عايز اشترى جراند بونتو و خايف

[aliabdo]

السلام عليكم
كنت شبه استقريت على الينيا اول فئه بس مش لقيها و شوفت الجراند بونتو عجبنتنى انا بفكر فى اول فئه منيول او اول فئه اوتو خصوصا ان الطارق عامل خصومات على الجراند بونتو دلوقتى

بامانه انا بفضل بينها و بين الجين2 و التيدا و الكيا الريو و عايز حد يشجعنى

لو فى معلومات عن اعاده البيع و التوكيل يبقى جزاكم الله كل خير

تحياتى

[mahmoud_anwar]

بس ضعيفة اووووووووي 1400 سي سي 77 حصان
حرام اجيب عربية تمنها واصل 124 و77 حصان اجيب احسن i10
نصيحة بلاش عن رائي دي علي كده الدايو عزم عنها

[aliabdo]

الاشياء الى مخوافنى منها السحب و التوكيل و اعاده البيع غير كده العربيه دخله دماغى و عجبانى

يا ريت حد من الى معاه العربيه يقول لنا رائيه

[mahmoud_anwar]

الاشياء الى مخوافنى منها السحب و التوكيل و اعاده البيع غير كده العربيه دخله دماغى و عجبانى

يا ريت حد من الى معاه العربيه يقول لنا رائيه

اولآ انتا بتقول السحب بزمتك عربية 1400 سي سي و77 حصان هتديك سحب ايه
دي كويس لو مشيت اصلآ
اعادة البيع في الفيات مش حلوة زي الياباني والكوري لي اني لو معايه تمنها هشتري افضل منها هيونداي اكسنت اربي او كيا ريو الهتش باك الجديدة معلش هيا دي كور ودي اوربي بس السوق المصري غير اي سوق فانصيحة اخوية ولله وانا بنصحك علشان القي الي ينصحني اركب عربية للسوق
بمعني هات عربية قطع غيارها منتشرة هات عربية يوم لما تحب تجيب فلوسك هتنزل يوم الجمعة ترجع فلوسك لكن الفيات البونتو شفت كام وحده منها علي الطريق ؟؟؟ هل هيا في عدد الهيونداي ار بي والكيا ؟؟؟ اكيد لا فا اكيد قطع غيارها ندره شوية
نصيحة لوجه الله في عربيات نشوفها نتعجب بيها تبهرنا لكن منركبهاش زي البروتن زي الستروين زي الفيات
وكمان العربية 77 حصان واخد بالك ولا لأ يعني معدومة السحب يعني انا ممكن اقطعها بي الدايو الدايو 86 حصان
ياراجل دي الكيا البيكانتو 87 حصان
والله ابعد عنها الا لو انتا غاوي الشكل ومش فارقة معاك لو عايز فلوس وقتي ولا لأ لي ان اعادة بيعها صعب لي انه كله هيقولك دي فيت ياعم

[aliabdo]

هو بس انا حابب انى اقول ان 77 حصان مش شويه انا معاى اسكورت 60 حصان و طبعا اتقل بكتير من البونتو و بمشى بيها 150 ز سحبها كويس كمان ناس كتير معاها العربيه قالت ان العربيه سحبها كويس

[mahmoud_anwar]

هو بس انا حابب انى اقول ان 77 حصان مش شويه انا معاى اسكورت 60 حصان و طبعا اتقل بكتير من البونتو و بمشى بيها 150 ز سحبها كويس كمان ناس كتير معاها العربيه قالت ان العربيه سحبها كويس

ياباشا السحب حاجة وانك تجيب سرعات عالية حاجة تانية
ما كل العربيات بتجيب سرعات عالية
بس الفكرة انتا بتجيب م الصفر ل100 في كام ثانية ؟؟؟؟؟؟؟
هيا دي السحب وكمان السحب علية عامل مهم انك لو عايز تخرج من عربية علي طريق وجمبك عربية ماشية بطة بلدي ل عدك السحب ضعيف انسي انك تعرف تخرج منها
فهمت قصدي

[aliabdo]

يا شباب طيب مفيش حد معاه الجراند بونتو يرد علينا

[u3mbkp]

ياباشا السحب حاجة وانك تجيب سرعات عالية حاجة تانية
ما كل العربيات بتجيب سرعات عالية
بس الفكرة انتا بتجيب م الصفر ل100 في كام ثانية ؟؟؟؟؟؟؟
هيا دي السحب وكمان السحب علية عامل مهم انك لو عايز تخرج من عربية علي طريق وجمبك عربية ماشية بطة بلدي ل عدك السحب ضعيف انسي انك تعرف تخرج منها
فهمت قصدي

