مشكلة في ال 128

[Mecha]

مع إن ال 132 وال 131 دفع خلفي وال 127 وال 128 جر أمامي ..وفي فرق جوهري وكلي ونصفي في عفشة الفئتين ..اللي هي الدفع الخلفي أو الجر الأمامي ..


بالنسبة للمشكلة دي في قنطرة حديد بتبقى ماسكه الفتيس من تحت ..بتلاقيها كده كبيره وماسكه من صدر العربية من تحت لغاية نص الفتيس ..ودي اللي بتبقى شايله الفتيس مع المكنه من تحت ...أهي القنطره دي بقى مشهور أنها بتتشرخ في العربية دي ..والقنطره دي بتتفك وتتغير ..وفي ناس بتلحمها لحام كهربا ..عشان هي كبيره ولحام الغاز مش هيضبط معاها ..وفي ناس بتغيرها على بعضها ..هي عموما عامله في حدود 400 جنيه إستعمال ..ضروري جدا يتبص على القنطره دي ..وبعدين اللي يبص عليها ينزل تحت العربية ويكون معاه بلادوسه ويبص كويس عشان هي من ناحية الفتيس بتبقى مدفونه شوية بين الفتيس والمكنه ..ولو يقدر الميكانيكي يفكها ويطلعها بره ويبص عليها عشان ممكن تكون مشرخه من ناحية فوق ومش باينه ..ويتبص برضه على الركب اللي راكب فيها المقص ..تكون مشرخه أو حاجه ... ويتبص برضه على القنطره اللي قدام بالعرض اللي راكب فيها الميزان عشان برضه مشهور قوي في العربيه دي إن القنطره دي بتشرخ وبتفارق الوش بتاع العربية ..والشداد اللي فوق اللي راكب على المكنه وملحوم في صدر العربية ..هو الشداد ده لو فيه حاجه هتلاقي الفتيس بيرزع مع النقلات بس برضه يتبص عليه ..بس مادام المشكلة ظاهره قوي كده وفجه يبقى في الغالب المشكلة في القنطره بتاعة الفتيس اللي من تحت اللي أنا قلت عليها دي ..آه حاجه كمان ..خلي السمكري يقيس ما بين مسمارين المساعدين اللي فوق ..لازم المسافه بين المسمارين اللي فوق يكونوا 99 سم بالضبط ..لا تزيد ولا تقل ..لإن لو زات يبقى كده الشاسيه مفتوح ...وإحتمال يكون الكوبلن بيملص من مكانه مع السرعة العالية ..أو ممكن حضرتك تجيبي شريط أو مازوره وتقيسي المسافه ما بين مسمارين المساعد اللي فوق ..لازم المسافة بينهم تكون 99 سم

يا ساتر كل دي كوارث في شاسيه الفيات وعلي الصاج المحمل فيها .مش عارفين يعملوا شاسيه ماسك نفسه دي عربيه عره .صدق من قال fix it again tony

[Abo_Mazen]

يا ساتر كل دي كوارث في شاسيه الفيات وعلي الصاج المحمل فيها .مش عارفين يعملوا شاسيه ماسك نفسه دي عربيه عره .صدق من قال fix it again tony

يا باشا العربية دي اللي هي fiat 128 هي أول عربية جر أمامي في العالم ..وبيقال إنها تاني عربية جر أمامي في العالم بعد الستروين ..بصرف النظر عن إنها أول أو تاني ..فهي على العموم من أوائل سيارات الجر الأمامي في العالم ..كانت العربيات كلها دفع خلفي وقتها ..الجر الأمامي ده مكانش موجود أصلا ..فهي تعتبر باكورة إنتاج سيارات الجر الأمامي ..المشكلة مش في تصميم الشاسيه بتاعها ..المشكلة الأساسية في أبعاد تصميم الشاسية ..يعني الأبعاد والمقاسات بتاعة الحوض مع الصدر مع حجم الركب اللي من تحت مع خامة القنطره الحديد كل ده أعطاك في الآخر منظومة جر أمامي كويسه بالنسبه ليهم في إيطاليا مثلا ..لكن مع الإستخدام وخصوصا هنا في مصر..والمطبات والحفر اللي تقطم وسط أتخنها عربية بتظهر المشاكل دي ..