فيات مظلومة فى مصر (وانا دمى محروق ونفسى اعمل حاجة...)

[kemo0o]

انت عارف ان مبدأ الفيات مترسخ عند المصريين انها 128 و 132 وكده يعني
انا مش بقلل من شأنهم والا ماكانوش هيفضلوا شغالين لحد دلوقتي والدليل على كده ان واحد صاحبي لما جه يشتري عربية وراح للجراند بونتو ... أبوه قال له انا مادفعش 100 الف في فيات !!

وفعلا الدعايه عليها قليلة جدا جدا مش عارف الوكيل مش مهتم ليه !

[M.almaghraby]

. أبوه قال له انا مادفعش 100 الف في فيات !!

بس دا الغلط علي ابوه مش فيات

[ahmadmidop]

نعمل ايه


طب نعمل ايه عشان نعلن عن موديلات فيات ونغير فكرة المصريين ان فيات هي العربية اللي بتعطل كل شويةوهي الي من ايام حرب اكتوبر نعمل ايييييييييييييييييييييييييييييييييييييه بس

[CryptonX]

طب نعمل ايه عشان نعلن عن موديلات فيات ونغير فكرة المصريين ان فيات هي العربية اللي بتعطل كل شويةوهي الي من ايام حرب اكتوبر نعمل ايييييييييييييييييييييييييييييييييييييه بس

اشتري كل دفعات جميع موديلات فيات من التوكيل و اركنها تحت بيتك

[Ghamrawy]

وينزل اللينيا بموتور 1400 كامة واحدة 8 صباب 77 حصان اقصي سرعة 160 كم يعني هو هواه موتور التمبرا دة اسمة كلام + تقفيل تركي وخامات مش قد كدة وسعر غالي وكمان رفع سعرها تاني
دة استهبال رسمي اليارس مثلا 1300 سي سي16 صباب وقدرة حصانية اعلي

انا واحد من الناس لاني مقتنع بفيات كنت عاوز اجيب اللينيا بس بالموتور دة مسحيل حتي التربو علي نفس الموتور وبرضو مستحيل التكنولوجيا دي خلصت اساسا
وانا بفكر دايما اني ما اشتريش تكنولوجيا مستهلكة وبالذات لو هاشتري زيرو
تيجي للبرافو حاجة مختلفة تماما الموتور 1400 سي سي 16 صبابا
القدرة بتاعتة عالية وكامن لما عملو نفس الموتور تربو طبعا حاجة محترمة زيها زي البسات والجيتا
السؤال اللي انا سألتو لنفسي سعر اللينيا الحقيقي يساوي كام
لقيت الاجابة بالموتور دة 85000 جم بس
انما لو بموتور البرافو تسوي فعلا سعرها ويحسنو من خامتها شوية
لان بجد العربية دي تحفة
ارجو ان الوكيل يصحي

ميزو باشا

انا معاك ان موتور اللينيا ال 77 حصان ده موتور يعتبر اقل من العادى على عربية بالحجم ده و معاك كمان ان العربية دى بالموتور ده اخرها 85000 ملطوش مصرى

بس فى معلومة احب اقولك عليها
موتور اللينيا التيربو ال 120 حصان 16 صباب 2 كامة
موتور البرافو التيربو ال 120 حصان برضه 16 صباب
موتور الجراند بونتو التيربو ال 120 حصان 16 صباب 2 كامة
الموتور ال 1368 سى سى بتاع فيات ده قوته بتراوح من 77 حصان لغاية 150 حصان مع اختلاف عدد الصبابات و وجود التيربو من عدمه

[semsem_uno]

يا جماعة انا علي الفيس بوك مغرق الدنيا اعلانات للفيات و صور و هعمل جروب جامد جداااا قريب هيبقي فيه مواصفات كل عربية بالأعلانات بالصور
ده غير اني كتبت عالمدرسة من الجنب كلها East Or West Fiat Is The Best اعمل اييييه اقطع نفسييي!!!!
ده غير المعاناه علشان اقنع حد بالعربيات الجديدة و القديمة
شعب ...... و بيحكم عالحاجة من غير ما يشوفها علي اساسها و يقارنها

[semsem_uno]

الحمد لله
مامت واحد معايا في الفصل حجزت البرافو و انا السبب ههههههههههه

[MegaDeth]

