حد يفيدني علي الجراند بونتو

[Ghamrawy]

هى فى اوماترا اسكندرية فعلا عاملة 90000 (جنوط-abs-ebd-سى دى اوديو)
100000 اوتو
بس فى حاجة غريبة بتحصل و هى ان الراجل بتاع المعرض كل يوم يكلمنى و يقولى انت مش حاتحجز؟؟؟ اللون حايخلص و كلام من ده كتييير

[SmartMega]

يبقي أكيد السعر هاينزل ...طالما كل شويه بيسألك
أكيد في حاجه هتحصل الفتره اللي جايه وخصوصا علشان الصيف داخل والموديلات الجديده قربت تنزل

[Ghamrawy]

يبقي أكيد السعر هاينزل ...طالما كل شويه بيسألك
أكيد في حاجه هتحصل الفتره اللي جايه وخصوصا علشان الصيف داخل والموديلات الجديده قربت تنزل

ياريت و مين يكره
و الادهى من كده انه عايزنى ادفع 70000 و استلم بعد 3 اسابيع و ادفع الباقى

[Mohamed_Sameh]

الأسعار حتنزل حتنزل أتوقع انها تبقى رسمى ب 85 ألف بس لو حاولت تفاصل مع الوكيل ممكن تأخدها ب85 جرب تقوله أنا حدفع 85 كاش و أخدها النهارده لأ بلاش قوله دلوقتى و صدقنى مش حيستحمل انت بس استنى يكون اللون اللى انت عايزه موجود احنا فى القاهرة بيوصل تمنها عند تجار عاديين مش موزعين معتمدين ل87 و 88 و ممكن دول تفاصلهم برده تخيل انت ممكن تعمل ايه مع الوكيل اللى معاه أكبر هامش ربح

[Ghamrawy]

الأسعار حتنزل حتنزل أتوقع انها تبقى رسمى ب 85 ألف بس لو حاولت تفاصل مع الوكيل ممكن تأخدها ب85 جرب تقوله أنا حدفع 85 كاش و أخدها النهارده لأ بلاش قوله دلوقتى و صدقنى مش حيستحمل انت بس استنى يكون اللون اللى انت عايزه موجود احنا فى القاهرة بيوصل تمنها عند تجار عاديين مش موزعين معتمدين ل87 و 88 و ممكن دول تفاصلهم برده تخيل انت ممكن تعمل ايه مع الوكيل اللى معاه أكبر هامش ربح

من شوية صغيرين جالى خبر بس مش متاكد من صحته و هو :نزول شكل جديد للجراند بونتو تقفيل تركى،انا عن نفسى مش مستعجل خالص حتى لو حاينزل السوق على اخر شهر 9
بالنسبة للفصال،الوكيل مش عايز ينزل ولا مليم و لا حتى يطلع هدايا مع العربية (دواسات-غطا-وصلة USB)

[Mohamed_Sameh]

من شوية صغيرين جالى خبر بس مش متاكد من صحته و هو :نزول شكل جديد للجراند بونتو تقفيل تركى،انا عن نفسى مش مستعجل خالص حتى لو حاينزل السوق على اخر شهر 9
بالنسبة للفصال،الوكيل مش عايز ينزل ولا مليم و لا حتى يطلع هدايا مع العربية (دواسات-غطا-وصلة USB)

سيبك من الوكيل لو رحت لأى تاجر كبير عندكو زى المصرية تقريبا ليهم فرع دول لذاذ جدا أولا بيعمل خصم عن السعر الأصلى و ثانيا بيتفاصل أنا سمعت من واحد انه جاب منه هيونداى أكسنت أوتوماتيك فاصل معاه و نزلها من 88 ل 86 الكلام ده من حوالى 9 شهور تخيل دلوقتى أكيد هوا بيبعها بسعر أقل من الوكيل و لو دورت على المعارض اللى عندكو حتجيبها بسعر جامد ...اسكندرية حلوة و عربية زى دى حتحس انها فى ايطاليا مش اسكندرية و بالذات الدنيا عندكو فاضية معظم السنة ...أنا نفسى أعيش هناك فعلا

[Ghamrawy]

سيبك من الوكيل لو رحت لأى تاجر كبير عندكو زى المصرية تقريبا ليهم فرع دول لذاذ جدا أولا بيعمل خصم عن السعر الأصلى و ثانيا بيتفاصل أنا سمعت من واحد انه جاب منه هيونداى أكسنت أوتوماتيك فاصل معاه و نزلها من 88 ل 86 الكلام ده من حوالى 9 شهور تخيل دلوقتى أكيد هوا بيبعها بسعر أقل من الوكيل و لو دورت على المعارض اللى عندكو حتجيبها بسعر جامد ...اسكندرية حلوة و عربية زى دى حتحس انها فى ايطاليا مش اسكندرية و بالذات الدنيا عندكو فاضية معظم السنة ...أنا نفسى أعيش هناك فعلا

اتفق معاك فى كل اللى قولته ماعدا اللى جاى "و بالذات الدنيا عندكو فاضية معظم السنة "
دلوقتى الدنيا زحمة طول اليوم و المشوار اللى كنت باروحه من كام سنة فى نص ساعة دلوقتى عايزله ساعة و نص و ممكن يزيدوا لو مش لاقى مكان تركن فيه

