بونتو ٢٠١٥

[Omar Hammoudy]

يا جماعة هل فيه حد استلم العربية ديه ولا لسه ماحدش استلمها؟ و ياتري اللي استلمها ممكن يكتبلنا تقرير عنها

انا عملت عليها تيست درايف النهارده و بصراحة العربية عاجباني جداً

باشا حضرتك لاحظت إنه في شكل مختلف في التابلوه في العربية لحضرتك عملتله تيست عن تابلوه إل evo ولا ذي ما هو متغيرش؟؟؟

[Mohamed_Hanafi]

باشا حضرتك لاحظت إنه في شكل مختلف في التابلوه في العربية لحضرتك عملتله تيست عن تابلوه إل evo ولا ذي ما هو متغيرش؟؟؟

يا باشا شكل التابلوه مختلف عن ال٢٠١٤ و ال٢٠١٣ بصراحة حسيت ان الخامات مش اللي هيه اوي بس ده تقريباً راجع لسعرها الرخيص

[Mohamed_Hanafi]

السلام عليكم
معلش مع احترامي ليكم جميعا
مين قال قطع الغيار رخيصه ؟
انا معايا نيو بونتو 2013 سبور اوتوماتيك ... سحب وموتور 1400 سي سي 77 او 72 حصان مش فاكر بالظبط كام .. جميل جدا موفره في البنزين بطريقه رهيبه مفيش كلام كل ده
عزل صوت جميل مفيش مشكله . .... ثبات وسرعه وجري ما شاء الله زي الفل ..فرامل ما شاء الله برضه مفيش كلام عليها
مشكلتها قطع الغيار ..
اولا تيل الفرامل من سنه الاصلي made in italie كان عامل حوالي 900 جنيه
التركي حوالي 500 ..
حصل مشكله في الايرباج ودراع الاشارات .. واتغيرت تبع التوكيل .. مفيش مشكله
طقم دبريااااش !! في التوكيل تمنه بس من غير اي مصاريف او حاجه 3650 جنيه ! لسه سائل عليه من حوالي اسبوعين قبل العيد ... جبته من بره التوكيل من محل قطع غيار فيات اصلي 850 جنيه ! ودايخ علي مكان اركبه فيه ... لان التوكيل مش بيركب اي قطع غيار من بره ... حتي مراكز الصيانه المعتمده مش بيركبوا اي حاجه من بره طالما الحاجه موجوده عندهم .. يعني لازم تشتريها من عندهم ... سالت عليه عامل 2250 من غير مصنعيه ولا حاجه ... لو مش موجود عندهم ممكن في الحاله دي بس حضرتك تجيبه و يركبوه ...
عفشه العربيه جميله .. بس مش مع شوارعنا الجميله
العربيه ضيقه جدا من ورا ... يعني لو واحد طويل مش هايعرف يقعد مرتاح ..
الشنطه الي حد ما صغيره - علي حسب احتياجك بقي عايز شنطه كبيره او صغيره -
التكييف نقدر نقول 7 من 10 - مش بياثر علي سحب العربيه -
الفتيس الاتوماتيك بتاعها - اللي عندي dualogic - معرفش هو هو اللي نازل في موديلات 2015 ولا لا ...
بس عامه هو مانيوال واتوماتيك في نفس الوقت .. بس مش اوتوماتيك زي الاوتوماتيك العادي .. هاتحس بكل نقله بياخدها اكنك بتنقل مانيوال بالظبط ..
... انا مش باقول ان العربيه وحشه او باكره حد فيها ...
هي جميله بس محتاجه عنايه كل فتره
حاجه بس اخيره حبيت ااكد عليها عشان اللي مقبل علي شراء العربيه دي ...
*** التوكيل مش بيضمن قطع غيار كتيييييييير جدا فيها ***
لازم تشوف كتاب الصيانه الاول مكتوب فيه كل حاجه خارج الضمان .. والحمدلله انا تقريبا غيرت اغلب الحاجات اللي التوكيل مش بيضمنها .. زي مايكونوا عارفين انها هاتبوظ لوحدها ...
واسف عالاطاله

