غيرت طقم دبرياج الشاهين

[mrghost]

السلام عليكم ورحمة الله وبركاته
الحمد لله على كل شيئ
بلية طقم الدبرياج ساحت وفرطت وبوظت الديسك واﻻسطوانه كانت فربت تتمسح
المهم غيرت الطقم كله فاليو تركى سعره 420 جنيه

[eslam3344]

ايه ده ده انت كده قطع غيارك اغلي من قطع غياري انا مع اني كوري غريب الموضوع ده
عامة ربنا يديلك خيرها ويكفيك شرها

[romieh]

الف مبروك عليك الطقم الجديد

طيب ياريت تقرير بسيط عن اللى حصل فى العربية

اشتريت الطقم منين؟؟

فكيت الفتيس كله ولا لأ؟

ايه اللى الميكانيكى غيره تانى فى الفك؟؟

مصنعية الميكانيكى كانت كام؟؟ وخد وقت قد ايه؟؟

حالة العربية بعد التركيب عاملة ايه؟؟

[ashraf_sms]

مبروك عليك الطقم الجديد
ويعوض عليك ربنا في اللي راح ان شاء الله

[mrghost]

شكرا ع الردود ياجماعه
اللى حصل ان الدبرياج كان بقاله فترة تقيل
ومره واحده بدوس دبرياج لقيت الدواسه ف اﻻرض ومفيش دبرياج
اديت العربيه التانى وفضلت ماشى عليه
الميكانيكى فك الفتيس خالص وطلعه بره وركب الطقم
المصنعيه 180 جنيه طبعا كتير انا عارف
دلوقتى الدبرياج الحمد لله خفيف

[ashraf_sms]

شكرا ع الردود ياجماعه
اللى حصل ان الدبرياج كان بقاله فترة تقيل
ومره واحده بدوس دبرياج لقيت الدواسه ف اﻻرض ومفيش دبرياج
اديت العربيه التانى وفضلت ماشى عليه
الميكانيكى فك الفتيس خالص وطلعه بره وركب الطقم
المصنعيه 180 جنيه طبعا كتير انا عارف
دلوقتى الدبرياج الحمد لله خفيف

معلش يامحمد باشا ربنا يعوض عليك يارب

[semsem_uno]

ايه ده ده انت كده قطع غيارك اغلي من قطع غياري انا مع اني كوري غريب الموضوع ده
عامة ربنا يديلك خيرها ويكفيك شرها

قطع غيار الفيات الأصلية مش رخيصة زى ما الناس فاكرة
الفيات قطع غياره غالية لكن البركة في المضروب اللى ضيع سمعة العربية

[mrghost]

الحمد لله على كل شيئ وفعلا قطع الغيار مش رخيصه المضروب كتير اوى ومش بسهوله تفرق بينه وبين الاصلي

[koshakindnes]

ياباشا ولا يهمك ومبروك على الطقم الجديد

انا معايا شاهين 98 غيرتوا بعد 14 سنة الديسك والاسطوانة والبلية بسبب نفس المشكلة

ودلوقتى اهو علشان شيلت الحاجة الاصلية بتاعت العربية غيرتهم للمرة التانية من شهرين

وبعد سنة هغيرهم تالت برضوا الحاجة وحشة اوى فى السوق


انا بس مش بقلقك او بخضك

بس اصدى انك تعتبر الموضوع عادى بعد كدا

تحياتى

[semsem_uno]

ياباشا ولا يهمك ومبروك على الطقم الجديد

انا معايا شاهين 98 غيرتوا بعد 14 سنة الديسك والاسطوانة والبلية بسبب نفس المشكلة

ودلوقتى اهو علشان شيلت الحاجة الاصلية بتاعت العربية غيرتهم للمرة التانية من شهرين

وبعد سنة هغيرهم تالت برضوا الحاجة وحشة اوى فى السوق


انا بس مش بقلقك او بخضك

بس اصدى انك تعتبر الموضوع عادى بعد كدا

تحياتى

لأ مش عادى
دور على زي اللي طالع من عربيتك هتلاقيه حتى لو قلبت الدنيا
متصدقش اللي يقولولك هو ده بس اللي في السوق
تحياتي

[semsem_uno]

ياريت تراجعوا الموضوع ده :)

http://www.nilemotors.net/Nile/337104-made-italy.html

اخر ما تعبت من قطع الغيار الأشكال و الوان