهل

[momomonti_15]

العربية تستاهل طبعاً .. وإن شاء الله مش هتشوف وشهم غير كل 10 الأف كم ... حاولل تتعايش مع الموضوع دة

[SAWA1SAWA]

العربية تستاهل طبعاً .. وإن شاء الله مش هتشوف وشهم غير كل 10 الأف كم ... حاولل تتعايش مع الموضوع دة

التوكيل ليس بهذا السوء وممكن التعايش معه ويوجد مراكز اخرى يمكن الاعتماد عليها وبصراحه العربيه تستاهل

المشكلة أولا فى تعاملهم وثانيا قلة خبرتهم ( مش عايز أقول كلمة تانية ) وثالثا تكاليف الصيانة المبالغ فيه , لدرجة إنهم فى المشاركة إللى أنا كاتب الرابط بتاعها عايزين يغيروا فى صيانة الــ 10 ألاف كيلو حاجات سليمة أصلا علشان يكسبوا أو علشان يتعلموا فى العربية ومصنعية 300 جنيه فى زيت وفلتر ؟؟؟؟ , وفى الاستطلاع عن التوكيل فى الموضوعات المثبتة فى قسم فيات الغالبية بتقول عن التوكيل سئءءءء

, مع العلم إن دى أول عربية ليه وأكيد معنديش خبرة زيكم وخايف على الفلوس إلى هحطها فى العربية اللى هتستمر معايا عشر سنين إن كان فيه عمر إن شاء الله , وعلشان المدة دى كلها مش هقدر أغير العربية فعايز عربية كويسه زى اللينيا
بس النقطة اللى لصالى إن حركتى بيها مش كتير وسفرى قليل يعنى إن شاء الله مش هتجاوز الـ 10 الاف فى السنة

فرجاءً فسرلى الإجابة شويه لأهمية الموضوع , وإيه هى المراكز اللى حضرتك بتتكلم عنها وممكن أعتمد عليها وتكون كويسة جدا كخدمة وتكاليف , أنا مقيم فى 6 أكتوبر بس مش مهم تكون فى أى مكان , ولو اعتمدت عليها هكون بره الضمان وعايز أعرف هو كل كام كيلو فى اللينيا
وهل عندك فكرة عن فرع القطامية اللى فيات هتعمله وناويين على تحسين الخدمة فيه ولا لأ
وشكرا لحضرتك على كل حال

[AlGazar2]

او انت مقيم فى اكتوبر كنت قريت مره هنا عن ورشه فيات فيه شهاده اتنين من اكتر اعضاء فيات معلومات و هما فورميلاتور و يوكو انه فتح فى اكتوبر
فاتكاد من فورميلاتور لان تقريبا يوكو مبقاش يدخل على المنتدى دلوقتى

[SAWA1SAWA]

او انت مقيم فى اكتوبر كنت قريت مره هنا عن ورشه فيات فيه شهاده اتنين من اكتر اعضاء فيات معلومات و هما فورميلاتور و يوكو انه فتح فى اكتوبر
فاتكاد من فورميلاتور لان تقريبا يوكو مبقاش يدخل على المنتدى دلوقتى

شكرا لحضرتك

[Formulator]

هو للأسف: لؤى كان هيفتح مركز فـ أكتوبر -بس الـproject ده إتكانسل؟!! :(

بالنسبة للعربية:
هو التوكيل فعلا يمكن التعايش معاه -مش الأسوأ (أنا شوفت أسوأ من كده)!!

- قطع الغيار والمصنعيات: فـ نفس الرينج بتاع كل العربيات الأوروبى المتوسطة فـ مصر!
وبعد ماتخلص فترة الضمان: ممكن تبقى تجيب القطع من الكيلانى وتعملها برا فـ أى مركز؟!!

هو بس الفتيس الـDualogic اللى لا ينصح ان حد يشتغل فيه برا أوماترا :(

- وفيه مراكز وورش بتشتغل فـ الأوبل Easytronic ممكن تشتغل فيه؟!!

بس ده عشان الجيربوكس عندك M20 أو C514 بتاع GM أصلا،
لكن فـ البرافو مثلا -للأسف- الجيربوكس مختلف تماما C615/ M32 وده أعقد بكتيييييير من حتى الـSelespeed بتاع الألفا القديم؟!!

غير كده: أى حاجة فـ العربية تتعمل برا عادى..
ولو فـ أوماترا نفسها -مش هتفرق كتير فـ المصنعيات؟!! وانت ماتروحش إلا فـ الحاجات الكبيرة!
(يعنى فرامل-عفشة-سمكرة ودهان...etc كل ده يتعمل برا وماتقولش)

العربية نفسها: طبعا لا خلاف عليها -من أفضل العربيات فـ الفئة دى، وتستاهل كل جنيه يدفع فيها.

Rgds،

[SAWA1SAWA]

متشكر جدا لـلعضو المحترم Formulator على مشاركتك واهتمامك وبنستفيد منك كتير فى كل أقسام المنتدى وفى قسم فيات طبعا
بس ممكن أعرف إيه هى المراكز اللى ممكن اعتمد عليها لفيات لينيا ويكون فيها مهندسين كفاءة

[eng_ahesham]

في عندك البرقان في ابو رواش
الاقصي في المعادي
اوماترا اسكندريه (م/شريف ) ده مكان كويس جدا
بس .... وبعدين فيه ميكانيكيه شغالين في التوكيل و عندهم ورش بره وانا هبقي اظبطك في الموضع ده بس بيني و بينك بقي :)
وبالتوفيق ان شاء الله .... وعلي فكره انا صاحب موضوع الصيانه ده ....
بس العربيه توكل علي الله فيها والله تستاهل اكتر من تمنها ..... انا امبارح كنت مع واحد صاحبي عند المصريه بنخلصله في عربيه نيسان .... واتفرجت علي كل العربيات اللي عندهم في رينج اللينا .... يا اخي مفيش مقارنه والله
ولما تيجي تخلص فيها كلمني هحاول اجيبلك فيها تخفيض حلو ان شاء الله
وباتوفيق و لو في اي استفسار انا تحت امرك

[macdiv]

هات المانيوال و ريح بالك ...

