تقرير بعد 500 كيلو عن اللينيا

[lolo2884]

ممكن اعرف من حضرتك ايه الفرق بين اللى فى التوكيل و اللى موجوده على النت

بص حضرتك العربية دى اساسا بره يعنى اللى جيه مصر دى مش معمولة للشرق الاوسط مخصوص زى الناس مابتقول العربية دى نازل منها
1400 77 حصان
1300 90 حصان ملتى جيت
1400 120 حصان تربو تى جيت

واللى بتنزل مصر هنا
1400 77 حصان
1400 120 حصان تربو تى جيت
وفيات منزلة فئات واحنا بتجلنا فئة من الفئات اللى بتنزل بره مافيش ياياشا اختلاف غير فى خاصية بلو اند مى دى بلوتوث وتكييف تاتش ومافيش اى حاجه تانية
العربية ايطالى كاملة تقفيل تركى
بس انا مش بتاع سحب وشد فجبت 77 حصان وراضى عنها جدا

العربية بتتقفل فى كذا دولة البرازيل واوكرانيا وروسيا بس اللى جالنا مصر تركى العربية اوروبى 100 %

[lolo2884]

إزاى 77 حصان؟ و 109 ألف؟؟
مش كان فيه 120 حصان؟

ياباشا 120 حصان تمنها 115000
وناقصة جنوط 16 وفوانيس شبورة ورادار الباركينج

[CryptonX]

بص ياباشا مع احترامى بحضرتك

الموتور انا جربته ورغم انها المفروض انها بتلين بس سحبه جميل
ثانيا خامة التابلوهات الجديدة كلها كده واللى حضرتك ماتعرفوش انها نفس خامة تابلوه نيسان تيدا وتيوتا كورولا وسوزوكى sx4 وعربيات كتير بالعكس ده اشد من التيدا عشان التيدا باردو كنت هجبها بس اللينيا احسن

ثالثا الكنبه اللى ورا واسعه جدا وانا قبل ما اشتريها قعدت اتنين اصحابى مخصوص وان معاهم والله الاتنين ماشاء الله مالينين وانا مش رفيع ولا تخين واحن التلاته مرتاحين

رابعا انا ولا مره دماغى ولا دماغ اى حد خبطت فى سقف العربية واخويا كمان طويل وماحصلش

خامسا بقى حضرتك بتقول انها مش جافة ورغم انى متاكد انها جافة من الكتالوج كلمت التوكيل حالا قالى انها جافة مليون فى الميه

مش عارف حضرتك جبت الحاجات دى منين انا املكها وانا مش هقول عنها كلام فى الهوا انا بقول تجربتى

وياريت حضرتك تتاكد من معلوماتك قبل ماتقولها

وشكرا

اعتقد ان في سوء تفاهم حصل يا لولو !
الاستاذ بيتكلم علي البترا بتاعته مش اللينيا بتاعت سيادتك و الفرق بين الليينا سماء و ارض :) .

ممكن اعرف من حضرتك ايه الفرق بين اللى فى التوكيل و اللى موجوده على النت

علي حد علمي و مقارنتي سيارات فيات كلها الي في مصر بهل كل مواصفات الخارج ( النسخ المطروحة ) مش متشال منها اي حاجة موجودة الا اذا هي كدة برة ..

بمعنى لو في ليينا من غير كاسيت برة مثلا حتنزل هنا من غيره انما لو الي برة فيها مش حيتشال .. مش زي غبور يعني مفيش كماليات مصرية السيارة بتنزل زي ماهي بالظبط الا في حالة وجود جهاز ملاحة GPS و دي بيتشال علشان ممنوع فعلا ( بيبقى في نسخة من السيارة من غيره )

الفرق الاخر ممكن يكون خيار المحركات الي التوكيل نزلها بس برده التوكيل مش بينزل حاجة من دماغه يعني لو نزل اللينا ال 1400 77 حصان علشان في موديل فعلا كدة مش هو الي منقى الموتور يعني فاهمني ؟

إزاى 77 حصان؟ و 109 ألف؟؟
مش كان فيه 120 حصان؟

في نسختين من اللينيا في مصر موديل بمحرك 1400 77 حصان و ده بيبدا من 103 الف لحد 109
و في موديل 1400 تربو 120 حصان و ده نسخة واحدة بس ب 115 ( مش متاكد 100% من السعر ) .