انا مستحيل اى عربية تشدنى الا اما تكون تستاهل بجد ويمكن السبب انى ركبت معظم الموديلات حتى الbmw x5-x3,ferari,bmw745i,523 nisan maxima,altima مرسيدس بجميع موديلاتها والخخخخخخخخخخخخخ طبعا كل العربيات دى جودة وتقفيل وخامات وقوة ومواصفات طبعا ولا كلمة!نيجى بقى للفيات (عربية تساوى كل جنية ادفع فيها لانك بتحصل على اداء ممتاز شكل فخم ومميز صالون جودة وخامات وتقفيل فوق الوصف وسيارة اعتمادية ومستحيل تلاقى عربية راكبها بنى ادم ودفع فيها فلوس ومش مبسوط بيها او بيشتكى منها انتو عارفين الفيات (شينكو شينتو) دى مثلا لو نزلو منها موديل السنة دى هاتبقى السيارة الصغيرة الاولى فى مصر مع شوية دعاية صغنططين انسىىىىىى لاتقولى (سبارك,ولا اى 10,ولا سبيرانزا, ولا العك دة ,اوماترالو سوقت شوية للينيا واتكلمت شوية عن مواصفتها والحاجات دى وتنزل اعلانات زى بتاعت الاوبترا كدة منى زكى واحمد حلمى والمفتاح والحوارات دى يبقى انسى قول على السوق يارحمان يا رحيم منصور شيفرولية هايخلى الاوبترا دى ب70000 مثلا لان كل الناس هاتروح تشترى لينيا اوجراند بونتو عربية ايطالى مش كورى وموتور نوبيرا هاتقولولى الفيات الجديد تقفيل تركى هاقولك تقفيل ماشى روح اتفرج على التقفيل وقول لنفسك مش تقوللى بس بردة هارجع اقولك ان بى ام دبليو ومرسيدس بيتقفلو فى مصر وفيات ولاكلمةةةةةةةةةةةةةةةةةةةةةةةةةةةةةةةةةةةةةة
وانتظروا موضوعى الجديد اللى هايكسر الدنيا!

على فكرة انت انسان محترم اوى
بجد يعنى انا نفسى اقولك الكلمه دى من فترة
انا بقرا كتير الردود بتاعتك و أرائك فى المواضيع
فعلا انت انسان بتفهم جدا جدا و فوق كل ده انسان زوق و محترم مش انى معرفكس و الله يشرفى اتعر عليك

و عاوز اقولك انت من خلال الردود بتاعتك صدقنى انا كرهت الألنترا و نفسى اركب لينيا بس خايف من التوكيل و قطع الغيار و الأهمال بتاعهم اللى سمعت عنه
و اكون شاكر ليك جدا جدا جدا لو عملت موضوع تتكلم فيه عن اللينيا بأستفاضه اكتر لأنى حابب اعرف عن العربيه دى كتير و حابب انى اعرف المعلومات دى من انسان بيفهم زيك

و شكرا
اخوك MegaDeth

[M.almaghraby]

سمسم انا عايز الاسعار التفصيلية اموديلات البرافو عشان في واحد بيفكر فيها وانا بحاول اقنعه بيها

[semsem_uno]

اتفضل يا باشا حاول تراجع الموضوع ده عن البرافو

http://www.nilemotors.net/Nile/showthread.php?t=79595

[semsem_uno]

fiat تعتبر رقم 1 فى السوق المصرى لو اتعملها داعلية كويسة ...
تخيلو يا جماعة البرافو مثلا ... موتور 1400 تربو 120 حصان وفتيس اوتو وفيها شيفتات خلف الدريكسون = تسارع من0-100 فى 9.6 ثانية
+ جنوط 17 متوحش اسود والكاوتش عرضة 225 !!
+تابلو مصنع نصة من الcarbon fibers
+ زجاج فامية ونظام صوتى خرافىىىىى وصب كبير فى الشنطة
+نظام blue&me وvoice command والوسع الداخلى العملاق ودا كلة ب160 الف

قارنوها بقا بالجولف الى بنفس السعر ....

طاسات 15 ...
مفيش نظام بلوتوث ولا حتى طارة مالتى فانكشن ...
ولا زجاج فامية وكاسيت سى دى عادى جدا 4 سماعات وضيقة من جوة ...
دا غير بقا الموتور الى بقا مع الشغب كلة .. 1600mpi 102hp +فتيس اوتو ستيب ترونيك عادى ومفيش حتى شيفتات وراالدريكسون ...
والتسارع من 0-100 فى 12.5 ثانية ....