كل العربيات سواء كورى او اوروبى ليها مميزات وعيوب .. بس هل ياترى الاخ العزيز ركب الجراند بونتو ام 77 حصان و1400 سى سى لفترة معينة ؟؟ وجرب سحبها بنفسه ؟؟ هل اضطريت تاخد بيها غرزة على الضيق على سرعة 140 ؟ هل جربت الفرامل الـ abs على طريق رملى وشفت الفرق بينها وبين الكورى ؟؟
السؤال المهم دايما .. عربيات كتييير بتجرى وتسحب حلو قوى .. بس هل ياترى بتعرف تقف فى الوقت المناسب ؟؟ (وخد مثال الفيرنا مثلا"العربة الطائشة") او الالنترا اللى لو عدت جنب منك تريللا تلاقى العربية بتعوم .. والامثلة كتيير ..
ارجع واقول مفيش عربية من غير عيوب بما فيها الجراند بونتو طبعا .. لكن للاسف ولا حاجة من اللى ذكرتها صحيحة ..وأأكد برضه على كلام الاخ العزيز ان السوق فى مصر مختلف عن كل الدنيا لأن المعيار عندنا مش مجرد كفاءة العربية وبس.. لأ فيه عوامل اخرى كتير تتاخد فى الاعتبار .. بس دى بتفرق بين واحد وواحد .. فيه اللى ميهموش سعر اعادة البيع .. وفيه اللى يهمه اكتر حاجة الراحة النفسية تجاه العربية .. وفيه اللى يهمه اكتر حاجة التفرد وان العربية تبقى مميزة ومفيش منها كتير .. وفيه عكسه تماما اللى يهمه ان العربية تكون منتشرة علشان سعر اعادة البيع وقطع الغيار المتوفرة ..(مع العلم بأن نفس العوامل دى هى اللى بتخلى العربية تتسرق - تقريبا 80% من العربيات اللى بتتسرق فى مصر بتكون هيونداى او كيا) .... الخ ..
فى الآخر .. كل العربيات فى مصر مبالخ فى سعرها جدا .. وكل المستوردين حرامية تقريبا .. وكل التوكيلات متعبة فى تعاملها ولو تقدر تنصب عليك تعملها .

آخر حاجة بجد .. ياريت اللى يطلع عيب فى عربية يكون ساقها كتير قبل كده علشان منتوهش الناس

[Formulator]

بس هل ياترى الاخ العزيز ركب الجراند بونتو ام 77 حصان و1400 سى سى لفترة معينة ؟؟ وجرب سحبها بنفسه ؟؟

آخر حاجة بجد .. ياريت اللى يطلع عيب فى عربية يكون ساقها كتير قبل كده علشان منتوهش الناس

أكيد ماركبهاش طبعا؟!!
- بيقولك: البيكانتو 87 حصان واللانوس 85 حصان بيجروا عنها؟؟!!!
يبقى أكيد مايعرفش حاجة عن الـ77 حصان (+dualogic) سحبهم كويس فـ أى رينج ووحش فـ أيه؟!!

@ aliabdo

البونتو 1.4 Fire فـ الـmid-range (اللى هو 60-80، و 80-120/130) بتطلع من عربيات 1600 معروفة انها خفيفة وجراية!!

فـ الطلعة ثقيلة شوية.. والتوب-سبيد آخرها 185 كم/س
بتطلع لحد الـ140-150 كويس.. وبعد كده بتبدأ تثقل لحد ماتقفل الـ180-185

Still دى فـ الأول والآخر عربية City.. أقولك على عربيات أوروبى بنفس الأداء تقريبا:
- البولو والفابيا والفييستا 1.4 (يمكن الفييستا أسرع سيكا)
- الجولف6/5 والجيتا بالموتور 1.6 SOHC (كامة واحدة زى البونتو).. على وزنها الأثقل: أداؤها مقارب جدا للجراند بونتو
الجولف تفرق فوق الـ160 وتقفل توب-سبيد أعلى 190-195 كم/س!

بالنسبة للمقارنة:
التيدا هى الأسرع.. لكن ثباتها سىء، وإعادة بيعها وتوكيلها كويس
الجين2 هى الأثبت.. لكن تقفيلها وحش ووكيلها سىء، وطبعا resale قليل
الريو أفضلهم فـ إعادة البيع والتوكيل.. لكن لا تقارن بالأوروبى فـ الأمان والثبات والهاندلينج!

لو عـ النيو جراند-بونتو تحديدا:
أفضل عربيات فيات الجديدة فـ مصر؛ من حيث إعادة البيع وإنتشار قطع الغيار
الوكيل مش بالسوء اللى الناس بتتكلم عليه؟!!