شكراً للإفادة يا باشا، انا كنت باقول قطع الغيار رخيصة بناءً علي اللي اتقال من مهندس التوكيل قدامي. كان بيقول ازبون بيستلم عربيته ان المراية مثلاً يمين او شمال ب ٢٥٠ جنية و ده سعر حلو جداً لأنها بتيجي بنفس لون العربية و كمان ايطالي

المشكلة بس ان التوكيل بيسلمك العربية و بيقولك اول صيانة ليك في التوكيل بعد ٣٠ الف كيلو و تاني صيانة بعد ٣٠ الف تانيين و هكذا كل صيانة بتبقي كل ٣٠ الف كيلو! طبعاً الصيانات اللي في النص بتعملها لو حابب عندهم في التوكيل او بره التوكيل هوه مش مقيدك بس في نفس الوقت مش بيقولك انها بتخرج العربية من الضمان

للأسف لسه فيه شوية حاجات مبهمة كده في التوكيل عشان لسه جديد

[Mohamed_Hanafi]

الحمد لله انا معاي ال 2013 الي هو اخر شكل
العربيه كويسه و قطع الغيار مقبوله
من ناحيه الجوده و التقفيل فهي ممتازه فرامل تحفه السحب حسب ما متعود تركب بس العربيه لما بتحت بتجري بيها بتجري و بتقف وقت ما تحب سواقتها سهله و هاديه جدااا من الداخل

يا باشا اخر شكل كان ٢٠١٤ نزل اول السنة و بعدين اختفي من السوق للأسف عشان اوماترا كان بيتسحب منه التوكيل

معلش انا عارف ان انا ضايقتك بموضوع ٢٠١٤ ده بس للاسف ديه الحقيقة

[Mohamed_Hanafi]

كنت عوز اسئال عن البنتو الجديدة 2015 المانيوال الى فى النيل الهندسية ليه مغيرين التبلوه بتعها عن الفئات التانية الاعلى وهل ده شيب قديم؟ ومتور مختلاف؟ واخبار الفئه ده ايه وقطع الغيار اسعرها ايه؟
وشكرا

بصراحة انا ماتفرجتش علي المانيوال، انا شفت الاتوماتيك اول فئة بس.

علي حسب معلوماتي المتواضعة ان الفرق في العربيات عموماً لو نفس الموديل بيبقي في المانيوال و الاتوماتيك و طبعاً شوية كماليات و اوبشنز علي حسب الفئة بس اول مرة اسمع ان المانيوال شكلها بيبقي مختلف عن الاتوماتيك

[MTamim]

بصراحة انا ماتفرجتش علي المانيوال، انا شفت الاتوماتيك اول فئة بس.

علي حسب معلوماتي المتواضعة ان الفرق في العربيات عموماً لو نفس الموديل بيبقي في المانيوال و الاتوماتيك و طبعاً شوية كماليات و اوبشنز علي حسب الفئة بس اول مرة اسمع ان المانيوال شكلها بيبقي مختلف عن الاتوماتيك

شوف يا استاذ محمد شكرا على الرد اولا
انا روحت لتوكيل فيات الى فى العبور واتفرجت على العربيات تبلوه الاتوماتيك شكل punto evo و التبلوه بتاع المانيوال شكل الجرند بنتو القديمه وانا اصدمت ومش عارف ليه التغير الشنيع ده انا كنت ناوى اشترى المانيوال عشان كده قلت استفسار من اهل الخبره الاختلاف فى الشكل بس ولا كمان فى الموتور والاجزاء الجوهريه ؟؟؟؟؟

[abo_salah]