ومحدش يقولى المانى وايطالى ... اركبوا الاتنين وشوفوا فرق التقفيل والخامات المستخدمة تكاد تكون احسن واقوى فى البرافو
وطبعا عيب اصلا نحاول نقارن بينهم فى الشكل والتصميم سواء الداخلى او الخارجى

بعد دا كلة .... شوفو الجولف قد اية فى الشوراع وقارنوها بالبرافو ...

انا مش عارف بقا دا عيب توكيل ولا عيب دماغ شعب بأكملة !!!

اسمحلي اقول ليك اني عايز اخد الرد ده و اكتبه علي الفيس بوك و في اغلب مناقشاتي لأني بقول الكلام ده و مش لاقي ناس فاهمة و بجد فعلا هي عيب دماغ شعب بأكمله و بالنسبة للخامات احنا عندنا هيونداي اكسيل موديل 97 و فيات اونو موديل 93 اركب الهيونداي هتلاقي التابلوه مشقق من فوق و شكله وحش و تابلوه الأونو اللي اققدم بكتير لسه كأنه جديد و ده اسبتلي ان فيات انضف خامات و كفاية حتي راحتك و انت قاعد عالكراسي
و بعدبن كلام حضرتك منطقي جدا جدا جدا فوق الوصف

[SharpArrow]

فعلا الحل اللى انا شايفه ان واحد يكون جامد ياخد توكيل فيات او يعمل توكيل فيات تاني يكون منافس لاوماترا ساعتها هيكون فيه منافسة بين التوكيلين و فيات هي المنتصرة في الاخر

فعلا فيات مظلومة اوي اوي اوي

[i_Am_Legend]

انا بجد مخنوق جداااااا.......

من اوماترا دة توكيل فى الضياااااااااااااااااااع.........

اه انا لو اشتغلت فى توكيل اوماترا دة ......

دة انا هاخلى البونتو السيارة الشعبية فى مصر ........

واللينيا بدل اللانسر والانترا .......

والبرافو مكان الاوكتافيا والجيتا والباسات والكورولا ..........

ااااااااااااااااااااااااااااااااا................

وهخلى الفيات 500 مكان المينى كوبر ومكان البيتلز......(مش متاكد قوى ....علشان بحب البيتلز اكتر...)

يارب اكرمنى واشتغل فى اوماترااااااااا......

والله انا جامد قوى فى العربيات

وتقريبا بفهم....!!!!

[semsem_uno]

يا رب ربنا يوفقك انا مش بهزر ربنا يحققلك الحوار ده
و انا كمان نفسي

[i_Am_Legend]

بصوا بقى .........

انتوا كلكم حبايبى .......

وعلى دماغى من فوق ...... وفيات فوق دماغى وفوق سقف اى عربية تانية.......

انا امبارح كنت فى اوماترا........

وتنشنت مع البياعين اللى جوة ........

(فرع البطل احمد عبد العزيز.....)........

تخيلوا التخلف وصل لايه.......!!!!!

البونتو الكلاسبك ......اللى جاية متشال منها الجنوط السبور والفوج لايت........ وكمان بقت 3 الوان ........نبيتى ورمادى وذهبى خنيق......

وكمان سعرها زاد (الفين جنيه)........

خليها بقى تصدى ......... وتولع وتتحرق وتتزفت على دماغها...............

كدة خلاص هى طلعت من المقارنات.......الجيتز والسيريون والسيلاريو والبيكانتو والاسبرانزا برقبتهاااااااااااااااااااااااااااااااااااااااااااا ااااااااااااااااااااااااااااااااااااااااااااا

شكراا يا فيات ...............

والمصيبة بقى الجديدة ...........(اللينيا كمان) بقت بتبدتدى من 130000 الف (ما بقاش منها غير تربو بس

بعد ما كان ناس اصحابى هايجيبوها بدل اللانسر والكورولا...... علشان يشغلوها سياحة ....


والمصيبة بقى البرافو كمان ....... المانيوال اغلى من الاوتوماتيك ب25000 الف جنيه...............

بس خلاص..... مش هتكلم تانى .............


اتكلموا انتم بقى ..................

علشان دمى اتحرق............................................. ................