مشكله حراره ال 128

[volk]

مساء الخير

محدش عنده اي حل لمشكله حراره ال 128

انا حاولت اعلم كل حاجه علشان اظبط موضوع الحراره من اول تنضيف الريدياتير و تغير المروحه و ركبت مروحه دايو و غيرت صباع الحراره الاقل حاجه و ظبط تاكيهات كله

بس مش لاقي حل للمشكله دي برضوا

الحراره مالزالت بتوصل للنص و بعديه بشرطه و تفضل سابته في اوقات الحر و المروحه بتفضل شغاله علطول

ايه حل الموضوع ده ؟؟؟؟؟؟

[ahmedesmat1987]

عندى نفس المشكله وعملت نفس اللى انت عاملتو الا حاكايه المروحه دى مغيرتهاش...............بس انا شاكك ليكون جوان والله اعلم ياريت حد يفيدنا

[georgedada82]

غير الريدياتير لو هو رايح غيره مش هينفع معاه تنضيف لو الخزن بايظة وجرب حط مياه ريدياتير نضيفة زي توتال ولا حاجة بطبيعتها مش بتسخن بسرعة
ثانيا حاجة ال 128 مضروبة وهي جديدة خاصة لو حساس الحرارة اللي هو الصوبع

[volk]

عندى نفس المشكله وعملت نفس اللى انت عاملتو الا حاكايه المروحه دى مغيرتهاش...............بس انا شاكك ليكون جوان والله اعلم ياريت حد يفيدنا

منا شكيت انها جوان برضوا و كشفت و مكنش في حاجه الجوانات سليمه

[aldesha989]

غير ثرموستات الحراره بواحد اقل بس على فكره ده الطبيعى من النص لفوق النص بشرطه ويرجع للنص

[volk]

غير الريدياتير لو هو رايح غيره مش هينفع معاه تنضيف لو الخزن بايظة وجرب حط مياه ريدياتير نضيفة زي توتال ولا حاجة بطبيعتها مش بتسخن بسرعة
ثانيا حاجة ال 128 مضروبة وهي جديدة خاصة لو حساس الحرارة اللي هو الصوبع

منا روحت الاكتر من واحد بتاع ريدياتير و كله قالي الريدياتير سليم و مش محتاج يتغير و الخزن تمام

بصراحه انا جربت احط ميه خضره بس مفيش تأثير برضوا و حساس الحراره غيرت اكتر من واحد لحد مجبت الاسباني اللي اشتغل عند اقل درجه حراره

[midofarh]

حاول تركب رادتير المنيوم .

[ahmedesmat1987]

حاول تركب رادتير المنيوم .

ريداتير ال128 المونيوم 3 ماسورة

[ahmedesmat1987]

منا شكيت انها جوان برضوا و كشفت و مكنش في حاجه الجوانات سليمه

انا نازل النهارده انشاء الله لميكانيكى فى التجنيد بيقولو عليه متخصص ولما هرجع هبقى اقولك عملت ايه

[ابو لؤى]

ممكن يكون صباع الحراره بيخرف او مثلا كهربا الماتور مش مظبوطه او تاكيهات محمله

[aw2100]

جيب رادياتير استعمال خارج الحديد بيظبط حرارة ال128 افضل من الرادياتير المصرى بس تكون حالته كويسه انا كنت مركبة فى ال128 الزاستافا والحرارة كانت 10/10 وغير كوعة المية الأصلية اللى فى الموتور وركب واحده صينى وحتدعيلى ان شاء الله !!

[ahmedesmat1987]

جيب رادياتير استعمال خارج الحديد بيظبط حرارة ال128 افضل من الرادياتير المصرى بس تكون حالته كويسه انا كنت مركبة فى ال128 الزاستافا والحرارة كانت 10/10 وغير كوعة المية الأصلية اللى فى الموتور وركب واحده صينى وحتدعيلى ان شاء الله !!

