تقرير بعد 500 كيلو عن اللينيا

[lolo2884]

دلوقتى بس عشان الناس اللى ماتعرفش هتكلم عن كل حاجه موجوده فى العربية وانشاء الله مش هنسا حاجه والصور فى الاخر

المحرك

الازاحة:1400 سى سى
البيئة :يورو 4
اقصى قوة:57 ك وات (77حصان) عند 6000 لفة
اقصى سرعة 165 كم /س
الانطلاق من 100:0 فى 14.6 ث
استهلاك الوقود :7.5 لتر /100 كم عن تجربه
سحبها على فكرة والله مش ببالغ حلو جدا ومش حاسس انها عربية تقيلة ولا حاجه سحبها حلو قوى
ناقل الحركة
هيدروليك باور ستيرنج (باور بتاعها جميل جدا)
5 سرعات +الرجوع للخلف
الفتيس تحس انه بيروح لواحدو للغيار اللى انت عايزه وسلس جدا

الابعاد

الطول : 4.56 سم
العرض:1.73 سم
الاتفاع:1.5 سم
الوزن:1160 كجم
الشنطة: 500 لتر

الامان

*نظام مانع الانغلاق
*اتنين ايرباج ممكن تشغل النظام او تقفلو براحتك
*نظام توزيع ضغط الفرامل
*اتنين دعامة لكل باب
*دعامات لسطح السيارة
*احزمة امان قابلة للارتفاع والانخفاض
*جميع الابواب بتقفل اوتوماتيك اول العربية ما تتحرك
صفارة انذار لحزام الامان لازم تلبس الحزام انا بعتبرها بصراحة ميزة حلوة اوى والشركات المحترمة هيا اللى بتعمل كدا
*نظام تعطيل المحرك (واخد من التوكيل كارت فيه بيانات للمفتاح والكاسيت ماينفعش العربية تشتغل باى نسخة من المفتاح لازم الكود)
*التحكم فى غلق وفتح الزجاج الخلفى بمعنى بتقفله على اللى ورا مايعرفش يتجكم فى الزجاج الخلفى
* ثباتها رائع جدا جدا جدا على الطريق
*المحرك صوته واطى والبطارية جافه



الكماليات


*اربعة زجاج كهربائى
*اتنين مرايات كهرباء شكلهم خرافى
*طارة ملتى فنكشن
*جنوط اسبور 16 الكاوتش عرضه 195 مم والعربية عاليةعن الارض ومابتحكش فى المطبات والله عندنا مطب عملينوا اهالى مش مطب ده هضبه والعربية الحمد لله مابتحكش فيه الا بسيط ولو اخدته بزاوية سنه مابتحكش خالص اصلكو مش هتتخيلوا ده جبل كنت راكب مازدا 3 وحكت جامد قوى فى العفشة بتاعتها وزعلت قوى لصاحبها كنت حاسس انه عايز يعيط
*فوج لايت امامى وخلفى
*تعلية وتخفيض الاضاءة
*حساس رجوع
*مساند راس خلفية بالكنبه الخلفيه مع امكانية تحريكها على الوضع اللى يريحك
*سنترلوك
*ريموت كنترول فى المفتاح لوك وانلوك والشنطة
*فتح الشنطة والكابوت والتانك من الداخل
الطارة تتحرك 4 اتجاهات لاعلى واسفل وامام وخلف عجبانى اوى بتريحنى فى السواقه
*امكانية رفع وتنزيل الكرسى والى الامام والخلف وطبع ظهر الكرسى
*حامل اكواب
*تكييف ذو اربع مخارج فى التابلوة ومخرج اخر للركاب بالخلف التكييف حلو بس لازم تستنى عليه 6 دقائق وبعدين هتبرد وتقفلوا وحسيت انومش بياثر على العربية
*مرايات باضاءه فى الشماستين اللى قدام ونور قراءه امامى لمبتين وواحده كبيره ورا ضوئها حلو

*امكانية طى الكراسى بالخلف
سى دى بلاير وتحكم من الدريكسيون
*كميوتر رحلات بيقسلك مسلفة اى رحلة والبنزين اللى
استهلكتو ومتوسط السرعة والبنزين الموجود يكفيك اد ايه
*تسخين الزجاج الخلفى
*تعلى وتوطى اضاءة التابلوة




الخلاصه بقى
العربية ممتازة والله فى الاداء الحمد لله وشكلها بصراحى بيخطف من اول نظر
مش عارف الاقى عيب بصراحه حتى الكابوت طلع قصير مش طويل التحكم فيها سهل والعيب الوحيد اللى ممكن اتلكك فيه التكييف بياخد وقت على ما تحس بيه
العربية دى اعلى فئة تمنها 109000 مع احترامى لاصحاب العربيات اللى فى نفس الفئة العربية دى بجد الماستر حتى فى الوسع انا توكلت على الله والحمد لله ولو رجع بيا الزمن تانى هجيبها مليون مرة
اى سؤال انا فى الخدمة
هحطلكوا الصور بكرة انشاء الله كل مكان فى العربية