[H_M]

باشا انا لسه مشتري جراند بونتو من اوماترا من اسبوعين بس واحب انبهك لكام نقطه مهمين:

- سعر الجراند بونتو 2009 هو 90000 فعلا
- الجراند بونتو 2009 عند الوكيل (أوماترا) فيه منها اصدار جديد اللي هو نازل بفرش قطيفه والكنسول بتاع التابلوه واخد نفس لون العربيه وكمان جنوط سبور
- خلي بالك ان الاصدارين بنفس السعر 90000 يعني هما معتبرين الاصدار الجديد ارخص عشان فيه امكانيات اكتر وبنفس السعر
- الاصدار الجديد مش موجود عند اي موزع وموجود في أوماترا فقط
- العربيه ممتازه جدا جدا في القياده وفيها فخامه عاليه وثباتها رائع في الملفات
- خلي بالك ان مركز الصيانه بتجدد من ناحيه توافر قطع الغيار وتحسين الخدمه حاليا والنقطه المهمه انك لو شاري العربيه من الوكيل اوماترا بيكون ليك اولويه في مركز الصيانه من ناحيه الوقت وتوفير قطع الغيار اللازمه
- الضمان الحالي للعربيه 3 سنين بدون حد اقصى للكيلومترات

تحياتي للجميع

[SmartMega]

تسلم ياباشا كلام جميل ومفيد جدا
ربنا يباركلك فيها ويكفيك شرها بإذن الله

[loodaa]

يا جدعان العربية زي الفل بس ربنا رزقني بواحد تقريبا وهو بيركن خبطني في الاكصدام اللي ورا هو ماتطبقش بس اتخربش في حتة صغيرة كدة بتاع 4 سنتيمتر هي العربية متأمن عليها فايه رايكو اروح اصلحها وادهنها في التوكيل ولا استنا اعمل الموضوع دة مع صيانة ال5000 كيلو

[Ghamrawy]

يا جدعان العربية زي الفل بس ربنا رزقني بواحد تقريبا وهو بيركن خبطني في الاكصدام اللي ورا هو ماتطبقش بس اتخربش في حتة صغيرة كدة بتاع 4 سنتيمتر هي العربية متأمن عليها فايه رايكو اروح اصلحها وادهنها في التوكيل ولا استنا اعمل الموضوع دة مع صيانة ال5000 كيلو

الحمد لله فى الاول و الاخر و انصحك تسيبك من الخبطة دى دلوقتى

[Ghamrawy]

باشا انا لسه مشتري جراند بونتو من اوماترا من اسبوعين بس واحب انبهك لكام نقطه مهمين:

- سعر الجراند بونتو 2009 هو 90000 فعلا
- الجراند بونتو 2009 عند الوكيل (أوماترا) فيه منها اصدار جديد اللي هو نازل بفرش قطيفه والكنسول بتاع التابلوه واخد نفس لون العربيه وكمان جنوط سبور
- خلي بالك ان الاصدارين بنفس السعر 90000 يعني هما معتبرين الاصدار الجديد ارخص عشان فيه امكانيات اكتر وبنفس السعر
- الاصدار الجديد مش موجود عند اي موزع وموجود في أوماترا فقط
- العربيه ممتازه جدا جدا في القياده وفيها فخامه عاليه وثباتها رائع في الملفات
- خلي بالك ان مركز الصيانه بتجدد من ناحيه توافر قطع الغيار وتحسين الخدمه حاليا والنقطه المهمه انك لو شاري العربيه من الوكيل اوماترا بيكون ليك اولويه في مركز الصيانه من ناحيه الوقت وتوفير قطع الغيار اللازمه
- الضمان الحالي للعربيه 3 سنين بدون حد اقصى للكيلومترات

تحياتي للجميع

معلومات وافية جدا و فعلا الفخامة عالية و التقفيل من جوه يفتح النفس اما بالنسبة للموزعين فالعربية فعلا غير متوافرة عندهم و طارق اسماعيل فى اسكندرية مش عارف يجيب ولا واحدة من الاصدار ده .
سؤال تانى هى العربية دى مش ممكن يتركبلها وش 16 صباب بدل من ال 8 و يتغيرلها الكونترول ؟؟

[nnff909909]

مفيش صيانة 5000 أول صيانة 10000

[bishoy02010]

يا جدعان العربية زي الفل بس ربنا رزقني بواحد تقريبا وهو بيركن خبطني في الاكصدام اللي ورا هو ماتطبقش بس اتخربش في حتة صغيرة كدة بتاع 4 سنتيمتر هي العربية متأمن عليها فايه رايكو اروح اصلحها وادهنها في التوكيل ولا استنا اعمل الموضوع دة مع صيانة ال5000 كيلو

أعتقد انك لو سبت الخبطة لغاية صيانة ال 10 تلاف يكون احسن واهى تاخد العين زى مبيقولوا وطالما مش مأثرة فى حاجة معاك فخلاص :)

[nnff909909]

في إصدار من العربية
16v
إذا عايزه لازم تدفع 50% من تمن العربية وهما حيطلبوها من إيطاليا وحتستنى كتير شوية وأكيد حيدفعوك أكترر