رأيى: البونتو تقارنها بالفييستا-الكورسا-البولو-الإبيزا-الـ207...etc
لكن مش بالريو والتيدا
لو بتقارن عشان الفئة السعرية: العربية value-for-money طبعا

بالتوفيق فـ الإختيار ان-شاء الله
Rgds،

[momomonti_15]

أكيد ماركبهاش طبعا؟!!
- بيقولك: البيكانتو 87 حصان واللانوس 85 حصان بيجروا عنها؟؟!!!
يبقى أكيد مايعرفش حاجة عن الـ77 حصان (+dualogic) سحبهم كويس فـ أى رينج ووحش فـ أيه؟!!

@ aliabdo

البونتو 1.4 fire فـ الـmid-range (اللى هو 60-80، و 80-120/130) بتطلع من عربيات 1600 معروفة انها خفيفة وجراية!!

فـ الطلعة ثقيلة شوية.. والتوب-سبيد آخرها 185 كم/س
بتطلع لحد الـ140-150 كويس.. وبعد كده بتبدأ تثقل لحد ماتقفل الـ180-185

still دى فـ الأول والآخر عربية city.. أقولك على عربيات أوروبى بنفس الأداء تقريبا:
- البولو والفابيا والفييستا 1.4 (يمكن الفييستا أسرع سيكا)
- الجولف6/5 والجيتا بالموتور 1.6 sohc (كامة واحدة زى البونتو).. على وزنها الأثقل: أداؤها مقارب جدا للجراند بونتو
الجولف تفرق فوق الـ160 وتقفل توب-سبيد أعلى 190-195 كم/س!

بالنسبة للمقارنة:
التيدا هى الأسرع.. لكن ثباتها سىء، وإعادة بيعها وتوكيلها كويس
الجين2 هى الأثبت.. لكن تقفيلها وحش ووكيلها سىء، وطبعا resale قليل
الريو أفضلهم فـ إعادة البيع والتوكيل.. لكن لا تقارن بالأوروبى فـ الأمان والثبات والهاندلينج!

لو عـ النيو جراند-بونتو تحديدا:
أفضل عربيات فيات الجديدة فـ مصر؛ من حيث إعادة البيع وإنتشار قطع الغيار
الوكيل مش بالسوء اللى الناس بتتكلم عليه؟!!

رأيى: البونتو تقارنها بالفييستا-الكورسا-البولو-الإبيزا-الـ207...etc
لكن مش بالريو والتيدا
لو بتقارن عشان الفئة السعرية: العربية value-for-money طبعا

بالتوفيق فـ الإختيار ان-شاء الله
rgds،

+11111111111111111111111

[mahmoud_anwar]

كل العربيات سواء كورى او اوروبى ليها مميزات وعيوب .. بس هل ياترى الاخ العزيز ركب الجراند بونتو ام 77 حصان و1400 سى سى لفترة معينة ؟؟ وجرب سحبها بنفسه ؟؟ هل اضطريت تاخد بيها غرزة على الضيق على سرعة 140 ؟ هل جربت الفرامل الـ abs على طريق رملى وشفت الفرق بينها وبين الكورى ؟؟
السؤال المهم دايما .. عربيات كتييير بتجرى وتسحب حلو قوى .. بس هل ياترى بتعرف تقف فى الوقت المناسب ؟؟ (وخد مثال الفيرنا مثلا"العربة الطائشة") او الالنترا اللى لو عدت جنب منك تريللا تلاقى العربية بتعوم .. والامثلة كتيير ..
ارجع واقول مفيش عربية من غير عيوب بما فيها الجراند بونتو طبعا .. لكن للاسف ولا حاجة من اللى ذكرتها صحيحة ..وأأكد برضه على كلام الاخ العزيز ان السوق فى مصر مختلف عن كل الدنيا لأن المعيار عندنا مش مجرد كفاءة العربية وبس.. لأ فيه عوامل اخرى كتير تتاخد فى الاعتبار .. بس دى بتفرق بين واحد وواحد .. فيه اللى ميهموش سعر اعادة البيع .. وفيه اللى يهمه اكتر حاجة الراحة النفسية تجاه العربية .. وفيه اللى يهمه اكتر حاجة التفرد وان العربية تبقى مميزة ومفيش منها كتير .. وفيه عكسه تماما اللى يهمه ان العربية تكون منتشرة علشان سعر اعادة البيع وقطع الغيار المتوفرة ..(مع العلم بأن نفس العوامل دى هى اللى بتخلى العربية تتسرق - تقريبا 80% من العربيات اللى بتتسرق فى مصر بتكون هيونداى او كيا) .... الخ ..
فى الآخر .. كل العربيات فى مصر مبالخ فى سعرها جدا .. وكل المستوردين حرامية تقريبا .. وكل التوكيلات متعبة فى تعاملها ولو تقدر تنصب عليك تعملها .