[abou_ruqi]

ازاي تولع التكييف وانت بتلين ؟؟؟؟

[CryptonX]

الف الف مبروك :) و عقبال ال 500 الف كم

و الله التوكيل لو يسوق السيارة دي تاخد البساط من الياريس الي تمنها وصل 124 الف جنيه !! و مفيهاش نصف الكماليات الي في اليينا و اصغر و اضيق و شكلها غريب !

ياريت توافينا كل فترة لانها سيارة فعلا تستحق مبيعات اكثر بكتير .

[lolo2884]

ازاي تولع التكييف وانت بتلين ؟؟؟؟

التوكيل قالى العربية متلينة برة بس ماتعديش 3000 Rpm والتكييف عادى

[Ahmed Anwer]

و الله التوكيل لو يسوق السيارة دي تاخد البساط من الياريس الي تمنها وصل 124 الف جنيه !! و مفيهاش نصف الكماليات الي في اليينا و اصغر و اضيق و شكلها غريب !

ياريت توافينا كل فترة لانها سيارة فعلا تستحق مبيعات اكثر بكتير .

التوكيل بيسوق العربيات

بس مبيستقرشي علي موديل كام سنة كده عشان الناس تعرفه و تاخد عليه

بحس انه بيستورد شحنات و لما تخلص خلاص

الف مبرووووووووووك العربية للأخ صاحب الموضوع

[lolo2884]

الف الف مبروك :) و عقبال ال 500 الف كم

و الله التوكيل لو يسوق السيارة دي تاخد البساط من الياريس الي تمنها وصل 124 الف جنيه !! و مفيهاش نصف الكماليات الي في اليينا و اصغر و اضيق و شكلها غريب !

ياريت توافينا كل فترة لانها سيارة فعلا تستحق مبيعات اكثر بكتير .

عارف ياباشا والله مشكلتنا انلو حد قال للتانى كل الناس جابت النترا كله يجيب النترا واحد يجيب لانسر كله يجيب لانسر والله انا ما احطهاش فى فئة الياريس خالص دى بره هتلاقيهم مقارنين بينها وبين هوندا سيفيك والنترا وتيوتا كورولا والله يبارك فيك ياباشا واللون الاسود فيها مخليها جميلة جدا

[zeyad1810]

الف مبروووك عليك ومستنى اعرف اخبارها اول باول

[mihma]

tab momken te2ollena eih 2a7`bar qeta3 el 3`eyar m3aak ???

[lolo2884]

tab momken te2ollena eih 2a7`bar qeta3 el 3`eyar m3aak ???

قطع غيار ايه ياباشا هو انا لحقت حرام عليك
بس التوكيل قالوا ان قطع الغيار كمان نزلت مع نزول اليورو وقطع غياره معقولة يعنى مش غاليه تيل الفرامل امامى اصلى ايطالى عامل 450 وشوف بيقعد اد ايه والفوانيس الامامية قبل نزول سعر اليورو كانت 1200 وطبعا انت شفت الفانوس عامل ازاى كل مليم بدفعه بصراحه شايفو فى محله

[mihma]

walahi ma 2asdy 7aga assl ana 7agez wee isa hasteleem youm el 7aad wee rabena yebareklak feeha insha2alllah ;) wee kama el 2as3aar kwisaah be el nesbah en heya itallly

[nasr-eldeen]

ألف مبروك يا باشا على السيارة وفعلاً السيارة دي جميلة جداً وربنا يعطيك خيرها ويكفيك شرها .
الفيات معروف عنها إنها سيارات بتسبق عصرها أنا كان معي بترا 2003 /1600cc 104حصان كانت خرافة بس كان فيها عيب في تسريب الكهرباء وغيرت لها 5بطاريات في 5 سنوات الأولى سنتان .
المهم معاليك أنا رحت اتفرجت على السيارة لدى الوكيل الشكل الخارجي رائع
موتور مش هتكلم عنه .
فرش 6من 10(خامات الفرش ).
عيب خطير خامة التابلوه تحس بعد كل ده وكل الجمال في السيارة تحس التابلوه بلاستيك .
الكنبة الخلفية تسع ثلاثة أفراد عاديين فقط مش مليانين .
وانت بتركب ورا لازم تاخد بالك من دماغك أنا خبط في برواز الباب من الأعلى (سقف لسيارة عند دخولي ).
البطارية مش جاااااااااافة خد بالك هي مفيش غطيان ظاهرة لأنه يوجد فوقها قطعة بلاستيك مستطيلة يمكن إزاحتها تحتها الغطيان خد بالك علشان دي نفس البطارية اللي كانت عندي في البترا .
الخلاصة السيارة أكثر من ممتازة بس لو تستقر في السوق وميجيش بعد خمس أو ست سنوات يتغير الموديل أو التوكيل كعادة فيات .
أنا ذهبت بنية شراؤها بس كنت فاكر ان اللي موجودة في التوكيل هي اللي موجودة على النت لكن وجدت اختلافات كثيرة .
الخلاصة ربنا يبارك لك هي سيارة تساوي أكثر من ثمنها بكتير .

