بونتو ٢٠١٥

[SYD]

السلام عليكم
معلش مع احترامي ليكم جميعا
مين قال قطع الغيار رخيصه ؟
انا معايا نيو بونتو 2013 سبور اوتوماتيك ... سحب وموتور 1400 سي سي 77 او 72 حصان مش فاكر بالظبط كام .. جميل جدا موفره في البنزين بطريقه رهيبه مفيش كلام كل ده
عزل صوت جميل مفيش مشكله . .... ثبات وسرعه وجري ما شاء الله زي الفل ..فرامل ما شاء الله برضه مفيش كلام عليها
مشكلتها قطع الغيار ..
اولا تيل الفرامل من سنه الاصلي made in italie كان عامل حوالي 900 جنيه
التركي حوالي 500 ..
حصل مشكله في الايرباج ودراع الاشارات .. واتغيرت تبع التوكيل .. مفيش مشكله
طقم دبريااااش !! في التوكيل تمنه بس من غير اي مصاريف او حاجه 3650 جنيه ! لسه سائل عليه من حوالي اسبوعين قبل العيد ... جبته من بره التوكيل من محل قطع غيار فيات اصلي 850 جنيه ! ودايخ علي مكان اركبه فيه ... لان التوكيل مش بيركب اي قطع غيار من بره ... حتي مراكز الصيانه المعتمده مش بيركبوا اي حاجه من بره طالما الحاجه موجوده عندهم .. يعني لازم تشتريها من عندهم ... سالت عليه عامل 2250 من غير مصنعيه ولا حاجه ... لو مش موجود عندهم ممكن في الحاله دي بس حضرتك تجيبه و يركبوه ...
عفشه العربيه جميله .. بس مش مع شوارعنا الجميله
العربيه ضيقه جدا من ورا ... يعني لو واحد طويل مش هايعرف يقعد مرتاح ..
الشنطه الي حد ما صغيره - علي حسب احتياجك بقي عايز شنطه كبيره او صغيره -
التكييف نقدر نقول 7 من 10 - مش بياثر علي سحب العربيه -
الفتيس الاتوماتيك بتاعها - اللي عندي dualogic - معرفش هو هو اللي نازل في موديلات 2015 ولا لا ...
بس عامه هو مانيوال واتوماتيك في نفس الوقت .. بس مش اوتوماتيك زي الاوتوماتيك العادي .. هاتحس بكل نقله بياخدها اكنك بتنقل مانيوال بالظبط ..
... انا مش باقول ان العربيه وحشه او باكره حد فيها ...
هي جميله بس محتاجه عنايه كل فتره
حاجه بس اخيره حبيت ااكد عليها عشان اللي مقبل علي شراء العربيه دي ...
*** التوكيل مش بيضمن قطع غيار كتيييييييير جدا فيها ***
لازم تشوف كتاب الصيانه الاول مكتوب فيه كل حاجه خارج الضمان .. والحمدلله انا تقريبا غيرت اغلب الحاجات اللي التوكيل مش بيضمنها .. زي مايكونوا عارفين انها هاتبوظ لوحدها ...
واسف عالاطاله

معلش عايز اسأل هو حضرتك ازاي لحقت فرمت طقم الدبرياج ؟
ثم ان سعر 850 علي طقم الدبرياج (عدد 2 اسطوانة و2 بلية) يبقي سعر تحفة جداً وبصراحة أشك انه أصلي لأن عندي في عربيتي موديل 99 والطقم (عدد 1 اسطوانة و1 بلية و1 ديسك) ثمنه 725 جنيه وبردو بشك انه ألماني وحاسس انه اتحاد اوروبي

حاول تتأكد مرة تانية من سعر الطقم عندك لأنه ب2250 سعر مناسب جداً ليه ومش غالي ولا حاجة علي طقم ديوال لوجيك لعربية موديل 2013 صناعة اوربية في ظل غلاء اليورو

كمان عايز اقول لحضرتك انك بصراحة استهلك الطقم بسرعة جداً ودة معناه انك اما بتسوق في الزحمة كتير او عامل كيلومتر عالي اوي

تحياتي وربنا يوفقك

[Shmoab]

يا جماعه انا محتاره اجيب بونتو اوتوماتيك ولا خليني في ريو abs احسن عشان موضوع قطع الغيار و كمان الكيا اي ميكانيكي يفهم فيها مش زي البونتو.
و الريو نازل عليها تخفيضات اليومين دول، بس لسه الفرق لسه كبير بينهم في السعر؟!!
افيدوني!

[Anti_virus_abdo]

لو مكانك هجيب الريو, مش عشان الريو احسن, بس عشان الحاجات الي انت كتباها فوق قطع الغيار و الاعتمادية و كدا.
من الاخر, البونتو امتع و بكتير في السواقة, لو انت فعلا بتحبي السواقة و مستعدة تضحي عشانها بحاجات زي الاعتمادية مثلا.
لو عاوزة عربية زي ما بيقولوا just works هاتي الريو.