كلام جميل

[volk]

شكرا لحضراتكم

انا كنت غيرت كوعه الميه و غيرت كل حاجه خاصه بالميه و عملت تست لطرمبه الميه و كله بس برضوا مازالت الحراره

بالنسبه لتغير الريدياتير هحاول اشوف اللي مستعمل في الخارج و الرب يسهل

[Abo-Yousef]

على فكرة ياباشا موضوع الحرارة انها توصل للنص دى ده الطبيعى بتاع ال 128 ولو عملت ساحر ووقفت على ايدك ورجلك هيه هيه نفس الموضوع والحرارة هيه هيه هتفضل كدة برضو عشان هيه العربية نظامها كدة اهم حاجة مدام دورة التبريد شغالة تمام والمروحة كويسة خلاص متقلقش من حاجة ولو السخونة مضايقاك انزل شارع الجمهورية امتداد العتبة رمسيس ... فى هناك محل بيبيع سفنج حرارى بيعزل التكييفات المركزى بيمنع تسريب الحرارة هاتلك منه 2 متر لو عرضه متر ولو عرضة 2 متر يبقى هات 1 متر بس وكمان فى فى شارع محمد على فى العتبة كأنك رايح عالمناصرة فى هناك محلات بتبيع فرش ارضيات العربيات ومشمعات ... هاتلك منه 1 متر لباد ارضية هتلاقيه شبه بطاطين الجيش والمتر بتاعه رخيص وعلى حسب الخامات واغلى خامة المتر ب 20 جنيه انا لسه جايب امبارح منه يبقى كده اللباد و السفنج الحرارى معاك يبقى سعادتك تفك تابلوه العربية وتلزق اللباد وفوقيه السفنج الحرارى بغراء سريع ( كلة ) ولو عاوز كمان تعزل الصوت فى حاجة اسمها فوم المتر بتاعها ب 15 جنيه وده تجيب منه 2 متر وبيتباع عند نفس الراجل اللى فى شارع محمد على ويتلزق عالأرضيات بالغراء ولو عندك الأرضية موكيت هاتلك ارضيه جلد العربية كلها هتحتاج 3 متر جلد عرض 2 متر وده انا لسه جايبه نوع نضيف اوى ب 48 جنيه يعنى العملية هتكلفك بالظبط 195 جنيه بعديها مش هتحس بحرارة ولا صهد ولو قفلت الزجاج مش هتسمع صوت بره كمان ... ولو عاوز حاجة فى مواضيع العزل دى انا معاك يا باشا فى اى حاجة

[aw2100]

على فكرة ياباشا موضوع الحرارة انها توصل للنص دى ده الطبيعى بتاع ال 128 ولو عملت ساحر ووقفت على ايدك ورجلك هيه هيه نفس الموضوع والحرارة هيه هيه هتفضل كدة برضو عشان هيه العربية نظامها كدة اهم حاجة مدام دورة التبريد شغالة تمام والمروحة كويسة خلاص متقلقش من حاجة ولو السخونة مضايقاك انزل شارع الجمهورية امتداد العتبة رمسيس ... فى هناك محل بيبيع سفنج حرارى بيعزل التكييفات المركزى بيمنع تسريب الحرارة هاتلك منه 2 متر لو عرضه متر ولو عرضة 2 متر يبقى هات 1 متر بس وكمان فى فى شارع محمد على فى العتبة كأنك رايح عالمناصرة فى هناك محلات بتبيع فرش ارضيات العربيات ومشمعات ... هاتلك منه 1 متر لباد ارضية هتلاقيه شبه بطاطين الجيش والمتر بتاعه رخيص وعلى حسب الخامات واغلى خامة المتر ب 20 جنيه انا لسه جايب امبارح منه يبقى كده اللباد و السفنج الحرارى معاك يبقى سعادتك تفك تابلوه العربية وتلزق اللباد وفوقيه السفنج الحرارى بغراء سريع ( كلة ) ولو عاوز كمان تعزل الصوت فى حاجة اسمها فوم المتر بتاعها ب 15 جنيه وده تجيب منه 2 متر وبيتباع عند نفس الراجل اللى فى شارع محمد على ويتلزق عالأرضيات بالغراء ولو عندك الأرضية موكيت هاتلك ارضيه جلد العربية كلها هتحتاج 3 متر جلد عرض 2 متر وده انا لسه جايبه نوع نضيف اوى ب 48 جنيه يعنى العملية هتكلفك بالظبط 195 جنيه بعديها مش هتحس بحرارة ولا صهد ولو قفلت الزجاج مش هتسمع صوت بره كمان ... ولو عاوز حاجة فى مواضيع العزل دى انا معاك يا باشا فى اى حاجة

على فكرة الرادياتير الأستعمال خارج لما ركبته وغيرت كوعة المية الأصلية وركبت واحده صينى العربية عندى فى عز الظهر فى السلانسية كانت المروحة بتشتغل وتفصل وكان ظابط حرارة العربية علشان ريش الرادياتير دى ضيقة وبتشتت الحرارة بسهولة عن الرادياتير المصرى النحاس اللى ريشة واسعة !!