[MohabSaeed]

الف مبروك يا باشا ربنا يباركلك فيها ان شاء الله
العربيه بالمقارنه بكل العربيات الى فى فئتها فهى احسن منهم بكتير و فيها كماليات و عوامل امان اكتر بكتير .

[lolo2884]

ألف مبروك يا باشا على السيارة وفعلاً السيارة دي جميلة جداً وربنا يعطيك خيرها ويكفيك شرها .
الفيات معروف عنها إنها سيارات بتسبق عصرها أنا كان معي بترا 2003 /1600cc 104حصان كانت خرافة بس كان فيها عيب في تسريب الكهرباء وغيرت لها 5بطاريات في 5 سنوات الأولى سنتان .
المهم معاليك أنا رحت اتفرجت على السيارة لدى الوكيل الشكل الخارجي رائع
موتور مش هتكلم عنه .
فرش 6من 10(خامات الفرش ).
عيب خطير خامة التابلوه تحس بعد كل ده وكل الجمال في السيارة تحس التابلوه بلاستيك .
الكنبة الخلفية تسع ثلاثة أفراد عاديين فقط مش مليانين .
وانت بتركب ورا لازم تاخد بالك من دماغك أنا خبط في برواز الباب من الأعلى (سقف لسيارة عند دخولي ).
البطارية مش جاااااااااافة خد بالك هي مفيش غطيان ظاهرة لأنه يوجد فوقها قطعة بلاستيك مستطيلة يمكن إزاحتها تحتها الغطيان خد بالك علشان دي نفس البطارية اللي كانت عندي في البترا .
الخلاصة السيارة أكثر من ممتازة بس لو تستقر في السوق وميجيش بعد خمس أو ست سنوات يتغير الموديل أو التوكيل كعادة فيات .
أنا ذهبت بنية شراؤها بس كنت فاكر ان اللي موجودة في التوكيل هي اللي موجودة على النت لكن وجدت اختلافات كثيرة .
الخلاصة ربنا يبارك لك هي سيارة تساوي أكثر من ثمنها بكتير .

بص ياباشا مع احترامى بحضرتك

الموتور انا جربته ورغم انها المفروض انها بتلين بس سحبه جميل
ثانيا خامة التابلوهات الجديدة كلها كده واللى حضرتك ماتعرفوش انها نفس خامة تابلوه نيسان تيدا وتيوتا كورولا وسوزوكى sx4 وعربيات كتير بالعكس ده اشد من التيدا عشان التيدا باردو كنت هجبها بس اللينيا احسن

ثالثا الكنبه اللى ورا واسعه جدا وانا قبل ما اشتريها قعدت اتنين اصحابى مخصوص وان معاهم والله الاتنين ماشاء الله مالينين وانا مش رفيع ولا تخين واحن التلاته مرتاحين

رابعا انا ولا مره دماغى ولا دماغ اى حد خبطت فى سقف العربية واخويا كمان طويل وماحصلش

خامسا بقى حضرتك بتقول انها مش جافة ورغم انى متاكد انها جافة من الكتالوج كلمت التوكيل حالا قالى انها جافة مليون فى الميه

مش عارف حضرتك جبت الحاجات دى منين انا املكها وانا مش هقول عنها كلام فى الهوا انا بقول تجربتى

وياريت حضرتك تتاكد من معلوماتك قبل ماتقولها

وشكرا

[eng/muhamad]

.
الخلاصة السيارة أكثر من ممتازة بس لو تستقر في السوق وميجيش بعد خمس أو ست سنوات يتغير الموديل أو التوكيل كعادة فيات .
أنا ذهبت بنية شراؤها بس كنت فاكر ان اللي موجودة في التوكيل هي اللي موجودة على النت لكن وجدت اختلافات كثيرة .
الخلاصة ربنا يبارك لك هي سيارة تساوي أكثر من ثمنها بكتير .

ممكن اعرف من حضرتك ايه الفرق بين اللى فى التوكيل و اللى موجوده على النت

[aratux]

إزاى 77 حصان؟ و 109 ألف؟؟
مش كان فيه 120 حصان؟