انا عارف ان اللينيا اكبر و اد الانترا تقريبا بس انا كنت بقارنها بالياريس لسببين . الناس بتقول ان المحرك ضعيف ... و الياريس اقوى .. ألياريس 1300 - 85 حصان ( مش 92 زي كلان التوكيل ) يعني فرق 8 احصنة فقط بينما لا تمتلك نصف كماليات اللينيا حتى في اعلى موديل لها !

[lolo2884]

اعتقد ان في سوء تفاهم حصل يا لولو !
الاستاذ بيتكلم علي البترا بتاعته مش اللينيا بتاعت سيادتك و الفرق بين الليينا سماء و ارض :) .




!

لا ياباشا ده بقولى خد بالك من سقف العربية عشان اتخبط فيه
والبطارية مش جافة زى الاوبترا
والتابلوة بلاستيك
وضيقة
انا فعلا حاسس انه شاف عربية تانية مثلا سيينا
وحصل لبس معاه

[nasr-eldeen]

أنا بتكلم عن اللينيا السوداء اللي في معرض أوماترا 19ش وزارة الزراعة - الدقي - جيزة ص.ب :11321
وكان نفسي أكمل البينات بس علشان ميكونش إعلان

ممكن اعرف من حضرتك ايه الفرق بين اللى فى التوكيل و اللى موجوده على النت

الصور دي معاليك من النت
الصورة الأولى هي اللي على غلاف البمفريت بتاع أوماترا عن السيارة لينيا .
الصورة الأخيرة هي اللي داخل البمفريت .
تابلوه السيارة الموجود في مصر مختلف عن الموجود في هذه السيارة
وأنا سألت أستاذ / أحمد سمير في المبيعات وقولت له السيارة دي مختلفة عن اللي موجود في النت قال لي دي مش هتنزل مصر .قولت له حطين صورتها هنا ليه قال دعاية .
السيارة اللي في النت طبعاً الصورة الأخيرة بتاعة التابلوه بتعها .
فيها مثبت سرعة - إم بي ثري - بلوتوث - يو إس بي - تكييف تاتش ديجيتال - إمكانية توليف الموبيل على السيارة للتحدث عبر النظام الصوتي للسيارة - إمكانية الاتصال وإنهاء المكالمة من عجلة القيادة .
دي الفروق اللي بينها وبين الموجودة في مصر اللي هي أم 109000ج الموجودة في معرض أوماترا السوداء اللي في وش المعرض .
ومسئول البيع قال لي دي مش هتنزل مصر .
بالنسبة للأخ مالك السيارة .
يا أخي أنا ببارك لك على السيارة وبشكر في سيارات فيات مش مجاملة لك أنا بحب فيات ولو نظرت سيادتك للسيارات اللي ركبتها هتلاقيها فيات عدا اللانسر يعني أنا من 1997وحتى أول 2008 وأنا راكب فيات ولو مكنش موضوع تسريب الكهرباء في البترا اللي لم أجد له حل حتى في التوكيل أنا مكونتش فرت في الغول ده.
وبعدين تابلوه اللانسر مش بلاستيك ده جلد .
وبعدين أنا فعلاً والله وأنا بركبها في المعرض رأسي خبطت في حلق الباب الخلفي أيه المانع ما يمكن أنا طويل مايمكن أنا مخدتش بالي مايمكن أي حاجة وبعدين يمكن أنا بقارن اتساع صالونها باللانسر أو جايز البترا مدياني إنطباع إن الكنبة الخلفية ضيقة ، ليه لازم أكون متآمر على السيارة .
وبعدين أنا من أشد المعجبين بسيارات فيات وبالشركة نفسها بس هو موضوع تغيير الموديلات والوكلاء باستمرار هو اللي يقلق يعني أنا اشتريت البترا في 2003 ب 70000ج وبعتها في 2008ب50000ج على الوضع اللي في الصورة اللي في توقيعي بسبب إن مفيش منها جديد نزل سعرها لهذا الحد لدرجة ان اللي اشتراها نفسه قال لي انا عارف ان السيارة قيمتها اعلى من كده بس انا بشتري موديل انتهى .
ليه ترد عليا بالخشونة دي وبعدين أنا لما فتحت كبوت اللينيا وجدت نفس البطارية اللي كانت معي في البترا إنزل معاليك وشوف هتلاقي تحت الأفيز اللي ماسك البطارية هتلاقي في البطارية من المنتصف جزء منفصل على شكل مستطيل حاول تحريكة هتلاقي الغطيان تحت الجزء ده ، وحتى يا أخي لو كانت جافة برضة متكونش فظ غليظ القلب مع شخص بيحاول ينبهك لشيء ممكن يكون صح نقول شكراً على النصيحة أو خطأ نقول له كلامك خطأ بالحسنى .
وبعدين ايه التحيز الفظيع ده وانت يادوب عملت بيها 500كم أمال ان شاء الله ربنا يباركلك فيها ويعطيك خيرها ويكفيك شرها لما تكمل ال500000كم هتعمل فينا أيه هتضربنا بالنار .
على العموم ربنا يسمحك .

