مشكله حراره ال 128

[volk]

على فكرة ياباشا موضوع الحرارة انها توصل للنص دى ده الطبيعى بتاع ال 128 ولو عملت ساحر ووقفت على ايدك ورجلك هيه هيه نفس الموضوع والحرارة هيه هيه هتفضل كدة برضو عشان هيه العربية نظامها كدة اهم حاجة مدام دورة التبريد شغالة تمام والمروحة كويسة خلاص متقلقش من حاجة ولو السخونة مضايقاك انزل شارع الجمهورية امتداد العتبة رمسيس ... فى هناك محل بيبيع سفنج حرارى بيعزل التكييفات المركزى بيمنع تسريب الحرارة هاتلك منه 2 متر لو عرضه متر ولو عرضة 2 متر يبقى هات 1 متر بس وكمان فى فى شارع محمد على فى العتبة كأنك رايح عالمناصرة فى هناك محلات بتبيع فرش ارضيات العربيات ومشمعات ... هاتلك منه 1 متر لباد ارضية هتلاقيه شبه بطاطين الجيش والمتر بتاعه رخيص وعلى حسب الخامات واغلى خامة المتر ب 20 جنيه انا لسه جايب امبارح منه يبقى كده اللباد و السفنج الحرارى معاك يبقى سعادتك تفك تابلوه العربية وتلزق اللباد وفوقيه السفنج الحرارى بغراء سريع ( كلة ) ولو عاوز كمان تعزل الصوت فى حاجة اسمها فوم المتر بتاعها ب 15 جنيه وده تجيب منه 2 متر وبيتباع عند نفس الراجل اللى فى شارع محمد على ويتلزق عالأرضيات بالغراء ولو عندك الأرضية موكيت هاتلك ارضيه جلد العربية كلها هتحتاج 3 متر جلد عرض 2 متر وده انا لسه جايبه نوع نضيف اوى ب 48 جنيه يعنى العملية هتكلفك بالظبط 195 جنيه بعديها مش هتحس بحرارة ولا صهد ولو قفلت الزجاج مش هتسمع صوت بره كمان ... ولو عاوز حاجة فى مواضيع العزل دى انا معاك يا باشا فى اى حاجة

الف الف شكر ليك يا باشا انا هنزل اجيب الحاجات دي بس ياريت العنواين بالظبط الاني لسه جديد في القاهره يعني فين بالظبط في شارع الجمهوريه

شكرا جزيلا

[Abo-Yousef]

الف الف شكر ليك يا باشا انا هنزل اجيب الحاجات دي بس ياريت العنواين بالظبط الاني لسه جديد في القاهره يعني فين بالظبط في شارع الجمهوريه

شكرا جزيلا

http://www.nilemotors.net/Nile/210607-a-10.html

http://www.nilemotors.net/Nile/315571-a-4.html

شوف المواضيع دى يا باشا انا شوفت الناس دى وبتعلم منهم وبعمل زيهم بصراحة وبالوصف كده نزلت وسألت وشوفت بالصدفة

اللباد والفوم وجلد الارضية دول جبتهم من شارع محمد على فى العتبة دخلت فيه وفضلت ماشى قدام شوية لقيت محل عاليمين جنبيه محل بيبيع الات موسيقية ( عود - جيتار - ) جبت منه بس حاول تفاصل معاه برضه
اللباد المتر ب 20 جنيه والفوم المتر ب 15 جنيه المفروض انه ب 13 وجلد الأرضية نقى انت واختار انا جبت نوع المتر قالى ب 50 جنيه وادهولى ب 48 بس حاسس انه ناصب عليا فى 10 او 15 جنيه مش عارف بقى هوا وضميره بقى وبالنسبة للسفنج الحرارى ده انا فكرت فيه من دماغى ده بيتركب فى جوانب البوتاجازات عشان يمنع تسريب السخونية بتاعت الفرن للجوانب المعدن ده اشتريته من محل عندنا بس لقيت محل برضه موجود فى شارع الجمهورية كنت فى العتبة عند جراج الأوبرا وفضلت ماشى كأنى رايح على رمسيس فى شارع الجمهورية لقيته بالصدفه شوفته حاطط منه برا المحل انا جبته من عندى المتر ب 15 جنيه عرضه 120 جبته ولسة مركبتش حاجة والله لسة وهبقى اصور الخامات واوريهالك ان شاء الله اليومين الجايين وكده كده هبقى اعمل موضوع كامل عالمنتدى برضه واصور فيه واكتب بالشرح كل حاجة عملتها قريب ان شاء الله

[Abo-Yousef]

حل موضوع السخونية ريداتير نحاس 3 ماسورة + ظبط التاكيهات + ظبط الكهرباء + تغيير مروحة الريداتير بمروحة فيرنا او اكسنت تتوصل بكتاوت 40 امبير .. وانسى السخونية :) واسأل مجرب .. وعلى فكرة انا عندى مراوح اكسنت وفيرنا كنت جايبهم من بورسعيد للى عايز وسعرهم ببلاش بجد ب 180 المروحة و سبعة ريشة .. اللى عايز يكلمنى 01008269645