معلش بخصوص موضوع الصيانه : هم قالوا لحضرتك في التوكيل الصيانه الدوريه كل 30 الف كم ؟؟؟
انا اخر مره روحت التوكيل فرع جسر السويس .. المهندس اكد عليا ان لازم زيت الفتيس ( الاوتوماتيك ) بيتغير كل 10 الاف كم ... وده اللي بيحصل كل صيانه سواء في التوكيل او مركز معتمد ...
وهي صيانتها من يوم ما استلمتها لحد النهارده كل 10 الاف كم .. ولو اتاخرت شويه عن ال 10 الاف كم .. العربيه بتخرج من الضمان - ده طبعا حسب كلام المهندس اللي كان في اوماترا - لاني باروح مركز معتمد من سنه تقريبا بسبب الاسعار الخرافيه بتاعه التوكيل مقارنه بالمركز المعتمد ( تقريبا كل مره في حوالي 1000 جنيه ارخص من التوكيل ) الا في حاله عطل خاص بالضمان في الحاله دي باروح التوكيل علي طول ... وللحق في حاجات بتتغير تبع الضمان منها مشكله في الايرباج من سنه ... ورجعت ظهرت تاني من يومين
....
ياريت حضرتك تديني اسم الجروب عالفيس بوك ...
وشكرا مقدما عالردود والمشاركات

[gamal fouad]

شوف يا استاذ محمد شكرا على الرد اولا
انا روحت لتوكيل فيات الى فى العبور واتفرجت على العربيات تبلوه الاتوماتيك شكل punto evo و التبلوه بتاع المانيوال شكل الجرند بنتو القديمه وانا اصدمت ومش عارف ليه التغير الشنيع ده انا كنت ناوى اشترى المانيوال عشان كده قلت استفسار من اهل الخبره الاختلاف فى الشكل بس ولا كمان فى الموتور والاجزاء الجوهريه ؟؟؟؟؟

هو سعر المانيول اول فئه كام والاوتاومتك كام ؟

[MTamim]

هو سعر المانيول اول فئه كام والاوتاومتك كام ؟

المانيوال ٩٩٩٠٠ رسمى وفى المعارض
الاتوماتيك تقريبا ١١٩٠٠٠ رسمى و ١٢٣٠٠٠ فى المعارض
انا مسئلتش غير على المانيوال بس

[gamal fouad]

المانيوال ٩٩٩٠٠ رسمى وفى المعارض
الاتوماتيك تقريبا ١١٩٠٠٠ رسمى و ١٢٣٠٠٠ فى المعارض
انا مسئلتش غير على المانيوال بس

شكرا .. وفعلا شكل تابلوه المانيوال غير الاوتوماتيك ؟!

[Mohamed_Hanafi]

شوف يا استاذ محمد شكرا على الرد اولا
انا روحت لتوكيل فيات الى فى العبور واتفرجت على العربيات تبلوه الاتوماتيك شكل punto evo و التبلوه بتاع المانيوال شكل الجرند بنتو القديمه وانا اصدمت ومش عارف ليه التغير الشنيع ده انا كنت ناوى اشترى المانيوال عشان كده قلت استفسار من اهل الخبره الاختلاف فى الشكل بس ولا كمان فى الموتور والاجزاء الجوهريه ؟؟؟؟؟

يا فندم لا شكر علي واجب بس انا بصراحة ماعرفش امكانيات الموديلات اللي فاتت ايه عشان اقارن بينها و بين الموديل ده.

بس لو هانتكلم علي عربية اقتصادية بصراحة انا شايف انها افضل عربية في فئتها مع بعض التحفظ في المقارنة بينها و بين العربيات الشبيهة ليها.

بمعني اخر مثلاً مندوب المعرض كان بيقارن بينها و بين الابيزا و ده غلط! الابيزا حاجة و البونتو حاجة تانية خالص ولا وجه للمقارنة، البونتو ممكن تقارن بالاتراج و الياريس و السوزوكي سويفت و الsuper i10 و عربيات من النوعية ديه.

و عموماً بردو هيه تعتبر عربية حلوة و اكيد هايحصل عليها تعديلات في السنين اللي جايه و خلي بالك ان اوماترا ماكانش مهتم بالعربية خالص بس واضح ان النيل الهندسية عايزة تسوق للعربية و عشان كده هما منزلينها بالامكانيات ديه دلوقتي عشان يشوفوا مدي انتشارها هايبقي عامل ازاي في الفترة اللي جايه و بناء عليه هما اكيد هايعدلوا فيها لو انتشرت كويس.