[nasr-eldeen]

لا ياباشا ده بقولى خد بالك من سقف العربية عشان اتخبط فيه
والبطارية مش جافة زى الاوبترا
والتابلوة بلاستيك
وضيقة
انا فعلا حاسس انه شاف عربية تانية مثلا سيينا
وحصل لبس معاه

يا ريت معاليك تقول لنا صورة التابلوه ده زي اللي عندك ؟؟؟؟؟؟؟؟؟؟
التابلوة اللي في مصر تكيف بكر عادي ثلاث بكرات .
وبعدين إنا مجبتش سيرة الأوبترا في كلامي خالص.

[mihma]

ya ged3an haddo nafsokooo shewaya Al e7`telaf fe el ra2y la yofsed lel wedd qadeyyaa ya3nyy el froo2 mabenaa we mabeen barra mesh gawhareeyaa wee kaman momken el 3arabeyaa elly teraya7aak matraya7sh 3`eeeraak bass thxx alll

[nasr-eldeen]

ya ged3an haddo nafsokooo shewaya Al e7`telaf fe el ra2y la yofsed lel wedd qadeyyaa ya3nyy el froo2 mabenaa we mabeen barra mesh gawhareeyaa wee kaman momken el 3arabeyaa elly teraya7aak matraya7sh 3`eeeraak bass thxx alll

كلام مظبوط جداً بس لازم لما أوصف السيارة اللي أنا راكبها اللانسر مثلاً أقول كل حاجة عنها لأن ممكن معاليك تقرأ هذا التقييم وتعجب بالسيارة لأنك لم تر أي عيوب بها وتقتنع بالسيارة وتشتريها وبعد كدة تكتشف شئ واضح لم يذكر لك .
ده الهدف من كلامي وأنا فعلاً كنت هبيع اللانسر سبورت 2008 واشتريها لو كانت هي التابلوه اللي في الصورة والمواصفات اللي في النت.
بس الأخ فهم كلامي خطأ وفهم إني بقلل من شأن السيارة ولو حد دخل في موضوع ثبات اللانسر هيشوف كلامي عن البترا شكله أيه من قبل نزول اللينيا .
والسيارة شكلها جميل جداً بس الفنش بتعها متوسط .
وقيمتها أكبر من سعرها .
وأنا متأكد إن موتورها غول كما أطلقت على البترا مع إن البترا 104ح .
بس برضة رأسي خبطت في الباب الخلفي وأنا داخل والبطارية مش جافة .
وشكراً لسعة صدركم .
والأخ صاحب السيارة ألف ملياااااار مليوووووون مبرووووووك .
وأنا بحب فياااااااااات.