[eng_ahesham]

هات المانيوال و ريح بالك ...

لا يا راجل حرام عليك .... مانيوال ايه في ام الزحمه دي .... دي بيجيب صداع نصفي و بيشد الاعصاب .....

[SAWA1SAWA]

في عندك البرقان في ابو رواش
الاقصي في المعادي
اوماترا اسكندريه (م/شريف ) ده مكان كويس جدا
بس .... وبعدين فيه ميكانيكيه شغالين في التوكيل و عندهم ورش بره وانا هبقي اظبطك في الموضع ده بس بيني و بينك بقي :)
وبالتوفيق ان شاء الله .... وعلي فكره انا صاحب موضوع الصيانه ده ....
بس العربيه توكل علي الله فيها والله تستاهل اكتر من تمنها ..... انا امبارح كنت مع واحد صاحبي عند المصريه بنخلصله في عربيه نيسان .... واتفرجت علي كل العربيات اللي عندهم في رينج اللينا .... يا اخي مفيش مقارنه والله
ولما تيجي تخلص فيها كلمني هحاول اجيبلك فيها تخفيض حلو ان شاء الله
وباتوفيق و لو في اي استفسار انا تحت امرك

مش عارف أشكرك إزاى , كتر ألف خيررك , وربنا يطمنك ويباركلك فى الينيا الجديدة وأكيد هكلم حضرتك ( إذا سمحت )علشان أعرف المكانيكية وأماكنهم , وكمان هكلمك قبل ما أروح أشترى

بس فيه حاجة لازم أقولهالك عشان أبقى صريح معاك وعلشان أكون واثق من إختيارى مائة بالمائة
أنا هستنى لحد ما تتجرب السيتروين سى أليزيه فى الشارع وكمان تنزل التيدا الجديدة على بعد رمضان وده لأنى ممكن أستحمل وانتظر شوية , وكمان أجمع باقى المبلغ بتاع الينيا لأنى شبه متأكد إنها هتتفوق على كل العربيات الجديدة دى , وبالمرة لو الدولار استقر مع تخفيض الضريبة 10% بتاع الاتحاد الإوروبى ممكن يكون سعرها أحسن
فيا ريت تتأكد إنى استفدت من نصح ومشاركة حضرتك جدا ومتزعلشى إنى هتأخر فى الشراء شوية بس إن شاء الله مش كتير يمكن أربع شهور , فأكيد إنت عارف إن المبلغ كبير ولازم الواحد يفكر ويتمهل مادام يقدر ينتظر ويستحمل المواصلات لحد ما ربنا يفرجها
وبكرر شكرى لييك

[eng_ahesham]

مش عارف أشكرك إزاى , كتر ألف خيررك , وربنا يطمنك ويباركلك فى الينيا الجديدة وأكيد هكلم حضرتك ( إذا سمحت )علشان أعرف المكانيكية وأماكنهم , وكمان هكلمك قبل ما أروح أشترى

بس فيه حاجة لازم أقولهالك عشان أبقى صريح معاك وعلشان أكون واثق من إختيارى مائة بالمائة
أنا هستنى لحد ما تتجرب السيتروين سى أليزيه فى الشارع وكمان تنزل التيدا الجديدة على بعد رمضان وده لأنى ممكن أستحمل وانتظر شوية , وكمان أجمع باقى المبلغ بتاع الينيا لأنى شبه متأكد إنها هتتفوق على كل العربيات الجديدة دى , وبالمرة لو الدولار استقر مع تخفيض الضريبة 10% بتاع الاتحاد الإوروبى ممكن يكون سعرها أحسن
فيا ريت تتأكد إنى استفدت من نصح ومشاركة حضرتك جدا ومتزعلشى إنى هتأخر فى الشراء شوية بس إن شاء الله مش كتير يمكن أربع شهور , فأكيد إنت عارف إن المبلغ كبير ولازم الواحد يفكر ويتمهل مادام يقدر ينتظر ويستحمل المواصلات لحد ما ربنا يفرجها
وبكرر شكرى لييك

ربنا ان شاء الله يتملك شراها علي خير .... بس متقارنش بينها و بين التيدا او الاليزيه لاني ركبت الاتنين ( التديا سوقتها ) اي كلام بالنسبه لللينيا والله اي كلام خاااااااالص و الاليزيه فقيره جدا
وعلي العموم ده اختيارك و ربنا يوفقك فيه
بالتوفيق ان شاء الله
وتليفوني موجود في ملفي الشخصي تقدر تكلمني اي وقت
السلام عليكم

[SAWA1SAWA]

ربنا ان شاء الله يتملك شراها علي خير .... بس متقارنش بينها و بين التيدا او الاليزيه لاني ركبت الاتنين ( التديا سوقتها ) اي كلام بالنسبه لللينيا والله اي كلام خاااااااالص و الاليزيه فقيره جدا
وعلي العموم ده اختيارك و ربنا يوفقك فيه
بالتوفيق ان شاء الله
وتليفوني موجود في ملفي الشخصي تقدر تكلمني اي وقت
السلام عليكم

يا بشمندس كلك زووك وهيشرفنى التعرف على حضرتك فى أقرب وقت إن شاء الله

[lanos2004]

متجبش تيربو هات 1600 سى سى التيربو هيقتل الماتور بعد 100 الف كيلو مش هيستحمل حر مصر