[Anti_virus_abdo]

لو مكانك هجيب الريو. مش عشان الريو احسن, بس عشان الحاجات الي انت كتباها فوق قطع الغيار و الاعتمادية و كدا.
من الاخر, البونتو امتع و بكتير في السواقة, لو انت فعلا بتحبي السواقة و مستعدة تضحي عشانها بحاجات زي الاعتمادية مثلا.
لو عاوزة عربية زي ما بيقولوا just works هاتي الريو.

[mhkorayem]

يا جماعه انا محتاره اجيب بونتو اوتوماتيك ولا خليني في ريو abs احسن عشان موضوع قطع الغيار و كمان الكيا اي ميكانيكي يفهم فيها مش زي البونتو.
و الريو نازل عليها تخفيضات اليومين دول، بس لسه الفرق لسه كبير بينهم في السعر؟!!
افيدوني!

على الرغم من اني من اشد المعجبين بعائله البونتو (بونتو وجراند وايفو) وكنت فعلاً هشتري جراند بونتو من 2008 بس محصلش نصيب بس انا شايف ان الريو اضمن كتيييير للاسباب التاليه
- التوكيل معروف من زمان وعامل شغل كويس في السوق غير وكيل فيات اللي لسه جديد ومحدش يقدر يعرف هو هيبقى كويس ولا لأ
- قطع الغيار ارخص كتير في الريو عن البونتو
- صيانات الريو اسهل وناس كتير بتشتغل فيها غير الوكيل بعكس البونتو
- اعاده البيع افضل بكتير البونتو تقيله اوي في اعاده البيع وبتخسر كتير
- ماتور الريو 107 حصان وده اعلى من البونتو حبه حلوين

الاسباب اللي فاتت دي كلها كانت سبب مباشر اني مشترتهاش سنه 2008 (كان ساعتها اومترا لسه وكيل جديد وكانت الناس لسه حاطه امالها على انه هيرفع اسهم العربيه دي في السوق بشكل كبير زي دلوقتي تقريباً) ولكن وبعد ما يقرب من 7 سنين انا مش شايف ان في اي حاجه اتغيرت وهي هي نفس المشاكل اللي تخلي الواحد يقلق يحط فلوسه في العربيه دي إلا إذا كان بقى مش فارق معاه الفلوس

[Mohamed_Hanafi]

يا جماعه انا محتاره اجيب بونتو اوتوماتيك ولا خليني في ريو abs احسن عشان موضوع قطع الغيار و كمان الكيا اي ميكانيكي يفهم فيها مش زي البونتو.
و الريو نازل عليها تخفيضات اليومين دول، بس لسه الفرق لسه كبير بينهم في السعر؟!!
افيدوني!

خليكي في البونتو، موفرة جداً في البنزين عكس الريو حريقة بنزين

[muhammmedzaki]

معلش يا جماعه انا عاوز اعرف أنهى افضل فورد فيستا ولا البونتو و شكرا

[mhkorayem]

خليكي في البونتو، موفرة جداً في البنزين عكس الريو حريقة بنزين

اختلف معاك في الكلام ده
انا معايا الريو بتعمل 270 كم في الصفيحه وده معدل من وجهة نظري ممتاز واحسن من البونتو
الناس اللي بتشتكي من البنزين في الريو يا بتبقى عربيات مش معمول لها تحديث للسوفت وير وده سهل بيتعمل في التوكيل بدون اي مشاكل مع العلم ان كل الجديد تقريباً نازل بالسوفت وير الجديد
يا اما ناس بتحس انها بتمون كتير وان التانك مش بيقعد كتير معاهم ومش رابطين ده بصغر حجم التانك عشان كده التفويله مش بطول معاهم ده لان تانك البنزين صغير
وحتى لو افترضت معاك ان الريو استهلاكها اعلى من البونتو فالفرق ده هدفع اكتر منه بكتير في فرق اسعار قطع الغيار والصيانات لان الفيات اغلى بكتير عن الكيا في الصيانه واسعار قطع الغيار

[Mohamed_Hanafi]

اختلف معاك في الكلام ده
انا معايا الريو بتعمل 270 كم في الصفيحه وده معدل من وجهة نظري ممتاز واحسن من البونتو
الناس اللي بتشتكي من البنزين في الريو يا بتبقى عربيات مش معمول لها تحديث للسوفت وير وده سهل بيتعمل في التوكيل بدون اي مشاكل مع العلم ان كل الجديد تقريباً نازل بالسوفت وير الجديد
يا اما ناس بتحس انها بتمون كتير وان التانك مش بيقعد كتير معاهم ومش رابطين ده بصغر حجم التانك عشان كده التفويله مش بطول معاهم ده لان تانك البنزين صغير
وحتى لو افترضت معاك ان الريو استهلاكها اعلى من البونتو فالفرق ده هدفع اكتر منه بكتير في فرق اسعار قطع الغيار والصيانات لان الفيات اغلى بكتير عن الكيا في الصيانه واسعار قطع الغيار

