أختيار سيارة ؟

[mnegypt]

أنا عاوز أشتري عربية لأسرة صغيرة و أنا ساكن في 6 اكتوبر و شغلي في مدينة نصر
عاوز عربية تستحمل المسافة دة كل يوم و توفر في البنزين و تكون مقايس الأمان فيها عليا و سعر أعدة البيع يكون كويس نسبيا
و يكون سعرها بين 70 و 85
تنصحوني بأه؟

[eng_elnaggar]

lancer

[hazem_khidr]

abou ahmed كتب:

lancer

+1

[fahd_628]

راى ياريس

[أبوسيف]

لو تقدر تزودهم ل 90 هات لانسر 1600 لو ما تقدرش هات ياريس ، موتور الياريس ال 1300 أحسن من اللانسر 1300 ممكن كمان تفكر فى الهوندا سيتى أو ماتريكس فى نفس الفئة السعرية اللى انت محددها ، وربنا يوفقك :)

[محمدايهاب]

الأمان + استهلاك البنزين +طول العمر +سعر إعادة البيع
دي أكيد اليارس

[hazem_khidr]

محمدايهاب

+سعر إعادة البيع

اعتقد ان النقطه دي اللانسر حتتفوق عن الياريس

[معاذ الشرباصى]

اقتباس:

+سعر إعادة البيع


اعتقد ان النقطه دي اللانسر حتتفوق عن الياريس

ضيف عليها ان الياريس مستقبلها مبهم

مش معروف هل هى فعلا نسخة افضل من الاكو, و لا لأ

لكن اللانسر تتفوق فى النقطة طول العمر برضه

و لو عاوز عربية 1600 ممكن تفكر فى الواجا

[محمدايهاب]

ضيف عليها ان الياريس مستقبلها مبهم

الكلام ده مش دقيق اليارس باعت أكتر من 4000 عربية في أقل من سنة و كمان أخذت جوايز كتيير جدا في مواقع متخصصة و ناس شغلها التقييم سواء اختبارات الأمان أو JP POWER أو whatcar

لكن اللانسر تتفوق فى النقطة طول العمر برضه

بص ذي ما انت قلت العربية جديدة و النقطة دي لسة بدري في الحكم عليها و لا هي كوسة ولا أيه :mrgreen:
بس بشكل عام تويوتا كشركة أحسن من ميتسوبيشي

و لو عاوز عربية 1600 ممكن تفكر فى الواجا

أيوة فكر بس ما تقررش في اللانسر أو التويوتا

[معاذ الشرباصى]

بص ذي ما انت قلت العربية جديدة و النقطة دي لسة بدري في الحكم عليها و لا هي كوسة ولا أيه
بس بشكل عام تويوتا كشركة أحسن من ميتسوبيشي

شوف يا محمد اللانسر مو التسعينات عاملة ازاى, و الايكو عاملة ازاى

اللانسر فى مصر سمعتها احلى من الياريس طبعا, و اثبتت جدارتها عكس الياريس اللى مكملتش سنتين على بعض

[mnegypt]

الجراند بونتو

طب أه رأيكم في الجراند بونتو؟

[hazem_khidr]

عربيه جميله جدا لكن لو انت حتقدر تتحمل عدم فهم التوكيل و قطع غياره الغاليه نسبيا

[Mahmoud_405]

انا راي الهيونداي الانترا بجد دي احسن عربية كوري في السوق وتفرقشي عن الياباني كتير وسعرها مناسب ومتورها قوي.........
بس انت لو عايز حاجة ياباني حتبقي 1300 علشان معظم العربيات اليباني ال 1600 بتبدا من 9200 الي هي الانسر العادية والنيسان صني. فانت اختار 1300 ياباني ذي اليارس و السيتي 1300 او 1600 كوري ذي الانترا او النوبيرا او الاوبترا...

اليابان اجود في المواد الخام بس ا1300 ضعيف شوية خصوصا لو حتسافر كتير وانت مشغل التكيف.
الكوري حلو بالنسبة لسعره ومتوره اقوي من ال 1600 اليباني الانترا تقريبا 122 حصان واليارس 92 حصان .

فالبنسباللك هات الموتور الاقوي الي هو الكوري لانك حتسافر كتي....... و ربنا يوفك في اي عربية تجبها

[فادى]

حاول تبعد عن اليابانى و الكورى و عليك بالشاهين أو الجراند بونتو ليه؟
لأن المسافة التى سوف تقطعها يوميا تقترب من ال100 كلم و لو حسبت المسافة الى هتقطعها فى السنة ممكن تعملك 30000 كلم و العربيات اليابانى و الكورى عمرها الافتراضى 100 ألف كلم يعنى تلات أربع سنين و هتخش فى عمرة و اصلاحات ووجع دماغ بينما عمر الفيات 250ألف- 300 الف كلم و عمر المرسيدس 350-400 ألف كلم عشان كده خليك فى الأوروبى أضمن.

[Karim_Monir]

يا فادي حرام عليك
عمر مواتير الياباني 100 الف
ليه
دي لو ماروتي تعمل اكتر من كدة
بعيد عن الاراء دي
ليه مافكرتش في السيتي
روعة بجد وموتور ال 1300 تحفة على وزنها وهايبقي موفر موووت في البنزين
انا رايي ياما لانسر 1300
او سيتي 1300