[Mohamed_Hanafi]

المانيوال ٩٩٩٠٠ رسمى وفى المعارض
الاتوماتيك تقريبا ١١٩٠٠٠ رسمى و ١٢٣٠٠٠ فى المعارض
انا مسئلتش غير على المانيوال بس

الاتوماتيك ١١٩٩٠٠ و مش عارف في المعارض بكام بس عموماً ديه اول فئة و موجودة في التوكيل و الاستلام فوري، المشكلة كلها في الفئة الاعلي استلامها بعد ٣ شهور

[Mohamed_Hanafi]

معلش بخصوص موضوع الصيانه : هم قالوا لحضرتك في التوكيل الصيانه الدوريه كل 30 الف كم ؟؟؟
انا اخر مره روحت التوكيل فرع جسر السويس .. المهندس اكد عليا ان لازم زيت الفتيس ( الاوتوماتيك ) بيتغير كل 10 الاف كم ... وده اللي بيحصل كل صيانه سواء في التوكيل او مركز معتمد ...
وهي صيانتها من يوم ما استلمتها لحد النهارده كل 10 الاف كم .. ولو اتاخرت شويه عن ال 10 الاف كم .. العربيه بتخرج من الضمان - ده طبعا حسب كلام المهندس اللي كان في اوماترا - لاني باروح مركز معتمد من سنه تقريبا بسبب الاسعار الخرافيه بتاعه التوكيل مقارنه بالمركز المعتمد ( تقريبا كل مره في حوالي 1000 جنيه ارخص من التوكيل ) الا في حاله عطل خاص بالضمان في الحاله دي باروح التوكيل علي طول ... وللحق في حاجات بتتغير تبع الضمان منها مشكله في الايرباج من سنه ... ورجعت ظهرت تاني من يومين
....
ياريت حضرتك تديني اسم الجروب عالفيس بوك ...
وشكرا مقدما عالردود والمشاركات

يا باشا ده كلام المندوب اللي في التوكيل، قاللي كده بالنص ان الصيانة عندهم في النيل الهندسية بتبقي كل ٣٠ الف كيلو ديه الصيانات الاساسية بالنسبالهم غير كده طبعاً فيه صيانات في النص بس بيقولك اعملها في اي مكان يريحك مادام مش هاتعمل حاجة تخرجها من الضمان.

طبعاً لما سألته طيب ايه الحاجات اللي تخرجها من الضمان قاللي ديه اللي يفيدك فيها مهندس الصيانة اللي في التوكيل

[MTamim]

شكرا .. وفعلا شكل تابلوه المانيوال غير الاوتوماتيك ؟!

حيه حاجه غريبة فعلا بس التابلوهين متغيرين عن بعض الفكرة بقى لو فيه حد يفيدنا فى المتور مختلاف برضو ولا ايه؟؟؟

[MTamim]

يا فندم لا شكر علي واجب بس انا بصراحة ماعرفش امكانيات الموديلات اللي فاتت ايه عشان اقارن بينها و بين الموديل ده.

بس لو هانتكلم علي عربية اقتصادية بصراحة انا شايف انها افضل عربية في فئتها مع بعض التحفظ في المقارنة بينها و بين العربيات الشبيهة ليها.

بمعني اخر مثلاً مندوب المعرض كان بيقارن بينها و بين الابيزا و ده غلط! الابيزا حاجة و البونتو حاجة تانية خالص ولا وجه للمقارنة، البونتو ممكن تقارن بالاتراج و الياريس و السوزوكي سويفت و الsuper i10 و عربيات من النوعية ديه.

و عموماً بردو هيه تعتبر عربية حلوة و اكيد هايحصل عليها تعديلات في السنين اللي جايه و خلي بالك ان اوماترا ماكانش مهتم بالعربية خالص بس واضح ان النيل الهندسية عايزة تسوق للعربية و عشان كده هما منزلينها بالامكانيات ديه دلوقتي عشان يشوفوا مدي انتشارها هايبقي عامل ازاي في الفترة اللي جايه و بناء عليه هما اكيد هايعدلوا فيها لو انتشرت كويس.

شكرا على الافاده