آخر حاجة بجد .. ياريت اللى يطلع عيب فى عربية يكون ساقها كتير قبل كده علشان منتوهش الناس

سؤال حضرتك تمتلك عربية ايه ؟
لي ان باين من بروفيلك انك لا تمتلك بونتو نهائي !!!!
بس انتا تمتلك من عائلة الفيات والمثال الي بيقول ايه في عينة غزال المهم
مافيش حد فينا هيقول علي العربية الي ركبها عيوبها بل بي العكس ممكن يقارنها بي المبر جيني
لكن انتا جربتها احكي لي الراجل الي دايخ علي تعليق يرد علي اسئلتة

[mahmoud_anwar]

أكيد ماركبهاش طبعا؟!!
- بيقولك: البيكانتو 87 حصان واللانوس 85 حصان بيجروا عنها؟؟!!!
يبقى أكيد مايعرفش حاجة عن الـ77 حصان (+dualogic) سحبهم كويس فـ أى رينج ووحش فـ أيه؟!!

@ aliabdo

الحصان الايطالي يفرق برضة ههههههههههههههههههههههههههههه
معلش انتا صح العربيات الي ذكرت عدد احصنتها
طلعت عدد كام حمار انا اسف
انا مش عايز اقولك لما كان معاية الجولف شديت مع ايه واختفي رغم انهم بيقوله عليها تربو
البرافو اه والله الواد كان شغال جري وحرت وجيه جمبي فا قام مطلع العفريت جولف 2 عليها مكنة 1800 بتطلع 120 حصان او علي ما اتذكر 124 حصان اه نسيت العربيات دي مش بتطلع احصانة معلش وجيت في مرة بجرب اشد مع نفس السعة الترية فولكس شروكو والله لو احلف لك من الصبح انا جايب 160 ومش محصلة نهائي ياباشا العملية مش كلمتين انجليزي وتزويق كلام

[eng_ahesham]

الحصان الايطالي يفرق برضة ههههههههههههههههههههههههههههه
ايه اللي بيضحك بس هو فعلا الحصان الايطالي يفرق عن الحمير الكوري
معلش انتا صح العربيات الي ذكرت عدد احصنتها
طلعت عدد كام حمار انا اسف

اديك انت اللي قولت اهو
انا مش عايز اقولك لما كان معاية الجولف شديت مع ايه واختفي رغم انهم بيقوله عليها تربو
البرافو اه والله الواد كان شغال جري وحرت وجيه جمبي فا قام مطلع العفريت جولف 2 عليها مكنة 1800 بتطلع 120 حصان او علي ما اتذكر 124 حصان اه نسيت العربيات دي مش بتطلع احصانة معلش وجيت في مرة بجرب اشد مع نفس السعة الترية فولكس شروكو والله لو احلف لك من الصبح انا جايب 160 ومش محصلة نهائي ياباشا العملية مش كلمتين انجليزي وتزويق كلام

[eng_ahesham]

السلام عليكم
كنت شبه استقريت على الينيا اول فئه بس مش لقيها و شوفت الجراند بونتو عجبنتنى انا بفكر فى اول فئه منيول او اول فئه اوتو خصوصا ان الطارق عامل خصومات على الجراند بونتو دلوقتى

بامانه انا بفضل بينها و بين الجين2 و التيدا و الكيا الريو و عايز حد يشجعنى

لو فى معلومات عن اعاده البيع و التوكيل يبقى جزاكم الله كل خير

تحياتى

ياباشا اللينيا اول فئه موجوده و تسليم فوري كمان
لو تحب اساعدك في الموضوع ده انا تحت امرك

[Formulator]

ههههههههههههههههههه

ياأحمد هشام كبر مخك!!
الراجل بيقولك: طلع من برافو T-JET وبيشد مع شيروكو TSI؟!!
بالجولف2 1.8؟؟!!!

@ mahmoud_anwar

- سؤال.. بس هو حضرتك منيـــــــــــن؟؟ يعنى: من أى محافظة -برا القاهرة؟!!

- معلش سؤال كمان: هو مش حضرتك بردو كنت عامل موضوع من فترة.. عن تقييمك للانوس؟؟ وكنت بتتكلم فيه عن إعجابك بثبات وفرامل الدايوو لانوس؟!!!
هو أنت ولا أنا مش واخد بالى؟!!

Edit: وعايز أقولك ان مش كل الأعضاء بتكتب عربياتها أيه فـ البروفايل؟!!

فيه أعضاء معانا هنا فـ المنتدى -- راكبين عربيات (أقل من 400 حصان حاجة بسيطة).. ومش كاتب فـ بروفايله؟!! عادى يعنى؟!!!