حد يفيدني علي الجراند بونتو

[esraagobran]

Stay away from AVEO, it's the worest car ever, i've had it for 2 years now,& i spent so much money on fixing it,.
It's so unsafe , worse than riding a bicycle.

[Anti_virus_abdo]

ممكن يتعمل لها aux

ازاي؟؟

basha, ana ba3tlak 3la fekra resala 5asa yb2a Plz read it :)
w thxx

[loodaa]

الرسالة لم تقرأ عندي وأظن كان عنوانها كماليات الجراند بونتو.
هي تكييف وبور بيقسو حسب السرعة ونظام city لتنعيم الدركسيون في حالات الركن وسنترلوك بالريموت (خارجي) وداخلي بزرار دا غير ان العربية بتقفل المسوجر أوتوماتيكيا لو السرعة زادت عن 20 Km /hour وتريب كومبيوتر وشاشة عرض لاي حاجة تحصل في العربية مع صفارات انذار ( مثلا لو مش لابس الحزام أو فرامل اليد نسيتها مرفوعة والعربية ماشية) وفتح الشنطة من الداخل بذرار أو من الخارج بالريموت و اتنين ايرباج وزجاج كهربا أمامي وكراسي فرش قطيفة يمكن تعديل وضعها في جميع الاتجاهات هيدروليكيا وكاسيت audio CD اصلي بتاع العربية وايطالي 100%.
بالنسبة للموتور هو 1400cc قدرتة 77 حصان عند 6000 rpm ولحد دلوقتي ماحستش ولو للحظه ان السحب قليل أو الموتور مش شايل العربية بالرغم من تحميلها 5 أفراد والتكييف شغال.

[nnff909909]

باركولي .... استلمت النهاردة السودا
الفرامل فعلا لمسة بتفرمل العربية

[abou_ruqi]

ألف مبروك
مانيوال والا ايزي ؟
باكيدج 1 والا 2 ؟

[SmartMega]

الف الف مبروك يا أستاذ nnff909909 ربنا يباركلك فيها ويكفيك شرها بإذن الله

[Mohtofy]

ممكن يتعمل لها aux

ازاي؟؟

على فكرة فيه جهاز كدة واحد زميلى جابه بيدخل مكان ولاعة العربية ومزود بمدخل USB للفلاشه ومدخل لكارت الموبايل ممكن تحط أى واحد منهم وتعيش مع الأغانى اللى إنت محملهم.... أظن الجهاز ده بحوالى 70جنية

[loodaa]

الف مبروك يا أستاذ nnff909909 و ان شاء الله ربنا حيباركلك فيها ويكفيك شرها. بالنسبة للفرامل مع الوقت حتتعود عليها والفرامل نفسها حاسس انها بتتعود على الدوسة بتاعتك.بالنسبة للجهاز دة بتظبطه علي تردد معين وتشغل الراديو على نفس التردد حتلاقيه جايب الاغاني اللي على الفلاشة.أنا عندي استفسار بسيط هو انت في فتحة ولاعة العربية الولاعة موجودة ولا لأ.

[nnff909909]

الله يبارك فيكم
أنا جبتها باكيدج ون مانيوال

لا الولاعة مش موجودة ولا مسند الايد
والزجاج اللي ورا مش كهربا

[nnff909909]

وفي لمبة حمرا ورا على الشمال بتتفتح وتتقفل بزرار
مش عارف فايدتها ايه

ولمة برجع مارش لمبة واحدة بس بتنور ابيض

[SmartMega]

علي فكرة طالما الولاعه مش موجوده في مكانها تبقي مسروقه هم بيعملوا كده في التوكيل او في المركز اللي أنت شاريها منه بياخدوها من العربيه مع انها بتبقي نازله بيها الحوار ده حصل مع واحد صاحبي بس كان في كيا ريو

[loodaa]

يعني اروح اقولهم فين الولاعة ولا خلاص ولا اية مش عارف و هي ليها استخدامات تانية غير السجاير ولا لأ

[loodaa]

اللمبة الحمرا اللي علي الشمال دي لمبة شبورة وبتنزل في كل الموديلات. اما اللي علي اليمين دي لمبة المارشدير وبتنور لما تجيب الفتيس علي الreverse .

[nnff909909]

لا هم مش حارامية ولا حاجة
لان غطاء الولاعة موجود بس الفكرة ان الولاعة دي إكسسوار

لو دخلت على موقع فيات وطلبت عربية وعايز تختار مواصفاتها
حتلاقي حاجة اسمها smoking pakage
دي فيها الولاعة وطفاية سجاير
بتضفها وتدفع مبلغ زيادة مش فاكر كام

الولاعة حتستخدمها في ايه غير السجاير
وانا مش بدخن فا ملهاش اي لزمة بالنسبة لي

[loodaa]

وانا ذي حالاتك برده.واية اخر اخبار السحب والمطبات ورخصتها ولا لسة