[bakr_80]

الأستاذ نصر الدين .. حضرتك و الله راجل محترم جداً و مشاركتك جميلة و مفيده للجميع و انا متأكد ان الأستاذ lolo2884 لا يقصد الإساءة لحضرتك أبداً .. هو بس شوية حماس علشان العربية الجديدة ... ربنا يباركلوه فيها و مرة تانية ألف شكر لمشاركتك و ألف شكر يا lolo2884 علي التقرير الجامد.

ممكن حد يوصفلي فرع الدقي أو فرع مدينة نصر كويس بعد إذنكم ؟ا
انا نفسي أشوفها علي الطبيعة جداًً

شكراً جزيلاً
أبوبكر

[volcano12]

alf mabrouk ya basha, rabena yemlahalak baraka ya rab :)


Mestnayeen Takreer el 5,000 isa wa 3o2bal el million :)

[mahamedaraby]

الف مبروك ياباشا على العربيه وربنا يباركلك فيها وفى انتظار الصور

وعلى فكره التيدا فئه غير الليلينا التيدا 1600 سىسى 118 حصان

هى من وجهه نظرى اللينيا شكلها احلى من التيدا لكن الاداء معرفش الصراحه

[eng/muhamad]

يااااااااااااااااااريت يكون فى صور للعربيه و خصوصا التابلوووووووه
عاوزين صور للعربيه اللى فى مصر صور حقيقيه مش من على النت

[nasr-eldeen]

الأستاذ نصر الدين .. حضرتك و الله راجل محترم جداً و مشاركتك جميلة و مفيده للجميع و انا متأكد ان الأستاذ lolo2884 لا يقصد الإساءة لحضرتك أبداً .. هو بس شوية حماس علشان العربية الجديدة ... ربنا يباركلوه فيها و مرة تانية ألف شكر لمشاركتك و ألف شكر يا lolo2884 علي التقرير الجامد.

ممكن حد يوصفلي فرع الدقي أو فرع مدينة نصر كويس بعد إذنكم ؟ا
انا نفسي أشوفها علي الطبيعة جداًً

شكراً جزيلاً
أبوبكر

يا باشا ألف مليون شكر على الثناء الجميل ده وكلنا هنا إخوة في هذا المنتدى الجميل وهدف المنتدى تبادل الخبرات وانا استفدت الكثير من خبرات الأعضاء الموقرين .
ومعاليك بالنسبة لمعرض الدقي لو معاليك قادم من اتجاه الجيزة أو كوبري الجامعة فمعاليك تدخل شارع الدقى وتدي ظهرك لحديقة الأورمان وتعبر أعلى كوبرى الدقي وأول ما تنزل من الكوبري المعرض على يمينك .
لو معاليك قادم من المهندسين أو كوبري 6 اكتوبر يبقى تنزل آخر الكوبري وتدخل كما لو أنك في اتجاه الجامعة ومتطلعش كوبري الدقي وتلف من تحت الكوبري وهتلاقي السيارة سوداء في واجهة المعرض وهي فعلاً سيارة جميلة .

[CryptonX]

الف مبروك ياباشا على العربيه وربنا يباركلك فيها وفى انتظار الصور

وعلى فكره التيدا فئه غير الليلينا التيدا 1600 سىسى 118 حصان

هى من وجهه نظرى اللينيا شكلها احلى من التيدا لكن الاداء معرفش الصراحه

فيه لينيا 1400 تربو - 120 حصان . الفئة مش بالمحرك .

[DAIFSTYLE]

الف مبروك يا باشا انا كنت محتار والله بينها هيا والالنترا بس كلامك شجعني ويا رب اعرف آخد القرار بقى الف مبروك تاني يا باشا