والله يا باشا ده الكلام بتاع مهندسين الصيانة اللي في التوكيل، انا سألت مثلا علي المرايات لقيتها ب ٢٥٠ و المفروض ان الاسعار بتاعة قطع العيار كانت غالية ايام توكيل اومانرا بس مع النيل الهندسية ارخص بكتير، الفكرة في مدي توافر قطع الغيار ديه في التوكيل، عشان لو مش موجودة في التوكيل اكيد هاتبقي مضطر تجيبها من بره و اللي شغالين بره في قطع غيار البونتو قليليين جداً عشان كده ممكن تلاقيها غالية شوية

بس من ناحية استهلاك البنزين انا اشهد للبونتو بصراحة بالكفاءة في الموضوع ده، ده غير ان التانك بتاعها اكبر و ده بيحسسك انك مش بتحط بنزين كل شوية يعني، مشكلة الريو ان التانك ٣٥ عشان كده تلاقي نفسك كل شوية بتحط بنزين

[mhkorayem]

والله يا باشا ده الكلام بتاع مهندسين الصيانة اللي في التوكيل، انا سألت مثلا علي المرايات لقيتها ب ٢٥٠ و المفروض ان الاسعار بتاعة قطع العيار كانت غالية ايام توكيل اومانرا بس مع النيل الهندسية ارخص بكتير، الفكرة في مدي توافر قطع الغيار ديه في التوكيل، عشان لو مش موجودة في التوكيل اكيد هاتبقي مضطر تجيبها من بره و اللي شغالين بره في قطع غيار البونتو قليليين جداً عشان كده ممكن تلاقيها غالية شوية

بس من ناحية استهلاك البنزين انا اشهد للبونتو بصراحة بالكفاءة في الموضوع ده، ده غير ان التانك بتاعها اكبر و ده بيحسسك انك مش بتحط بنزين كل شوية يعني، مشكلة الريو ان التانك ٣٥ عشان كده تلاقي نفسك كل شوية بتحط بنزين

عموماً انا اتمنى ان الوكيل الجديد ينزل قطع الغيار رخيصه وتكون متوفره ويتوسع في مراكز الصيانه بشكل اكبر عشان الفيات عربيه مظلومه في مصر بسبب الوكلاء اللي بيمسكوها لان الفيات في الـ 7 - 8 سنين اللي فاتوا كانت تستحق تحقق انتشار اكبر من كده بكتير سواء البونتو او البرافو او اللينيا
لكن لحد ما ده يتحقق فأنا شايف ان شراء الفيات مغامره غير مضمونه

[firestorme]

يا فندم لا شكر علي واجب بس انا بصراحة ماعرفش امكانيات الموديلات اللي فاتت ايه عشان اقارن بينها و بين الموديل ده.

بس لو هانتكلم علي عربية اقتصادية بصراحة انا شايف انها افضل عربية في فئتها مع بعض التحفظ في المقارنة بينها و بين العربيات الشبيهة ليها.

بمعني اخر مثلاً مندوب المعرض كان بيقارن بينها و بين الابيزا و ده غلط! الابيزا حاجة و البونتو حاجة تانية خالص ولا وجه للمقارنة، البونتو ممكن تقارن بالاتراج و الياريس و السوزوكي سويفت و الsuper i10 و عربيات من النوعية ديه.

و عموماً بردو هيه تعتبر عربية حلوة و اكيد هايحصل عليها تعديلات في السنين اللي جايه و خلي بالك ان اوماترا ماكانش مهتم بالعربية خالص بس واضح ان النيل الهندسية عايزة تسوق للعربية و عشان كده هما منزلينها بالامكانيات ديه دلوقتي عشان يشوفوا مدي انتشارها هايبقي عامل ازاي في الفترة اللي جايه و بناء عليه هما اكيد هايعدلوا فيها لو انتشرت كويس.

سؤال لحضرتك هو حضرتك بتقول انها متتقارنش مع الابيزا علي اساس ايه وقارنتها بحاجات مش فئتها اذا كان البونتو والابيزا واكورسا والبولو وفيستيا فئه واحده اللي هو supermini

[Mohamed_Hanafi]

سؤال لحضرتك هو حضرتك بتقول انها متتقارنش مع الابيزا علي اساس ايه وقارنتها بحاجات مش فئتها اذا كان البونتو والابيزا واكورسا والبولو وفيستيا فئه واحده اللي هو supermini

روح اعمل تيست درايف علي الابيزا و البونتو و شوف و احكم بنفسك

اتفرج علي تقفيل العربيتين و جودة الخامات المستخدمة و شوف و احكم بنفسك

العربيتين ماينفعش يتقارنوا ببعض اصلاً

[aebr_mustafa]

اسعار الايفو 2015 ومواصفاتها حد عارف عنها حاجة

[Mohamed_Hanafi]

اسعار الايفو 2015 ومواصفاتها حد عارف عنها حاجة

العربية اللي نازله السنة ديه مش ايفو ولا جراند بونتو، التوكيل بيقول عليها بونتو بس من غير اي حاجة كده :)

مانيوال ب ١٠٠ الف
اتوماتيك اول فئة ١٢٠ الف
اتوماتيك تاني فئة ١٤٠ الف

بالنسبة للمواصفات ممكن حضرتك تدخل علي FIAT و شوف مواصفات التلاته